Dagur - 30.01.1986, Page 2

2 - DAGUR - 30. janúar 1986
viðtal dagsins.
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GlSLI SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi),
INGIBJÖRG MAGNÚSDÓTTIR (Húsavík), YNGVI KJARTANSSON,
KRISTJÁN G. ARNGRlMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Jeiðari______________________________
Frumvarp að nýjum
sveitarstjórnarlögum
Frumvarp til nýrra sveitarstjórnarlaga er nú
til umræðu á Alþingi. Þetta er ákaflega viða-
mikill málaflokkur og mikilvægt að vel takist
til með útkomuna. Vafalaust þarf að gera ein-
hverjar breytingar á frumvarpinu áður en það
kemur til endanlegrar afgreiðslu á þinginu.
Áskell Einarsson, framkvæmdastjóri Fjórð-
ungssambands Norðlendinga, ritaði grein um
þetta efni í Dag, þar sem hann telur að gagn-
gerar endurbætur verði að gera á frumvarp-
inu hvað ýmis atriði varðar. „Sumar tillögur
nefndarinnar bera vott um að auka eigi á ný
umsjón valdsmanna ríkisins með sveitar-
stjórnarmálum. Einnig vottar í verulegum
mæli fyrir þeirri áleitni að taka upp í íslensk
sveitarstjórnarlög ýmis ákvæði erlendra laga,
sem ekki eiga rætur í ríkjandi sveitarstjórnar-
hefð. Sumir þessara ágalla voru lagfærðir
áður en frumvarpið kom til Alþingis, en aðrir
hafa flotið áfram í frumvarpi því sem nú er til
afgreiðslu, “ segir Áskell í grein sinni.
Meðal þess sem hann nefnir er að sveitarfé-
séu fyrir hendi félagsleg eða landfræðileg
vinnurekstrinum fyrirgreiðslu í formi
ábyrgða. Hann nefnir einnig að það sé eðli-
legt og nauðsynlegt að ráðherra sveitar-
stjórnarmála hafi frumkvæði um sameiningu
sveitarfélaga að ákveðnu íbúamarki og hafi
frumkvæði að lagasetningu varðandi samein-
ingu, ef samkomulag á milli aðila næst ekki
og ef full rök eru fyrir því að sameina sveitar-
félög. Það verði hins vegar að vera á valdi Al-
þingis hverju sinni að meta það hvort leggja
skuli niður sveitarfélög með lögum.
Framkvæmdastj óri Fj órðungs sambandsins
segir að öllum sé að verða það ljóst, að ekki
séu fyrir hendi félagsleg eða landfræðileg
skilyrði fyrir því að koma á almennri samein-
ingu sveitarfélaga, svo þau geti orðið full-
burða til að veita nútímalega þjónustu. Því
sé ljóst að sveitarfélög verði í vaxandi mæli að
leysa verkefni í samstarfi sín á milli. Sé sveit-
arfélagi ofviða að leysa einstök verkefni eigi
að skylda það til að leita samstarfs við önnur
sveitarfélög, einnig ef sú tilhögun leiði til
meiri hagkvæmni í rekstri. Bæði þurfi að veita
styrki úr jöfnunarsjóði til sameiningar sveit-
arfélaga, eins og gert sé ráð fyrir í frumvarp-
inu, en einnig til að efla samstarf um verkefni.
Hér er á ferðinni veigamikil löggjöf sem
vanda þarf til t.d. hvað varðar hlutverk og til-
veru landshlutasamtaka. Sveitarstjórnar-
menn á landsbyggðinni verða sérstaklega að
halda vöku sinni og koma á framfæri athuga-
semdum meðan tími vinnst til.
„Yfirleitt tekur fólk
okkur vel“
- segir Björn Magnússon umdæmisverkfræðingur Fasteignamats
ríkisins á Akureyri í viðtali dagsins
Mynd: KGA
Björn Magnússon heitir mað-
urinn og er umdæmistækni-
fræðingur Fasteignamats ríkis-
ins á Norðurlandi með aðsetur
á Akureyri. Hann er innfædd-
ur Akureyringur og hefur búið
á Akureyri alla sína ævi, að
undanskildum fjórum árum
þegar hann var við nám í bygg-
ingartæknifræði í Danmörku.
„Reyndar ætlaði ég í Tækni-
skóla Islands að loknu stúdents-
prófi. En til að komast þar inn
þurfti ég að taka inntökupróf þar
sem ég var ekki iðnaðarmaður.
