Dagur - 26.04.1962, Blaðsíða 8
8
NOKKURRA ÞINGMÁLA GETIÐ
ÞAÐ var bagalegt fyrir Alþingi
að þessu sinni og á ýmsan hátt
óheppilegt, hve mörg af þeim
málum, er ríkisstjórnin lagði
fyrir 'þingið, urðu síðbúin til
flutnings og að ekki gafst tími
til að athuga þau sem skyldi. Og
sum frumvörpin, sem boðuð
höfðu verið, eða gera mátti ráð
fyrir að fram kæmu á þessu
þingi, iiafa enn ekni seð dagsins
ljós. Má þar til nefna frumvarp
til nýrra laga um vátryggingu
íiskiskipa og frv. til nýrra hafn-
arlaga, og loks um hafnarbóta-
sjóð. ITm þessi mál kom ekkert
fram á þessu þingi.
Kjaramál opinberra
starfsmanna.
Eitt af því allra síðasta, sem
frá stjórninni kom, var frum-
varp til laga um kjarasamninga
opinberra starfsmanna. Það var
ekki lagt fram fyrr en rétt und-
ir þinglokin, en varð þó að lög-
um með samþykki allra þing-
flokka, enda varla um annað að
gera, þótt tími væri naumur,
því að launamál opinberra
starfsmanna voru komin í hina
verstu sjálfheldu af völdum
„viðreisnarinnar“. — Stjórnar-
frumvarpið, sem lagt var fram,
var í rauninni samningur, sem
gerður hafði verið milli ríkis-
stjórnarinnar og Bandalags
starfsmanna ríkis og bæja um
lausn málsins. Er helzt að sjá,
að stjórnin hafi ekki ætlað að
leggja frumvarpið fram á þessu
þingi, en ekki getað hjá því
komizt vegna hins alvarlega á-
stands. Með þessari nýju lög-
gjöf eru launalög ríkisins af-
numin, en í stað þeirra koma
kjarasamningar, en sú stofnun,
,,Kjaradómur“, sker úr, ef ekki
næst samkomulag og ákveður
þá launin. í Kjaradómi verða
þrír menn frá Hæstarétti, einn
frá ríkisstjórninni og einn frá
samtökum starfsmanna. Gert er
ráð fyrir, að Kjaradómur kveði
upp fyrsta úrskurð sinn, ef til
kemur, 1. júlí 1963, og gildir úr-
skurður hans (eða samningur)
til ársloka 1965. En 1. júlí 1963
falla launalögin úr gildi.
Aðstoð við togaraútgerðina.
Það var lengi búið að liggja í
loftinu, að von væri tillagna frá
ríkisstjórninni um fjárhagslega
aðstoð við togaraflotann. Þetta
var líka eitt þeirra mála, sem
síðbúnast urðu, og varð af-
greiðsla þess með einkennileg-
um hætti.
í framsöguræðu upplýsti ráð-
herra, að þriggja manna nefnd
hefði unnið að því fyrir ríkis-
Listi Alþýðuflokksins
ALÞÝÐUFLOKKURINN hefur
birt framboðslista sinn við
næst u bæ j ars t j órnarkosning ar;
Efstu sætin skipa: Bragi Sigur-
jónsson, Steindór Steindórsson,
Þorvaldur Jónsson, Torfi Vil-
hjálmsson og Jens Sumarliða-
son.
stjórnina, að framkvæma rann-
sókn á hag togaraútgerðarinnar
og afkomu undanfarin ár. En
þegar farið var fram á það í
sjávarútvegsnefndum Alþingis,
að skýrsla rannsóknarnefndar-
innar yrði lögð fram, var því
neitað og borið við, að þar væru
tilgreind nöfn útgerðarfyrir-
tækja ásamt upplýsingum um
einkahag þeirra. Þess var þá
óskað, að skýrslan yrði látin í té
þannig, að nöfnum fyrirtækja
yrði sleppt, en ekki var það
heldur fáanlegt!
Hafði Alþingi þá lítil tök á að
gera sér grein fyrir máli þessu.
Frumvarp þetta varð þó að lög-
um, enda almennt viðurkennt,
að þarna væri aðstoðar þörf.
