Dagur - 13.02.1987, Page 4

4 - DAGUR - 13. febrúar 1987
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, SÍMI 24222
ÁSKRIFT KR. 480 Á MÁNUÐI ■ LAUSASÖLUVERÐ 50 KR/
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI: GYLFI KRISTJÁNSSON
RITSTJÓRNARFULLTRÚI: BRAGI V. BERGMANN
BLAÐAMENN: ÁSLAUG MAGNÚSDÓTTIR, EGILL BRAGASON,
EGGERT TRYGGVASON, GESTUR E. JÓNASSON,
GESTUR KRISTINSSON (Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529),
KRISTJÁN KRISTJÁNSSON, RÚNAR ÞÓR BJÖRNSSON,
STEFÁN SÆMUNDSSON, ÞÓRHALLUR ÁSMUNDSSON
(Sauöárkróki vs. 95-5960 hs. 95-5729)
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Framboð eyðileggur
samstöðuna um jafnrétti
milli landshluta
Ueiðari__________________
Samtök um jafnrétti milli
landshluta voru stofnuð til
að sporna gegn þeirri
óheillaþróun sem orðin var í
búsetumálum á lands-
byggðinni. Þau voru stofn-
uð til að hefja sókn í átt til
jafnréttis allra landsmanna,
óháð því hvar þeir hefðu
búsetu. Til þeirra var stofn-
að sem þverpólitískra sam-
taka sem yrðu óháð stjórn-
málaflokkum og það var
yfirlýst strax í upphafi og
margendurtekið síðar að
þetta yrðu ekki stjórnmála-
samtök sem bjóða myndu
fram í kosningum.
Stefnumið samtakanna
og það að þau voru utan við
pólitískt argaþras í víðum
skilningi varð til þess að
þau fengu mikinn hljóm-
grunn út um allt land.
Þarna var kominn öflugur
þrýstihópur með góðan
málstað, sem fólk úr öllum
flokkum gat sameinast um.
Andstæðingar í flokkapóli-
tíkinni sameinuðust undir
merki jafnréttis milli
landshluta. Þessi samtök
urðu til þess, ásamt fleiru,
að umræða um byggðamál
og afleita þróun þeirra varð
meira áberandi en áður.
Allir stjórnmálaflokkar
leggja nú verulega áherslu
á landsbyggðarstefnu.
Áður var það Framsóknar-
flokkurinn einn sem þorði
að hafa afstöðu til þessa
málaflokks — nú telja allir
flokkar sig velviljaða íbúum
landsbyggðarinnar — meira
að segja Alþýðuflokkurinn.
Ætla má að aukin
umræða um þetta vanda-
mál, sem snertir alla þjóð-
ina og getur komið henni
verulega í koll, megi verða
til þess að reynt verði að
snúa þróuninni við. Stein-
grímur Hermannsson, for-
sætisráðherra, beitti sér fyr-
ir því að stofnuð var svo-
kölluð byggðanefnd þing-
flokkanna. Hún komst að
þeirri niðurstöðu, að til
þess að auka svo nokkru
nemi völd og áhrif lands-
manna allra óháð búsetu
þeirra þurfi að koma til
þriðja stjórnsýslustigið,
sem taki við umtalsverðum
verkefnum og tekjum, fyrst
og fremst frá ríkinu. Þriðja
stjórnsýslustigið er mjög í
anda hugmynda Samtaka
um jafnrétti milli lands-
hluta.
Nú er sá árangur sem
samtökin virðast hafa náð í
hættu. Hugmyndir eru uppi
meðal forsvarsmanna
þeirra að efna til flokks-
framboðs í öllum kjördæm-
um landsins. Fari svo er sú
samstaða sem náðst hefur
algjörlega óháð flokkapóli-
tík fyrir bí. Þetta hugsan-
lega framboð er svo ná-
tengt samtökunum, þótt
því sé harðlega neitað að
það sé á þeirra vegum, að
aðrir flokkar og einstakling-
ar munu ef að líkum lætur
snúast gegn jafnréttissam-
tökunum og stefnumálum
þeirra. Með ótímabæru
framboði af þessu tagi eru
þau áhrif sem samtökin
hafa náð að engu gerð.
