Dagur - 24.09.1982, Blaðsíða 11

NÝJA
BÍÓ
Nú standa yfir sýningar á
bandarísku myndinni „The
seven-ups“ hjá Nýja bíó á
Akureyri. Þetta er æsi-
spennandi mynd sem byggir
á sögu eftir Sonny Grosso,
fyrrverandi lögreglumanni,
þeim sama er vann að lausn
heróínsmálsins mikla, og
myndin „The french conn-
ection“ var byggð á.
Myndin fjallar í stuttu máli
um hóp lögreglumanna sem
kallast „the seven-ups“ en þeir
eru sérstök deild innan lögregl-
unnar sem fæst eingöngu við
stórglæpamenn sem eiga yfir
höfði sér sjö ára fangelsisdóm
eða meira.
Næsta mynd í Nýja bíó er
„Lestarferðin til Hollywood“
og fjallar um popphópinn
Bloodstones og ævintýri þeirra
er hann skipa við að komast til
Hollywood í frægðina þar.
Á barnasýningu kl. 15 á
sunnudag er svo boðið upp á
Walt Disney myndina „Robin-
son fjölskyldan“.
Prestaskop
Lítill drengur kom inn í kirkjuna til að
skrifta fyrir presti. Syndin var sú að
hann hafði kastað katli í ána. Prestin-
um fannst þetta nú heldur lítil synd til
þess að vera að játa hana, en sagði
ekkert. Næsta dag kom annar dreng-
ur og játaði sömu synd og þriðja dag-
inn kom enn einn drengur og játaði
sömu synd, sem sagt að hafa kastað
katli í ána. Loks kom mjög lítill dreng-
ur inn og þá sagði presturinn:
- Jæja, drengur minn, kastaðir þú
líka katli í ána?
- Nei, herra, ég er Ketill...
☆ ☆☆
Presturinn var vanur að skrifa niður
predikanir sínar og leggja þær á púlt-
ið á ræðustólnum strax á laugardag-
inn. Hringjarinn hafði horn í síðu
klerks og einn góðan laugardag
ákvað hann, að nú skyldi prestur fá
það sem hann ætti skilið. Svo hann
fjarlægði síðasta blaðið af sunnu-
dagsræðunni.
Svo leið að því að presturinn kæmi að
lokum ræðu sinnar:
- Þá sagði Adam við Evu ... eh ...
hérna... hm ... ég sé ekki betur en
að þarna vanti blað.
☆ ☆☆
Prestur nokkur auglýsti eftir þjóni.
Næsta dag eftir að auglýsingin birtist
kom ungur maður til hans.
- Getið þér kveikt upp í arni og búið
til morgunverð? spurði presturinn.
- Ég geri ráð fyrir því, svaraði sá
ungi.
- En getið þér pússað allan silfur-
borðbúnaðinn, þvegið upp og haldið
húsinu vel hreinu?
- Nei, heyrið þér nú séra minn. Ég
kom hingað til þess að biðja yður um
að taka að yður hjónavígslu, en ef
þetta verður eins mikið erfiði og þér
voruð að telja upp, þá held ég ...
Spakur frá Staðarbakka var dæmdur bestur hrúta á sauðfjársýningunni
fyrir fjórum árum. Mynd: G.S.
Sauðfjár-
sýnlngar í
Evjafirði
Almennar sauðfjársýningar á
vegum Búnaðarfélags íslands
hefjast í Eyjafirði um helgina.
Verður sú fyrsta á laugardag í
Glæsibæ í Glæsibæjarhreppi.
Á sunnudag klukkan 10 verður
sýning á Akureyrí, í fjárhúsum
Áma Magnússonar varðstjóra,
og klukkan 16 sama dag hefst
sýning að Bakka í Ólafsfirði.
Síðan verða sýningar á Eyja-
fjarðarsvæðinu allt fram tU 6.
október.
Tilgangurinn með þessum sýn-
ingum er m.a. að reyna að finna
bestu hrútana til undaneldis með
tilliti til kjötgæða, en jafnframt
eru bæði hrútar og ær sýndar með
afkvæmum og þá með hliðsjón af
frjósemi og afurðasemi.
