Dagur - 11.03.1986, Qupperneq 12

D&eUR
Akureyri, þriðjudagur 11. mars 1986
nr •• i / / a*
Tokum a moti
pöntunum í fermingaveislur.
*
Utvegum sali ef með þarf.
Leitid upplýsinga hjá Hallgrími eða Stefáni í síma 21818
Norðurland:
Þorskaflinn
er mun meiri
en á sl. ári
Heildarþorskafli til hafna á
Norðurlandi tvo fyrstu mánuði
ársins nam 17.868 tonnum og
var aukning 4.485 tonn miðað
við sömu mánuði ársins 1985.
Hins vegar nam heildarafli ails
físks á Norðurlandi tvo fyrstu
mánuði ársins nú 50.164 tonn-
um og var það 22.528 tonnum
minna en á sama tíma í fyrra.
Munar þar mestu að loðnuafli
til hafna á Norðurlandi tvo
fyrstu mánuði ársins var 26.293
tonnum minni en á sama tíma í
fyrra.
Þorskafli togara á Norðurlandi
nam nú um mánaðamótin 8.580
tonnum en var 5.766 tonn á sl. ári
á sama tíma. Bátarnir komu með
3.753 tonn tvo fyrstu mánuðina á
móti 1.937 tonnum á sama tíma í
fyrra.
Ef við lítum á hæstu löndun-
arstaði á Norðurlandi hvað varð-
ar þorsk, þá hefur mestur afli
borist til Akureyrar, eða 4.621
tonn. Siglufjörður kemur næst
með 2.049 tonn, Ólafsfjörður
2.001 tonn, Dalvík 1.878 tonn,
Skagaströnd 1.537 tonn, Húsavík
1.090 tonn og Sauðárkrókur
1.000 tonn.
Ef litið er á heildaraflann er
Siglufjörður með 13.013 tonn og
munar þar mestu að 10.610 tonn
bárust þangað af loðnu. Akureyri
er með 12.105 tonn og Raufar-
höfn með 10.928 tonn, en þangað
bárust 10.146 tonn af loðnu. gk-.
, Gamalt lag eftir
Olaf Hauk í söngva-
keppni sjónvarps
Það var engin furða þó margir
Akureyringar teldu sig kannast
við eitt lagið sem flutt hefur
verið í sjónvarpi og útvarpi í
tengslum við fyrirhugaða þátt-
töku í Eurovision-söngva-
keppninni. Dæmi voru þess að
krakkar sungu með og kynnu
textann, þegar lagið var ttutt í
fyrsta skipti í sjónvarpi. Við
nánari skoðun hefur nefnilega
komið í Ijós að lagið er ekki
nýtt og hefur reyndar verið
sungið í sjónvarpi áður.
Hér er á ferðinni Vögguvísa,
ákaflega geðþekkt lag, ekki síst
þegar það er farið að venjast. Og
þeir voru margir sem höfðu heyrt
lagið áður. Það er ekki hægt að
haida því leyndu hver er höfund-
ur því lag þetta var flutt á leik-
sýningum hjá Leikfélagi Akureyr-
ar í fyrravetur. Sýningin hét
„Kötturinn sem fór sínar eigin
leiðir“ og lagið og textinn er eftir
Ólaf Hauk Símonarson. Gunnar
Þórðarson annaðist útsetningu
lagsins fyrir sýninguna og lék á
öll hljóðfæri inn á band. Sá sem
söng lagið á sýningunni, og
reyndar í fréttatíma sjónvarpsins
þegar sagt var frá frumsýningu
verksins, var Theodór Júlíusson.
Nú vaknar hins vegar spurn-
ingin um það hvort þetta lag er
gjaldgengt. Voru ekki einhver
ákvæði um það að lag í keppninni
mætti ekki hafa birst opinberlega
áður? Leiksýningar og flutningur í
sjónvarpi hljóta að teljast til
opinbers flutnings. Eða var bara
hugmyndin að lagið hefði ekki
mátt hafa komið út á hljómplötu
eða þvíumlíku? HS
Listadagar í M.A. hófust í gærkvöld með samkomu i Möðruvallakjallara.
Þar lásu nokkrir nemendur Ijóð sín og smásögur; tónlistafólk úr röðum
nemenda lék klassiska tónlist. Boðið var upp á kaffí og meðlæti og samkom-
an var fjölmenn. Mynd: KGA.
Nýr rækju-
bátur til
Hvamms-
tanga
„Það er margt óljóst í málinu
ennþá. Við erum rétt byrjaðir
að ganga milli ráðamanna í
Reykjavík til að fá fyrir-
greiðslu,“ sagði Friðrik Friðr-
iksson útgerðarmaður á
Hvammstanga. Fn hann ásamt
fleiri aðilum eru að kanna
kaup á nýjum rækjuveiðibáti
frá Noregi.
Við erum nýkomnir frá Þránd-
heimi í Noregi, þar sem við
skoðuðum 70 tonna skutbyggðan
bát,“ sagði Friðrik, en hann hef-
ur gert út bátinn Rósu HU, sem
er trébátur, byggður í Svíþjóð
1946 og hefur nú verið dæmdur í
úreldingu og var tekinn úr
umferð sl. haust.
