Dagur - 16.07.1981, Blaðsíða 5

4.DAGUR
DAGUR.5
„Ég skil bara ekkert hvernig þú ferð að þvi að hekla þetta svona vel, það mætti halda að þú notaðir tftiprjón við það verk svo ffnlegt
er þetta,“ sagði Vigdfs er hún ræddi við Halldóru Björnsdóttur sem heklaði gjafir þær sem Vigdisi voru færðar á dvalarheimilinu
HL(Ð.
Vigdis naut þess greinilega að skoða sig um i Amtsbókasafninu. I>ar fræddist hún um fortið safnsins af Lárusi Zophoniassvni, og
ekki minnkaði hrifning hennar er hún virti fyrir sér gömul islensk leikrit sem varðveitt eru í safninu. Á myndinni sést hún einmitt
skoða þessi gömlu verk.
I Lystigarðinum færði Sigurður Jóhannesson forseti bæjarstjórnar frú Vigdisi að gjöf langspil, forkunnarfagurt hljóðfæri sem
Friðgeir Sigurbjömsson hefur smfðað.
Útgelandi: ÚTGÁFUFÉLAG DAGS
Skrifstofur: Hafnarstræti 90, Akureyri
Ritstjórnarsímar: 24166 og 21180
Sími auglýsinga og afgreiðslu: 24167
Ritstjóri (ábm.): HERMANN SVEINBJÖRNSSON
Blaðamenn: Áskell Þórisson,
Gylfi Kristjánsson
Augl. og afgr.: JÓHANN KARL SIGURÐSSON
Prentun: Prentverk Odds Björnssonar hf.
Skoða málin í heild
Töluvert hefur verið rætt um kjör-
dæmaskiptinguna á Norðurlandi í
framhaldi af samþykkt sýslu-
nefndar Suður-Þingeyjarsýslu,
þar sem skorað er á stjórnar-
skrárnefnd að koma því í kring, að
við næstu stjórnarskrárbreytingu
verði Þingeyjarsýslur og Húsavík
gerðar að sérstöku kjördæmi með
þrjá þingmenn. Þessi mál hafa
hins vegar lítið verið rædd í Norð-
ur-Þingeyjarsýslu, þannig að enn
er alls óljóst um vilja meirihluta
Þingeyinga í þessu máii. Augljóst
sýnist, að þessi mál muni bera
talsvert á góma á næstunni og
nauðsynlegt er að ræða þau til
hlítar. Það verður að gera for-
dómaiaust, án hreppapólitíkur og
flokkasjónarmiða, því hagsmunir
heildarinnar verður að hafa að
leiðarljósi. Þá er ekki hvað síst átt
við hagsmuni strjálbýlustu svæð-
anna.
Það er með þetta mál eins og
svo mörg önnur, að skiptar skoð-
anir eru manna á meðal um
hvernig með skuli fara. Þær raddir
hafa t.d. heyrst á Húsavík og í
Suður-Þingeyjarsýslu, að svokall-
að Akureyrarvald sogi til sín allt
fjármagn og að það komi niður á
yppbyggingu þéttbýliskjarnans
við Húsavík. Þá hefur verið talað
um að kjördæmið sé allt of stórt
og að það hafi fengið minna af
þjóðarkökunni en ætla hefði mátt
miðað við stærð. Það sjónarmið
hefur einnig verið uppi, að stærð
kjördæmisins og þar með fjöldi
þingmanna þess hafi auðveldað
svæðinu í heild og einstökum
stöðum innan þess að fá fram-
gengt stórum og mikilvægum
málum, sem annars hefðu ekki
náðst fram. Vafalaust eru ýmis
önnur sjónarmið í þessu máli og
það hlýtur að vera meginatriði að
fá þau öll fram og reyna síðan að
meta þau á raunhæfan hátt.
