Dagur - 21.10.1980, Blaðsíða 4

DMSUM
Útgefandi: ÚTGÁFUFÉLAG DAGS
Skrifstofur: Tryggvabraut 12, Akureyri
Ritstjórnarsímar: 24166 og 23207
Sími auglýsinga og afgreiðslu: 24167
Ritstjóri (ábm.): HERMANN SVEINBJÖRNSSON
Blaðamaður: ASKELL ÞÓRISSON
Augl. og afgr.: JÓHANN KARL SIGURÐSSON
Prentun: Prentverk Odds Björnssonar hf.
Samgöngubætur
Flugfélag Norðurlands hefur nú
hafið áætlunarflug milli Akureyr-
ar, Ólafsfjarðar og Reykjavíkur.
Með tilkomu þessa flugs stórlag-
ast samgöngumál Ólafsfirðinga,
en þeir hafa til skamms tíma verið
hvað verst settir alira landsmanna
í þeim efnum. Opnun vegarins um
Ólafsfjarðarmúla gjörbreytti sam-
göngumálum við Ólafsfjörð.
Áætlunarflug Flugfélags Norður-
lands er að margra mati ekki síðri
áfangi í samgöngumálum Ólafs-
firðinga, en Múlavegur var á sín-
um tíma.
Þrátt fyrir þessar miklu sam-
göngubætur mætti margt betur
gera. Ekki hefur enn verið gengið
frá því svo tryggt sé með hvaða
hætti snjóruðningi á Ólafsfjarðar-
flugvelli verður háttað og þar er
engin aðstaða fyrir farþega og
flugáhafnir. Þessum málum þarf
að koma í lag hið bráðasta. Þá er
vegurinn um Ólafsfjarðarmúla
mjög ótryggur og oft beinlínis
varasamur. Að tilhlutan þing-
manna Norðurlandskjördæmis
eystra verður nú í haust kannað
með hvaða hætti best verður bætt
vegasambandið við Ólafsfjörð.
Hefur komið til tals að gera göng í
gegn um Múlann, en einnig að
byggja þekju yfir veginn, þar sem
mest hætta er á skriðuföllum og
snjóflóðum. Ljóst er að fram-
kvæmdir til að bæta veginn um
Múlann eru dýrar, en afskekkt
bæjarfélag á borð við Ólafsfjörð
getur átt viðgang sinn og vöxt
undir því komið, að samgöngur
séu greiðar. Fólk leggur meira
upp úr því nú en áður var, að auð-
velt sé að komast til og frá þeim
stað, sem það kýs sér bólfestu á.
Samgöngubætur hafa verið
miklar á undanförnum áratugum,
en betur má ef duga skal. Eitt
megin hagsmunamál dreifbýlisins
eru góðar og öruggar samgöngur.
Niðurrif
Því hefur oft verið haldið fram að
undanförnu að virðing aiþingis
farð þverrandi. Þetta á að líkindum
við nokkur rök að styðjast og Ijóst
er að margt mætti betur fara í
meðferð þingsins á hinum ýmsu
málum. Umræður á alþingi eru oft
með þeim eindæmum, að líkt hef-
ur verið við leikhús og það með
réttu. Sumir þingmenn virðast
hafa það eitt að leiðarljósi í mál-
flutningi sínum að vekja á sér at-
hygli fjölmiðla. En fjölmiðlar eiga
oft stóran þátt í því að rýra álit al-
mennings á alþingi. Dagblaðið
birti á dögunum leiðara, þar sem
sagt var að meirihluti þingmanna
væri þar í afslöppun og stór hluti
þingliðsins verðskuldaði heitið
þingnaut. Þetta er álíka málflutn-
ingur og stundum heyrist á alþingi
og er til þess eins gerður að vekja
á sér athygli. Gagnrýni getur verið
til góðs, en þetta er ekkert annað
en niðurrifsstarfsemi.
