Dagblaðið Vísir - DV - 16.10.1991, Side 24

40
MIÐVIKUDAGUR 16. OKTÓBER 1991.

Fréttir
Hættir KE A útgerð frá Hrísey?
Á hugsanlega að bjarga
einhverju á okkar kostnað
- segir Smári Thorarensen oddviti
Gylfi Kristjánsson, DV, Akureyii:
„Viö höfum miklar áhyggjur af
þessari ákvöröun Kaupfélags Eyfirö-
inga og menn hafa það á tilfinning-
unni að það eigi hugsanlega aö bjarga
einhverju á Dalvík á okkar kostn-
að,“ segir Smári Thorarensen, odd-
viti í Hrísey, um þá ákvörðun Kaup-
félags Eyfirðinga að segja upp yfir-
mönnum á Súlnafelhnu og taka út-
gerð félagsins frá Hrísey til endur-
skoðunar.
Kaupfélag Eyfirðinga gerir út þrjú
skip, Súlnafellið frá Hrísey og Björg-
vin og Björgúlf frá Dalvík. Vegna
kvótasamdráttar telja forráðamenn
fyrirtækisins ekki grundvöll fyrir
útgerð allra skipanna áfram og íhuga
því að leggja Súlnafelhnu um ára-
mót. Þeir hafa hins vegar sagt að
komi til þess muni afla hinna skip-
anna verða skipt á milli Dalvíkur og
Hríseyjar.
„Þaö sem við óttumst er að í fram-
tíðinni munum við ekki halda okkar
hlut gagnvart Dalvík þegar málin
hafa þróast þannig að skipin verða
gerð út frá Dalvík og okkur verði
skammtaður fiskur til vinnslu það-
an,“ segir Smári Thorarensen. „Það
er ekki ofsagt að það sé mjög þungt
í fólki hér vegna þessa máls og sem
dæmi um það hversu alvarlegumn
augum fólk lítur þetta má nefna að
stór hluti fiskverkafólksins mætti á
hreppsnefndarfund þegar málið var
rætt þar nú í vikunni."
Undirskriftum hefur verið safnað
í Hrísey þar sem uppsögnum yfir-
manna á Súlnafellinu er harðlega
mótmælt. Þá hefur hreppsnefnd
Hríseyjarhrepps ályktað um máhð
og sent Kaupfélagi Eyfirðinga harð-
ort bréf þar sem uppsögnum og
áformum um að hætta útgerð frá
eyjunni er harðlega mótmælt.
Smáauglýsingar - Sími 27022
Bátamódel. Fjarstýrð bátamódel í úr-
vali, fjarstýringar og allt efhi til mód-
elsmíða. Póstsendum. Tómstundahús-
ið, Laugavegi 164, s. 21901.
Benz 190E, árg. ’84, til sölu, sjálfskipt-
ur, topplúga, centrallæsingar, ekinn
120 þús. km. Upplýsingar á Bílasölu
Kópavogs, sími 91-642190 eða 9144107
á kvöldin.
■ Vagnar - kerrur
Fólksbílakerrur fyrirliggjandi.
Kynnið ykkur verð og gæði á þessum
geysivinsælu kerrum.
Búnaður: 13" dekk, aurhlífar, ljósa-
búnaður og beisli af viðurkenndum
staðli, lás í beisli, yfirbreiðsla og upp-
hækkanir, fram- og afturgafl opnan-
legir, nefhjól. Einnig kerrur með tvö-
faldri hásingu og bremsubúnaði fyrir-
liggjandi. Vélar og þjónusta hf„
Járnhálsi 2, sími 91-683266.
■ Bílar til sölu
Handvagnar. Höfum nokkra þægilega
handvagna til sölu. Þrjú 50 1 plastkör
fylgja. Svinghjól að aftar. og stillanleg
handföng. Kjörbær hf„ Hafnarbraut
10D, Kópavogi, sími 641165 og 641443.
Lada Samara 1500 ’91 til sölu, 5 gira,
ekinn 1700 km. Hlaðinn aukahlutum,
einnig Lada sport ’86, ekinn 64 þús.
Fæst á góðu verði gegn staðgreiðslu.
Uppl. í síma 91-651927 eftir kl. 18.
