Dagur - 22.07.1980, Page 8
DAGTJR
Akureyri, þriðjudagur 22. júlí 1980.
ÞJÓNUSTA
FYRIR
HÁÞRYSTISLONGUR
OLfUSLÖNGUR og BARKA
PRESSUM
TENGIN Á
FULLKOMIN TÆKI
VÖNDUÐ VINNA
Aðalfundur
Sambands
norðlenskra
kvenna
Samband norðlenskra kvenna hélt
aðalfund sinn dagana 10.-11. júní
si. í Varmahlíð í Skagafirði. Þar
voru rædd ýms mál sem til hags-
bóta mega verða fyrir Norðlend-
inga. Svo sem garðyrkjumál, bind-
indismál, húsmæðrafræðsla, or-
lofsmál húsmæðra, heimilisiðnað-
ur og endurhæfingarstöð Sjálfs-
bjargar á Akureyri. Undanfarin tvö
ár hefur staðið yfir söfnun til end-
urhæfingarstöðvarinnar á vegum
S.N.K. og hafa safnast samtals á
þessum tveim árum kr. 3.555.000.
Öll norðlensku sýslusamböndin
hafa tekið þátt í þessari söfnun og
hefur þetta fé verið afhent Heið-
rúnu Steingrímsdóttur, sem tók á
móti því fyrir hönd Sjálfsbjargar.
Stjórn S.N.K. skipa: Elín Ara-
dóttir, Brún, Reykjadal formaður,
Sigríður Hafstað, Tjörn, Svarfað-
ardal ritari og Guðbjörg Bjarna-
dóttir, Akureyri gjaldkeri.
Framleiðsla
Kísiliðjunnar
Framleiðsla Kísiliðjunnar í
Mývatnssveit hefur gengið
mjög vel þaðsem af er þessu ári.
Framleiðslan á fyrri hluta árs-
ins, þ.e. til júníloka, var alls
12.622 tonn. Það eru tæp 12%
fram yfir áætlun. Hins vegar
hefur nú gætt nokkurrar sölu-
tregðu, þannig að það hefur
ekki tekist að selja þessa
umframframleiðslu enn, svo
það er orðin nokkur birgða-
söfnun hjá fyrirtækinu.
Diskó-
tek á
Sauð-
árkróki
Sauðárkrókur er nú vaxandi
ferðamannabær og gefur stærri
stöðum á landinu ekkert eftir í
þjónustu við ferðamenn. í Hótel
Mælifelli eru sjö herbergi en
auk þess hefur hótelið 14 full-
komin tveggja manna herbergi
með baði í heimavist Fjölbraut-
arskólans.
„Aðsóknin hefur verið nokkuð
góð, að vísu var fremur rólegt hér
framan af júní en er nú að aukast
og við erum með pantanir út
ágúst,“ sagði Guðmundur Tómas-
son, hótelstjóri 1 samtali við blaðið.
Á Hótel Mælifelli hefur verið
starfrækt diskótekið Liverpool síð-
an í byrjun mars. Það er búið ný-
tísku tækjum, tveimur plötuspilur-
um og segulbandstæki, auk ýmiss
konar „diskóljósa“. „Þetta er eini
staðurinn sinnar tegundar á stóru
svæði og því mikil aðsókn," sagði
Guðmundur. „Við erum með opið
á föstudags- og laugardagskvöld-
um og þá er aldurstakmarkið 20 ár.
Á fimmtudagskvöldum er svo ald-
urstakmarkið 18 og svona einu
sinni í mánuði erum við með
diskótek fyrir unglinga 12-18 ára,“
sagði Guðmundur að lokum.
Skagfirðingar leita úrræða í olíukreppu
HITAVEITA i SKAGAFIRÐI?
Olíukreppan hefur hvatt menn mjög
til ýmissa athugana á hagkvæmum
og ódýrum orkugjöfum og eðlilega
hefur athygli manna beinst að heita
vatninu í iðrum jarðar.
í Skagafirði eru nú miklar bolla-
leggingar um lagningu hitaveitu i
stórum stíl, en hitaveitur eru nú
bæði í Varmahlíð og á Sauðárkróki.
í Seyluhreppi hafa verið kosnir
þrír menn í hitaveitunefnd, þeir
Sigurður Haraldsson á Grófargili,
séra Gunnar Gíslason í Glaumbæ
og Einar Gíslason á Skörðugili, og
hefur nefndin gert áætlun um hita-
veitu út Langholtið, norður frá
Varmahlíð.
