Dagur - 14.11.1986, Page 5

^nóyefnter-isse ^ ÐAQMB - 5
„Við megum ekki
sofna á verðinum"
Óttar Skjóldal, bóndi á Enni, Unadal á línunni
Óttar Skjóldal, bóndi á Enni í
Unadal, Skagafirði, er á lín-
unni.
- Komdu sæll, Óttar. Hvern-
ig búskap ert þú með?
- Ég er með fjárbú eingöngu
en eina heimiliskú og nokkur
hross til gamans. Ég hef verið
með 270 til 280 kindur, 220 til
230 fullorðið auk uppeldislamba
og hruta. Hér hafa alltaf verið
fjárbú þangað til riðan felldi á-
næsta bæ við mig í fyrra og svo
felldi hún hinum megin við mig
núna tvo bæi þannig að ég stend
einn uppi orðið. Nágrannar
mínir sem urðu fyrir þessum
skakkaföllum búa ennþá á
bæjunum en þetta er mjög full-
orðið fólk sem á ekki í önnur
hús að venda.
- Hefur þetta fólk hugsað sér
að byrja aftur búskap eftir
niðurskurðinn?
- Annar þeirra held ég að
hafi haft það við orð en er þó
ekki alveg ákveðinn. Hinn var
nú að fella í haust þannig að ég
veit ekki hvað hann gerir. Land-
ið hérna hentar vel til sauðfjár-
ræktar, það var að vísu orðið
heldur margt í högunum en
þessu hefur fækkað svo mikið að
þetta er í góðu lagi núna.
- Er lítið um að menn séu
með kýr þarna?
- Já, hérna í næsta nágrenni
við mig í Unadal og Deildardal
er ekkert kúabú. Það eru þá
heimiliskýr ef eitthvað er. Pað
er aftur hér í hreppnum úti á
Höfðaströndinni og eins inni í
Óslandshlíðinni sem eru kúabú.
- Hvernig finnst þér horfa
núna með kindakjötsfram-
leiðsluna?
- Pað veit nú sennilega hvert
mannsbarn að það horfir illa.
Það er ekki gott við að gera því
ef allir halda áfram þá svelta all-
ir til bana á nokkrum árum því
þetta á smám saman að minnka
eftir því sem okkur er sagt.
- Hvernig var ástandið þegar
þú varst að byrja búskap?
- Þá var að byrja að votta fyr-
ir því að menn tækju aðra hvora
greinina fyrir og ég valdi sauð-
féð. Það leit nokkuð vel út með
það þá, sæmilega vel fram undir
1980, þá fór að versna hljóðið.
Ég byggði fjárhús hérna 1974
svo ég er sloppinn við verðtrygg-
ingu lána. Eg var að fá tilkynn-
ingu núna um fullvirðisréttinn
og ég slepp nokkuð vel miðað
við marga því ég framleiddi það
langt neðan við búmark að ég fæ
ekki nema 3% skerðingu. Ég
var með 415 ærgildi en fram-
leiddi 268 árið 84 og minna 85.
Ég má framleiða 260 ærgildisaf-
urðir. Það er ekki hægt að lifa af
þessu svo ég hef unnið við akst-
ur skólakrakka hér í sveitinni.
Það væri kannski hægt að
skrimta með því að vera nógu
sparsamur en það væri þá ekki
gerður nokkur hlutur. Maður
myndi sem sagt bara lifa.
- Þekkir þú einhverja sem
hafa farið út í miklar fram-
kvæmdir í búskap?
- Ekki í sauðfjárrækt eða
mjólkurbúskap en það eru
nokkrir sem hafa farið út í refa-
ræktina. Þeir berjast í bökkum
vegna áfalla. Þeir fengu hvolpa-
dauða í hittifyrra og verðfall í
fyrra. Það eru ótal ijón á vegin-
um í sambandi við nýja búskap-
arhætti. Framámaður í landbún-
aði hérna, Egill Bjarnason,
sagði á fundi frammi.á Krók að
ef fóðurstöðvunum yrði ekki
rétt veruleg hjálparhönd og fóð-
urverð lækkað þá skyldu menn
hætta að hugsa um loðdýrarækt
á íslandi. Hann sagði þetta á
opinberum fundi.
- Hvað viltu segja um
byggðajafnvægið?
- Það hlýtur að raskast í öllu
þessu umróti. Það hafa sumir
verið að tala um landeyðingar-
stefnu en þá hafa nú aðstæður
búið hana til en ekki einhver
einn maður. Það er ekkert nema
gott að segja um nýjar búgreinar
en þessi blessuð fiskirækt, þeir
eru nú ekki margir sem komast
inn í hana nema þá þar sem eru
reist stór fyrirtæki. Þetta er ekk-
ert fyrir einstaklinga nema fyrir
hendi séu skilyrði sem eru bara
á fáum stöðum á landinu. Ein-
hverjir geta farið út í tamningar
og ferðamannaþjónustu en það
hlýtur að eiga sér langa þróun
áður en það verður fyrir
fjöldann. Það er af og frá að
menn fari inn í þetta í stórum
stíl á þessum umþóttunartíma.
- Er það rétt að bændum hafi
verið refsað fyrir að fara niður
fyrir búmarkið undanfarin ár?
