Dagur - 20.10.1981, Blaðsíða 8
RAFGEYMAR
í BÍLINN, BÁTINN, VINNUVÉUNA
VEUIÐ RÉTT
MERKI
MsummumBm
,EINS OG AÐ FLYTJA I HOLL‘
segirPállStefánssonyfirbakariíBrauðgerð Kaupfélags Eyfirðinga
„Þetta verður allt annað líf,
það er eins og að flytja í kon-
ungshöll getur maður sagt. Við
erum búnir að vera í gamla
staðnum í 40 ár og þetta hefur
verið eins og aldamótavinna“
sagði Páll Stefánsson yfirbakari
í Brauðgerð Kaupfélags Ey-
firðinga, en Brauðgerðin flutti
um helgina úr gamla húsnæði
sínu í Hafnarstræti í nýtt og
stórglæsilegt húsnæði í
Kaupangsstræti. Þar hófu
bakarar vinnu í morgun ásamt
aðstoðarliði sínu, og hefur
sennilega þótt mikil og góð
breyting hafa orðið á starfsskil-
yrðum sínum.
„Við vorum með steinofna í
Hafnarstrætinu allt fram á þennan
dag, allt verið bakað á stjaka og
tveir menn við ofninn. Öll súkku-
laðihúðun hefur farið fram á gam-
aldags hátt, súkkulaðið hefur verið
í smápottum og sett á með
smápensli.“
„Það er orðin gjörbylting hjá
okkur við flutninginn. Nú fáum við
fimm fullkomna ofna til að baka í,
brauðinu ekið í ofnana á sérstökum
vögnum sem snúast í ofnunum. Þá
er þarna svokallað sílókerfi, allt
mjöl er geymt í sílóum og mun
þetta vera cina bakaríið utan
Reykjavíkur sem er -með þetta
kerfi. Það er 10 tonna hveitisíló og
6 tonna síló fyrir rúgmjöl og
heilhveiti. “
„Við vorum 22 sem störfuðum í
gamla bakaríinu og það var svo
þröngt hjá okkur að varla var hægt
að stíga niður fæti. T.d. var það
þannig í pökkunarplássinu að klofa
þurfti yfir kassa og annað til að
komast um. Nýja húsnæðið er
meira en helmingi stærra, milli 800
og 900 fermetrar. Þetta er eitt full-
komnasta bakarí landsins af þeim
sem ég hef séð, bæði hvað varðar
tækjabúnað og alla aðstöðu þótt
þetta sé í gömlu húsi.“
Páll sagði að með þessari nýju og
fullkomnu aðstöðu sköpuðust
möguleikar á að fá meiri fjöl-
breytni í framleiðsluna. T.d. væri
nú hægt að baka og senda um allt
land svokallað „hart brauð,“
kringlur og tvíbökur, en fram að
þessu hefur Brauðgerð KEA að-
eins getað boðið upp á linar kringl-
ur og horn. — Páll hefur starfað í
Brauðgerð KEA í 26 ár, og var
greinilega á honum að heyra mjög
mikla ánægju með hina glæsilegu
og fullkomnu aðstöðu sem starfsfólk
Brauðgerðarinnar starfar nú við,
eftir þrengsli og „aldamótavinnu-
brögð“ undanfarinna ára.
Reynolds aftur
til Þérsara
Um helgina var gengið frá
ráðningu þjálfara fyrir
meistaraflokk Þórs í knatt-
spyrnu fyrir næsta keppnis-
tímabil.
Ráðinn var heimavanur
þjálfari hjá félaginu Douglas
Reynolds sem þjálfaði Þór tvö
sumur fyrir nokkrum árum, og
undir hans stjórn fóru Þórsarar í
Douglas Reynolds.
fyrstu deild eftir ævintýralega
velgengni, þ.e.a.s. eitt ár í þriðju
deild, eitt ár í annarri og síðan
strax í fyrstu deild. Þeir byrjuðu
þá vel í deildinni, en leikmenn
áttu við stöðug meisli að stríða,
og í viðtali við íþróttasíðuna á
þessum árum sagði Reynolds að
hann hefði aldrei í neinum
leikjum í fyrstu deild getað stillt
upp eins liði í tveimur leikjum.