Ef af þessu verður munu
fjölmargir stuðningsmenn
Samtaka um jafnrétti milli
landshluta snúa við þeim
baki. HS
„ Það vantar
titla
til Akureyrar"
- segir Bogdan Kowalzick landsliösþjálfari
í handknattleik
„Hér á Akureyri eru margir
efnilegir strákar og mér líst vel
á þjálfunina sem þeir fá,“
sagði Bogdan Kowalzick
landsliðsþjálfari íslands í
handknattlcik, í samtaii við
Dag, eftir dvöl sína hér á
Akureyri nú í vikunni. Þeir
Bogdan og Jón Hjaltalín
Magnússon formaður HSÍ
voru hér á ferð og fóru á æfing-
ar hjá KA og í leikfimitíma hjá
krökkum í Glerárskóla.
„Ég tók sérstaklega eftir
tveimur strákum,“ sagði Bogdan.
„Peim Jóni Agli Gíslasyni og
Karli Karlssyni í 4. flokki KA,
þeir eru framtíðarleikmenn í
íslenska landsliðinu ef rétt verður
á málum haldið. Allir þeir strák-
ar sem voru á æfingunni, tóku vel
á og ég vona að þeir geri það á
öllum æfingum.
Ég fór einnig í tvo leikfimitíma
hjá 11-12 ára krökkum í Glerár-
skóla sem Brynjar Kvaran stjórn-
aði. Þar virtist vera mikill áhugi á
handbolta og mér leist sérstak-
lega vel á þá örvhentu sem þar
voru en þannig leikmenn vantar í
bæði liðin hér á Akureyri.
Það virðist vera mikill áhugi á
handknattleik í bænum. Það sem
vantar er að liðin hér á Akureyri
nái að vinna einhverja titla og
komist í Evrópukeppni. En til
þess að það takist er ekki nóg að
æfa þetta 4 sinnum í viku. Hér
vinna menn mjög mikið og gefa
íþróttinni ekki nægan tíma. Það
er nauðsynlegt til þess að ná
árangri að æfa markvisst í 10-11
mánuði á ári. Ef leikmenn taka
of langt frí, gleymast tæknileg
atriði og úthaldið minnkar. Góð
ástundun skilar sér, það sést best
á okkar landsliðsstrákum.
Það er einnig mikilvægt fyrir
liðin hér fyrir norðan að leika
fleiri leiki á tímabilinu, bæði hér
heima og erlendis. Það er mikil-
vægt fyrir strákana að kynnast
handbolta í öðrum löndum og þá
með því að fara í æfingar og
keppnisferðir erlendis í sínum
æfingaundirbúningi.
Ef leikmenn ætla að verða
virkilega góðir, verða þeir að
gera það mun fyrr upp við sig,
hvaða eina íþróttagrein þeir ætla
Bogdan fór á æfingu hjá 4. flokki KA og hreifst þar mjög af þeim Jóni Agli Gíslasyni og Karli Karlssyni. Hér sjást
þeir Bogdan og Jón Egill kljást á æfingunni. Mynd: rþb
að stunda. Það þýðir ekkert að
vera að gutla í mörgum íþrótta-
greinum fram eftir öllum aldri."
- Þú fórst einnig á æfingu hjá
meistaraflokki KA. Hvernig leist
þér á?
„Já ég var með erfiða æfingu
hjá meistaraflokki KA og strák-
arnir tóku vel á. En það sem var
helst að, er að strákana vantar
grunnæfingu. Þeir gera of mikið
af mistökum bæði í vörn og sókn.
En með því að æfa meira er auð-
velt að lagfæra þetta. KA-liðið er
efnilegt og getur náð langt. Það
er hlutverk þjálfara liðsins að
hjálpa liðinu að ná sem lengst.
Það er þó ljóst að hlutirnir
ganga ekki upp nema með góðri
stjórnun og ég þykist vita að hér
á Akureyri eru þeir hlutir í góðu
lagi.
ÖIl handknattleikslið ættu að
gera miklu meira af því að stúd-
era handboltaíþróttina, bæði
með því að ræða hlutina mun
meira og skoða leiki á mynd-
bandi. Þetta er eins og með skák-
ina, það þarf að liggja yfir
hlutunum og ræða málin.
Handbolti er mjög góð íþrótt
fyrir íslendinga og hana er hægt
að æfa og leika allt árið. Fótbolt-
ann er ekki hægt að stunda jafn
mikið. Skapgerð íslendinga er
góð og viljinn er mikill. Allt þetta
hjálpar til þess að ná langt í
íþróttinni," sagði Bogdan Kow-
alzick að lokum. -KK