Dagur - 28.07.1981, Blaðsíða 8

Akureyri, þriðjudagur 28. júlí 1981
MONROE^
MONRO-MATIC ®
SHOCK ABSORBER
HÖGGDEYFAR
í FLESTA BÍLA
Ingólfur Krisfinsson.
Gaman að
læra hnúta
Ingólfur Kristinsson er 13 ára
skáti sem við hittum í tjaldbúð-
um Dalvíkinga á landsmótinu.
Ingólfur hóf sitt skátastarf í
fyrra en hann sagði að skáta-
starfið á Dalvík væri nokkuð
fjörugt og vel sótt.
Þetta er fyrsta mótið sem
hann tekur þátt í sem skáti, og
sagðist hann álíta að það yrði
einna skemmtilegast að taka
þátt í ferðum sem farnar verða,
bæði um Eyjafjörð og til Húsa-
víkur. Ingólfur stundar íþróttir
mikið og lék sér t.d. með fót-
bolta á meðan við töluðum við
hann. Skemmtilegast við skáta-
starfið sagði hann að væri að
læra ýmsa hluti, svo sem að
hnýta hnúta.
„Nýr heimur — nýtt Iíf“ — er
kjörorð 18. landsmóts skáta sem
var sett formlega í Kjarnaskógi
við Akureyri s.l. sunnudag í
blíðskaparveðri. Landsmót
skáta eru mesti viðburður í
starfi þeirra, enda fjölmenna
þeir ávallt til mótsins. Einnig
sækja mótið erlendir gestir, og
að þessu sinni eru þeir 75 talsins
frá 8 löndum.
Á landsmótinu er ávallt eitthvað
um að vera frá morgni til kvölds.
Nefna má að á mótinu í Kjarna-
skógi verða víðavangsleikir, varð-
eldar, tívolí, og áfram mætti telja.
Þá verður heilmikil afmælisveisla
haldin, og bjóða þá allir skátar er
afmæli eiga mótsdagana til áts á
1000 manna tertu, sem er eflaust sú
stærsta sem bökuð hefur verið
norðanlands og þótt víðar væri
leitað.
Segja má að í Kjarnaskógi hafi
þegar risið heilt þorp, enda þátt-
takendur um 1100 talsins. Þar eru
ýmis þjónustufyrirtæki, s.s. banki,
ferðaskrifstofa, pósthús, símstöð,
sjúkragæsla og minjagripaverslun.
Skátarnir í>úa á 5 svokölluðum
„torgum" og bera þau nöfnin:
Lerkitorg, Birkitorg, Aspartorg,
Grenitorg og Furutorg. Þeir fara á
fætur fyrir allar aldir á morgnana,
og allan daginn og fram á kvöld
iðar Kjarnaskógur og næsta ná-
grenni af lífi og fjöri. Varðeldar eru
á hverju icvöldi, og á laugardag
þegar mótssvæðið verður opið al-
menningi allan daginn verður
stærsti varðeldurinn um kvöldið kl.
21.
Direk Miller.
Fólkið mjög
vingjarnlegt
„Mér líst mjög vel á þetta allt
saman, veðrið er gott og fólkið
mjög vingjarnlegt“ sagði Direk
Miller, 14 ára skáti frá Skot-
landi, sem er einn 14 skoskra
skáta sem eru gestir á lands-
mótinu f Kjarnaskógi.
Miller sagði að þetta væri i
fyrsta skipti sem hann sækti fs-
land heim, og raunar fyrsta al-
þjóðlega skátamótið sem hann
tæki þátt f. Hann sagði að þeir
hefðu komið til landsins viku
fyrir mótið og notað tímann
fram að þvf til þess að ferðast
um, og hefði sér líkað mjög vel
það sem hann sá. Landið væri að
vísu ólíkt því sem hann ætti að
venjast, en þetta væri mjög
gaman og hann biði spenntur
eftir að taka þátt í landsmótinu
næstu daga.
Kjartan Guðmundsson.