Reynolds aflaði sér vinsælda hér
í bæ á þessum árum með ljúf-
mannlegri framkomu, og íþrótta-
síðan óskar honum velgengni í
starfi með Þórsara á komandi
sumri.
Af þjálfaramálum hjá KA er
það að frétta að ekki hcfur vcrið
tekin nein ákvörðun í þeim efn-
um. Hefur verið rætt um að fá
Alec Willoghby til þess að koma
aftur, en einnig hefur verið um
það rætt að reyna að fá íslenskan
þjálfara tilliðsins.
Mörg fullkomin tæki voru tekin í notkun þegar bakariið flutti
í nýja húsið. Þar á meðal er vél sem flytur hveiti eftir pípukerfl
úr stórum tank. Um leið hættu hakararnir að þurfa að bera
sekkina á bakinu. Hér eru þeir Hermann R. Jónsson (t.v.) og
Páll Stefánsson við vélina. Mynd: áþ.
Karlakór
Noregs
Karlakór Akureyrar hefur ver-
ið boðið að taka þátt í miklu
söngmóti sem fram fer í
Álasundi í Noregi árið 1983, og
hefur kórinn þegið boðið.
Alasund er norskur vinabær Ak-
ureyrar, og þar verður þá haldið
söngmót norskra karlakóra en
einnig verður boðið til mótsins
karlakórum víðsvegar frá hinum
Norðurlöndunum.
Reisa verkalýðs-
félögin stórhýsi?
Verkalýðsfélög við Eyjafjörð
hafa mikinn áhuga á að hefja
sem fyrsí byggingu stórhýsis á
Akureyri — nánar tiltekið á
horni Strandgötu og Geisla-
götu, þar sem nú er biðskýli
SVA. Að undanförnu hafa fé-
lögin haldið fundi um málið og
samkvæmt upplýsingum Dags er
talið líklegt að 14 félög séu til-
búin að byggja og því ætti skrið-
ur að komast á málið innan tíð-
ar.
Bæjarstjórn og ýmsar nefndir
innan bæjarkerfisins hafa tekið
vel í að verkalýðsfélögin fái
að byggja hús á þessum stað. Full-
trúar frá Fjármálaráðuneytinu
hafa átt viðræður við forystumenn í
verkalýðsfélögunum um að nokkr-
ar ríkisstofnanir, sem hafa útibú á
Akureyri óg eru í leiguhúsnæði,
taki þátt í byggingarkostnaði og fái
þarna framtíðarhúsnæði, en ekkert
hefur verið ákveðið í því efni.
Viðmælendur Dags innan
verkalýðshreyfingarinnar lögðu á
það áherslu að enn ætti eftir að
renna mikið vatn til sjávar áður en
endanlega yrði ákveðið að hefja
framkvæmdir, en einn sagði að al-
drei áður hefði verið jafn mikill
möguleiki á að byrja og einmitt nú.
I þeim hugmyndum sem fram
hafa komið er gert ráð fyrir 4ra
hæða húsi, 5 þúsund fermetrar að
stærð. Rætt hefur verið um að á
neðstu hæð gætu verið verslanir og
þjónusta af ýrpsu tagi, en skrifstof-
ur á efri hæðum, auk fundarsala og
nauðsynlegs búnaðar til ráðstefnu-
halds. „Lögð verður áhersla á
að húsnæðið notist vel,. þgim
sem þar starfa og þangað
þurfa að Ieita“, sagði einn við-
mælanda blaðsins. Sá hinn sami
gat þess einnig að verkalýðsfélögin,
og e.t.v. önnur starfsemi í húsinu,
myndu sameinast um ýmislegt s.s.
símaþjónustu, fjölritun og reyna að
koma á eins mikilli hagræðingu og
hægt væri.