Ef af því verður að Friðrik og
þeir sem að þessu standa fái
bátinn, mun hann eingöngu
verða notaður til rækjuveiða.
Enda er hann sérsmíðaður með
það fyrir augum. Er báturinn
frambyggður, tveggja þilfara og
með tæki til rækjufrystingar. Um
kaupvérð bátsins sagði Friðrik að
erfitt væri að gefa nákvæma tölu.
„Það á eftir að skoða þau mál
vel. En þetta verða kringum 35-
40 milljónir króna,“ sagði hann.
gej-
Plasteinangrun og Sæplast:
Mjög mikil sala
til Færeyja
„Við höfum teygt okkur eins
og hægt er miðað við núver-
andi vélakost og þarf því að
auka hann ef auka á fram-
Óhappið á Reykjavíkurflugvelli:
Hefur ekki áhrif
á innanlandsflug
„Það er ekki eins mikið að
gera hjá okkur yfír vetrarmán-
uðina og verður þegar kemur
fram á vorið, þannig að þetta
skapar ekki vandræði fyrst um
sinn,“ sagði Sæmundur Guð-
vinsson fréttafulltrúi Flugleiða
er Dagur ræddi við hann í
kjölfar óhappsins á Reykjavík-
urflugvelli í gærmorgun.
Þar bilaði hreyfill Fokker-vélar
í flugtaki með þeim afleiðingum
að vélin rann út af flugbrautinni
og lauk því ferðalagi á miðri
Suðurgötunni. Vélin var með 41
farþega á leið til Patreksfjarðar
og urðu engin meiðsli á fólki um
borð.
„Það er alveg ljóst að við þurf-
um að fá aðra vél í staðinn fyrir
þessa,“ sagði Sæmundur. Hann
sagði að ekki væri búið að meta
skemmdir til fulls en ef gert yrði
við vélina myndi viðgerð taka
marga mánuði.
Sæmundur sagði að Flugleiðir
myndu fá Fokkervél í stað þess-
arar sem skemmdist. Flugleiðir
ættu varahluti í þær vélar og flug-
menn væru þjálfaðir á þær. Þann-
ig myndi þetta óhapp ekki verða
til þess að farið yrði að liuga að
endurnýjun flugflotans í innan-
landsflugi, slíkt þyrfti meiri
undirbúningstíma.
Innanlandsflug Flugleiða hefur
gengið mjög vel frá áramótum.
Farþegar tvo fyrstu mánuði árs-
ins voru um 18.000 talsins sem er
met á þessum árstíma. gk-.
Ieiðsluna,“ sagði Sigurður
Jóhannsson framkvæmdastjóri
Plasteinangrunar. Fn það
fyrirtæki framleiðir fiskikassa
og trollkúlur fyrir markað
innanlands og utan.
Sigurður og Pétur Reimarsson
framkvæmdastjóri Sæplasts á
Dalvík eru nýlega komnir úr ferð
til Færeyja. Eftir þá ferð kemur í
ljós að Færeyingar kaupa á þessu
ári að minnsta kosti sama magn
af fiskikössum frá Plasteinangrun
og á síöasta ári, eða 30 þúsund
kassa. Einnig fengust óvæntar
pantanir í fiskiker sem Sæplast
framleiðir.
Sigurður sagði að framleiðslan
væri það mikil að þurft hefði að
auka vinnu í verksmiðjunni. Nú
væri unnið allar helgar og fram-
leiðslunni ráðstafað langt fram á
sumar. Auk innanlandsmarkaðar
fyrir fiskikassa og Færeyjamark-
aðarins væri verið að athuga með
sölu til Bretlands og Skotlands,
en þar standa fyrir dyrum breyt-
ingar á notkun fiskikassa, úr
trékössum í plastkassa. „Við höf-
um fylgst mjög vel með þeim
málum og ef yrði af samningum
þýddi það aukinn vélakost til
verksmiðjunnar," sagði Sigurður
Jóhannsson..
Pétur Reimarsson sagði að
þessi góða sala til Færeyja hefði
komið nokkuð óvænt. Nú þegar
væri búið að selja 1100 ker, en á
öllu árinu í fyrra var salan 800
ker. „Við erum að sjálfsögðu
mjög ánægðir með þessa sölu, en
hún setur okkur nokkrar
skorður, vegna þess að við höfum
ekki nægjanlegan tækjakost til að
anna allri eftirspurninni. Þetta
þýðir að við verðum að afhenda
ker til Færeyja fram eftir öllu
sumri, því við höfum líka skyldur
við kaupendur hér innanlands,
því aldrei hefur selst jafn mikið á
jafn skömmum tíma og nú að
undanförnu,“ sagði Pétur. Það er
sama sagan hjá Sæplasti og hjá
Plasteinangrun, að unnið er allar
helgar. Húsakostur er þröngur
hjá Sæplasti, en stendur væntan-
lega til bóta, því unnið er að
undirbúningi byggingar nýs verk-
smiðjuhúss. Aðalfundur fyrir-
tækisins tekur síðan ákvörðun
um hvort ráðist verður í hana,
„en þörfin er mikil á nýju húsi,“
sagði Pétur Reimarsson. gej-