Dagur - 03.07.1957, Qupperneq 7

Miðvikudaginn 3. júlí 1957
D AG U R
7
Skroppið fil meginlandsins í boði F. I,
(Framhald af 5. síðu).
—100 km. hraða og fórum fram
úr öllum farartækjum, og ýmist
hægra eða vinstra megin. Heyrð-
ist þá hlátur mikill í framsætinu,
og var þessum orðum beint til H.
B.: „Eg sé að þú munir kunna á
bíl. Þú ert alltaf að bremsa.“ —
Þctta var heldur engin lygi, ‘því
að bakið á framsætinu svignaði í
áttina til okkar þriggja, sem sát-
um aftur í. Eg var sannarlega
feginn að ferðin tók stutta stund
og að enginn varð til þess að
spana ökuþór þennan meira.
Töfraprik úr Eyjum.
Maður einn úr Eyjum átti
töfraprik. Það sáum við í annað
sinn, þá varð örlítill árekstur, án
skemmda eða meiðsla þó. Við
vorum í það skipti líka í leigubíl
og snertum mótorhjól. Á því var
sá kjaftforasti maður, sem til er.
Hann reif sig ofan í rass. Bílstjór
inn, þótt ekki væri mállaus,
dugði ekki til. Þá hófst stafurinn
á loft eins og sjálfkrafa eða af
kynngikrafti hins mergjaðasta
máls, íslenzks, sem heyrzt hefur.
Dignaði mótorhjólsmaðurinn þá
fyrst, er hann heyrði hið tæpi-
tungulausa Eyjamál. Líklega
hefði jörðin gleypt hann alveg, ef
hann hefði skilið, þótt ekki væri
nema helming' Tæðunnar.
Þau undur skeðu síðar um staf
þennan, að hann týndist og eng-
inn vissi hvar. Næsta morgun var
hann kominn, eftir ótrúlegustu
krókaleiðum. Slíkur stafur er
ekki á hverju strái og önnur eins
skilsemi ekki heldur.
Á skemmtisiglingu um höfnina.
Fararstjórinn okkar hefur
dvalið í Hamborg. Hann hefur
cinnig lengi verið í siglingum og
þekkti því hvern krók og kima
hafnarinnar. Þetta kom sér eink-
ar vel. Við leigðum okkur
skemmtibát og stýrimann, og
undir ágætri leiðsögn fararstjór-
ans nutum við „sjóferðarinnar“ í
ríkum mæli.
Dýragarðurinn._
Við brugðum okkur síðdegis í
hinn mikla og ágæta dýragarð
borgarinnar. Þar er margt fyrir
íslendinga og aðra þá sem ekki
eru vanir fjöilskrúðugu dýralífi,
að sjá og heyra. Og þar mætti
eyranu mörg framandi tungumál.
Fyrstan skal nefna konung
dýranna, ljónið, tígulegt og svip-
mikið, með konur sínar tvær.
Fremur var það letilegt, og lá það
löngum og lét sólina sleikja sig.
Tígrisdýrin léku sér af mikilli
fimi, pardusdýrið var grimmdar-
legt, en púmahjónin voru hroða-
lega ástfangin.
Fílarnir voru eins og steingerf-
ingar, þar sem þeir stóðu í sand-
inum, hárlausir og húðþykkir. En
þeir komu brátt að girðingunni
og tóku með þökkum sykurmola
og kökur, fimlega með rananum,
úr lófa manns og stungu upp í
sig.
Umsjónarmaðurinri rak hópinn
í bað. Hlýddu fílarnir treglega
þangað til svipunni var beitt. En
þegar þeir stóðu í rúmlega hné-
djúpu vatni (á fíl), skipaði hann
eldri fílunum að baða þá litlu. —
Auðséð var að þeir skildu hvað
gera átti, en þrjóskuðust við að
nokkru.
ísbirnir, rostungar, sæljón og
selir höfðu aðgang að vatni og
notuðu sér það í hitanum. Fugl-
arnir voru mjög margir og hinir
furðuelgustu sumir hverjir,
slöngurnar ógeðslegar og naut-
peningurinn allskrítinn. Gír-
affarnir voru tígulegir á velli og
tilhaldslegir í göngulagi, aparnir,
allt frá stærð við rottur og upp
eftir, léku listir sínar. Þeir leit-
uðu hvor öðrum lúsa og voru
mjög hamingjusamir þegar þeir
urðu varir, og voru fljótir að
stinga upp í sig.
