Dagur - 03.06.1964, Blaðsíða 7

7
- VerkalýSsmálaráSstefnan
(Framhald af blaðsíðu 8).
Hér á eftir verður í örfáum
orðum rakið efni framsöguerind
anna á ráðstefnunni.
Ingvar rakti stöðu verkalýðs-
baráttunnar, og þá fyrst og
fremst hér á landi, og gat þess
að vart hefðu verkalýðsfélögin
verið viðurkennd sem samnings
aðili um kaup og kjör frá hendi
atvinnurekenda, fyr en lögin
um stéttarfélög og vinnudeilur
voru sett árið 1938. Var Gísli
Guðmundsson þingmaður Fram
sóknarflokksins einn af flutn-
ingsmönnum þessa frumvarps.
Ingvar sagði að höfuðviðfangs-
efni verkalýðshreyfingarinnar
væri enn sem fyr, að gæta hags-
muna umbjóðenda sinna, og
gæta þess að vinnandi fólki beri
sem réttlátastan hluta af heild-
artekjum þjóðarinnar?
Hannes sagði að óhjákvæmi-
legt væri að hið opinbera hafi í
síáuknum mæli afskipti af hús-
næðismálum, sérstaklega þegar
þess er gætt, að byggingakostn-
aður hefði margfaldast nú á fá-
um árum. Nú væru byggðar að
meðaltali 1145 íbúðir á ári, í
stað 1616 íbúða á tímum vinstri
stjórnarinnar, en ársþörfin er
að meðaltali 1500 íbúðir. Gera
má ráð fyrir að meðalkostnaður
á rúmmetrann sé um kr. 2.000,00
sem þýðir að meðaltalskostnað-
ur íbúðar í dag er kr. 700—800
þúsund, eða heildarverðmæti
þeirra íbúða, sem byggja þarf,
um kr. 1.000 til 1.200 mjlljónir.
Ef hægt væri að lána %—% af
kostnað'i við íbúðarbyggingu til
40 ára með 4% vöxtum, lækk-
um við húsnæðiskostnaðinn um
kr. 2.000,00 á mánuði.
Halldór sagði að vinnudagur-
inn væri or§inn allt of langur
langa vinnudegi leiðir, að minni
hjá verkamönnum. Af hinum
tími verður til þess að sinna
félags- og menningarmálum,
auk minnkandi vinriúafkasta.
Árið 1963 leiddi athugun í ljós,
að um 60% af launatekjum
væru fyrir dagvinnú, hjá verka-
mönnum, en hitt váeri eftir- og
helgidagavinna. Þegar þetta er
athugað, er Ijóst, að nauðsyn-
legt er að söðla um og breyta
kjarasamningum. Hann sagði
að vinnurannsóknir og vinnu-
hagræðing væri skammt á veg
komin hér á landi, en þörfin
verði æ brýnni fyrír slíkt.
Guðmundur taldi að aðalverk
efni launþegafélaganna væri að
ná jafnvægi milli kaupgjalds og
verðlags, en bilið þar á milli
hefur breikkað undanfarin ár.
Þessu takmarki e* aðeins hægt
að ná með breyttri stjórnar-
stefnu, því Framsóknarflokkur-
inn sé skeleggasti aðilinn sem
berst fyrir bættum kjörum al-
þýðunnar til lands og sjávar.