Tveir norðlenskir unglingar á alþjóðlegri listahátíð í Búlgaríu:
Fengu konung-
legar móttökur
Gengu á rauðum dregli, böðuð flóðljósum. Akureyrsk stúlka spilaði fyrir
milljónir áhorfenda í sjónvarpi
„Móttökurnar voru alveg stórkostlegar og okkur stóð nú
eiginlega ekki alveg á sama. Þegar við gengum út úr flug-
vélinni á flugvellinum í Sofia beið okkar bíll og síðan var
ekið rakleitt að svokallaðri forsetamóttöku í flugstöðvar-
byggingunni, en það er móttökusalur fyrir tigna gesti og
háttsetta. Þar gengum við í fljóðljósum eftir rauðum dregli
og búlgörsk börn stóðu til beggja handa með rósir. Við
vorum ávörpuð hátíðlega og boðin velkomin. Með öðrum
orðum, þá var börnunum sýnd öll sú virðing sem háttsettir
opinberir gestir njóta. Sama var uppi á teningnum þegar
við fórum. Þá var okkur ekið á flugvöllinn í fylgd f jögurra
lögregluþjóna á mótorhjólum og leyst út með gjöfum áður
en við stigum upp í flugvélina.“
Þannig sagðist Þóri Sigurðssyni, námsstjóra i hand- og
myndmennt frá, en hann var fararstjóri tveggja norðlenskra
unglinga á Alþjóðlegri listahátíð bama sem haldin var í Búlg-
aríu dagana 22.-30. september s.l. íslensku fulltrúarnir voru
Amhildur Valgarðsdóttir frá Akureyri og Nils Gústavsson úr
Mývatnssveit, bæði 14 ára. Arnhildur Valgarðsdóttir kom þar
fram á tónleikum sem sjónvarpað var um alla Austur-Evrópu og
ætla má að milljónir manna hafi fylgst með. Nils Gústavsson átti
myndverk á stórri myndlistasýningu, auk þess sem frummyndir
úr bókinni „Börn“, sem Menntamálaráðuneytið gaf út i tilefni
bamaársins, voru sýndar.
„Hún sló í gegn stelpan og var sómi okkar, sverð og skjöldur.
Ég var svo órólegur að ég þorði ekki að segja henni að það ætti
að sjónvarpa tónleikunum, af ótta við að hún þyldi ekki álagið.
En hún var alveg róleg og afslöppuð og sagði á eftir, að það
hefði ekki breytt neinu þótt hún hefði vitað af sjónvarpsvélun-
um,“ sagði Þórir Sigurðsson í viðtali við Dag. Við gefum Þóri nú
orðið.
„1 fyrrasumar, á hinu alþjóð-
lega bamaári Sameinuðu þjóð-
anna, var að frumkvæði Shivkova
menningar- og menntamálaráð-
herra Búlgaríu efnt til hinnar
fyrstu alþjóðlegu listahátíðar
bamanna. Þetta var einn þáttur af
framlögum Búlgaríu vegna hins
alþjóðlega barnaárs. Yfir 80
þjóðir tóku þátt í þessari lista-
hátíð sem hafði að einkunnar-
orðum „eining, sköpun, fegurð.“
Á dagskrá hátíðarinnar voru sýn-
ingar á bamamyndlist, margs-
konar tónlist, leiklist og danssýn-
ingar og böm fluttu eigin ljóð og
sögur. Þessi listahátíð þótti takast
ákaflega vel.
Á fundi menntamálaráðherra
Evrópulanda sem haldinn var í
júní s.l. var vígt glæsilegt minnis-
merki sem tengt var umræddri
listahátíð og bömum allra landa.
Þetta minnismerki stendur á
fögrum stað við rætur Vitosa
fjalls í útjaðri Sofia. Aðalritari
UNESCO, hr. Amadou Mahtar
M. Bow, vígði minnismerkið. Á
veggjum sem eru umhverfis aðal-
hluta minnismerkisins hanga
Þórir Sigurðsson.
kirkjuklukkur og bjöllur sem eru
gjafir frá öllum þjóðum sem þátt
tóku í listahátíðinni. Þær eru tákn
um böm þessara þjóða og eiga að
minna á að öll böm eiga rétt á
öryggi og friði.
