Dagur - 01.10.1981, Blaðsíða 8

/
Vilja breyta skipulagi
Þórshöfn:
Umsóknir
helmingi
fleiri en
íbúðirnar
„Umsóknirnar eru helmingi
fleiri en íbúðirnar“, sagði Jón
Jóhannesson, Þórshöfn, um
íbúðir sem hreppurinn er að iáta
byggja á staðnum. „Steypuvinn-
an er langt komin og ég á von á
að íbúðirnar verði fokheldar
fyrir jól. Hér er um að ræða 8
íbúðir — 2 parhús og eitt raðhús
með 4 íbúðum. Það er ekki búið
að úthluta íbúðunum, en það
verður gert einhvern daginn.“
Það er með Þórshöfn eins og svo
mörg kauptún hér á landi að hús-
næðisskortur er tilfinnaniegur og
stendur jafnvel þróun þorpanna
fyrir þrifum. Jón sagði að ætlunin
væri að halda áfram á sömu braut
og að hreppurinn myndi eflaust
hefja byggingu jafn margra íbúða
næsta ár.
Fyrr í vikunni steyptu starfs-
menn Akureyrarbæjar kantstein
niður eftir sunnanverðri
Tryggvabraut. Um leið var iok-
að fyrir innkeyrslu að bensín-
stöð ESSO, sem stendur milii
Tryggvabrautar og Furuvalla.
Var til þess ætiast af bæjaryfir-
völdum að viðskiptavinir kæmu
eingöngu frá Furuvöllum, enda
er það í samræmi við skipulag
Akureyrarbæjar. ' Eigendur
bensínsölunnar voru ekki alls-
kostar ánægðir með hindrunina
og bentu m.a. á að sala á bensíni,
olíuvörum og sælgæti hefði
stórminnkað strax eftir iokun-
ina. í gær var fundur með eig-
endunum og þeim Helga M.
Bergs, bæjarstjóra, Stefáni
Stefánssyni bæjarverkfræðingi
og Sigurði Jóhannessyni, for-
seta bæjarstjómar.
Vilhelm Ágústsson, einn eig-
endanna, sagði að þessir þrír hefðu
viljað leysa mál bensínsölunnar á
friðsamlegan hátt og á fundinum
var samþykkt^ð eigendur viðkom-
andi húsa við Tryggvabraut skrifi
bæjaryfirvöldum og óski þess að
skipulagi verði breytt, þannig að
innkeyrslan verði opnuð og e.t.v.
gerð sérstök gata við suðurhlið
Tryggvabrautar hjá verslunum sem
þar eru, eins og er við Glerárgötu.
Vilhelm vildi engu um það spá
hvort innkeyrsla að bensínsölunni,
frá Tryggvabraut yrði leyfð á nýjan
leik þrátt fyrir jákvæðar undirtekt-
ir, enda væri við marga að eiga í því
máli.
Sú ákvörðun bæjaryfirvalda að
loka innkeyrslunni og steypa kant-
stein niður Tryggvabraut báðum
megin á sér langan aðdraganda.
Finnur Birgisson, skipulagsstjóri,
sagði að fyrst hefði verið gerð um
það samþykkt árið 1966 að loka
innkeyrslunni og steypa kantstein.
Húseigendur við Tryggvabraut
vissu því að hverju stefndi. Hús-
næði við götuna var ætlað fyrir
léttan iðnað, en ekki fyrir verslanir.
Að mati umferðarnefndar hafa
verslanir sem snúa að Tryggva-
braut tafið fyrir umferð og nú er
t.d. búið að gera teikningar að nýju
einlyftu húsi sunnan við verslunina
Vörubæ og í framtíðinni verður
gengið inn í þá verslun frá Furu-
völlum.
Mývatnssveit:
Ekkert útvarp eða sjón-
varp á þremur bæjum
Svona leit innkeyrslan út sl.