Þegar ég átti að þreyta inntöku-
prófið komst ég ekki þar sem ég
var veðurtepptur á Þórshöfn
þannig að ég fór bara til Dan-
merkur í staðinn. Það var ágætt
og ég sé ekki eftir því,“ segir
Björn og hlær við. Þetta er jú
óneitanlega með frumlegri
skýringum sem maður heyrir á
því af hverju menn kjósa að
sækja skóla til útlanda.
„Ég kom síðan heim í ársbyrj-
un 1979 og hef starfað hjá fast-
eignamatinu síðan. Fyrst starfaði
ég hér sem tæknifræðingur í hálft
■ár en varð síðan umdæmistækni-
fræðingur yfir Norðurlandi öllu
að viðbættri Strandasýslu. Þegar
ég byrjaði var bara einn maður
hér fyrir sem var búinn að starfa
frá árinu 1977.“
- í hverju felst svo ykkar starf
hér?
„Samkvæmt lögunum felst
starfið í því að meta fasteignir til
staðgreiðsluverðs. Við metum
þá allar fasteignir á svæðinu, þar
með talin útihús og alls kyns
byggingar. Byggingafulltrúarnir
eru tengiliðir okkar við sveitarfé-
lögin og þeir senda okkur upplýs-
ingar um húsin sem við höfum til
grundvallar þegar við metum
verð þeirra.
Fasteignamatið var stofnað í
núverandi mynd árið 1977. Áður
voru tveir menn í hverju sveitar-
félagi sem sáu um að meta verð
fasteigna og á þessu svæði eru 72
sveitarfélög. Þá hafa 144 menn
starfað við þetta og samræmið
var eðlilega ekki nógu gott með
því fyrirkomulagi.“
- Er ekki í gangi eitthvert
endurmat um þessar mundir?
„Jú, sko það sem við erum að
gera er að endurmeta allt hús-
næði á svæðinu og höfum verið
að því í ein sex ár. Við erum að
verða búnir að meta allt húsnæði
á Akureyri. Við eigum sam-
kvæmt lögum að endurmeta öll
hús á fimm til tíu ára fresti. Við
vinnum eiginlega eingöngu við
mat á húsum á Akureyri á vet-
urna. Á sumrin erum við ekkert
hér í bænum heldur förum við
um svæðið og metum hús annars
staðar á svæðinu.“
- Til hvers er ríkið að láta
verðmeta fasteignir?
„Samkvæmt lögunum á að
finna það fjármagn sem liggur í
fasteignum á landinu. Eins og er
er þetta aðallega notað sem
skattstofn við álagningu á fast-
eignagjöldum og eignaskatti. Það
er verið að reyna að sameina
þessi möt, fasteignarnat, bruna-
bótamat o.s.frv. Það yrði þá
stofnuð ein matsstofnun sem yrði
Björn Magnússon.
þá vonandi hlutafélag í eigu
þeirra sem nota matið.
Þegar við metum hús byrjum
við á að reikna það sem við köll-
um endurstofnverð, þ.e. hvað
kostar að byggja húsið. Því næst
reiknum við afskriftir og marg-
földum með svokölluðum mark-
aðsstuðli. Markaðsstuðull í
Reykjavík er einn. Hér er stuð-
ullinn í kringum 0.7.“
- Hvernig tekur fölk ykkur
þegar þið komið að skoða íbúðir
þess?
„Yfirleitt tekur það okkur
mjög vel. Við erum þakklátir fyr-
ir það hve vel fólk tekur á móti
okkur. Menn geta í raun og veru
flokkað þetta undir hnýsni.
Margir byrja á að afsaka sig fyrir
það hvað það sé mikið rusl, ekki
búið að taka til o.s.frv., en þetta
eru hlutir sem við tökum ekkert
eftir. Við sjáum bara þá hluti sem
við erum komnir til að sjá en ekki
hvort allt er fínt og fágað eða í
óreiðu. Þegar maður kemur út úr
íbúð man maður ekkert nema
það sem skiptir máli fyrir matið.
Hvernig íbúðin er í laginu, hvort
eru teppi á gólfum o.þ.h. Fólk
getur alveg neitað okkur um að
koma inn og hefur til þess laga-
legan rétt. Þá metum við húsið
bara eftir teikningu og setjum
það í fullt mat en þá er hætta á að
húsið verði of hátt metið. Það
vilja fæstir því þetta er notað sem
skattstofn." -yk.