Gert er ráð fyrir að taka lán
með ríkisábyrgð til að bæta
aflabrest togaranna á árinu
1960, en það lán endurgreitt á
næstu 15 árum. Stofnuð er tog-
aradeild aflatryggingasjóðs, sem
byrjar á að greiða bætur vegna
ársins 1961, og er gert ráð fyrir,
að allmikið af því, sem bátaút-
gerðin greiðir í sjóðinn verði
varið til aðstoðar togurunum,
enda eru gjöldin hækkuð til
muna.
Eru bátaútvegsmenn sem
vænta mátti, mjög óánægðir
með þessa ráðstöfun. Af hálfu
Framsóknarflokksins var lagt
til að deildir aflatryggingasjóðs
hefði aðskilinn fjárhag og að
togaraútgerðinni yrði veitt að-
stoð með því að verja til hennar
hluta af gengishagnaði útfluttra
sjávarafurða, sem ríkisstjórnin
tók til sín með bráðabirgðalög-
um í sumar, en sá sjóður mun
liafa numið 150—170 milljónum
króna.
Almannavarnir.
Seint á þingi var útbýtt með-
al þingmanna fyrirferðamiklu
(Framhald á bls. 5)
Skarphéðinn Guðmundsson, kaupfélagsstjóri á Siglufirði, vann
stökkkcppnina með yfirhurðum. (Ljósm. E. D.)
Fjölinennt skólamót
í Sólgarði
ÞANN 17. apríl síðastl. var fjöl-
mennt skólamót í Sólgarði í
Eyjafirði fyrir skólana í Ong-
ulsstaða-,, Hrafnagils- og Saur-
bæjarhreppi. Sú venja hefur
skapazt, að hafa þessi mót til
skiptis í félagsheimilunum og
er ágæt samvinna milli kennar-
anna um allan undirbúning. Og
fyrir börnin er þetta sannarleg-
ur hátíðisdagur. Áfengisvarna-
nefndirnar áttu frumkvæði að
þessum mótum. Þetta er þriðja
skólamótið á þessu svæði og var
því stjórnað áf Angantý Hjálm-
arssyni, skólastjóra í Sólgarði.
Þarna voru samankomin um
150 börn og allmargir fullorðn-
'ir. Ilöfðu skólarnir fjölbreytt
skemmtiatriði: leikþætti, söng,
upplestra og fleira.
Fyrir hönd áfengisvarna-
nefndanna flutti Eiríkur Sig-
urðsson, skólastjóri, ávarp um
bindindismál og sýndi fræðslu-
skuggamynd um það efni. Ár-
mann Dalmannsson, formaður
áfengisvarnanefndar Akureyr-
ar, flutti ávarp um gildi íþrótta
fyrir æskuna. Indriði Úifsson,
kennari, sýndi kvikmyndir, þar
á meðal hina nýju Skálholts-
mynd.
Þarna var sýning á handa-
vinnu barnanna í Sólgarði og
var þar margt skemmlegi'a
muna.
Kvenfélagið Hjálp í Saurbæj-
arhreppi gaf öllum mótsgestum
rausnarlegar veitingar.
Mikið fannfergi
Ólafsfirði, 25. apríl. Afar tregur
afli. Vonandi verður betra á
línu og færi, en bátar eru nú að
skipta um. — Snjór er afarmik-
ill ennþá, og allt á kafi frammi
í sveit, þótt hláka hafi verið
samfleytt í 12 daga. Hér í bæn-
um er enn snjór á sumum göt-
um.
Landsgönguna þreyttu yfir
500 manns, og er það yfir 50%
þátttaka. □
Landburður af fiski
Raufarhöfn, 25. apríl. — Síðan á
Pálmasunnudag hefur verið
mokafli og því mikið að gera.
Fjórir dekkbátar og 15—20 trill-
ur hafa veitt í net og á færi. —
Eftir páskana hefur afli minnk-
að á handfæi-i, en meira fæst í
netin. Fiskurinn er vænn.
Flokkur manna frá Siglufirði
er að setja upp mjölskemmu á
vegum síldarverksmiðjunnar,
eða stækka þá sem fyrir var um
helming.
Einnig er unnið að breytingu
á löndunarbryggjunni og lönd-
unartíkjum. Allar útflutnings-
afurðir frá fyrra ári eru farnar
héðan. Það síðasta, síld til Finn-
lands, fór fyrr í þessum mánuði.