þriðjudag. Figendtir Inisa við
Tryggvahraiit munu nú hafa hug
á að sannfæra hæjaryfirvöld uiii
nauðsyn þess að hreyta skipu-
iaginu við Tryggvahraut.
—■ spenna menn beltin
■i^hbb u^EnnAR æa
SPENNIÐ
BELTIN
í dag, fimmtudag, verða mikils-
verðar breytingar á umferðar-
lögunum. Þá verður öllum, sem
sitja í framsæti bifreiðar, sem
búin er öryggisbeltum, gert að
skyldu að nota öryggisbelti.
Hins vegar er ekki skylt að nota
öryggisbelti í leigubifreiðum til
mannflutninga. Vanræksla á
notkun öryggisbelta leiðir ekki
til lækkunar eða niðurfellingar
fébóta, og ekki verður refsað
fyrir brot gegn lögunum fyrr en
lokið er þeirri heildarendur-
skoðun á umferðarlögum, sem
nú stendur yfir.
Nú er heimilt að aka reiðhjóli
og leiða reiðhjól á gangstígum
og gangstéttum, ef það er ekki
til hættu eða óþæginda yfrir
aðra vegfarendur. Hjólreiða-
menn, sem fara eftir gangstíg-
um eða gangstéttum, skulu
ævinlega víkja og hliðra til fyrir
gangandi vegfarendum. Ekki er
veitt heimild til að aka vélhjól-
um á gangstéttum eða gang-
stígum.
„Mér finnst það svolítið hlálegt
þegar menn eru að tala um að
senda útvarpsefni út ( sterio, þá
fyrirfinnast enn bæir sem tæpast
geta hlustað á útvarpið í dag
vegna truflana og enn síður á
sjónvarpið,“ sagði Ingólfur
Jónasson, Helluvaði, í Mý-
vatnssveit í samtali við Dag. I
þessu sambandi nefndi Ingólfur
þrjá bæi í Mývatnssveit, en á
þeim er hálfur tugur sjónvarps-
tækja enda er tvíbýli á sumum
bæjunum.
„Ég verð að slökkva á útvarpinu
á kvöldin því að það heyrist ekkert í
því. Fram til þessa hefur verið hægt
að hlusta á útvarpið á miðbylgju,
en nú er það búið að vera. Hlust-
unarskilyrði hafa verið svona alla
tíð og ekkert verið gert og erum við
þó búnir að ræða við alla hugsan-
lega aðila. Helluvað, Gautlönd og
Baldursheimur standa undir
brekku, sem gerir það að verkum
að móttökuskilyrði eru eins slæm
og raun ber vitni, en annarsstaðar í
Mývatnssveit er ekki hægt að segja
sömu sögu en í Laxárdal er sum-
staðar ekkert sjónvarp."
„Ég þarf ekki að greiða neitt fyrir
sjónvarpið enda finnst enginn geisli
á Helluvaði. Sumir verða að greiða
hálft gjald þar sem finnst einhver
ræfill af honum, en frekar vildum
við greiða fullt gjald og sjá og heyra
í þessum ríkisfjölmiðlum. En þó að
innheimtustjórinn sé búinn að fali-
ast á að við greiðum annað hvort
hálft eða ekkert gjald fyrir sjón-
varpið, á þessum þremur bæjum, er
tölvan ekki alveg á sama máli. Hún
sendir okkur reglulega reikninga
og mun e.t.v. halda áfram að gera
það — hver veit.“
SKAGASTRÖND:
Frystitogarinn kemur
væntanlega um áramót
Vonir standa til að hinn nýi
frystitogari Skagstrendinga
verði tilbúinn um áramót. Hann
er sem kunnugt er smíðaður í
Slippstöðinni á Akureyri. Verk-
ið hefur tafist nokkuð vegna
breytinga sem gerðar hafa verið.
