Dagur - 11.06.1987, Blaðsíða 1

70. árgangur
Akureyri, fímmtudagur 11. júní 1987
Vaglaskógur:
Enn verið að
þrífa upp rusl
Umgengni var mjög slæm í
Vaglaskógi um hvítasunnu-
helgina og að sögn Sigurðar
Skúlasonar hjá Skógræktinni
að Vöglum er enn verið að
þrífa upp rusl eftir gestina og
verður því varla lokið fyrr en
um næstu helgi. Þetta er mikil
fyrirhöfn og kostnaðurinn mun
meiri en sú upphæð er náðist
að innheimta af gestum fyrir
tjaldstæði.
Mývatnssveit:
Stal 15
andareggjum
í fyrradag var handtekinn í
Mývatnssveit maður sem vakið
hafði athygli heimamanna og
lá undir grun um eggjaþjófn-
að. Lögreglan á Húsavík sem
var í öðrum erindagjörðum í
Mývatnssveit hafði upp á
kauða og reyndist hann hafa
andaregg í fórum sínum.
Maðurinn, sem er austurrísk-
ur, viðurkenndi við yfirheyrslur í
gær að hafa stolið 15 andareggj-
um. Hafði hann stolið þeim úr
hreiðrum í varplöndum í
Mývatnssveit og ætlaði hann að
senda þau eftir Iöglegum leiðum
úr landi. Samkvæmt íslenskum
lögum er óheimilt að flytja fugla
eða egg úr landi og hefur maður-
inn því gerst brotlegur við lög.
Ekki er vitað til að maður þessi
hafi komið við sögu lögreglu hér
á landi áður. Að yfirheyrslum
loknum hjá lögreglunni á Húsa-
vík var málið sent bæjarfógetan-
um á Húsavík og stóðu vonir til
þess að dæmt yrði í málinu í
gærkvöld. JÓH
Sigurður sagði að það kæmi vel
til greina að loka skóginum yfir
hvítasunnuna í ljósi þessarar
reynslu. Pað færi hins vegar mik-
ið eftir því hvenær hún væri.
Hvítasunnan hefði verið seint
núna og ekki stætt á því að loka
skóginum enda gróðurinn kom-
inn langt og varð því ekki fyrir
neinum skemmdum þrátt fyrir
2000 manna umgang þegar mest
var.
Fólkið henti rusli út um allt og
ólæti voru töluverð. Sigurður
sagði að Iögreglan hefði verið
með einhvern viðbúnað en þeir
hefðu alls ekki búist við svona
miklum látum. Kalla þurfti út
björgunarsveitarmenn á laugar-
dagskvöld og voru þeir fram eftir
sunnudeginum við sjálfboðaliða-
störf. Pað gleymist oft að taka
sjálfboðavinnuna inn í dæmið
þegar svona uppákomur eru
gerðar upp.
Sigurður sagði það ekki afráð-
ið hvort eitthvað yrði um að vera
um verslunarmannahelgina. Ein-
staklingar innan skátahreyfingar-
innar hefðu komið að máli við sig
en hvort um verður að ræða
skipulagt mót eða hvort skógur-
inn verður opinn á hliðstæðan
hátt og undanfarin ár hefur ekki
verið ákveðið. SS
Stúdentastjörnur
14 kt. gull
Einnig stúdentarammar og
fjölbreytt úrval
annarra stúdentagjafa
GULLSMIÐIR
SIGTRYGGUR & PÉTUR
AKUREYRI
í gær lögðu félagar í bifhjólasamtökunum Sniglunum upp frá Ráðhústorgi á
Akurevri og er ferðinni heitið til Noregs á norrænt mót bifhiólaunnenda.
Mynd: R!>B
Akureyri:
íbúum
fjölgar
-10,9% fjölgun fæðinga
á F.S.A. fyrstu
mánuði ársins
Samkvæmt upplýsingum sem
Dagur hefur aflað sér mun
Akureyringum hafa fjölgað á
fyrstu mánuðum ársins, miðað
við sama tíma í fyrra. Þetta
kemur ekki á óvart, þar sem
öll umræða um atvinnu- og
húsnæðismál virðist benda til
hins sama.
Matthea Ólafsdóttir, yfirljós-
móðir á fæðingadeild F.S.A.,
tjáði okkur að frá janúar til maí
hefðu fæðst 158 börn, en á sama
tíma í fyrra 145. Þetta er 10,9%
aukning. Tekið skal fram, að hjá
þeim fæðast fleiri en Akureyring-
ar, en þeir eiga væntanlega sinn
hlut í þessari aukningu.
Hjá Úlfari Haukssyni hag-
sýslustjóra fengust síðan þær
upplýsingar, að fleira fólk hefði
flutt til bæjarins á þessu ári en frá
honum. Að vísu væri erfitt að
treysta á tölur í þessu sambandi,
þar sem flutningstilkynningar
væru oft lengi að berast t.d. ef
fólk tilkynnir flutning aðeins á
öðrum staðnum. En samkvæmt
bráðabirgðatölum frá Hagstofu
íslands var íbúafjöldi á Akureyri
l.desember sl. 13750. VG
Þórshöfn:
Breytingum á Stakfellinu lokið
- kostnaður við að breyta skipinu í frystiskip nemur 11 milljónum
Stakfell ÞH 360 frá Þórshöfn
hélt til veiöa síðasta laugardag,
í sinn fyrsta túr eftir að skipinu
var breytt í frystiskip. Skipið
hefur verið frá veiðum síðustu
fimm vikur vegna breyting-
anna en verkið var unnið á
Akureyri og kostar um 11
milljónir króna.
