Dagur - 18.02.1937, Page 1

DAGUR
kemur út á hverjum fimtu-
degi. Kostar kr. 6.00 árg.
Gjaldkeri: Árni Jóhanns-
son í Kaupfél. Eyfirðinga.
Gjalddagi fyrir 1. júlí.
XX. árg.
T
Afgreiðslan
er hjá JÓNI Þ. ÞÓR, Norð-
urgötu 3. Talsími 112. Upp-
sögn, bundin vié áramót, sé
komin til afgreiðslumanns
fyrir 1. des.
Akureyri 18. febrúar 1937. |
7. tbl.
Flokksþing
Framsóknarmanna
var sett í Reykjavík á föstudag-
inn var og hefir staðið yfir síðan.
Á þinginu eru mættir um 300 full-
trúar úr öllum sýslum landsins.
Mikill áhugi kemur í ljós í þing-
störfunum, enda ber hin geysilega
sókn Framsóknarmanna hvaða-
næva af landinu og hið mikla erf-
iði, sem margir þeirra hafa á sig
lagt í því sambandi, greinilegan
vott um hið sama.
Á þinginu eru mörg merkileg
dagskrármál. í gær hélt þingið
fund sinn í „Iðnó“ og var þá með-
al annars rætt um stofnun lands-
sambands ungra Framsóknar-
manna.
Andstæðingarnir eru slegnir
ótta. Alþýðublaðið orðar ekki skil-
yrðin frá því í vetur fyrir fram-
haldandi samvinnu stjórnarflokk-
anna. — í gær var óvíst um þing-
slit.
Nánari fréttir af flokksþinginu
koma síðar í þessu blaði.
Verklegar framkvæmdir
KlöeðaverksmiðjunnarGefjun
Hinn nýi og sameiginlegi sam-
komusalur verksmiðjanna, Iðunn-
ar og Gefjunar, var vígður og tek-
inn til afnota laugardagskvöldið
30. janúar sl. Var þá mættur meg-
inþorri alls starfsfólks verksmiðj-
anna, einnig form. verksmiðju-
stjórnarinnar, Böðvar Bjarkan, og
afhenti hann Starfsmannafélagi
verksmiðjanna salinn til afnota.
þá fóru fram ræðuhöld, upplestur
og leikfimi. Að lokum skemmti
fólkið sér við dans og aðra leiki
til kl. 4 að morgni. Öll skemmti-
atriði kvöldsins annaðist starfs-
fólk verksmiðjanna.
Alþingi
var sett 15. þ. m. Forsetar eru
þeir sömu og í fyrra. Frumvarpi
til fjárlaga fyrir árið 1938 var út-
býtt í þingbyrjun. Samkvæmt því
eru tekjur áætlaðar 15 millj. og
800 þús. kr., en gjöldin 700 þús.
kr. lægri.
Næsta dag eftir þingsetningu
var kosið í fastar nefndir.
Undanfarið hefir eftirspurn
kambgarnsdúka, og yfirhöfuð
allra vefnaðarvara frá Klæðaverk-
smiðjunni Gefjun á Akureyri,
verið svo mikil, að með engu móti
hefir verið hægt að fullnægja
henni. Til að ráða nokkra bót á
þessu, hefir verksmiðjan nýlega
keypt 6 nýtízku vefstóla frá
Þýzkalandi, og hefir þeim nú öll-
um verið komið fyrir á efri hæð
verksmiðjunnar, í rúmi, sem áður
var aðallega notað til geymslu, en
liggur upp að enda vefjarsalsins.
Hver þessara nýju vefstóla er
eins fullkominn og nú þekkist
bezt; þeir eru rafknúnir með á-
föstum rafal og miklu hraðgeng-
ari en gömlu vefstólarnir, og af-
kasta þeir langsamlega meira
verki. Með þessari viðbót eru nú
14 vefstólar í verksmiðjunni, sem
ganga alltaf, bæði dag og nótt, en
í fimmtánda vefstólnum er ein-
göngu ofinn rósavefnaður. Þá hef-
ir einnig verið keypt og sett upp
ný rakningsvél og önnur sem spól-
ar. Báðar þessar vélar eru marg-
falt afkastameiri en þær, sem áð-
ur voru notaðar.
Til nýrra framkvæmda má telja
að byggð hefir verið ný vatnsþró
úr járnbentri steinsteypu, sem
rúmar 18 tonn af vatni. í þessa
þró er leitt kælivatnið frá eim-
svala gufuvélarinnar, en það er
um 25—35 stiga heitt. Einnig er
nokkur hluti affallsgufunnar
leiddur í hitunartæki sem komið
er fyrir í vatnsþrónni; á þennan
hátt er vatnsmagn þróarinnar hit-
að upp í 80—90 stig. Þetta heita
vatn er svo leitt um verksmiðjuna
og notað til þvotta og litunar,
Hjartans þakkir vottum við
öllum þeim mörgu, nær og fjær,
samstarfsfólki hinnar lálnu, fé-
Jögum og einstaklingum, er sýndu
samúð með nærveru sinni, ljóð-
um og minningargjöfum, við
andlát og jarðarför önnu
Eggertsdöttur, og einnig þá,
er glöddu hana í veikindum
hennar, biðjum við algóðan Guð
að blessa.
