Dagur - 04.07.1980, Blaðsíða 8

f raÍGUR ^ r lAnrtd *V»*11* Umsjón: Guðbrandur Magnússon. ^imar ■ layN d.U* Ritstjóriogábyrgðarmaður:HermannSveinbjörnsson _ . Blaðamaður: Áskell Þórisson. //| 1 riT Augl. og afgreiðsla: Jóhann Karl Sigurðsson. ' Útgefandi: Útgáfufélag Dags. Skrifstofur: Tryggvabraut 12, Akureyri. AáÉj/ Prentun: Prentverk Odds Bjömssonar hf.
Iðnskólinn á
Akureyri 75 ára
Framhald afforsíðu.
skólastjóri Iðnskólans, sagði í samtali við blaðið að hann
vildi alls ekki gera of lítið úr bóknámsþætti iðnskólanna.
„Iðnaðarmenn verða að vera gjaldgengir áfram í þjóð-
félaginu sem vel menntaður hópur manna er getur t.d.
tekið að sér alls kyns trúnaðarstörf fyrir sveitarfélög sín.
Aftur á móti mætti sníða bóknámið frekar eftir þörfum
iðnnemanna, meira en nú er gert.“ Þá sagði Aðalgeir, að
sú samræmda námsskrá fyrir alla norðlenska fram-
haldsskóla sem kennt verður eftir í fyrsta sinn næsta
vetur, marki tímamót í sögu skólamála í fjórðungnum.
„Þá munu nemendur þessara skóla geta gengið á milli
þeirra og nýtt sér þá möguleika að bæta við menntun
sína, allt eftir áhuga þeirra og dugnaði.“ Þannig myndast
t.d. möguleikar í framtíðinni fyrir stúdenta úr MA eða
Fjölbrautarskólanum á Sauðárkróki að halda áfram námi
í iðnskóla, eða öfugt; að iðnnemar geti haldið áfram í
öðrum skólum á svæðinu og fengið sína menntun metna
þar til fulls.
Sá hugsunarháttur að menntaskólanám sé iðnnámi
eitthvað æðra og mikilvægara verður að breytast. Þessir
fordómar hafa allt of lengi tafið framvöxt verkmennt-
unar í landinu og valdið því að mikið af ungu fólki hefur
farið í menntaskóla, sem miklu frekar ætti erindi í verk-
menntaskóla.
Akureyrarbær verður að setja heiður sinn að veði
gagnvart því að Iðnskólinn verði efldur á allan hátt,
vegna þess að iðnþróun bæjarins er undir því komin að
miklu leyti. Skólinn heldur að sjálfsögðu áfram að
mennta iðnaðarmenn í sama formi og verið hefur, en
einnig bíða hans önnur og fjölþættari verkefni, s.s. end-
urmenntun vegna örra tækniframfara. Þá er fyrirhugað
að skólinn taki upp iðjuþjálfun fyrir afmarkaðar greinar
innan iðnaðarins — sérhæft iðnnám eins og t.d. rafsuðu
eða saumaskap.
Iðnaðarmenn á Akureyri stofnuðu skólann fyrir 75
árum af stórhug og framsýni og enn þann dag í dag verða
þeir að standa vörð um hann, því það er ein af forsendum
þess að atvinnulíf bæjarins blómgist í framtíðinni.
Dagur sendir Iðnskólanum á Akureyri sínar bestu
kveðjur í tilefni 75 ára afmælisins og óskar skólastjóra,
kennurum og ekki síst iðnnemunum alls velfarnaðar.
Guðbrandur Magnússon.

ÞOGLA
ÞÓRLJNN
Eftirfarandi
skeyti hefur
borist blaðinu:
Mexico City 30.06. 1980.
komið þið blessuð stop bið
að heilsa öllum vinum stop
mér þykir leitt hvernig fór
stop er nú í pólitískri endur-
hæfingu stop sjáumst hress
og kát í haust stop virðing-
arfyllst stop þögla þórunn
stop stop.
BRÉF TIL BLAÐSINS
Hr. ritstjóri,
Hermann Sveinbjörnsson.
Hellu, 3. júní 1980.
Þökk fyrir blaðið, það' hefur borist mér með góðum
skilum. Eg hef lesið það nokkuð vel og það hefur opnað
mér gleggri sýn inn á vettvang þíns byggðarlags heldur
en ég áður hafði.
Mér var að berast Helgar-DAGUR, 38. tbl. 30. maí
’80. Þar á baksíðu er grein sem fjallar um umgengni
bœndafólks á heimilum sínum og ábýlisjörðum og ber
nafnið Landníðingur— Skógníðingur. Ég vil samfagna
Eyfirðingum með þann árangur sem þeir hafa náð við að
snyrta sitt umhverfi, en þaðan hverfur greinarhöfundur
að því að lýsa því sem fyrir augu hans bar er hann
ferðaðist um „eitt af svipmestu og sögufrœgustu héruð-
um“þessa lands. Eftir tilþrifamikla lýsingu virðist nið-
urstaða hans felast í eftirfarandi setningu „Það á enginn
land svo rcekilega að hann geti nauðgað því endalaust og
sýnt því hvert níðingsbragðið öðru verra. “ 1 framhaldi af
þessari ályktun vil ég spyrja hvort nokkur hafi svo
rœkilegan eignarrétt á islensku máli að hann megi dylgja
á fyrrnefndan hátt án þess að nefna sökudólginn. Þ.e. um
hvaða hérað er greinarhöfundur að tala?
Með þökk fyrir vœntanlegt svar.
Steinþór Runólfsson.

Heyþyrlur
Stjörnumúgavélar
Bændur athugið
Nú eru þær komnar til afgreiðslu hinar vinsælu
heyþyrlur og stjörnumúgavélar frá Kuhn.
Tvær stærðir af hvorri gerð
* t
<r\
Ármúla 3 Reykjavik Simi 38900
KaupSélögín
UM ALLTLAND