Snjólaust er hér með öllu, sól
og sumar. □
Eldur í Bjarnargili
Haganesvík, 25. apríl. Aðfara-
nótt hins fyrsta sumardags kom
upp eldur í Bjai’nargili í Holts-
hreppi. Bóndi þar er Sveinn
Jónsson og var hann um kvöld-
ið að svíða kindahausa í gamla
bænum. En laust eftir miðnætti
varð bóndinn á Reykjarhóli
eldsins var og gerði þegar að-
vart. Komu nágrannar fljótt á
vettvang, en gamli bærinn var
þá alelda og brann til ösku. —
Einnig kviknaði lítillega í nýja
íbúðarhúsinu, sem stendur 5 m.
frá, en þar tókst að slökkva nær
strax og að verja húsið.
í Vestur-Fljótum er snjólaust
á láglendi, en allt á kafi í Aust-
ur-Fljótum ennþá. — Fljótamót-
ið var haldið á Ketilási annan
páskadag. Sigurvegari í 15 krri.
göngu í elzta flokki varð Lúð-
vík Ásmundsson. í 17—19 ára
flokki sigraði Frímann Ás-
mundsson. í 10 km. skíðagöngu
15—16 ára varð Sveinn Árnason
hlutskarpastur og í flokki 13—
14 ára sigraði Hermann Björn
Haraldsson. — í 5 km. göngu
drengja sigraði Kári Jónsson.
Komu með 100 tonn
Dalvík, 25. apríl. Togbátarnir
Björgvin og Björgúlfur komu
nýlega með 50 tonn hvor. Þeir
hafa aflað þolanlega. — Stærri
mótorbátar eru farnir héðan
vegna aflatregðu í netin. Trill-
ur er verið að undirbúa, og
sumar eru komnar á flot. —
Hrognkelsaveiði er lítið stund-
uð. Vegir eru vel fæiir í Svarf-
aðardal. Snjór er á láglendi enn-
þá, þótt mikið hafi tekið. En í
dag var bannaður vegurinn til
Akureyrar áætlunarbílnum. □
Ný flatningsvél
Hrísey, 25. apríl. — Búið er að
kaupa og koma fyrir nýrri flatn-
ingsvél í hraðfrystihúsi KEA og
mun hún gera mikið gagn.
Afli er sæmilegur bæði í net
og á handfæri og því nóg at-
vinna eins og er. — Snæfell var
að landa 45 tonnum fiskjar. □
Fjörutíu bændur
í heiinsókn
SÍÐASTA þriðjudag komu 40
bændur úr Öngulsstaðahreppi
til bæjarins í boði SNE (Sam-
bands nautgriparæktarfélaga í
Eyjafirði).
Bændurnir skoðuðu búfjár-
ræktarstöðina að Lundi, sem
SNE rekur þar með myndar-
brag og hefur gert merkilegar
tilraunir í afkvæmarannsóknum
og fleiru.
Á eftir sátu bændurnir kaffi-
boð samtakanna að Hótel KEA.
Þar bauð formaður SNE, Jón-
as Kristjánsson; gestina vel-
komna, og rifjaði upp í stórum
dráttum 30 ára starf þessa fé-
lagsskapar og árangurinn af því.
Ennfremur hvað framundan
væri í þessari búgrein.
Ólafur Jónsson, ráðunautur,
sagði frá tilraunastarfseminni
að Lundi og þeim niðurstöðum,
sem þegar liggja fyrir.
Sigurjón Steinsson, bústjóri,
skýrði frá búrekstrinum og
ýmsum atriðum varðandi upp-
eldi ungviðanna.
Jónas Halldórsson, bóndi á
Rifkelsstöðum, formaður Naut-
griparæktunarfélagsins í Öng-
ulsstaðahreppi, þakkaði boðið
og góðar viðtökur.
SNE hefur um 160 nautgripi
á fóðrum, mjólkurkýr, tilrauna-
kvígur og kynbótanaut. Nauð-
synlegt er að bændur fylgist vel
með þeirri starfsemi, er þar fer
fram, því að hún getur orðið
þeim ómetanleg og mun þegar
hafa gefið haldgóðar upplýsing-
ar um kyngæði undaneldis-
gripa.
Öngulsstaðahreppur er mesti
mjólkurframleiðsluhreppur sýsl
unnar og þar sitja mjög margir
harðduglegir bændur, vel hýst-
ar og ágætar jarðir. Þar hafa
nokkur myndarleg nýbýli verið
reist á síðari árum.
•11111111111111111 IIIIIIIIIIMIIIIIIIIIIIIIIIIIIIVlllllllHIUII |(
! Bagijk I
Næsta blað kemur út fimmtu-
daginn 3. maí.