Dagur hafði samband við Einar
á Skörðugili og bað hann um nán-
ari upplýsingar varðandi þessar
hitaveituhugmyndir. Hann sagði
að Seylhreppingar væru búnir að
kosta miklu til alls kyns rannsókna,
en áhugi Orkustofnunar virtist
heldur takmarkaður við stærri
hitaveiturnar. Sagði hann þetta mál
nú í biðstöðu og væri beðið eftir
fundi með mönnum frá Orku-
stofnun.
— Þetta mál helst í hendur við
svo margt annað hér, sagði Einar,
því enn er ekki ljóst hvort bora þarf
nýja holu i Varmahlíð, eða hvort
það nægir að hreinsa upp þá
gömlu. Einnig er beðið eftir úr-
skurði um það hvort notað verður
heitt vatn við þurrkun í fyrirhug-
aðri graskögglaverksmiðju í Hólm-
inum. Auðvitað finnst okkur eðli-
legast að innlendir orkugjafar séu
nýttir eins og kostur er.
Ibúar í nágrenni Sauðárkróks
hafa einnig áhuga á hitaveitu og
líta íbúar Borgarsveitar það hýru
auga að fá leiðslur frá Hitaveitu
Sauðárkróks. Undirtektir hafa þó
verið heldur dræmar.
Hugmyndir manna um hitáveit-
ur í Skagafirði ná einnig til þess að
tengja saman hitaveiturnar í
Varmahlíð og á Sauðárkróki, en á
þeirri leið eru tiltölulega margir
notendur og þéttbýli nokkuð á ís-
lenska vísu. Mun Sigurþór Hjör-
leifsson í Messuholti fyrstur manna
hafa hreyft þeirri hugmynd. Enn
sem komið er mun sú hugmynd þó
illframkvæmanleg, vegna þess að
vatnið hjá hitaveitunum á Sauðár-
króki og í Varmahlíð er ekki nógu
heitt til að hægt sé að leiða það svo
langa vegalengd.
7 %-■
\ 1 Wv" 1 rfc ~ jfFf f Twflíi
íill \ ! fl fUm JI1I
1 Vtl. i i? <if T*. f'i ifv. 1 m
Ú^m UPl Í i If’#1 á m Lil
Ww ■: jj W ■ j ' J &'■;]
.V- . |: i | |
> ■g.'. V', v W 1 1 f' S J || StSfÉí r'
p 11
,T? X m Wý * i ; ||
'|T|v U ♦ \' * K ••• V 'T fi K, ■ H’. I
■ Mlit J W'.V'
19 punda
lax veiddist
í Eyjaf jarðará
Ágæt veiði hefur verið í Eyja-
fjarðará og Hörgá það sem af er,
að sögn Kristjáns frá Djúpalæk,
sem hefur umsjón með ánum.
Það bar til tíðinda á laugardag,
að Héðinn Bjömsson fékk 19 punda
lax úr Eyjafjarðará. Sagðist Kristj-
án ekki vita um neinn stærri úr
ánni. Þetta var 8. laxinn úr Eyja-
fjarðará í sumar, en þar og í Hörgá
hefur veiðst mikið af vænni bleikju.
Fiskurinn var um hálfum mánuði
fyrr á ferð í sumar, en í fyrra.
Talsvert hefur orðið vart við
mink við báðar árnar og hefur
honum fjölgað mjög á síðustu
árum.
FINNSKUR UNGLINGA-
KÓR Á AKUREYRI
Um næstu helgi er væntanlegur
til Akureyrar, finnski unglinga-
kórinn Pudas. Stjórnandi kórs-
ins er ungur tónlistarmaður,
Reima Tuonti að nafni. Á Akur-
eyri mun kórinn halda eina tón-
leika og verða þeir í sal Gagn-
fræðaskólans, laugardaginn 26.
júlí, kl. 21.
Kórinn sem skipaður er 20
stúlkum, er talinn í röð fremstu
unglingakóra á Norðurlöndum.
Árið 1979 tók hann þátt í alþjóð-
legri unglingakórasöngkeppni, sem
haldin var í Hollandi, og voru
þátttakendur þar frá meira en 40
þjóðlöndum. Finnski kórinn
Pudas, stóð sig með afbrigðum vel
og varð í 3. sæti. Kórkín hefur
einnig sungið inn á tvær hljóm-
plötur.