Síðasta kvöldið.
En nú er bezt að fara að slá
botninn í þetta rabb. — Síðasta
kvöldið vorum við í vernd og
skjóli Birgis sem fyrr. En nótt
ina áttum við sjálfir. Margir fóru
„út á lífið“, og fengu sér ölglas
á nokkrum stöðum, áður en far-
ið var í „háttinn“. Hvarvetna var
ijs og ölið freyddi. Víða gengu
kerlingar um beina ásamt ein-
kennisklæddum þjónum og voru
ekki viðkvæmar fyrir árekstrum.
Þær gengu beint af augum og
varð hver að víkja, sem fyrir
þeim varð. Smá skemmtiatriði
fóru fram, söngur, dans og töfra
brögð. Hljómsveitir léku fyrir
dansi, en víðast var ekkert rúm
til að dansa. Hvergi var rokkað
en mikið sungið og dansaður
tango, vals o. fl.
Á leiðinni heim til hótclsins
okkar varð ekki hjá því komist
að sjá hina ömurlegu atvinnu
vændiskvenna.
Á mánudagsmorguninn héldum
við til Dússeldorf og þaðan til
London og vorum komnir þangað
laust eftir hádegi. Lítill tími var
til stefnu, en fárra stunda dvöl
þar í borg mun þó verða minnis-
stæð. Jóhann Sigurðsson, forstj.
skrifstofu Flugfélags íslands í
London, reyndist okkur ekki
síðri en starfsbræður hans í
Hamborg og Höfn, og bækistöðv-
ar félagsins og búnaður, meðal
! annars hið lýsta líkan af íslandi,
vekur eftirtekt. Við ókum nokk-
uð um, nutum gestrisni félagsins
enn á ný í ríkum mæli og börðum
síðan að dyrum hjá dr. Kristni
Guðmundssyni sendiherra. Þar
var hlýlega á móti ökkur tekið og
áttum við hina ánægjulegustu
stund í móttökusalnum. Þar hélt
Iielgi Benediktsson stutta ræðu
og sendiherrann ávarpaði okkur
og bað fyrir kærar kveðjur til
íslands. Einhver var svo kankvís
að spyrja, hvort hann, þ. e. dr.
Kristinn, og drottning skryppu
ekki í kaffi hvört til annars,
svona öðru hvoru, þar sem ekki
væri nema spölur á milli. Sendi-
herrann svaraði því svo, að ekki
væri hægt að segja, að mikið ráp
væri miíli bæja, en hitt væri víst,
að nágrannakritur væri enginn.
Við ókum um lilaðið hjá drottn
jingu á leið til flugvallarins. — Á
flugvellinum fór, eins og fyrri
daginn, að hvar sem trúnaðar-
menn Flugfélagsins knúðu dyra
með gesti sína, voru allar hurðir
opnaðar á gátt.
Stefni var snúið til Akureyrar,
með viðkomu í Reykjavík, eða á
maður heldur að segja að stefnan
hafi verið tekin til Reykjavíkur,
og vegna sérstakrar heppni höf-
um við náð í flugvél til Akureyr-
ar um kvöldið.
Norður yfir hálendið var feg-
urst útsýn á allri okkar reisu.
Sólin gyllti sæinn fyrir norðan.
Bændabýlin eru strjál, en græni
bletturinn um hvert einasta
þeirra er fagurgrænni en nokkur
annar, sem við sáum í ferðinni.
E. D.
- Aðalfundur S.Í.S.
(Framhald af 1. síðu.)
vinnumenn til aukins starfs og
áhuga um málefni hreyfingar-
innar.
Síðdegis fluttu framkvæmda-
stjórar hinna ýmsu deilda skýrsl-
ur sínar, þeir Helgi Pétursson
fyrir útflutningsdeild, Helgi Þor-
steinsson fyrir innflutningsdeild
Hjalti Pálsson fyrir véladeild,
Hjörtur Hjartar fyrir skipadeild
og Harry Frederiksen fyrir iðn-
aðardeild.
Aðalfundurinn samþykkti að
endurgreiða til kaupfélaga 3.7
millj. kr. af tekjuafgangi Sam-
bandsins 1956. Auk þess voru
381.000 krónur lagðar í varasjóð,
en tekjuafgangur að öðru leyti
yfirfærður til næsta árs.
