Alþýðublaðið - 12.06.1968, Blaðsíða 8
ÞAÐ halda allir, að Dean Martin
sé óbetraniegur drykkjusvoli,
kvennaflagari og stælgæi.
En þeir sem þessu trúa
þekkja manninn ekki rétt. Viskí,
skvísur og dollaraseðlar eru uppi
staða flestra þeirra sagna, sem
myndazt hafa um Dino Gro-
cetti, öðru nafni Dean Martin —
einn af hæstlaunuðustu og vin-
sælustu kvikmyndaleikurum
Bandaríkjanna.
En sögusagnir þessar eiga ekk
ert skylt við sannleikann. En
Dean Martin — rnaðurinn sem
þær snúasí um — kærir sig koll
óttan. Hann hefur líkast til
bara gaman af vitleysunni.
Uppáhaldsbrandari Deans þessa
dagana snýst auðvitað um fyr-
irhugaðar forsetakosningar í
Bandaríkjunum.
„Einasti möguleikinn til að'ég
verði næsíi forseti er sá, að fylli
bytturnar sameinist nú og fylki
liði um góðan lagsbróður."
Þessa og þvílíka brandara læt
ur Dean Martin fjúka, þegar
hann er að skemmta fólki. Hvers
dagslega er hann hins vegar
þögull og sagnafár.
o o
Óáleitinn,
óáreitinn.
EIGINKONA HANS í 19 ár,
Jeanne Martin, segir um þessa
hlið manms síns:
„Dean talar ekki mikið. Þeg
ar hann er innan um kvenfólk
segir hann ekki aukatekið orð.
Hann er ekkert fyrir konur gef
inn. Hann er karlmaður og leit
ar sér kunningja þeirra á meðal.“
Það má' vera að þetta valdi ein
hverjum aðdáendum Dean Mart
in meðal kvenþjóðarinnar von-
brigðum, en ein af þremur vin
konum hans af veikara kyninu,
Barbara Rush (hinar eru leik-
konurnar Ursula Andress og
Shirley Maclaine) staðfestir
þetta:
,,Ég held, að Dean sé ekki við
kvenna hæfi. Honum íinnst
hann eyða tímanum til ónýtis í
viðurvist kvenna. Það myndi
koma mér ákaflega mikið á óvart,
ef Dean héldi framhjá konu
sinni. Það er bókstaflega óhugs
andi. Hundruð kvenna hafa elsk
að Dean Martin, án þess þeirrj
ást fylgdu athafnir. Dean vill
bara Jeanne sína og að vinum
velur hann aðeins karlmenn. Við
þá’ getur hann rabbað, spilað og
látið brandara fjúka.“
— „Hárrétt, hárrétt," sam-
þykkir Dean. „Ég slappa betur
af innan um karlmenn á borð við
Frank Sinatra, Vic Damone og
Tony Bennett. Karlmenn standa
báðum fótum á jörðunni og þeir
eru hreinskilnari. Kvenfólk er
leiðigjarnt. Það er alltaf að
reyna að koma manni í skilning
um, hvað það sé fallegt. Hvað
varðar mann svo um, hvað þeim
finnst um sjálfar sig?“
o o
Gíaðvær afi.
DEAN MARTIN er í dag glað-
vær afi — fimmtugur að aldri.
Hann á glæsilega konu, sjö
börn, tvö barnabörn, myndar
legt heimili í stóru húsi með sér
stakri sundlaug og tennisvelli,
stórar innistæður í bönkum____og
heimsfrægð að bakhjarli.
Dean Martin er fjölskyldufað-
ir í hinni gömlu, góðu merkingu
þess orðs. Það er að þakka hefð
bundnu itölsku uppeldi hans.
Sjálfur telur hann, að fjölskyldu
faðirinn sé herra i húsi sínu.
Foreldrarnir hljóti alltaf að hafa
■rett fyrir sér. Börnin séu bund-
in strangri hlýðnisskyldu í sam
ræmi við boðorðið „heiðra skaltu
föður þinn og móður.“ En Dean
er maður réíttrúaður og strang
trúaður:
— „Ég botna ekkert í lífs-
undrinu. Hvernig er eiginlega
hægt að útskýra komu mannsins
í heiminn. Jú1, þar hlýtur guðleg
ur máttur að vera að baki. Fólk
segir við ýms t.ækifæri: Guð
hjálpi mér. Nema hvað. Hvert
ætti það annað að snúa sér í
nauðum? Til Henry Fords,
kannski? Stundum segi ég við
sjálfan mig: „Bezt að fara nú
ekkert í kirkju á sunnudaginn."
En þá kveður óðar við önnur
það sé nóg að fara bara í kirkju,
rödd, sem segir.: „Heldurðu að
þegar eitthvað amar að? Hvers
konar maður ert þú eiginlega,
Dean? Hræsnari eða hvað?“
o o
Ólæknandi sjón-
varpssjúklingur.
BURTSÉÐ frá konu og börnum
er golf eitt af því sem Dean Mart
in hefur á mestar mætur. Hann
gengur að golfi af lífi og sál.
