Dagur - 30.03.1982, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SlMI AUGLÝSINGADEILDAR OG AFGREIÐSLU: 24222
RITSTJÓRIOG ÁBYRGÐARM.: HERMANN SVEINBJÓRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRJ:,^)HANN KARL SIGURÐSSON
"PRENTUN: DAGSPRENT H.F.
Aðalfundur miðstjórnar
Framsóknarflokksins
Aðalfundur miðstjórnar Framsóknarflokksins
var haldinn um síðustu helgi. í stjórnmála-
álytkuninni segir m.a. að Framsóknarflokkur-
inn hafi lagt höfuðáherslu á hjöðnun verð-
bólgu án atvinnuleysis. „Þessi stefna hlaut
náfnið niðurtalning verðbólgu og þjóðin veitti
henni brautargengi. Hún er andstæða þeirrar
leifursóknar Sjálfstæðisflokksins, sem er í
samræmi við þá stefnu er fylgt hefur verið í
sumum nágrannalöndum með geigvænlegum
afleiðingum. Fundurinn telur að þessi stefna
Framsóknarflokksins í efnahagsmálum hafi
sannað gildi sitt á fyrri hluta ársins 1981 og
leggur áherslu á að flokkurinn hviki ekki frá
þeirri stefnu í stjórnarsamstarfinu.“
í ályktun um efnahagsmál segir m.a. að
aðalfundur miðstjórnar leggi áherslu á að leit-
að verði eftir víðtæku samkomulagi um vísi-
tölu- og verðákvörðunarkerfi, sem veiti eðli-
lega tryggingu kaupmáttar og skapi svigrúm
til nýsköpunar í atvinnulífinu og þjónustu við
almenning, án þess að auka um leið verðbólg-
una. Launakjör öll verði að miða við afkomu
þjóðarbúsins hverju sinni.
Fundurinn fjallaði ítarlega um atvinnumál,
enda stendur íslenska þjóðin nú „á tímamót-
um í atvinnumálum", eins og segir í ályktun
um þau. Fundurinn taldi höfuðnauðsyn á að
gerð verði áætlun um þróun atvinnulífs á kom-
andi árum og benti m.a. á í því sambandi að í
sjávarútvegi verði í vaxandi mæli lögð áhersla
á aukna hagkvæmni, vöruvöndun og betri nýt-
ingu. „Unnið verði að endurnýjun fiskiskipa-
flotans, án aukins sóknarþunga og að sam- *.
ræmingu veiða, vinnslu og markaðar. Þeim
miklu erfiðleikum, sem fylgja munu gífurleg-
um samdrætti á loðnuveiðum, bæði fyrir
loðnuflotann, sjómenn og atvinnulíf í landi,
verði mætt með skipulegri leit að nýjum
atvinnutækifærum. “
Fundurinn taldi eðlilegt að næsta stórvirkj-
un verði við Blöndu, en síðan komi Fljótsdals-
og Sultartangavirkjanir eins og ráðgert hefur
verið. Miðstjórnin ítrekaði fyrri yfirlýsingar
flokksins um meirihlutaeign og virk yfirráð
landsmanna sjálfra í orkaufrekum iðnaði, en
jafnframt að fundnar verði leiðir til þátttöku
sem flestra landsmanna í uppbyggingu hans.
Það kom fram í stjórnmálaályktuninni að er-
lendur markaður fyrir dilkakjöt hefur minnkað
og að það benti til þess að draga verði úr þeirri
framleiðslu til að koma í veg fyrir stóráföll
sauðfjárbænda. „Fundurinn leggur ríka
áherslu á, að í stað þess samdráttar komi nýjar
atvinnugreinar í sveitum. Þingmenn og ráð-
herrar Framsóknarflokksins hafi forgöngu um
að af festu verði unnið að eflingu nýrra bú-
greina, sérstalega loðdýraræktar og þeim
sköpuð hliðstæð skilyrði og eru í nágranna-
löndum okkar. Staðið verði að fullu við lagaá-
kvæði frá 1979 um fjármagn til nýrra búgreina
og hagræðingar í landbúnaði," segir í ályktun-
inni. _____________________________
4 - DAGUR - 30. mars 1982
Heimsókn í Niðursuðuverksmiöju
Unnið við niðurlagningu á rækju.
Myndir: áþ.
Sigurður Mikaelsson:
Vilja auka söluna á
innanlandsmarkaðnum
„Við höfum í hyggju að auka
hlutdeild fyrirtækisins á
innanlandsmarkaðnum,“
sagði Sigurður Mikaelsson
sölustjóri K. Jónssonar og
Co. þegar hann og blaða-
maður Dags gengu um sali
fyrirtækisins á dögunum.
„Við teljum að með kynning-
arstarfí megi auka neyslu
fólks á vörum K. Jónssonar,
og auk þess er ætlunin að
koma með ýmsar nýjungar á
næstu mánuðum.“
Vörukynningar á
Akureyri og Reykjavík
í dag framleiðir K. Jónsson gaff-
albita, rækiu og kavíar til út-
flutnings. A innanlandsmarkað
fara sex mismunandi grænmet-
istegundir og svo að sjálfsögðu
gaffalbitar, rækja og kavíar,
sardínur, reykt síldarflök í olíu,
síldarflök í tómat og loðna með
hrognum. Sigurður sagði að á
síðasta ári hefði verið hafin
framleiðsla á maískornum og
amerískri grænmetisblöndu og í
ár er stefnt að a.m.k. öðrum
tveimur. Innan skamms má gera
ráð fyrir að fiskbollur líti dagsins
Ijós.
Eigendur fyrirtækisins
ákváðu á síðasta ári að gera
söluátak hér innanlands og því
var Sigurður ráðinn til að annast
það verk og hóf hann störf um
áramótin. Einnig var ákveðið að
auka fjölbreytnina og hefja
auglýsingaherferð.
Sigurður sagði að um páskana
yrði hægt að fá allar vörur K.
Jónssonar í matvöruverslunum
KEA á sérstöku kynningar-
verði. „Við verðum einnig með
vörukynningu í JL-húsinu í
Reykjavík. Ég held að þar þurfi
einkum og sér í lagi að kynna
vöruna.“
Sigurður Mikaelsson.
Setjum markið hátt
„Vð setjum markið hátt og við
viljum komast í nánara samband
við þá, sem nú þegar selja vörur
fyrirtækisins. í þessu skyni hef
ég t.d. farið tvisvar til Reykja-
víkur, til ísafjarðar og Sauðár-
króks og innan skamms fer ég til
Dalvíkur, Húsavíkur og Vest-
mannaeyja. í sumar mun ég aka
hringinn. Fram til þessa hefur
e.t.v. ekki gefist nægur tími til
að sinna þeim aðilum sem selja
niðursuðuvörur frá K. Jónsson,
en núásem sagt að bæta úrþví.“
Þess má geta að Sigurður er
mjólkurfræðingur að mennt og
hann var að lokum spurður
hvernig það nám nýttist honum
á nýja vinnustaðnum. Sigurður
sagði að fljótt á litið mætti ætla
að skyldleikinn væri lítill, en svo
væri þó ekki. í námi mjólkur-
fræðinga mætti finna ýmislegt
sem að gagni mætti koma í
niðursuðuiðnaðinum. „Mér
finnst ég vera á heimavelli,"
sagði Sigurður.