Síðari fundardaginn lögðu þeir
Bjarni Bjarnason skólastjóri, EL-
ríkur Þorsteinsson aljringismaður
og Finnur Kristjánsson kaupfé-
lagsstjóri fram eftirfarandi til-
lögu, sem var einrómi samþ.:
„Aðalfundur SÍS, haldinn að
Bifrös.t 26. og 27. júní 19(57, 'labtur
í ljósi ánægju sína yfir því glæsi-
lega átaki og þeirri miklu fram-
kvæmd ~ að kaupa olíuskipið
Hamrafell. Jafnframt lýsir fund-
urinn undrun sinni á J)eim órétt-
mæta áróðri og þeirri furðulegu
árás, sem Jretta merkilega Jojóð—
þrifafyrirtæki hefur mætt.“
Þá kom til umræðu á fundin-
um fræðslumál samvinnusamtak-
anna og hafði Benedikt Gröndal,
forstöðumaður fræðsludeildar
SÍS, framsögu, en umræður urðu
miklar um þessi mál.
Litlu fyrir fundarlok samþykkti
fundurinn, samkv. tillögu frá
stjórn þess, að Sambandið legði
til byggingar yfir Árnasafn 100
þús. krónur. — Lýsti fundurinn
ánægju sinni yfir því, að hand-
ritamálið er aftur komið á dag-
skrá.
Kosningar.
Sigurður Kristinsson var end-
urkjörinn formaður SÍS og Þórð-
ur Pálmason og Skúli Guð-
mundsson einnig endurkjörnir í
stjórnina.
í varastj. voru kjörnir Eiríkur
Þorsteinsson, Finnur Kristjáns-
sin og Bjarni Bjarnason. — End-
urskoðandi Páll Hallgrímsson.
Kirkjan. Messað á Akureyri
n.k. sunnudag kl. 10.30 f. h. —
Sálmar: 18 — 60 — 278 —272 —
289. — K. R. — Messað í Lög-
marinshlíðarkirkju n.k. sunnudag
kl. 2 e. h. — Sálmar: 18 — 60 —
290 — 278 — 282. — K. R,
Guðsþjónustur í Gruridarþinga-
prestakalli. Af sérstökum ástæð-
uni verður breyting á messu-
tíma frá því sem áðuf var aug-
lýst og verða guðsþjónustur sem
hér segir: Möðruvöllum, sunnud.
14. júlí kl. 1 e. h. — Munkaþverá,
sama dag kl. 3 e. h.
Kvöldferðir F. í. og F. F. A. —
Leyningshólar miðvikud. 3. júlí
kl. 8 e. h. — Vaglaskógur, Goða-
foss föstudag 5 .júlí kl. 8 e. h. —
Upplýs. á Ferðaskrifstofunni. —
Sími 1475.
Sextugur. Jón Júl. Þorsteins-
son, kennari á Akureyri, er sex-
tugur í dag. — Hann er Olafs-
firðingur að uppruna, en hefur
búið hér í bænum alllengi, tekið
ríkan þátt í málefnum kirkjunrT-
ar og æskulýðsstarfsemi og er
hinn nýtasti borgari.
Kvcnnadeild Slysavarnafcl. hér
bárust 500 kr. frá frú Jónínu
Sigurjónsdóttur, Hafnarstræti 2,
Akureyri, 25. júní sl., en þá varð
hún áttræð. Um leið og deildin
árnar henni allrar blessunar á
æfikvöldinu, þakkar hún þessa
gjöf, einnig 1000 kr. gjöf á sjö-
tugsafmælinu, ásamt öllum
hennar áhuga fyrir slysavörnum.
Hjúskapur. — 29. júní sl. voru
gefin saman í hjónaband ungfrú
Ásta Sigurlásdóttir frá Vest-
mannaeyjum og Gunnar Berg
Gunnarsson, prentnemi. Heimili
þeirra er að Grænugötu 8. —
Ungu hjónin brugðu sér í brúð-
kaupsíerð til Spánar sl. mánudag.
1. júlí voru ennfremur gefin
saman í hjónaband í Akureyrar-
kirkju ungfrú Guðbjörg Þórðar-
dóttir og Stefán Magnús Jónsson.
Heimili þcirra er að Gránufé-
lagsgötu 29.
Ilandknattleilisæfingar
pýj^Skvenna hefjast í kvöld
kl. 8.30. á handknatt-
leiksv. við íþróttahúsið.