Það er ekki óeðlilegt að kjör-
dæmaskipan landsins komi til
endurskoðunar. Þó hún hafi ein-
hvern tímann kunnað að hafa ver-
ið besta lausnin, þá er Ijóst að
tímar og aðstæður hafa breyst og
ekki má láta gamalt kerfi standa
eðlilegri þróun fyrir þrifum. Fleira
þarfnast endurskoðunar við og
má þar nefna sýsluskipanina, sem
að ýmsu leyti er svipuð þeirri
skiptingu sem danskir einokunar-
kaupmenn komu á. Það má til
dæmis taka til athugunar skipt-
ingu byggða við Eyjafjörð í tvær
sýslur. T.d. sækja íbúar Sval-
barðsstrandarhrepps nær alla
þjónustu, félagslega og aðra, til
Akureyrar og Eyjafjarðar og íbúar í
Grýtubakkahreppi og Fnjóskadal
sækja til Akureyrar og Eyjafjarðar
í síauknum mæli. Miðað við þessa
þróun væri eðlilegra að þessar
byggðir tilheyrðu Eyjafjarðarsýslu
og þá Eyjafjarðar- eða Akureyrar-
kjördæmi, ef til skiptingar kæmi.
Meginatriðið er það að skoða
málin heildstætt, en ekki einangra
þau hver frá öðru.
1' ,s 'Æl
OPINBER HEIMSÓKN FORSETA ÍSLANDS Á AKUREYRI i GÆR:
mikla virðingu fyrir
ykkar aldri og ykkar kynsk>ð‘ ‘
- SAGÐIVIGDÍS FINNBOGADÓTTIR ER HÚN ÁVARPAÐIVISTMENN DVALARHEIMILISINS HLlÐ
Opinber heimsókn forseta ís-
lands, frú Vigdísar Finnboga-
dóttur til Akureyrar hófst á há-
degi í gær, er hún kom akandi
innan úr Eyjafirði. Við bæjar-
mörkin nálægt Kjarna beið
mottökunefnd forsetans og
fylgdarliðs hans. f móttöku-
nefndinni voru Sigurður
Jóhannesson forseti Bæjar-
stjórnar, varaforsetar bæjar-
stjórnar þau Ingólfur Árnason
og Soffía Guðmundsdóttir og
Bæjarstjórinn á Akureyri Helgi
Bergs. í fylgdarliði forsetans
voru Vigdís Bjarnadóttir og eig-
inmaður hennar Guðlaugur
Tryggvi Karlsson, Elías Elías-
son bæjarfógeti á Akureyri og
sýslumaður Eyjafjarðarsýslu og
kona hans Sigríður Lúðvíks-
dóttir.
Ekki er hægt að segja að veður-
guðirnir hafi verið í neinu sól-
skinsskapi. Hellirigning var er for-
setabíllinn renndi að bæjarmörk-
unum þar sem skátar stóðu heið-
ursvörð með íslenska fána. Eftir að
móttökunefndin hafði heilsað for-
setanum og fylgdarliði hans, af-
henti ungur skáti forsetanum blóm,
en síðan var ekið inn í bæinn, að
Hótel KEA þar sem hádegisverður
var snæddur.
(Slippstöðinni
Dagskrá heimsóknar Vigdísar
eftir hádegið hófst með heimsókn í
Slippstöðina þar sem hún skoðaði
stöðina undir leiðsögn Stefáns
Reykjalín, M.a. ræddi hún þar við
starfsmenn á teiknistofu stöðvar-
innar, þá Árna Árnason og banda-
rískan skiptinema að nafni Madi-
son McDonald Daily. Fór vel á
með Vigdísi og þeim félögum.
Þá skoðaði hún tæplega 500
lesta togara sem þar er í smíðum.
Þegar talið barst að því hversu dýr
svona skip væru sagði Vigdís:
„Ætli það verði nú lengi að afla
fyrir þá upphæð. Við skulum stíga
á stokk hér og strengja þess heit að
svo megi verða.“
(Nonnahús og Amts-
bókasafnið
Því næst lá leiðin í Nonnahús og
eftir að hafa skoðað húsið og muni
þar undir leiðsögn Stefaníu Ár-
mannsdóttur var haldið í Amts-
bókasafnið en þar tók Lárus
Zophoníasson á móti Vigdísi og
sýndi henni safnið. Var greinilegt
að Vigdís naut þess að líta þar á
gamlar myndir sem prýða veggi
safnsins og fræðast um sögu þess,
og ekki minnkaði hrifning hennar
þegar hún skoðaði gömul íslensk
leikrit og 19. aldarútgáfa af verkum
Shakespears á íslensku.