Vegna þess hve vel þessi lista-
hátíð tókst í fyrra ákváðu stjórn-
völd í Búlgaríu að efna til svip-
aðra hátíða þriðja hvert ár, en til
þess að ekki þyrfti að bíða í þrjú
ár eftir næstu listahátíð barnanna
var afráðið að efna til annarrar
listahátíðar 22.-30. september
1980 s.l.
Boð um þátttöku íslenskra
barna í hátíðinni barst frá sendi-
ráði Búlgaríu í Osló til utanríkis-
ráðuneytisins og menntamála-
ráðuneytisins. Búlgörsk stjórn-
völd buðust til að greiða allan
kostnað af ferð tveggja barna og
umsjónarmanns þeirra. Afráðið
var að þiggja þetta góða boð og
var leitað liðsinnis Sigurðar Óla
Brynjólfssonar á Akureyri og
Þráins Þórissonar í Mývatnssveit
til að velja tvö börn til fararinnar.
Fyrir valinu urðu svo Nils og
Amhildur, en hún var valin í
samráði við Jón Hlöðver Áskels-
son, skólastjóra Tónlistarskólans
á Akureyri.
Böm frá 88 þjóðlöndum tóku
þátt í þessari listahátíð, þar á
meðal börn frá öllum ríkjum
Vestur- og Austur Evrópu,
Bandaríkjunum, Kanada og fjöl-
mörgum ríkjum Afríku, Asíu,
Mið- og Suður-Ameríku og Ástr-
alíu. Frá flestum þjóðlöndum
komu tvö börn, en frá nokkrum
ríkjum allt að 5 börn. Allt skipu-
lag þessarar hátíðar var mj ög gott
og framkvæmdin gekk snurðu-
laust fyrir sig.
Fjölbreytt dagskrá
Dagskrá listahátiðarinnar var
ákaflega fjölbreytt, vönduð og
skemmtileg. Framlag íslenskra
bama á listahátíðinni var það að
Amhildur Valgarðsdóttir lék ein-
leik á píanó í glæsilegasta leikhúsi
í Sofia, Ivan Vasov National
Academic Theatre. Hún lék
„Trölladans" eftir Grieg og svo
lék hún og söng þjóðlagið „Móðir
mín í kví, kví“ í útsetningu Jón-
asar Ingimundarsonar. Á þessum
tónleikum, sem var sjónvarpað til
allra landa í Austur Evrópu, léku
einnig börn frá fimm öðrum
þjóðum auk búlgarskra barna
sem léku, spiluðu, sungu og
dönsuðu að mikilli snilld.
Annað framlag íslenskra barna
var það að bókin „Börn“ sem ný-
komin er út á vegum mennta-
máiaráðuneytisins var kynnt og
frummyndir úr bókinni voru
sýndar á afar stórri sýningu
bamalistar sem haldin var í
stærsta og glæsilegasta sýningar-
sal höfuðborgarinnar „Shipka 6“
og var ekkert til sparað að hafa
þessa sýningu sem glæsilegasta.
Það var gengið mjög vel frá öllum
myndum sem sýndar voru, þær
límdar upp á karton og inn-
rammaðar. Ég tel að þær myndir
sem við sýndum þarna hafi verið
vel sambærilegar að gæðum við
þær myndir sem aðrar þátttöku-
þjóðir sýndu.
Góðir fulltrúar
Auk þessara tveggja aðalþátta
sem getið hefur verið þá tóku ís-
lensku börnin þátt í ýmsum atrið-
um s.s. íþróttum og leikjum alls-
konar, sem alltaf voru á dagskrá
þegar tækifæri gafst. Þau Arn-
hildur og Nils voru góðir fulltrúar
íslenskra barna, frjálsleg í fram-
komu, örugg og traust. Þátttak-
endum á listahátíðinni var boðið í
ýmsar skoðunarferðir t.d. fórum
við fyrsta daginn hátt upp í hlíðar
Vitosa fjalls, en höfuðborgin er
byggð útfrá rótum fjallsins.
Minnismerki allra
barna
Lokaathöfn listahátíðarinnar
fór fram við minnismerki allra
HCJIAHAHJI
|_Þannig litur nafnið „lsland“ út á kýrilisku letri Búlgaranna. j
Amhildur Valgarðsdóttir syngur og leikur fslenska þjóðlagið „Móðir min I kvf, kvf“ á tónleikunum.