Nissan Micra ’88 ti! sölu. Uppl. hjá
Bílasölu Kópavogs, Smiðjuvegi 1, sími
642190. Verið velkomin.
Toyota Carina, árg. '86, til sölu, ekinn
65 þús. km. Uppl. á Bílasölu
Kópavogs, sími 91-642190.
Verið velkomin.
Til sölu M. Benz ’87, ekinn 128 þús„
ný sumar- og vetrardekk, mikið end-
urnýjaður, toppbíll. Uppl. í síma
91-79938 og 985-25518.
skiptur, m/overdrive, rafinagn í rúðum
o.fl. aukahlutir, ekinn aðeins 30 þús.
Uppl. í síma 91-73604 eftir kl. 19.
■ Ýmislegt
Tökum aó okkur trefjaplastvinnu:
Trefjaplasthús og skúffa á Willys, hús
á Toyota extra cab, double cab og
pick-up bíla. Toppar á Ford Econo-
line. Áuka eldsneytistankar í jeppa.
Boddí-hlutir, brettakantar, skyggni og
brettakantar á Isuzu Trooper 2 dyra,
ódýrir hitapottar og margt fleira.
Reynið viðskiptin - veljið íslenskt.
Menning
Chicago Beau og Andrea Gylfadóttir á sviði Pulsins.
Jimmy Dawkins, Chicago Beau og Vinir Dóra - Blue Ice:
Blús í Púlsinum
Það er óhætt að segja að með tilkoinu Púlsins varð
bylting í flutningi hfandi djass og blús, enda staöurinn
innréttaður með það eitt í huga að flytja lifandi tónl-
ist. Fyrirmyndin er erlend. Djassbúllur eru slíkir stað-
ir oft nefndir og er ahs engin niðrandi merking falin
í orðinu. Þótt djass- og blústónlist hafi vissulega notið
góðs af þeirri þróun þegar bjórkrárnar spruttu upp
með tilkomu bjórsins þá er hljóðfæraleikurum oftast
troðið í eitt hornið þar sem þeir verða að gera sér að
góðu slæmar aðstæður. Púlsinn er aftur á móti tónlist-
arkrá fyrst og fremst og er mikill munur á aðstöðu
þar og í flestum öðrum krám (undantekningar eru þó
til, til dæmis Tveir vinir...) enda hefur staðurinn á
stuttum tíma fest sig í sessi í tónlistarlífi bæjarins.
Erlendir gestir hafa verið tíðir í Púlsinum, bæði
þekktir í heimi djassins og blúsins, meðal annars hin-
ir þekktu blúsjaxlar, Jimmy Dawkins og Chicago Beau,
sem voru hér á ferð fyrir hálfu ári og léku með Vinum
Dóra en sú hljómsveit á ekki lítinn þátt í þeim vinsæld-
um sem blús nýtur hérlendis um þessar mundir. Fyr-
ir nokkru kom svo út geisladiskurinn Blue Ice sem
inniheldur afrakstur heimsókna þessara kappa og eru
upptökurnar frá tónleikum þeirra í Púlsinum.
A Blue Ice eru margir klassískir blús„standardar“.
Þegar á heildina er litið, og sú heild er löng, er á Blue
Ice frambærilegur blús en samt ekki mjög spennandi
ef undan er skilið lengsta lagið og það síðasta á diskin-
um, Sometimes I Have a Heartache sem nánar verður
vikið að síðar.
Jimmy Dawkins og Chicago Beau eru góðir, það er
ekkert efamál, og rætur þeirra liggja th uppruna blús-
ins, en hér eru þeir aðeins að gera það sama og þeir
hafa gert í mörg ár, að flytja þekkt blúslög, og þótt
tilfmningin sé fyrir hendi er eins og það vanti ein-
hvern neista í flutning þeirra hér, einhvern kraft sem
kannski hefur tapast með árunum. Vinir Dóra finnst
Hljómplötur
Hilmar Karlsson
mér einnig alls ekki ná að sýna sitt besta en sveitin
stendur samt vel fyrir sínu hlutverki sem er í flestum
lögunum aðeins að leika undir hjá meisturunum. Að
ósekju hefði ég viljað heyra meira í Vinum Dóra, sér-
staklega snillingnum unga, Guðmundi Péturssyni, en
hans tími á örugglega eftir aö koma.
