Dagur - 19.02.1986, Blaðsíða 11
19. febrúar 1986 - DAGUR - 11
.orð í belg.
Sagði af mér vegna
samvisku minnar og
sannfæringar
Á fundi bæjarstjórnar Akureyr-
ar 11. febr. s.l. sagði ég, undirrit-
aður, af mér sem stjórnarmaður í
stjórn Vatnsveitu Akureyrar og
þar með að sjálfsögðu sem for-
maður stjórnarinnar. - Ég hefi átt
sæti í stjórn Vatnsveitunnar frá
árinu 1974 og verið formaður þar
frá árinu 1978. - Staða Vatnsveit-
unnar var mjög slæm þegar ég
kom í stjórnina og hafði verið
það um alllangt skeið þá. Notkun
vatns á Akureyri hafði vaxið langt
umfram það sem áætlað hafði
verið. - Með tilkomu vatnsöflun-
ar á Vaglaeyrum í Hörgárdal og
þeirra framkvæmda, sem ráðist
var í til að flytja vatn þaðan, var
talið að vatnsþörf bæjarins væri
fullnægt a.m.k. til ársins 1990 og
voru þær framkvæmdir að lang-
mestu leyti fjármagnaðar með
lántökum. - Á árunum 1974-
1978 varð ljóst að þegar þyrfti að
ráðast í framkvæmdir til að mæta
aukinni vatnsþörf. Var þá ráðist
í smíði miðlunargeymis á Rang-
árvöllum, sem gerði kleift að
mæta aukinni vatnsþörf um hríð.
Framkvæmd þessi var að miklu
leyti fjármögnuð með lánum. - Á
þessum sömu árum varð stjórn
Vatnsveitunnar ljóst að ekki
mætti lengur dragast að byggja
upp aðstöðu fyrir starfsemina.
Starfsemin var í gömlum brögg-
um frá heimsstyrjaldarárunuin og
starfsmönnum ekki bjóðandi upp
á þá vinnuaðstöðu sem þar var.
í byrjun þess kjörtímabils sem
hófst árið 1978 varð full samstaða
í Vatnsveitustjórn um langtíma-
áætlun, sem miðaði að því að
byggja upp aðstöðu fyurir veit-
una og koma starfsaðstöðu í
nútímahorf og jafnframt að auka
vatnsöflun veitunnar það tíman-
lega að ekki kæmi til vatnsskorts
á Akureyri. - Áætlun þessi var
við það miðuð að ekki þyrfti að
taka lán til þeirra, en forsenda
þess var í fyrsta lagi að dreifa
framkvæmdum á nægjanlega
langan tíma og í öðru íagi að
hækka vatnsskatt og annað
endurgjald fyrir vatnið. M.ö.o.
var við það miðað að viðskipta-
vinir Vatnsveitunnar kostuðu
framkvæmdirnar að fullu á fram-
kvæmdatímanum. Við það var
miðað að aukin hagkvæmni í
rekstri og bættur hagur veitunnar
kæmi viðskiptavinum hennar til
góða jafnóðum og hægt væri með
lækkun á verði vatnsins. Við lok
framkvæmdatímans gerði Vatns-
veitan ráð fyrir að staðan yrði
slík, að hún gæti selt vatnið á
mjög lágu verði. Jafnvel að um
yrði að ræða ódýrasta vatn á ís-
landi.
Allt frá árinu 1978 hefur
Vatnsveitan farið eftir þessari
áætlun og er nú komin yfir erfið-
asta og fjárfrekasta hjallann, og
hefur verið hægt að lækka verö
á vatninu. Gert var ráð fyrir að
lækkun á verði vatnsins kæmi
smátt og smátt til framkvæmda
á næstu árum þótt ennþá séu 4-5
ár eftir af framkvæmdaáætlun-
inni, en að þeim tíma loknum
yrði verð vatnsins í lágmarki til
frambúðar.
Stjórn Vatnsveitunnar lagði
fram frumvarp að fjárhagsáætlun
fyrir árið 1986 í samræmi við
þessa stefnu sína, þar sem m.a.
Freyr
Ófeigsson,
bæjarfulltrúi,
skrifar
var gert ráð fyrir að næsti þáttur
í áætluninni yrði smíði nýs miðl-
unargeymis á Miðhúsaklöppum.
Um þessa áætlun var algjör
samstaða í stjórn Vatnsveitunn-
ar. Var m.a. ýmsum öðrum
smærri, en nauðsýnlegum fram-
kvæmdum frestað, til þess að
hægt væri að ráðast í þessa fram-
kvæmd án lántöku og jafnframt
að lækka verð vatnsins í samræmi
við þá áætlun, sem ég hefi áður
lýst.
Á áðurnefndum fundi bæjar-
stjórnar var fjárhagsáætlun
Vatnsveitunnar til síðari um-
ræðu. - Á fundinum kom fram
tillaga frá Sjálfstæðismönnum um
að fella niður fjárveitingar til
smíði vatnsgeymisins og „frysta“
peningana í bæjarsjóði.