Hann leikur golf margar klukku
stundir að morgni hvers dags ár
ið um kring. Með sömu þremur
félögunum. Enginn þeirra er úr
skemmtanaheiminum. í bók lít
ur Dean Martin aldrei. Hann er
maður athafnanna. Getur ekki
setið lengi hreyfingarlaus —
nema fyrir framan sjónvarp. Rek
ist hann á blað, lætur hann sér
nægja að líta á íþrótíasíðurnar.
Hins vegar á sjónvarpið hug
hans allan, Dean Martin er ó-
læknandi sjónvarps-sjúkiingur.
Á heimili Martin fjölskyldunn-
ar úir og grúir af mismunandi
stórum sjónvarpstækjum. Fyrir
framan þau situr svo Dean múl
bundinn öll kvöld, sem hann er
heima. Því léttari sem dagskráin
er, þeim mun betur líkar Dean
hún.
Ólíkt mörgum öðrum kvik-
myndaleikurum í Hollywood, er
Dean Martin ekkert „pólitískur"
og hefur yfirleitt lítinn áhuga
á stjórnmálum.
„Spyrji einhver um mína skoð
un, svara ég: „Má ég biðja
um Bobby: „Með Bobby á ég auð
vitað við Robert Kennedy. Hann
er alveg afbragðs náungi og ég
vona, að hann verði næsti for-
seti Bandaríkjanna. Hann lítur
stundum til mín, þegar hann á
leið hjá — og við förum þá
og heimsækjum systur hans
(hún var gift leikaranum Peter
Lawford). Þegar svo ber undir,
vill Bobby alltaf að við tökum
lagið saman. Gamla skólasöngva.
Það er það eina, sem hann kann.
Samt held ég að hann hafi ein-
hverja indælustu söngrödd í
heimi.“
o o
Kotungssonurinn
sem vann kóngs-
ríkið.
DEAN MARTIN er fæddur af í-
tölsku foreldri í bænum Steuben
ville í Ohio. Þegar hann í
benrsku sá mynd með Bing
Crosby í aðalhlutverki í bíói í
bænum, hreifst hann svo, að
hann ákvað að gerast sjálfur
söngvari. Söng lærði hann með
því að hlusta á Bing Crosby-
plötur. Vegna söngsins ákvað
hann að hætta í skóla og byrj-
aði þess í stað að koma fram í
veitingahúsi einu, „Walker's
Café“, samtímis því að vinna
annað með. Sextán ára gamall
var hann ráðinn sem spilabland
ari í spilavíti í heimabæ sínum,
en starfið fékk hann með smáveg
is ósannsögli: Hann þóttist sem
sé vera tvítugur: Síðar gerðist
hann svo hnefaleikamaður.
Dean Martin fékk sitt fyrsta
stóra tækifæri í Hollywood, þeg
ar hann gerðist meðleikari Jerry
Lewis. Þeir léku í fjölmörg-
um myndum saman, þar sem að
allega bar á Lewis. Dean Martin
féll algjörlega í skugga hins
framgjarna galgopa. Lewis lét
öllum illum láíum — en Dean
Martin stóð við hlið hans og söng
— stóra fíflið. Dean vill ekkert
á þessi ár minnast. „Þetta var
hryllilegur tími:“ hreytir Dean
út úr sér. Þegar leiðir* þeirra
Jerry Lewis og Dean Mai'tin
skildi, var því spáð að Dean
væri búinn að vera — en Jerry
myndi vinna við aðskilnaðinn.
Reyndin varð hins vegar öfug.
— „Það að ég hef fengið á mig
orð fyrir drykkjuskaparóreglu, á
rætur að rekja til samstarfs okk
ar Jerry Lewis,“ segir Dean. „Ég
var mjög óhamingjusamur. Þess
vegna byrjaði ég að drekka.
Hvað gat ég annað gert? Þó hef
ur enginn séð mig ,,útúr“ og ég
hef aldrei verið settur í „Stein
inn“ vegna ölvunar eins og svo
margir kunnir Hollywood-leikar-
ar. Og nú er ég löngu búinn að
hafa mig upp úr fylliríinu, ég
neyti ekki orðið meira áfengis
en teija má venjulegt. En fólk
hefur alltaf jafn gaman af mér,
þegar ég þykisí vera fullur; þess
vegna er ég að þessu.“
Það er heldur ekki í samræmi
við tröllasögurnar af Dean Mart
in, að hann fari yfirleitt í hátt
inn klukkan tíu á hverju kvöldi.
En sannleikurinn er nú samt sá.
Þau hjónin fara kannski ut sam
Martin-fjölskyldan er samheldin og rólynd. 'Talið efstfrá vinstri: Ricci Martín; Claudina Martin; Deana
Martin; frú Jeanne Martin; og Craig Martin. Neðri röð frá vinstri: Gail Martin; Dino Marttn; Gina
Martin og fjölskyldufaðirnn DEAN MARTIN.
8 12. júní 1968 — ALÞÝÐUBLAÐIÐ