Eysteinn sagði að Framsókn-
arflokkurinn hafi ætíð haft það
sjónarmið, að vinnan skipi
hærri sess en fjármagnið, og
gangi fyrir. Þá benti hann á, að
síðan hin nýja stjórnarstefna
komst á, hefði stöðugt hallað
undan fæti í kjaramálum laun-
þega, og kaupmáttur launa hefði
hrapað úr 115 stigum 1960 í 100
stig 1963, en kaupmátturinn
hefði verið hæstur 1859, þá 118
stig. Raunar mætti segja að með
núverandi stjórnarstefnu, hefði
verkalýðshreyfingunni verið
sagt stríð á hendur. Verkalýðs-
hreyfingin má aldrei gefa eftir
samningsréttinn. Ef það gerðist
yæru engin takmörk fyrir þeim
óhöppum sem gætu gerzt. Hann
sagði að einn þáttur verkalýðs-
baráttunnar væri að stórauka
mátt samvinnusamtakanna, og
gera þau sem færust að skapa
rétt verðlag í landinu. Ekki er
annað sæmandi en að launa-
hækkanir gangi fyrir hækkun
verðlags. Taka verður húsnæðis
málin nýjum tökum með lækk-
un vaxta, auknum lánum og
lengri lánstíma. Ekki er unnt
að tryggja áframhaldandi fram-
þróun, nema með stóraukinni
vélvæðingu og tækniþróun, og
gera þyrfti ráðstafanir til að
verðtryggja sparifé landsmanna.
Jón Snorri sagði að ákvæðis-
vinna hefði verið reynd hér á
landi í allmörg ár í byggingar-
iðnaði, en þó einkum í sam-
bandi við sjávarútveg. Nú væri
mikill hluti af byggingariðnaði
höfuðborgarinnar unninn í á-
kvæðisvinnu. Hann útskýrðj all-
náið verðskrár og útreikninga,
sem nú eru í gildi í byggingar-
iðnaði í Reykjavík. Afleiðing
ákvæðisvinnu er stóraukinn
áhugi fyrir vinnuhagræðingu
og þá um leið afköstum. Ekki er
þó rétt að aukin ákvæðisvinna
sé neitt allsherjar ráð til skipt-
ingar þjóðarteknanna. Ýmsa
agnúa má finna á þessari vinnu-
tilhögun, en alltaf er unnið að
því að sníða þá af. Hann taldi
að fj öldaframleiðsla á íbúðum
myndi áreiðanlega lækka bygg-
ingarkostnaðinn verulega. □
GANGIÐ VEL UM
LYSTIGARÐINN
DVÖL á grasblettum aðeins
leyfð, þar sem gras er lítið og
nýlega slegið. Traðkið ekki á
jöðrunum meðfram gangstígum
og blóma- og trjábeðum. Hlífið
grasinu, notið gangstígana og
garðbekkina. Takmarkið notkun
teppa og rúmfata í garðinum.'
Valdið ekki hávaða eða ónæði.
Hendið ekki rusli eða brefum í
garðinn, setjið það í næstu rusla
skrínu. Allir hópleikir og hlaup
um garðinn stranglega bannað.
Hendið ekki peningum í tjarnir
eða gosbrunna. Bannað er að
vaða og sulla í tjörnunum og
læknum. Það er ekki hættu-
laust fyrir smábörn að vera ein
á ferð í garðinum eða með ófull-
nægjandi leiðsögn, og því heim-
ilast að vísa þeim út úr garðin-
um. Sýnið góða umgengni og
hjálpið til að aðrir geri það.
Vegna illrar umgengni um sal-
ernin, verður að fá lykla að
þeim hjá starfsliði garðsins í
hvert skipti og þau eru motuð,
og kostar aðgangur að þeim 1
krónu, sem greiðist um leið og
lyklar eru fengnir. Barnavögn-
um má ekki aka um malargöt-
urnar í garðinum. Aðeins upp
hellustéttina að norðan. Innan
við hliðið má ekki skilja eftir
nema einfalda röð af barna-
vögnum, til vinstri. Mest 6—8
vagnar.
Fyrst um sinn verður garður-
inn opinn daglega frá kl. 9 f. h.
til kl. 10 e. h. Öll umferð um
garðinn er óviðkomandi óheim-
il á öðrum tíma.
Það eru vinsamleg tilmæli
Lystigarðsstjórnar að gestir
garðsins hagi sér í samræmi við
settar reglur og stuðli þannig að
sem beztri umgengni um þenn-
an hálfrar aldar gamla dýrgrip
Akureyrarbæjar. (Frá Lysti-
garðinum).
AKUREYRARKIRKJA. Mess-
að í Akureyrarkirkju á sunnu
daginn kemur kl. 10,30 árdeg-
is, sjómannamessa. — P. S.