Mætið vel og stundvís-
lcga. — K. A.
Fíladelfía, Lundargtöu 12. —
Fimmtudag: Almenn samkoma
kl. 8.30 e .h. — Sunnudag: Al-
menn samkoma kl. 8.30 e. h. —
Margir ræðumenn. Söngur og
hljóðfærasláttur. — Allir vel-
komnir.
Fcrðir, ársrit Ferðafélags Ak-
ureyrai', er nýkomið út. Eru fé-
lagar beðnir að vitja þess hið
fyrsta hjá form. félagsins, Kára
Sigurjónssyni, eða Birni Þórðar-
syni KEA og Karli Hjaltasyni,
Hafnarstræti 85.
Leikflokkur frá norska ríkis-
leikhúsinu sýnir Brúðuheimilið í
leikhúsinu á Akureyri 11. og 12.
júlí. n.k. — Aðgöngumiða má
panta í síma 1639.
Girðingastaurar Skðgræktarinnar
Samtök um sendingar íiafin í Noregi
Það mun hafa verið rétt eftir i
að skógræktarmennirnir norsku ■
komu hingað síöast í verkaskipt-
um fyrir nokkrum árum, að prest
urinn Harokl Hope tók að beita
sér fyrir, að bændur og skógar-
eigendur í sókn hans og ná-
grenni, í nærsveitum Björgvinjar,
sendu íslenzku- - skógræktinni
nokkrar birgðir. af gjrðingastaur-
um. En Jrað væi'i ein brýnasta
nauðsyn og hin erfiðasta að afla
sér fyrir skógrækt íslands, rneðan
ekki fengjust girðingastaurar í
landinu sjálfu. Var séra Haraldur
einn í þeim flokki þessa leiðang-
urs, sem vann að skóggræðslu
sunnanlands að þessu sinni.
Síðan hafa allmiklar staura-
sendingar komið með „Heklu“
frá Björgvin einum tvisvar sinn-
um í sumarferðum hennar til
Norðurlanda. Og nú hafa tvder
grannsveitir séra Haralds gert
samtök um að senda 3000 girð-
ingastaura til Skógræktarfélags
íslands með næstu ferð „Heklu“,
um miðjan júlí.
Nú er í ráði að skipuleggja
þessar sendingar í vissri röð inn-
an Vesturlands-fylkjanna, t. d.
eitt árið frá Hörðalandi, þar næst
Sygna- og Firðafylki, síðan frá
Rogalandi o. s. frv. Er þetta gert
í þeim tilgangi að lyfta undir
starf skógræktarinnar íslenzku,
unz úr rætist. Telja forgöngu-
menn, að sé gert ráð fyrir 10 m.
bili milli staura, muni þurfa a. m.
k. 7500 staura árlega næstu 15
árin.
Það er formaður skógræktar-
félagsins í Fanabyggð,*) Mons
Flcsland, sem er aðal-hvatamað-
urinn að þessu, og hann var for-
göngumaður að sendingunni
1955. — Alls hafa verið sendir
6500 girðingastaurar frá Hörða-
landi, — og einnig frá Harðangri.
Er augljóst, að mikill áhugi og
almennur ríkir meðal frænda
vorra á þessum slóðum.
*) Fana er allstórt hérað sunn-
anvert í Björgvinjardalnum og
nær yfir fleiri sveitir.
Aðalfundor Sjómanna-
félags Akureyrar
í stjórn félagsins voru kjörnir:
Tryggvi Helgason, formaður,
Lórenz Halldórsson, varaform.,
Ólafur Daníelsson, ritari, Jónas
Tryggvason, gjaldkeri, Jón
Helgason, meðstjórnandi.
Varastj.: Sigurður Rósmunds-
son, ritari, Jóhann Malmquist,
gjaldkeri, Höi'ður Frímannsson,
meðstjórnandi.
Trúnaðarmannaráð: Ragnar
Árnason, Hermann Sigurðsson,
Guðmundur Ólafsson, Kristmund
ur Björnsson.
Varamenn í trúnaðarmanna-
ráð: Tómas Kristjánsson, Vigfús
Vigfússon, Jóhann Valdimarsson,
Óskar Helgason.
Eignaaukning’ sjóða félagsins á
fyrra ári varð kr. 19.059.32, og
cru eignir félagssjóðs nú kr.
29.583.49 og Styrktarsjóðs kr.
36.067.33.