Norræna félagið á Akureyri
annast móttöku kórsins hér. Með-
limir kórsins hafa óskað eftir því að
kynnast íslandi og Islendingum
sem best og vill stjórn Norræna fé-
lagsins á Akureyri beina þeim til-
mælum til félagsmanna sinna svo
og annarra áhugamanna um nor-
ræn kynni, að þeir taki einn eða
fleiri unglinga í svefnpokapláss n.k.
laugardagsnótt. Þeir sem hafa tök á
þessu og áhuga, vinsamlegast hafi
samband við Ingimar Eydal í síma
21132.
Þig mun aldrei
iðra þess að ...
Fyrir skömmu kom út hjá
Tónaútgáfunni á Akureyri,
hljómplata með örvari
Kristjánssyni og nefnist hún
„Þig mun aldrei iðra þess“.
Hljóðfæraskipan á piötunni er
þannig að Örvar leikur á har-
moniku, Grímur Sigurðsson á
bassa og gítar, Kristján Guð-
mundsson á píanó og Július
Fossberg á trommur. Tveir hinir
fyrstnefndu sjá einnig um allan
söng á plötunni.
Örvar Kristjánsson hefur áður
sent frá sér þrjár plötur og fengu
þær allar góðar viðtökur. Tvær
hinna fyrstu voru eingöngu með
harmonikuspili en á þeirri þriðju
syngur Örvar nokkur laganna og á
nýju plötunni syngur hann átta af
tólf lögum.
Örvar hefur áunnið sér hylli
margra fyrir harmonikuleik sinn og
söng og munu þeir hinir sömu ekki
verða fyrir vonbrigðum með þessa
plötu. Þar má heyra vinsæl lög, eins
og „Komdu inn í kofann minn“,
„Húmar að kveldi" og fleiri hugljúf
lög. Platan var gefin út í 1500 ein-
tökum og er komin í verslanir um
land allt. Að auki voru lögin hljóð-
rituð á 450 kassettur.
Nú er í undirbúningi hjá Tóna-
útgáfunni að gefa út hljómplötu
með þeim Jóhanni Konráðssyni og
Kristni Þorstéinssyni. Hér er um
endurútgáfu að ræða og er stefnt að
þvi að platan komi út áður en árið
er liðið.
# Nýir
öskuhaugar?
Ef rétt er á málum haldið get-
ur Glerá verið regluleg
bæjarprýði. Nú er umhverfi
árinnar heldur óyndislegt,
enda hefur ekki verið gert
neitt áfak til þess að bæta úr
því á síðustu árum. Ekki
bætir úr skák þegar fólk
kemur með rusl niður að ánni
og fleygir því á árbakkann.
Þetta gerði bæjarbúi fyrir
skömmu skammt frá verk-
smiðjum SfS. Áhorfandi var
einn af íbúum Glerárhverfis,
sem býr belnt á móti staðnum
þar sem bæjarbúinn henti
rusli sínu. Nú er bæjarbúinn
farinn en eftir situr rusiið um
langa framtið.
% Vantar
perur
Lesandi kom að máli við
blaðið og benti á að oftlega
vantaði perur t þá fáu götuvita
sem eru í bænum. Kvaðst
hann hafa ffyrir því órækar
sannanir að íyrir skömmu
hefði litlu mátt muna að yrði
stórárekstur á einu horn-
anna, en ónýt pera varð þess
valdandi að ökumaður uggði
ekki að sér. Einn starfs-
manna blaðsins gerðfsf
rannsóknarblaðamaður um
stundarsakir með þeim
árangri að á stuttum tima
fann hann tvo götuvita með
jafnmörgum ónýtum perum.
# Heiðraði
forseti!
Það hefur ollið mönnum
nokkrum vangavettum
hvernig ávarpa skuli hinn ný-
kjöma forseta, þar eð hann er
kona. Nú er ekki iengur hægt
að segja „herra forseti", eins
og gert hefur verið hingað til.
Svo rfk er hefðin í hugum
manna að það séu alltal karl-
menn í veigamestu embætt-
um landsins, að sumir geta
ekki fengið af sér að kven-
kenna forsetann heldur reyna
frekar að finna einhver hlut-
laus ávarpsorð. Kunningi
blaðsíns er einn úr þeim hópi
og kom hann með þá tillögu
að forsetinn yrði í framtíðinni
ávarpaður „heiðraði forseti“.
Ekki bara nú, þegar kona
tekur við embættinu, heldur
um alla framtíð, hvert svo
sem kyn forsetans er. Þessari
tillögu hér með komið á
framfæri.