Dagblaðið Vísir - DV - 11.08.1990, Blaðsíða 6

32
LAUGARDAGUR 11. ÁGÚST 1990.
Bflar
x>v
Citroén XM V6.24:
Tölvustýrt töfrateppi
Sennilega hefur engin gamalgróin
bílaframleiðsluþjóð sótt sig eins mik-
ið á síðustu árum og Frakkar. Citro-
én hefur raunar lengi verið framar-
lega í flokki framúrstefnubíla og á
stundum hefur meira verið lagt upp
úr frumleika en hagnýti og endingu
á þeim bæ. Síöustu árin hefur áhersl-
an hins vegar greinilega verið á hag-
nýti og vöruvöndun almennt, upp
í alhliða íburð, þægindi og öku-
hæfni.
Stóri lúxusbíllinn Citroen XM hef-
ur hlotið feiknagóðar viðtökur á Evr-
ópumarkaði. Hér á landi hefur hann
lítið sést ennþá; þó sendu Frakkar
hingað tvö eintök af topptýpunni, XM
V6.24, nú í sumar til að taka af hon-
um auglýsingamyndir við þær frum-
stæðu ökuaðstæður sem ísland býð-
ur upp á. (Innskot: Samkvæmt upp-
lýsingum BT Bilen í Kaupmanna-
höfn 2. ágúst 1990 er aöeins einn bíl-
vegur á Islandi nokkurn veginn ak-
fær, þjóðvegur nr. 1, hringvegurinn,
og er þó á honum fjöldi óbrúaðra
vatnsfalla.)
Tölvutækni og sjálfvirkni -y
DV-bílar höfðu þennan tiltekna bíl
með höndum eina kvöldstund að
afloknu myndastandi. Þar sem hann
var aðeins sendur hingað til mynda-
töku var minna skeytt um að allt
vaéri í honum sem ætlast er til að sé
í svona bíl. Þó var allt með sem til
þurfti til að aka honum og gera sér
grein fyrir eiginleikum hans.
Citroen XM hefur áður verið tek-
inn til rækilegrar umijöllunar, þegar
hann var kynntur blaðamönnum í
Frakklandi sem nýr bíll. Það sem hér
fer á eftir er því aðeins viðbót og al-
mennar lýsingar á lúxusgripnum.
Þar má kannski fyrst til taka að
tölvutækni og sjálfvirkni almennt er
ríkjandi í þessum bíl. Hann er að
sjálfsögðu með tölvustýröri innspýt-
ingu og kveikjubúnaði sem tryggir
hámarks nýtingu undir öllum kring-
. umstæðum. Hafi bílnum verið læst,
sem auðvitað gerist með fjarlæs-
ingu/samlæsingu, þarf ökumaðurinn
að opna litla tölvu í gírstokknum og
slá inn lykilnúmerið sitt, ella getur
hann startað bílnum rafmagnslaus-
um án þess að hann fari í gang. Þetta
er til þess að óhlutvandir aðilar
veigri sér við að reyna að taka grip-
inn ófrjálsri hendi - og lykilnúmer-
inu getur sá sem kann breytt á auga-
bragði ef hann hefur grun um aö
„björnebanden" hafi komist aö lykil-
númerinu.
Eins og eldflaug eða frænka hennar, rennilegur í formunum og greinilega Citroén - XM V6.24.
Leður, rafmagn og sjálfvirkni er það sem einkennir þennan bíl útlitslega.
Engin skömm að skutlast á honum út í búð - eða að taka á móti vildarvini
i Leifsstöð ...
Afbragðs fjöðrun
Fjöörunin á bílnum er líka tölvu-
stýrð, Hydractive, mikil ágætisfjöðr-
un sem þeir hjá Citroön eru heldur
ekki svo lítið stoltir af. Hún er ýmist
stillt á „sport“ eða „auto“ og munur-
inn er sá að sé hún stillt á „sport"
er hún alltaf hörð og sportleg, en á
„auto“ velur bfllinn sjálfur það sem
best við á, miðað við veg og ökulag
þess sem er við stýrið þá stundina,
og bregst við á því broti úr sekúndu
svo að eftir að framhjólin hafa farið
yfir ójöfnu hefur afturfjöðrunin
fengið viðeigandi skflaboð til aö
bregðast rétt við þegar afturhjólin
koma að sama stað. Enda hlýtur XM
að kallast töfrateppi að ferðast á.
Rásfestan afbragð á bundnu shtlagi,
en á nýhefluðum, lausum íslands-
vegi fannst mér bíllinn heldur laus á
kostunum. Af því að ekki var ráðrúm
til að kanna það mál til hlítar, enda
bíllinn ekki til raunverulegs reynslu-
aksturs, kenndi ég dekkjunum um
það til bráðabirgða.
Enn ein tölvan er í hita-, kæUngar-
og loftræstikerfi bílsins. Bílstjórinn
stillir bara á þá hitagráðu sem hann
viU hafa í bílnum og svo ekki orð um
það meir.
V6 24 ventla
Þá er komið að því að fara fáeinum
orðum um véhna í bílnum. Hún var
svo ný þegar bíllinn var hér á ferð
aö ekki voru tiltækar í bæklingum
upplýsingar um helstu tölur vélar-
innar. En með því að draga nokkuð
að skrifa um gripinn hefur þetta skil-
að sér. Vélin er sex strokka, V-laga,
3000 cc að rúmtaki með 24 ventlum
(fjórum á hverjum strokki) og skilar
200/147 ha/Kw DIN við 6000 sn/mín.
Snúningsvægið er ekki af lakari end-