Settar voru í skipið slægingar-
vél, roðflettivél, og flökunarvél.
Einnig frystitæki frá Bader. Stak-
fellið er því með sama búnað
og önnur frystiskip í flotanum.
Norðurland:
Margrét EA hefur skilaö
mestum brúttóverðmætum
- þegar frystitogararnir eru undanskildir
L.Í.U. hefur sent frá sér
skýrslu um aflaverðmæti og
úthaldsdaga togara frá 1.
janúar til 30. apríl ’87 og höf-
um við þegar greint frá norð-
lenskum frystitogurum. Ef við
lítum á aðra togara kemur í
Ijós að Margrét EA 710 hefur
skilað mestum brúttóverðmæt-
um eða 56 milljónum. Aflinn
var 508 tonn og skiptaverð pr.
kfló 78,4 kr.
Kaldbakur EA 301 kemur
næstur með rúmar 42 milljónir
fyrir 1.868 tonn, skiptaverð á kíló
17 kr. Pá kemur Svalbakur EA
302 með 41 milljón fyrir 1.892
tonn, skiptaverð á kíló 16,3 kr.
Stakfell ÞH 360 var með afla-
verðmæti upp á tæpa 41 milljón
brúttó, aflinn 1.265 tonn og
skiptaverð á kíló 13,8 kr. Odd-
eyrin EA 210 kemur fast á eftir
með tæpa 41 milljón, aflinn 372
tonn og skiptaverðmætið 78,9 kr.
á kíló sem er hið mesta sem um
getur í skýrslunni.
Hegranes SK 2 er næst í röð-
inni með tæpar 36 milljónir, afl-
inn 913 tonn og skiptaverð 15,1
kr. Pá kemur Harðbakur, brúttó-
verðmæti aflans var 34 milljónir
fyrir 1.539 tonn, skiptaverð á kíló
Í6,6 kr. Sólberg ÓF 12 var með
33 milljónir, Skafti SK 3 og Kol-
beinsey ÞH 10 með 32 milljónir
og Drangey SK 1 með 31 milljón.
Þá má taka Júlíus Havsteen
ÞH 1, aflaverðmætið var 25 millj-
ónir fyrir aðeins 256 tonn og
skiptaverðmæti á kíló með því
besta eða 72,8 kr. í skýrslunni er
ekki getið um aflasamsetningu en
það eru greinilega rækjutogar-
arnir sem fá hæsta skiptaverðið
fyrir aflann sem vonlegt er með
tilliti til verðlags. SS
Einnig þurfti að breyta vistarver-
um, þvottahúsi og matsal sem
kemur til af því að fjölga þurfti
um 6 í áhöfninni og nú er 24
manna áhöfn um borð. Vélsmiðj-
an Atli sá um breytingarnar
ásamt starfsmönnum Kæliverks
og Járntækni. Tæknifræðingar
Slippstöðvarinnar voru einnig til
aðstoðar.
Grétar Friðriksson, fram-
kvæmdastjóri Útgerðarfélags
Norður-Þingeyinga, sagði að fyr-
ir tveimur árum hefði verið settur
útbúnaður til heilfrystingar í
skipið og hefði hann skilað góðri
afkomu en þó ekki nægri til að
rétta við rekstur skipsins en á
togaranum hvíla nú um 230 millj-
ónir króna. Grétar sagðist viss
um að skipið kæmi til með að
borga þessar breytingar upp á
næstu þremur mánuðum. „Eg á
von á að skipið muni tvöfalda
aflaverðmæti við þessar breyting-
ar og er því ekki, smeykur um að
það standi ekki undir þessum
kostnaði. Á síðustu árum hefur
verið tap á rekstri skipsins þó að
í fyrra hafi það sýnt lítilsháttar
hagnað. Kemur það til að því að
•olíuverð og gengisþróun voru hag-
stæð en nú ter olíuverð hækkandi
og verðbólga eykst. Menn verða
að grípa í taumana áður er það
verður um seinan," sagði Grétar.
Að sögn Grétars mun þetta
koma eitthvað niður á atvinnulíf-
inu á Þórshöfn en um hefði verið
að velja að missa skipið úr hérað-
inu ellegar tryggja með einhverju
móti rekstrarafkomu þess.
Ákveðið er að Stakfellið muni
landa ísfiski á Þórshöfn þegar
engan annan fisk er að fá og
þannig verði reynt að koma í veg
fyrir stöðvun í fiskvinnslunni á
staðnum. JÓH
Brú yfir Glerá:
Tvö til-
boð bámst
Tilboð í byggingu brúar yfir
Glerá voru opnuð í gær. Brú
þessi sem verður sú þriðja yfír
Glerána verður lögð frá SIipp-
stöðinni og yfir á Óseyri. Tvö
tilboð bárust.
Kostnaðaráætlun hljóðaði upp á
6.038.000. Norðurverk hf. bauð
7.398.580 sem er 122,5% af
'kostnaðaráætlun og Híbýli hf.
bauð 6.915.200 sem er 114,5% af
kostnaðaráætlun. Verið er að
yfirfara og skoða tilboðin nánar.
mþþ