Foreldrar og systkini.
Rússland og
Laugarvatn.
„Verkamaðurinn“, 10. þ. m., seg-
ir, að Dagur hafi ekki skýrt rétt
frá tildrögunum að brotthlaupi
nemenda úr Laugarvatnsskólan-
um. Blaðið heldur því fram, að
ummæli skólastjórans hafi ekki
verið þau, að hann vildi krefja
nemendur um stuðning við „þjóð-
skipulag, sem byggðist á lýðræð-
isgrundvelli,“ heldur hafi hann
viljað „heimta af þeim hollustu-
eiða við núverandi auðvaldsþjóð-
skipulag,“ þ. e. a. s. að nemendur
yrðu að vinna auðvaldinu holl-
ustueiða. Sá galli er á þessari frá-
sögn Vm., að henni trúir enginn
einasti maður og er því ónauð-
synlegt að orðlengja um þetta at-
riði.
En eitt er athyglisvert í sam-
bandi við upphlaup kommúnista
út af „skoðanakúguninni“ í Laug-
arvatnsskóla. Eins og kunnugt er,
situr að völdum í Rússlandi mað-
ur að nafni Stalin. Hann er við og
við að smala saman hópum af
fyrrverandi samherjum sínunl, til
þess að drepa þá. Og orsökin til
þessarar mannslátrunar er sú, að
þeir, sem drepnir eru, eru á ann-
ari skoðun en Stalin. í Rússlandi
er því skoðanakúgunin á því
hæsta stigi, sem hugsanlegt er. En
kommúnistum hér þykir þessi
skoðanakúgun sjálfsögð, eðlileg
og réttmæt. Hitt finnst þeim alveg
óbærilegt, að skólastjórinn á
Laugarvatni láti í ljósi þá skoðun
sína, að þeir, sem vilji láta ofbeldi
koma í stað lýðræðis, eigi ekki að
njóta sömu réttinda og aðrir. Eng-
um dettur í hug að þessir ofbeld-
issinnuðu menn verði teknir af
lífi,xeins og tíðkast í Rússlandi.
Hvar er samræmið í þessum
kenningum kommúnista?
□. . Kún . 50372237 /2
Frl.'. Br.'. L.'.
KIRKJAN: Messað í Akureyrar-
kirkju n. k. sunnudag kl. 2 e. h.
NÆTURVÖRÐUR er í Akureyrar
Apóteki þessa viku. (Frá n. k. mánud.
er næturvörður í Stjömu Apóteki.)
NÝJA-BlÓ
Sýnir fimmtud. 18. þ.m. kl. 9
rnemur
Framúrskarandi spennandi
leynilögreglumynd.
Aðalhlutverkið leika:
Paul Lukas og
Rosalind Russelt.
K v æ ð i
á 30 ára afmæli kvenfél.
sungið af ungfrú
Guðrúnu S. Þorsteinsdóttur.
Hljómi hamingjulag
þennan hátíðardag,
sem er helgaður starfi og dáð.
Heill sé „Hlíf“ þinni stétt,
hátt er merki þitt sett,
á í mannkostum rætur þitt ráð.
Þú ert þrítug í kvöld,
þín mun getið hjá öld,
og með lofi í sögu og söng.
Líknar-hjúkrandi hönd
hefir numið sér lönd
þar, sem köld voru kvöldin og löng.
Lifi hróður þinn, „Hlíf“.
eigi hugsjónir líf
innan félags þíns, ágæta lið.
Vektu mannúðar mátt,
settu sannleikann hátt,
greiddu veg fyrir farsæld og frið.
F. H. B.
Með þessum vísum lauk skáld-
konan, Kristín Sigfúsdóttir, ræðu,
er hún hélt á sama afmæli:
Það er glatt hér í kvöld,
því sú von á nú völd,
eins og viti á framtíðar leiðum,
að þótt miðsvetrar sól
þíði ei margt það, sem kól,
græðast mein þau á vordögum
heiðum.
Fyrir samhugans mátt
merki starfsins ber hátt,
þar sem mannúðin ein ræður
lögum.
Blessist hugsjón þín „Hlíf“
fyrir heilsu og líf
handa æsku á ókomnum dögum.
Það tilkyanist hérmeð, að konan mín, Anna Jónatansdóttir, and-
aðist á Landakotsspítala, föstudaginn 12. þ. m. — Jarðarförin er
ákveðin þriðjudaginn 23. febrúar og hefst með húskveðju frá heim-
ili minu, Hafnarstræti 79, kl. 1 e. h.
Hfaltl Sigurðsson.