HUGSUM FRAM Á VEGINN

IM ISÁMÖL A ^wiilVIVh ilixERÐAR
anum: 260 Nm v. 3600 sn/mín. Við-
bragð veröur kyrrstaða tU 100 km
hraöa á 8 sekúndum og hámarks-
hraði er uppgefinn við 235 km/klst.
Raunar höfum við orð erlendra
starfsbræðra fyrir því að raunveru-
legur hámarkshraði sé einhvers
staðar hinum megin við 250 km/klst.
Af skiljanlegum og löggiltum
ástæðum var ekki unnt að prófa
hugsanlegan hámarkshraða töfra-
teppisins hérlendis áðumefnda
kvöldstund. Hitt er hægt að votta að
viðbragð getur verið mjög öflugt á
Exemmbílnum og að fyrrnefnt snún-
ingsvægi gefur bílnum ótrúlega
seiglu í flestum gírum. Prófunarbíll-
inn var handskiptur fimm gíra en
vitaskuld á bfll með vél af þessu tagi
aö vera sjálfskiptur og ekki annað.
Spariklæddur hversdagsbíll
Því þegar öllu er á botninn hvolft
er Citroen XM ekki sportbíll heldur
hversdagsbíll í sparifótum - bíll með
mikla ökuhæfni sem gaman er að aka
og umgangast. Innréttingin í XM
V6.24 er öll úr leðri og næsta fátt sem
ekki gengur fyrir rafmagni, meira
að segja armhvila milli frammísæta
er stillt meö raforku. Þetta er bíll sem
unun væri aö fara á í langferðir en
er líka þægilegur í stuttum ferðum
og venjulegu snatti dagsins.
Hann hefur að vísu nokkurn galla,
séð með augum launamannsins:
Hann er dálítið dýr. Gripur eins og
sá sem hér var hafður til leiks kostar
einhvers staðar á fimmtu milljón ís-
lenskra gullkróna.
S.H.H.
Skottið opnast upp á gátt og ofan við opið er sérstök innri afturrúða sem
verndar fólk og innréttingu fyrir veðri, nema sérstaklega þurfi að lyfta henni
líka.