Aflinn verður unninn um borð í
þessum nýja togara, en þar verða
flökunar- og frystivélar. Auk þess
verður fiskurinn pakkaður um borð
og verður hann því tilbúinn til út-
flutnings. Talið er að fiskurinn eigi
að geta verið mjög góður, þegar
hann er frystur alveg glænýr, eins
og gert verður um borð í nýja tog-
aranum.
Sem kunnugt er gengur útgerð
nýrra togara mjög erfiðlega, vegna
mikils fjármagnskostnaðar, en á
Skagaströnd reikna menn með að
vinnsla aflansUm borð sé nær eina
leiðin til að losna við stórfellt tap,
þar sem aflaverðmætið verður mun
meira. Nokkru fleiri áhafnarmeð-
limir verða á nýja skipinu en á
hefðbundnum skuttogurum.
Einn togari er nú gerður út frá
Skagaströnd, Arnar HU, og sér
hann frystihúsinu Hólanesi fyrir
hráefni. Útgerðarfélag Skagstrend-
inga á Arnar og nýja skipið.
Skuttogarinn Arnar við bryggju á Skagaströnd. Ljósm. H.Sv.
£ Tvömerk
málefni
Nú er unnlð við frágang end-
urhæfingarstöðvar Sjálfs-
bjargar í Glerárhverfi og mun
starfsemln flytja þangað í dag.
Framkvæmd sem þessi er fjár-
frek og því er ætlunin að efna
til „áheitakeppni“ þann 10.
október. Um framkvæmd
keppninnar má sjá í síðasta
blaði. Þarna er á ferðinni fjár-
söfnun sem óhætt er að hvetja
Norðlendinga alla til að taka
þátt í. Um helgina verður önnur
fjársöfnun, en þá mun verða
gengið í hús á Akureyri og
safnað til Systrasels. Það ætti
að vera óþarft að rekja hve
brýnt það er að koma upp
hjúkrunarheimili fyrir aldraða,
en fyrir þá sem vilia kynna sér
málefnið betur, er bent á grein
Erlings Davíðssonar í opnu
blaðsins í dag.
£ Óvístmeð
framtíð
Norðlenskrar
tryggingar
í Vísi í gær segir Erlendur Lár-
usson, forstöðum. Trygginga-
eftirlits ríklsins að Norðlensk
trygglng hafi ekki selt eigin
tryggingar síðan 15. júlí (sum-
ar, enda hafi félagið ekki full-
nægt þeirri skyldu að auka
hlutafé upp í þau 650 þúsund,
sem krafist er nú að standi á
bak við lágmarksgjaldþol
tryggingafélaga. Haft var eftír
Halldóri Jónssyni, fram-
kvæmdastjóra Norðlenskrar
tryggingar, að allt værl óráðið (
málum fyrirtækisins og ekki
var annað hægt að skilja á
fréttinni en að það væri allt
eins Kklegt að umrætt fyrirtæki
hætti starfsemi sinni.
0 Stal girðíngar-
neti
Það var ekki alls fyrir löngu að
starfsmenn kirkjugarðanna
fóru með 100 metra rúllu af
girðingarefni út í Lögmanns-
hlíð, en ætlunin var að nota
vírnetið utan um kirkjugarðinn.
Áður en tókst að negla netið á
staurana kom elnhver flngra-
langur og greip með sér rúll-
una. Það er Ijótt að segja það,
en nú á kirkjugarðsvörðurinn
sér ekki heitari ósk en þá að
vírnetsþjófurinn berjl oft á
puttana á sér þegar hann fer að
girða með stolnu rúllunni.
• Hálka
á vegum
Norðlendingar fengu sinn
skammt af hálku í gær. Víða á
Akureyri mátti sjá vanbúna
fjórhjólaða fararskjóta. En eins
og venjulega pössuðu allir sig í
hálkunni og fyrir hádegi í gær
varð aðeins einn árekstur. Að
sögn lögreglunnar má búast
við næstu „árekstraöldu" þeg-
ar færi verður gott og menn
hætta að gá að séi.