Undirbúningur að byggingu
húss á umræddum stað hefur staðið
í rösk tvö ár. Erindi voru á sínúm
tíma send til bæjarins, en hafa ekki
hlotið afgreiðslu enda nýlega búið
að afgreiða miðbæjarskipulagið og
ekki hefur verið ljóst hvort og þá
hvaða aðilar væru tilbúnir til að
byggja með félögunum. „Ef við
fáum leyfi til að byggja þarna og
samstarfsaðila, sem eru tilbúnir í
þetta með okkur verður hafist
handa eins fljótt og hægt er,“ sagði
einn viðmælenda blaðsins.
ÍP T ' MT? T? nr r~ ÐÍ1
q) Ly m ,1 Jlb ö J JLJ _
• Ahrif
sjónvarps
Það er margsannaö mál að
sjónvarpið hefur ótrúlega
mikil áhrif á fóik. Menn hlýða
sjónvarpinu í blindni og má í
því sambandi minnast þess að
enskir framhaldsþættir hafa
haft skondin áhrif á smekk ís-
lendinga hvað varðar hús-
gögn. Eftir að landinn hafði
horft á enska framhaldsþætti
um líf enskra hástétta jókst
eftirspurn eftir þungum ensk-
um húsgögnum og sömuleiðis
eftir níðþungum útskornum
skápum. Á sínum tíma voru
svona þættir sýndir í Svíþjóð
og samkvæmt könnun sem
gerð var um það leyti reyndust
sænskir vera álíka móttæki-
legir og frændur þeirra á ís-
landl.
• Mikil ábyrgð
Sagan um húsgögnin rifjaðist
upp fyrir Smáu og stóru þegar
rætt var við það um ábyrgð
sjónvarpsins og um vai á efni
í það. Sjónvarpið er sterkur
miðill og það er ekki á færi
hvers og eins að velja efni í
þennan miðil. Bandaríkja-
menn hafa gert vandaðar rann-
sóknir á áhrifum sjónvarps á
börn og unglínga og komist að
þeirri niðurstöðu að ofbeldis-
myndir geti framkallað ofbeldi
i ungum áhorfendum. Lélegar
sjónvarpsmyndir slæva hugs-
unina og eru engum til gagns.
Undir lélegar myndir má hik-
laust flokka illa gerðar kúreka-
myndir og baðstrandamyndir
af ýmsu tagi — síðast en ekki
síst myndir sem hafa djöfulinn
sjálfan í aðalpersónu eða því
sem næst. íslenska sjónvarpið
hefur oft verið ásakað um
slæmt val á efni, en það verður
seint sakað um að hafa á
boðstólum siðspillandi mynd-
ir eða efni sem getur beinlínis
haft skaðleg áhrif á sálarlíf
ungra áhorfenda svo eitthvað
sé nefnt.
• Strangar reglur
Eftir að myndbandsbyltingin
hófst hafa sprottið upp
óteljandi fyrirtæki sem hafa á
boðstóium myndir af ýmsu
tagi. Samkvæmt þeim athug-
unum sem gerðar hafa verið er
hluti þess efnis ólöglegur með
öllu og mikill hluti myndanna
er lélegur svo ekki sé dýpra í
árina tekið. Það er skoðun
margra þeirra sem um þessi
mál hafa fjallað að það beri að
setja þessum fyrirtækjum
ákveðnar starfsreglur og að
þau eigi ekki að fá að leigja út
myndir nema hafa leyfi fyrir
þeim. Opinberir aðilar skuli
m.ö.o. athuga hverja einstu
spólu sem viðkomandi fyrir-
tæki hefur í hyggju að hefja út-
leigu á. Þetta kann að þykja
strangt, en með tilliti til þess
hve sjónvarp er áhrifamikið
tæki er ekki nema eðlilegt að
opinberir aðilar hafi hönd i
bagga. Einkafyrirtæki kann að
hafa önnur sjónarmið að
leiðarljósi en heppilegt getur
talist.