Á móti kemur að í ellefu mínútur í lokin í hinum
tregafulla blús, Sometimes I Have a Heartache, tekur
sveitin heldur betur við sér og er dregin upp á hærra
plan af Andreu Gylfadóttur sem syngur blúsinn af
mikilli tilfmningu og trega. Lag þetta hefur verið
skrautfjöður hjá Andreu þegar blúsinn er annars veg-
ar og hefur hún margoft hrifið áhorfendur með flutn-
ingi sínum og gerir þaö enn einu sinni á Blue Ice.
Messubók fyrir
fermingarbörn
Uppfræðsla fermingarbarna hefur greinilega breyst
mikið á undanfórnum árum og áratugum. Minni
áhersla er lögð á utanbókarlærdóm en áður var. Meira
er lagt upp úr að kynna fermingarbörnum undirstöðu-
atriði messunnar og að laða þau að guðsþjónustunni.
Sú bók sem hér er til umsagnar er greinilega liður í
þeirri viðleitni og hún er tvímælalaust spor í rétta átt.
Lengi vel var það svo að böm voru látin læra utanað
mestallt efni fermingarkversins og reyndist það mörg-
um erfltt. Það þarf því ekki að koma á óvart að þessi
lærdómur fær ekki ýkja háa einkunn í endurminning-
um margra íslendinga og dæmi voru þess að ungling-
ar brenndu kverið að fermingu lokinni. En nú munu
fermingarbörn yfirleitt ekki vera látin læra annað
utanað en faðir vor, fáeina ritningarstaði, trúarjátn-
inguna og nokkra sálma. Fyrsta kverið í kristilegum
fræðum fyrir börn, sem notað var eftir að ný ferming-
arlöggjöf kom til sögunnar árið 1744, var eftir danska
guðfræðinginn Erik Pontoppidan. Kver þetta gekk
undir nafninu „Ponti" og þótti afskaplega óaðgengi-
legt. Langfrægast íslenskra fermingarkvera er Helga-
kver, kennt við höfund þess Helga prestaskólakennara
Hálfdánarson. Helgakver var formlega tekið í notkun
1878 og mun þorri íslenskra barna hafa notað það um
hálfrar aldar skeið. Af öðram þekktum barnalærdóms-
kverum frá þessari öld má nefna Kristin fræöi eftir
Friðrik Hallgrímsson og Veginn eftir Jakob Jónsson.
Hér er alls ekki um hefðbundið fermingarkver að
ræöa í stíl viö þau kver sem nefnd eru hér að ofan.
Bók þessari er ætlað að fylgja eiganda sínum í kirkju
og er einhver önnur bók þá notuð fyrir spumingatí-
mana. Oft er það bókin Líf með Jesú, sem þeir bræður
dr. Einar og sr. Karl Sigurbjömsson hafa þýtt á ís-
lensku.
Messubókin hefur að geyma margvíslegan fróðleik
um helgihaldið, þ. á m. kirkjutónlistina, bænir, skýr-
ingar á ýmsum helgitáknum og myndir af ýmsum
munum kirkjunnar, litprentaðan hring kirkjuársins
og síðast en ekki síst svokölluð kirkjusóknarblöð fyrir
verkefni sem bömunum er ætlað að vinna í guðsþjón-
ustunni sjálfri. Eiga fermingarbörnin að svara ákveðn-
um spurningum í tíu messum sem miðað er við að þau
sæki meðan á fermingarfræðslunni stendur. Það eina
sem ég fann að bókinni við lestur hennar var að þess-
Bókmenntir
Gunnlaugur A. Jónsson
ar spurningar vom sumar hverjar frekar misheppnaö-
ar þó vinnubókarformiö sé vissulega til þess fallið að
vekja athygh á ýmsu af því sem fram fer í messunni.
En þegar verið er að spyrja börnin um hvaða textaröð
ritningarlestrar messunnar tilheyri, svo dæmi sé tek-
ið, þá finnst mér sem augljóslega sé verið að draga
athyglina frá einhverju mikilvægara í guðsþjón-
ustunni. Einmitt þessi hluti bókarinnar mun unninn
með sænska bók sem fyrirmynd og em bænimar og
kirkjusóknarblöðin þýdd og staðfærð. Texti Jóns
Ragnarssonar er hins vegar hpur og læsilegur eins og
vænta mátti frá hans hendi og frágangur bókarinnar
í heild með ágætum.
Jón Ragnarsson
Litla messubókin.
Fróóleikur um helgihald.
Skálholtsútgáfan, 1991, 34 bls.