Þessar almennu sauðfjársýn-
ingar eru haldnar fjórða hver ár,
en þess á milli hefur Búnaðarsam-
band Eyjafjarðar haldið hrúta-
sýningar. Aðaldómari að þessu
sinni verður Jón Viðar Jónmunds-
son, ráðunautur.
Ian Charles að störfum.
Enskur töfra-
maður í
Sjallanum
Hver stórviðburðurinn rekur nú
annan í skemmtanalífi Akureyr-
inga.
í vikunni sem senn er liðin
skemmti dávaldurinn Frisenette
bæjarbúum við geysilega hrifn-
ingu, og um helgina býður Sjall-
inn gestum sínum að fylgjast
með töframanninum Ian
Charles.
Það sem vitað er um Charles
þennan bendir til þess að hér fari
geysilega fær maður í sínu starfi.
Charles, sem er frá Englandi
hefur ferðast víða um heim, og
hvarvetna hlotið afbragðsvið-
tökur. Hann töfrar fram hina
órtúlegustu hluti, og væntanlega
töfrar hann gesti Sjallans upp úr
skónum um helgina.
Rally-cross
á Glerárdal
á morgun
Tólf keppendur, þar af tveir
frá Húsavík, verða mættir
með bflana sína í malarnám
Akureyrarbæjar á Glerárdal
kl. 14 á morgun (laugardag),
en þar hefst þá Norðurlands-
keppni í Rally-cross akstri.
I keppni þessa verða notaðir
bílar sem eru komnir eitthvað á
annan tuginn flestir hvað aldur
snertir. Keppnin er í því fólgin
að fjórir bílar aka í einu ákveðna
braut, og takmarkið er auðvitað
að komast fyrstur í mark. Eknar
verða nokkrar umferðir og eru
stig veitt fyrir hverja umferð
þannig að fyrsti bíll fær 4 stig,
næsti 3 og svo áfram.
Brautin sem keppt verður í er
malarbraut, og hefur fram að
þessu verið ekin réttsælis. Hins-
vegar fundu einhverjir ökumenn
út að með því að aka brautina
rangsælis fæst meiri hraði, og í
lok beins kafla í brautinni er
mikill stökkpallur sem bílunum
verður ekið fram af í loftköst-
um.
Það má því búast við að áhorf-
endur fái sitthvað til að horfa á,
en áhugi á þessari grein bíla-
íþrótta hefur vaxið mjög upp á
síðkastið.
Úrslit í
Flrmakeppni
í knattspymu
Firmakeppni Knattspyrnu-
ráðs Akureyrar utanhúss
hófst 7. september. Alls til-
kynntu 15 lið þátttöku og var
þeim skipt i tvo riðla. Var
leikið á báðum malarvöllum
félaganna.
Riðlakeppni lauk sl. þriðju-
dag og höfðu þá verið leiknir alls
28 leikir. Sigurvegarar í riðla-
keppninni urðu Akureyrarbær
gatnagerð og Iðnaðardeild Sam-
bandsins. Mætast þau því í úr-
slitaleik um sæmdarheitið
Firmameistari Knattspyrnuráðs
Akureyrar 1982 utanhúss og
verður leikurinn á KA-velli nk.
laugardag 25. september kl.
14.00.
Er því ekki tilvalið að mæta á
völlinn og sjá fjörugan knatt-
spyrnuleik í lok vertíðar?
Beint flug í sólina
Sumarauki á strönd Benidorm í þrjár vikur.
Beint flug báðar leiðír, möguieiki á að hafa
viðkomu í London eða Amsterdam á heim- „3
leið. §§
Sérstaklega heppileg ferð fyrir aldraða.
Þeim til aðstoðar verður Gréta Halldórs,
hjúkrunarfræðingur frá Akureyri, sími 96- a?
24155.
FERDA& 28133
.MjDsjqpjNi
?4l?sep|pB\be|r,19^