Þessi tillaga var samþykkt af
meirihluta bæjarstjórnar og fjár-
hagsáætlun Vatnsveitunnar síðan
samþykkt þannig. - Með sam-
þykkt þessari var meginhluti
framkvæmdafjár tekinn af Vatns-
veitunni og þar með kippt stoð-
um undan þeirri áætlun og stefnu
Vatnsveitunnar, sem ég hefi áður
rakið. Með samþykkt þessari var
af bæjarstjórn mörkuð ný stefna
í málefnum Vatnsveitunnar, sem
ég er mjög andvígur. í þessari
nýju stefnu felst sú skoðun meiri-
hluta bæjarstjórnar að nýta eigi
góða stöðu fyrirtækja bæjarins til
dulbúinnar skattlagningar í
bæjarsjóði í stað þess að við-
skiptavinir fyrirtækjanna njóti
þess í lækkuðu verði. - Sam-
kvæmt þessari stefnu mundi t.d.
bætt staða Hitveitunnar ekki
koma fram í lækkuðu verði á
heita vatninu, heldur vera nýtt til
fjáröflunar fyrir bæjarsjóð, til
þess m.a. að komast hjá að inn-
heimta hinar lögboðnu tekjur,
útsvar og fasteignaskatt, að fullu.
- Sem bæjarfulltrúi er ég andvíg-
ur þessari tekjuöflunarleið bæjar-
sjóðs og tel að verið sé að fara
inn á varhugaverða braut.
Ég tel að fullnýta eigi tekju-
stofna bæjarsjóðs til að standa
undir þeirn framkvæmdum sem
bæjarsjóður vill ráðast í þ.á m.
smíði dvalarheimilis fyrir aldr-
aða. - Ég geri ráð fyrir að auk
Vatnsveitunnar verði hafnarsjóð-
ur næst aðnjótandi þessarar nýju
stefnu, með þeim rökum að
nauðsynlegra sé að fjölga t.d.
dagvistarstofnunum, en að bæta
aðstöðu trillukarla með smíði á
bryggjum og þess háttar.
Alþýðuflokkurinn er ekki aðili
að meirihlutasamstarfi í bæjar-
stjórn. Ég var kosinn í stjórn
Vatnsveitunnar í byrjun þessa
kjörtímabils af hinum formlega
meirihluta bæjarstjórnar, án
míns atkvæðis, án tilstilli míns
flokks og án nokkurs samkomu-
lags við þá aðila sem kusu mig.
Ég tel mig því ekki bera neinar
skyldur gagnvart þeim til setu í
Vatnsveitustjórn. Ég tel að for-
sendur þess, að ég var kosinn í
stjórn Vatnsveitunnar og for-
maður hennar, hafi verið ánægja
með þá stefnu, sem ég fylgdi þar
á næsta kjörtímabili á undan og í
kosningu minni hafi falist stuðn-
ingur við áframhald þeirrar
stefnu, enda hefi ég fylgt henni
fram til þessa með stuðningi
a.m.k. meirihluta bæjarstjórnar.
Undir þessum kringumstæðum
taldi ég mér ekki skylt að sitja
áfram í stjórn Vatnsveitunnar og
gat raunar ekki hugsað mér að
fara að framkvæma þar stefnu
annarra flokka í fullkominni
andstöðu við stefnu mína og
míns flokks. Auk þess tel ég að
brostnar séu forsendur hjá þeim
er kusu mig fyrir þeirra stuðningi
og því ólýðræðislegt athæfi af
mér að sitja áfram í stað þess að
gefa þeim kost á að fela skoðana-
systkini sínu starfið.
Af framangreindum ástæðum
komst ég ekki hjá því að segja af
mér samvisku minnar og sann-
færingar vegna.
Ég vona að þetta greinarkorn
mitt skýri sjónarmið mitt fyrir
þeim, sem það lesa og þeir skilji
(andstætt við marga bæjarfull-
trúa) að ágreiningurinn er ekki
um það, hvort smíða eigi einn til-
tekinn vatnsgeymi eða ekki, eða
hvort vatnsgeymir sé nauðsyn-
legri framkvæmd en smíði dval-
arheimila fyrir aldraða.
Ég vil þakka stjórnarmönnum
gott og ánægjulegt samstarf og
sérstaklega færi ég framkvæmda-
stjóra Vatnsveitunnar þakkir fyr-
ir samstarfið og öðru starfsfólki
hennar þakkir mínar fyrir störf
þess í minni formannstíð.
Að lokum vil ég óska Vatns-
veitunni gæfu og gengis í fram-
tíðinni. Þótt skammsýnir bæjar-
fulltrúar hafi nú um sinn brugðið
fyrir hana fæti vona ég að þeir
muni síðar átta sig á mistökum
sínum og taka upp fyrri stefnu og
gera Vatnsveitunni kleift að
þjóna sínum viðskiptavinum á
sem bestan og hagkvæmastan
hátt, þeim og bæjarfélaginu í
heild til hagsbóta.
Freyr Ófeigsson.
^skák.
Umsjón: Gylfi Þórhallsson.