MÖÐRU V ALL AKL AUSTURS-
PRESTAKALL. Eins og tvö
undanfarin sumur hefur Bisk-
upinn yfir íslandi sett Ágúst
Sigurðsson stud. theol. til
predikunarstarfa í prestakall-
inu. Mun hann því enn gegna
þessari þjónustu og annars
bækur embættisins tímabilið
júní—september 1964. — Bið-
ur Ágúst þess getið, að að-
stoðarþjónusta hans á Möðru-
völlum gefi alls ekkert til
kynna um framtíðarstörf hans
né val aðsetursstaðar. Sókn-
arprestur.
I.O.G.T. Stúkan Brynja nr. 99
heldur fund að Bjargi fimmtu-
daginn 4. júní kl. 8,30 é. h. —
Dagskrá: Inntaka nýrra fé-
laga, venjuleg fundarstörf,
rætt um stórstúkuþingið. —
Eftir fundinn verður farið í
stutt ferðalag.
MINJASAFNEÐ, Akureyri. Op-
ið alla daga frá kl. 13,30—16.
Alveg lokað mánudaga. —
Ferðamannahópar geta skoð-
að safnið aðra tíma eftir sam-
komulagi við safnvörð. Símar
1162 og 1272.
NONNAHÚS er opið alla daga
frá kl. 2—4 síðd. Opnað n. k
sunnudag.
SKÍÐAHÓTELIÐ HLÍÐAR-
FJALLI. Opið daglega fyrir
gistingu og greiðasölu. Borð
og matpantanir í síma um 02.
— Hótelstjóri.
- Afturganga Hitlers
leiðir þá við hönd
(Framhald af blaðsíðu 5).
sinn í því að vara Krúsév við
þeim mönnum, sem kynda bál
friðelskandi manna um allan
heim fyrir djarfa baráttu gegn
stríðsæsingamönnum kommún-
ista. Þeim mun ömurlegar
verka tilraunir hans til að vinna
sér hylli fasista í Arabalöndun-
um með lágkúrulegum ógnun-
um gegn ísrael.
Allir heiðarlegir, frjálsbornir
menn hljóta að fordæma for-
dæðu gyðingahatursins. Því
ættu þeir fylgismenn kommún-
ista, sem bornir eru og aldir
með frjálsri þjóð, eins og íslenzk
ir kommúnistar, að sjá sóma
mannhaturs og kynþáttaof-
sókna.
En aumingjaskapur íslenzkra
kommúnista er svo mikill, að
þeir þegja yfir ósómanum og
látast ekki sjá hann.
Við íslendingar aðrir skulum
minnast þess, að það var slíkur
undirlægjuháttur við ósómann,
sem gerði Hitler kleift að
byggja gasklefana og kynda
mannbrennsluofnana. Leggjum
fram okkar skerf, fslendingar,
til að sú saga verði ekki endur-
tekin. (Þjóðólfur, blað Fram-
sóknarmanna á Selfossi).
SAMBANDSFUNDUR NORÐ-
LENZKRA KVENNA verður
haldinn í Skíðahótelinu í
Hlíðarfjalli, þriðjudaginn og
miðvikudaginn 9. og 10. júní
og hefst kl. 10 f. h. báða dag-
ana. Stjórnin.
FERÐALÖG. — Frá Ferðafélagi
Akureyrar og Ferðafélagi
Svarfdæla: Ferð í Snæfells-
13.—17. júní og Grímseyjar-
ferð 14. júní. Upplýsingar og
farmiðasala á skrifstofu Ferða
félags Akureyrar, Skipagötu
12. Skrifstofa félagsins er op-
in á þriðjudögum og fimmtu-
dögum kl. 8—10 e. h. Sími
2720.
HLÍFARKONUR. — Komið í
kirkjuna á sunnudaginn. —
Minnumst í sameiningu sum-
arstarfsins í Pálmholti. Ath.
breyttan messutíma.
GJAFIR og áheit til Laufás-
kirkju. — Sigurbjörg ogSig-
urbjörn, Ártúni kr. 1000,00.
Marzibil og Helgi, Grund kr.