í dvalarheimilinu
HLlÐ
Nú lá leiðin að dvalarheimilinu
Hlíð, en þegar þangað kom höfðu
vistmenn, 110 að tölu þegar tekið
sér sæti í sal hússins og biðu þar
komu forsetans. Jón Kristinsson
forstöðumaður heimilisins tók á
móti Vigdísi og ávarpaði hana.
Síðan flutti forsetinn stutt ávarp, og
sagði þá m.a.:
„Mér var það mikið gleðiefni
þegar ég frétti það að ég mætti
heimsækja ykkur hérna í dag. Þar
er fyrst til að taka að ég er komin á
þann aldur að næsta kynslóð á
undan mér er á ykkar aldri, og það
er fólk allt saman sem ég virði
ákaflega mikið. Mín kynslóð mun
ekki gleyma því að það eruð þið
sem bjugguð garðinn þannig að við
lifum því lífi sem við lifum í dag.
Það er hlutur sem við fáum aldrei
fullþakkað. Ég er þriðja kynslóð
frá fólki sem fætt var á moldargólfi,
amma mín var fædd á moldar-
gólfi....
Síðar sagði Vigdís: „Ég vil ítreka
það hvað ég ber mikla virðingu
fyrir ykkar aldri og ykkar kynslóð.
Faðir minn kenndi mér það, að
það væri virðulegt að eldast. Hann
hafði það alltaf á vörum jafnóðum
og hann hafði fyllt einhvern tuginn.
Þegar hann varð sjötugur sagði
hann: Ég er kominn fast að átt-
ræðu, og þegar hann varð áttræður
sagði hann: ég er komin hátt á
níræðisaldur. Og hann sagði þetta
slíku stolti að mér var það
snemma innrætt að það væri sómi
að eldast.“
Góð gjöf
Þegar Vigdís hafði lokið máli
sínu var henni afhent gjöf frá elli-
heimilinu. Var það forkunnarfagur
dúkur og púði, hvort tveggja
heklað af mikilli list af einni vist-
konunni, Margréti Magnúsdóttur
sem er 81 árs.
Forsetinn þakkaði gjöfina og fór
því næst um salinn og heilsaði með
handabandi upp á hvern einasta
vistmann heimilisins. Hún þakkaði
Margréti handverk hennar alveg
sérstaklega, kyssti gömlu konuna
innilega og lýsti yfir aðdáun sinni á
handbragðinu.
Eftir móttökuna I Hlíð hélt for-
setinn og föruneyti hennar til
Hótels KEA, en eftir stuttan stans
þar var haldið í Lystigarðinn þar
sem opinber móttökuathöfn fór
fram. Nánar er fjallað um þá at-
höfn á forsíðu blaðsins. í gærkvöldi
hélt bæjarstjórn Akureyrar síðan
kvöldverðarveilsu að Hótel KEA til
heiðurs forseta íslands og lauk þar
með hinni opinberu heimsókn til
Akureyrar. Heimleiðis hélt frú
Vigdís síðan í morgun eftir nær
vikuferð um Norðausturland.
Allt skipulag heimsóknarinnar á
Akureyri var með miklum ágætum,
og þykir okkur blaðamönnum
Dags ástæða til þess að þakka fyrir
þá vinnuaðstöðu sem okkur var
boðið upp á í gær. Sérstök bifreið
var til taks fyrir blaðamenn allan
daginn og var til þess séð að unnt
væri að fylgjast með öllum atriðum
heimsóknarinnar og gera henni
eins góð skil og hægt væri.
Myndir
tók
Kristján
Arngrímsson
Texta
skrifaði
Gylfi
Kristjánsson
Við bæjarmörkin á Akurevri neðan við Kjarna er hin opinbera heimsókn Vigdfsar til
Akureyrar hófst. Ungur skátadrengur færir forsetanum blóm. I baksýn má sjá Elfas
Elíasson bæjarfógeta og sýslumann Eyjafjarðarsýslu sem fylgdi forsetanum á ferð
hans um sýsluna.

Gunnar Skarðhéðinsson starfsmannastjóri f Slippstöðinni sýndi henni stöðina ásamt Stefáni Reykjalfn stjórnarformanni fyrir-
tækisins.
I Lystigarðinum bcið gestanna 54 metra langborð hlaðið veitingum.