í þriðju umferð áttust þeir við
Arnar Þorsteinsson og Tómas
Hermannsson, en Arnar sem
var með hvítt, sótti grimmt og
eyddi í það miklum tíma, og
þegar hér er komið sögu átti
hann aðeins eina mínútu á
næstu tíu leiki, en svartur átti
nógan tíma, en þeir leika báðir
mjög hratt næstu leiki.
abcdefgh
Arnar lék síðast 31. Ra5 - og
svartur svaraði 31. - Da4 (Dc7
er betra). (Hér á hvítur rakta
vinningsleið. 32. De6-I— Kd8,
33. Hxd6!! - Bxd6, 34. Dxd6 -
Hc3, 35. Hd2 - og það er sama
hvað svartur leikur, hann tapar
í öllum afbrigðum, t.d. 35. -
Bb5, 36. Db8+ - Hc8, 37.
Rb7+ - Ke8, 38. Dxc8+ - Kf7,
39. Rd6+ - og mát.) En í stað-
inn lék hann 32. De6+ - Kd8,
33. Dxd7+ - Dxd7, 34. Bxd7 -
Kxd7, 35. Hdd2 - (betra er 35.
Hb3 - og vinnur peð, t.d. 35. -
Hc3, 36. Hxc3 - bxc3, 37. Bd4
með góðar vinningslíkur eða
35. - Hb8, 36. a3 - og vinnur)
35. - Hc3, 36. Bgl - (Bf4 er
betra) - h5, 37. Rb3 - Ke6, 38.
Bb6 - Hh7, 39. Kb2 - Hc4, 40.
Hh4 - Hb7, 41. Bf2 - Hb5, 42.
Rcl - d5 hér sömdu kappar um
jafntefli.
Tómas var lengst af með verri
stöðu á móti Sigurjóni Sigur-
björnssyni í fjórðu umferð. en
hann sneri snyrtilega á hann.
Tómas er með hvítt og á leik á
stöðinni.
abcdefah
1. Rxd6!!-Cxd6
2. c7 - Rb7
3. Hxb7 - Hc8
4. Hc3 - Kf6
5. Hxb6 - Hexb7
6. Hbc6 - Hxc6
7. dxcó og svartur réð ekkert
við peðin og gafst því upp.
í skák Jakobs Kristjánssonar,
tefldi sá síðarnefndi stíft til
vinnings, eftir vel heimabrugg-
aðan leik í Ben-oní vörn, sem
var allóvenjulegur, en það setti
hvítan algjörlega úr jafnvægi.
Þessi staða kom upp.
abcdefgh
Friðgeir er með svart og leikur
1. - Rxd3!, 2. Hxd3 (ef 2. Dxd3
- Dxd3, 3. Hxd3 - Hxe2!. 4.
Rxe2 - Bf5 og það er sama hvað
hvítur leikur næst, því hann
tapar hróknum f öllum afbrigð-
um, því svartur leikur næst peð-
inu til c4 og vinnur, einnig geng-
ur ekki 2. Rgl - vegna 2. -
Dxf2, 3. Hxd3 - Hel+ og
vinnur) 2. - Bf5, 3. Rxf5 (ef 3.
Hhdl þá 3. - Hxe2. 4. Rxe2 -
Dxe2 og vinnur) 3. - Dxhl +, 4.
Hdl - De4+ og hvítur gaf.
í síðasta þætti er villa í stöð-
unni hjá Hauki og Sigurjóni,
peðið á e7 á ekki að vera.
Alúðarþakkir til allra þeirra sem auðsýndu okkur samúð og
hlýhug við andlát og jarðarför eiginmanns míns og föður
okkar,
ÓSKARS LEIFSSONAR,
Skarðshlíð 25c.
Sérstakar þakkir til laekna og starfsfólks gjörgæsludeildar
Fjórðungssjúkrahússins á Akureyri.
Guð blessi ykkur öll.
Árný Björnsdóttir og dætur.
Við
seljum ^
ódýrt
Dömukápur
á kr. 3.300.- Stór númer.
Úlpur á kr. 1.870.-
Ný sending. Dömupils.
KLvbíraisliui
SigínbiirGnbinniidwihirlit.
HAFNARSTRÆTI96 SÍMI96-24423 AKUREYRI
Híisvíkingar -
Þingeyingar
Dagur hefur fastráöið starfsmann á Húsavík. Það er Ingibjörg
Magnúsdóttir, sem auk blaðamannsstarfa mun sjá um dreif-
ingu og auglýsingamóttöku fyrir blaðið.
Við hvetjum lesendur blaðsins til að hafa samband við Ingi-
björgu varðandi ábendingar um fréttir og efnisval.
Einnig bendum við lesendum á, að Ingibjörg tekur á móti smá-
auglýsingum og tilkynningum í dagbók, t.d. varðandi stór-
afmæli og dánarfregnir (mynd má fylgja) svo eitthvað sé
nefnt. Sú þjónusta er lesendum að kostnaðarlausu.
Ingibjörg hefur aðsetur í Stóragarði 3, sími 41585.
Fastur skrifstofutími kl. 9-11, en er auk þess við á skrifstof-
unni á öðrum tímum.
Heima: Sólbrekka 5, sími 41529.