1500,00. Þorvaldur, Grund kr.
300,00. Magnús H. Sigurbjörns-
son, Ártúni kr. 2000,00. Ólína og
Þorvarður Þormar kr. 2000,00.
Frank Taylor kr. 100,00. María
Jónsdóttir, til minningar um
Ingólf Jónsson kr. 500,00. Sig-
rún og Jón á Skarði kr. 1500,00.
Hjördís og Skírnir á Skarði kr.
1000,00. S. N. (áheit) kr. 200,00.
J. B. kr. 200,00. Vilhelmína og
Hjálmar frá Sundi kr. 8000,00.
Unnur og Snæbjörn á Nolli kr.
1000,00. M. S. ýáheit) kr. 100,00.
Hjónin í Ártúni til minningar
um foreldra sína kr. 10.000,00.
Margrét og Hólmgrímur í Yztu-
vík kr. 1000,00. Guðrún og Sæ-
mundur í Fagrabæ kr. 2000,00.
Jón Sæmundsson, Fagrabæ kr.
200,00. Bergvin Jóhannsson, Ás-
hóli kr. 500,00. Jón Laxdal og
fjölskylda, Nesi kr. 2000,00.
Grímur Laxdal, Nesi kr. 1000,00.
Jónína Sigmundsdóttir, Álfta-
vatni kr. 500,00. Hjónin í Lauf-
ási kr. 1200,00. Sigurbjörn í Ár-
túni kr. 500,00. Fjölskyldan á
Þverá kr. 1000,00. S. M. (áheit)
kr. 500,00. — Öllum velunnur-
um og vinum Laufáskirkju fær-
um við beztu þakkir. — Sóknar-
nefnd og sóknarprestur.
- AFLATRECÐA
NORÐANLANDS
(Framhald a£ blaðsíðu 4).
geti hlaupið undir bagga svo
að verulega muni um, þegar
það ástand skapast a£ völd-
um fiskleysis, sem nú er í
verstöðvum hér norðanlands.
En til þess að hugmyndir
manna um þetta geti rætzt,
þar£ að breyta lögum sjóðs-
ins. Sú samábyrgð innan
sjávarútvegsins, sem tekin
var upp vegna togarflotans,
ætti ekki síður að ná til báta-
útvegsins í þeim landslilut-
um, þar sem ekki er um stór-
uppgrip að ræða og því
minni möguleikar til að
mæta aflaleysisárum. Miklu
skiptir, að forvígismenn báta
útvegsins og sjávarplássanna
hér nyrðra beri saman ráð
sín um þetta efni og séu
undir {jað búnir að gera
ákveðnar tillögur til breyt-
inga eftir því, sem fært þyk-
ir. □
e 4
í: Heill ykkur, er munduð mig sjötugan. f
I
SKA FTI I GERÐI.
X
t , . <3
X Þakkir flyt ég öllum, er minntust min með vinsemd
? á sextugsajmœli mínu hinn 26. maí siðastliðinn. ©
& AÐALSTEINN JÓNSSON, Kristnesi. f
I- f
Faðir minn, afi, tengdafaðir og bróðir
STEFÁN STEFÁNSSON, járnsmiður,
Glerárgötu 2,
andaðist í Fjórðungssjúkrahúsinu á Akureyri rnánu-
daginn 1. júní.
Sigurlaug Stefánsdóttir, Steinunn Stefánsdóttir,
Ingibjörg Guðmundsdóttir, Sveinn Stefánsson.
Innilegar þakkir fyrir auðsýnda samúð og margvís-
lega lijálp í sambandi við andlát og jarðarför
JÓNS JÓNSSONAR, Lögbergsgötu 1.
Guð blessi ykkur.
Helga Jónsdóttir, Helga Kristjánsdóttir,
Vigdís Jónasdóttir, Guðrún Jónasdóttir.
Innilegustu þakkir til allra, er auðsýndu vináttu og
samúð við veikindi, andlát og jarðarför
INDRIÐA PÁLMASONAR, skrifstofumanns,
frá Hofi.
Vandamenn.