4.DAGUR
Gestrisni, umhyggja
og velvild
Sú gestrisni, umhyggja og vel-
vild sem við nutum þarna hlýtur
að teljast einstök. Allt var gert til
að heimsókn okkar yrði ánægju-
leg, lærdómsrík og eftirminnileg
á allan hátt, og það varð hún
vissulega. Ég tel að það sé ákaf-
lega þýðingarmikið að íslensk
böm fái tækifæri til að taka þátt í
alþjóðlegri listahátíð sem þessari.
Þama koma úrvalsfulltrúar bama
flestra þjóða. Börn sem eftir 10-20
ár verða ef til vill þekktir lista-
menn eða áhrifamikið fólk hvert í
sínu landi og á alheimsmæli-
kvarða. Góðir fulltrúar Islands á
slíkum listahátíðum eru ábyggi-
lega mikil og jákvæð landkynn-
ing fyrir okkur. Ég tel því mikil-
vægt að við verðum með í næstu
listahátíð barnanna sem væntan-
lega verður haldin í Sofia sumarið
1982.
Búlgarar geta verið stoltir yfir
því að hafa efnt til þessara tveggja
listahátíða fyrir börn. Þeir hafa
fundið góðan hljómgrunn alls-
staðar að og þeir ætla sér að efla
þessar hátíðir í framtíðinni. Þýð-
ing þess að börn og unglingar
allra landa hittist á móti sem
þessu hlýtur að vera óumdeilan-
leg og vænleg til eflingar friði og
bættri sambúð allra þjóða.“
Nils Gústavsson á myndlistasýn-
ingunni.
Klukkutuminn — umhvcrfis hann
er komið fyrir bjöllum frá um 100
þjóðlöndum og er þetta minnis-
merki barna um allan heim.
Klukka sem minnir á íslcnsk börn
hefur nú hljómað þar i fyrsta sinn.
Nils og Arnhildur og með þeim er túlkur þeirra, og leiðsögumaður,
Antonia Kraeva.
Hljómleikahöllin, þar sem tónleikarnir vora haldnir. Myndir: Þórír Sigurðsson.
barna sem fyrr var minnst á í
þessari skýrslu. Þar var stórkost-
leg dagskrá sem búlgörsk börn
sáu aðallega um. Það var mikið
klukknaspil þegar klukkum og
bjöllum hinna ýmsu þjóða var
hringt.
Menntamálaráðuneyti íslands
gaf nú áletraða bjöllu og var
henni hringt þarna í fyrsta skipti
og tær hljómur hennar minnti á
íslensk böm í samfélagi við öll
önnur böm um víða veröld. Eftir
lokahátíðina við minnismerkið
bauð menningar- og mennta-
málaráðherra Búlgaríu,
Shivkova, öllum þátttakendum
listahátíðarinnar til veislu í stóru
og glæsilegu veitingahúsi við
Narodno Sabraina og þar lauk
listahátíðinni.
Kvennalið Þórs í handbolta eins og það var s.l. keppnistimabil, en flestar sömu stúlkur leika með Þór í ár.
Sigur hjá Þórsstúlkum
Fyrstu deildar lið Þórs í hand-
bolta í kvennaflokki lék fyrsta
leik sinn á laugardaginn og þá
við stöllur sínar úr Haukum.
Leikur þessi var nokkuð góður
og markatölumar eins og í
karlaieik væri að ræða.
I hálfleik var staðan 8-8 en
Þórsstúlkurnar voru sterkari á
endasprettinum og sigraðu með
16 mörkum gegn 15. Þórunn
Sigurðardóttir var í miklum ham
hjá Þórsstúlkunum og gerði 9
mörk en 3 úr vfti. Dýrfinna gerði
4, Magnea 2 og Freydís 1.

Tap og sigur hjá K.A.
Afturelding-KA 16-15
Ármann-KA 17-23
KA lék sína fyrstu leiki í ís-
landsmótinu í handknattleik
um helgina, en leikir annarar
deildar byrjuðu þá. Á laugar-
daginn léku þeir við Aftur-
eldingu og fór leikurinn fram
að Varmá í Mosfellssveit.