- Það er ekkert auðveldara
en að sýna fram á það. Sjáðu nú
bara til, ef við værum hérna
tveir nágrannar og annar hefði
haldið áfram að framleiða upp í
búmark viðmiðunarárin 84 og
85 en hinn hefði verið búinn að
minnka sig um 20% til að vera
þægi drengurinn, þá fékk sá sem
hélt sig við búmarkið 13%
skerðingu. Hinn, sem var þegar
búinn að minnka við sig um
20%, fékk 8 til 10% skerðingu í
viðbót svo þú sérð hvor stendur
betur. Sá sem var þægi drengur-
inn 84 og 85 fer verr út úr þessu
en sá sem beit á jaxlinn og hélt
sér uppi.
Sannleikurinn er sá að við
sváfum allt of lengi, ekki bara
bændur og ríkisvald heldur allur
almenningur. Sjáðu t.d. kjöt-
matið. Fyrir 10 árum voru neyt-
endur hættir að samþykkja kál-
lömbin (lömb alin á fóðurkáli)
sem fyrsta flokks vöru. Við og
allt kerfið mátum þetta í fyrsta
flokk alveg þar til í haust. Þá var
loks tekið af skarið og ákveðið
að lömb sem ekki stirðnaði fitan
á færu í O flokk. Er þetta ekki
ansi seint tekið við sér? Það
finnst mér. Ef við erum svona
seinir á okkur á öllum sviðum þá
er ekki von að það gangi vel.
EHB
Kristnesbasaríim
verður í Blómaskálanum Vín
sunnudaginn 16. nóvember kl. 14.00.
Mikið af tágavöru, prjónlesi, útsaum o.fl.
Komið og verslið ódýrt til jólanna!
Veitingar á staðnum.
Kristnesspítali.
Teppahreinsun - Hreingerningar
Tökum að okkur teppahreinsun og hreingerningar fyrir ein-
staklinga og fyrirtæki. Háþrýstiþvottur á sorprennum, geymsl-
um og iðnaðarhúsnæði. Gerum föst verðtilboð ef óskað er.
Fljót og góð þjónusta.
Pantið tímanlega fyrir jói. Sími 21719.
Takið eftir
Ýtuvinna ★ Jarðvegsskipti ★ Fyllingarefni
Sparið tíma fé og fyrirhöfn.
Til leigu 26 tonna jarðýta í flest verk. Útvegum einnig önn-
ur tæki t.d. traktorsgröfu, beltagröfu, dráttarbíla, einnig allt
fyllingarefni. Tökum að okkur stór sem smá verkefni. Vanir
menn, góðar og afkastamiklar vélar.
Hringdu og fáðu upplýsingar.
Friðrik Bjarnason, heimasími 26380, bílasími 985-21536.
Guðmundur Kristjánsson, heimasími 23349, vinnusími
22333.
Öll námsgögn og allt efni námskeiðsins hefur verið endur-
skoðað og með hliðsjón af fenginni reynslu hefur mörgu
verið bætt inn og annað lagfært.
Þetta námskeið hefur átt miklum vinsældum að fagna, en
tilgangur þess er að veita þátttakendum innsýn inn í heim
sölu- og samskiptatækninnar. Þátttakendur fá einnig þjálfun
í sölumennsku og lýsingu á íslenskafyrirtækjamarkaðnum.
□ Efni:
- íslenskt markaðsumhverfi.
- Uppbygging og mótun sölustefnu.
- Vöruþróun, æviskeið vöru o.fl.
- Uppbygging sölubréfa.
- Val á markhópum.
- Starfsaðferðir sölufólks.
- Samskipti og framkoma.
- Söluhræðsla.
- Markaðsrannsóknir og áætlanagerð.
Námskeiðið er einkum ætlað sölufólki og sölustjórum, sem
vinna á fyrirtækjamarkaði, eða selja til endursöluaðila.
Leiðbeinandi: Haukur Haraldsson. Stundaði nám í félags-
fræði við Háskóla fslands og hefur fjölbreytta reynslu af
sölustörfum, skipulagningu söluaðferða og íslenska mark-
aðinum. Starfar nú sem ráðgjafi og leiðbeinandi.
Tími: 19.-20. nóv. 1986.
Þrátt fyrir áralöng stjórnunarstörf er öllum lærdómsríkt að
sækja námskeið, deila öðrum af reynslu sinni og komast að
hvernig vandamál eru leyst í öðrum fyrirtækjum.
Markmið: Að kynna stjórnendum meginreglur stjórnunar-
fræðanna, vekja þá til umhugsunar um þann fjölbreytileika
sem ríkir [ stjórnun, og veita þeim innsýn í eigin stjórnunar-
aðferðir og samskipti þeirra við starfsmenn.
□ Efni:
- Hvaðerstjórnun?
- Stjórnskipulag og tegundir
stjórnunar.
- Einstaklingurinn og vinnan.
- Upplýsingastreymi.
- Verkefnastjórnun.
- Skipulagsbreytingar.
Leiðbeinandi: Höskuldur Frímannsson, rekstrarhagfræð-
ingur. Framhaldsnám í rekstrarhagfræði við University of
Bridgeport í Bandaríkjunum. Forstöðumaður rekstrarráð-
gjafardeildar Skýrsluvéla ríkisins og Reykjavíkurborgar.
Tími: 28.-29. nóv. 1986.
Tölvutæki sí.
Gránufélagsgötu 4, 2. hæð • Akureyri ■ Sími 96-26155