Líst vel á
þetta mót
„Það verður ýmislegt um að
vera og ég get nefnt að við tök-
um þátt í málmleit óg íþróttum“
sagði Kjartan Guðmundsson, 11
ára skáti sem við hittuni f
Kjarnaskógi, en hann er f flokki
Gaulverja frá Akureyri.
Kjartan sagði að hann hefði
byrjað sitt skátastarf f fyrra-
haust, og þetta væri þvf fyrsta
landsmótið sem hann tæki þátt í.
Áður hefði hann tekið þátt í
skátamóti í Vaglaskógi. „Mér
líst vel á þetta mót hérna og
hlakka til að taka þátt í dag-
skránni“ sagði Kjartan.
Jón Marinó Sævarsson.
Gönguferðin
skemmfileg
„Ég heiti Jón Marinó Sævars-
son og er flokksforingi Smyrl-
anna frá Akureyri“ sagði ungur
maður sem við töluðum við í
Kjarnaskógi, en Jón var þar á
ferðinni með sfnum mönnum á
mótssvæðinu.
Jón er þrautreyndur í skáta-
starfinu þótt hann sé ekki nema
12 ára því hann byrjaði sem ylf-
ingur aðeins 8 ára að aldri.
„Það verður skemmtilegast
að fara í gönguferðina sem mun
taka 30 klukkustundir“ sagði
Jón. „Við verðum keyrðir upp f
skíðahótel en göngum síðan á
brú yfir Glerá, förum í Fálkafell
og upp á Súlur. Við megum ekki
vera fljótari og ekki lengur en 30
tíma f ferðinni. Þá hlakka ég
Ifka til að taka þátt f tívolíinu á
föstudaginn. Það verður
skemmtilegt" sagði Jón.
Undir-
búningur
staðið yfir
itvoar
„Það má segja að undirbúningur
fvrir þetta mót hafi staðið yfir í
tvö ár. Þá voru fyrstu undir-
búningsnefndirnar skipaðar, en
landsmótsnefnd hefur starfað f
eitt ár“ sagði Gunnar Jónsson
sem er mótsstjóri á landsmót-
inu.
„Það eru komnir hingað rétt
tæplega 1100 þátttakendur“
sagði Gunnar. „Þeir koma vfðs-
vegar að, og eru 75 þeirra er-
lendir gestir. Þeir koma frá
Englandi, Skotlandi, Ítalíu,
Ástralíu, Danmörku, Svíþjóð,
Finnlandi og Noregi.“
„Það var umfangsmest við
undirbúning mótsins að koma
hér upp þeirri aðstöðu sem á
þarf að halda, svo sem að leggja
hingað síma, vatn og rafmagn.
Geysileg vinna var við undir-
búning, en nú eftir að mótið er
hafið, má segja að þetta gangi
allt sjálfkrafa fyrir sig.“
Gunnar tjáði DEGI að sjálft
mótssvæðið væri mun stærra en
Kjarnaskógur þar sem er tjald-
svæði mótsgesta. Það nær allt
niður að Eyjafjarðará, upp í
Fálkafell og raunar allt norður f
Hliðarfjall við skfðahótelið.
Ýmsir dagskrárliðir fara fram á
þessu svæði, en auk þess fara
skátarnir í lengri ferðir um
Evjafjörð og víðar.
■ ■
Guðlaug Jónsdóttir.
Kynnist
mörgum
„Ég hef farið á landsmót skáta
einu sinni áður. Það var fyrir
fjórum árum þegar mótið var
haldið á Úlfljótsvatni“ sagði
Guðlaug Jónsdóttir, 12 ára
skátastúlka frá Húsavik sem við
hittum f tjaldbúðum Húsavfkur-
skáta á landsmótinu.
Guðlaug hefur verið skáti í
eitt og hálft ár, en á mótið á
Úlfljótsvatni fór hún með fóst-
urföður sínum sem er skátafor-
ingi á Húsavfk. Hún sagði að
það væri mest gaman við svona
mót að fá tækifæri til að kynnast
skátum viðsvegar að. Guðlaug
sagði að hún ætlaði að taka þátt
f ýmsum leikjum á mótinu.
Landsmót skáta
Kjarnaskógur og nágrenni iðar
af lífi frá morgni til kvölds