Þeir hafa á að skipa svipuðu
liði og í fyrra, en hafa fengið
sem þjálfara og leikmann Einar
Magnússon sem áður lék með
Víkingi og í Þýskalandi.
Heimamenn komust fljótt í 4
mörk gegn einu, en K.A tókst að
jafna og komast yfir og í hálf-
leik var staðan 9 mörk gegn 9
fyrir KA. í síðari hálfleik var
leikurinn jafn, og þegar um ein
mín. var eftir var staðan 15-15
og KA með boltann. Þeir misstu
hann hins vegar og fengu dæmt
á sig víti sem skorað var úr og
þau urðu síðan úrslit leiksins 16
mörk gegn 15 fyrir Aftureld-
ingu.
Flest mörk KA gerði Gunnar
Gíslason en hann kom frá
íþróttaskólanum á Laugarvatni
til móts við félaga sína til að
leika þessa leiki, en hann gerði 7
eða 3 úr vítum. Friðjón gerði 4,
og eitt gerðu Guðbjörn,
Magnús G., Guðmundur, Er-
lingur og Jóhannes Bjarnason.
Á sunnudaginn léku KA
menn í Laugardalshöllinni við
Ármann. KA náði fljótlega
góðri forustu og í hálfleik var
staðan 12 gegn 8 fyrir KA. Sami
munur hélst í síðari hálfleik og
lauk ieiknum með stórsigri KA,
23 gegn 17. Að sögn Þorleifs
Ananíassonar var þessi leikur
mun betri en fyrri leikurinn,
enda sagði hann að fyrri leikur-
inn hefði verið fyrsti leikurinn
sem þetta lið leikur saman. Til
samanburðar gat hann þess að
lið Aftureldingar væri búið að
leika á milli 20 og 30 æfingar-
leiki í haust. Flest mörk í síðari
leiknum gerði Gunnar Gíslason
9 eða fimm úr vítum. Þorleifur
gerði 5 Friðjón, Magnús G., og
Erlingur 2 hver og Magnús
Birgisson 1. Markmenn KA
voru Gauti og Aðalsteinn sem
betur er þekktur sem knatt-
Gunnar Gíslason skoraði flest mörk
K.A.
spymumarkmaður, og vörðu
þeir báðir nokkuð vel að sögn
Þorleifs. Að lokum sagði Þor-
leifur að þeir vildu færa KA
klúbbnum í Reykjavík sérstakar
þakkir, en félagar klúbbsins
hefðu sótt á þá flugvöll, ekið
þeim á leikina og síðan skilað
þeim aftur út á völl. Hann hvað
það vera KA mönnum mikill
styrkur að vita af slíkum félög-
um á höfuðborgarsvæðinu.
Nýr
leik-
maður
Kristján Arnarson mark-
maður hjá Víkingi frá Ólafs-
vík hefur gengið til liðs við
KA í knattspymunni og
hyggst verja fyrir félagið á
næstunni. Hann er 18 ára og
hefur leikið í íslenska ung-
lingalandsliðinu.
Kristján er góður fengur
fyrir KA, þar sem enginn
varamarkmaður hefur verið
hjá meistaraflokki tvö síð-
astliðin keppnistímabil.
Kristján er nemandi í MA.
Uppskeru-
hátíð K.A.
Knattspymudeild KA hélt
hóf fyrir yngri flokka
félagsins á laugardaginn í
félagsmiðstöðinni í Lund-
arskóla.
Þar voru krýndir knatt-
spymumenn flokkanna og
ýmislegt til skemmtunar.
Markakóngur yngri flokk-
anna var Þorvaldur Örlygs-
son úr fjórða flokki.
Knattspyrnumenn flokk-
anna voru þessir: 4. flokkur:
Amar Freyr Jónsson, 3.
flokkur: Haraldur Haralds-
son, 5. flokkur: Jónas Bald-
ursson, 6. flokkur: Stefán
Pálmason, 7. flokkur: Jón
Egill Gíslason.
Kvennaflokkur: Hrefna
Magnúsdóttir.
DAGUR.5