Dagur - 24.11.1987, Qupperneq 8

8 - DAGUR - 24. nóvember 1987
24. nóvember 1987 - DAGUR - 9
Fyrsta skóflustungan tekin 28. október sl.
Dagur byggir hús
Eins og vegfarendur um Strandgötu á Akur-
eyri hafa eflaust tekið eftir, standa yfir mikl-
ar byggingaframkvæmdir við hús númer 31,
þ.e. aðsetur Dags. Á ótrúlega skömmum
tíma er nýtt hús að rísa þar af grunni og
mun það hýsa starfsemi Dags og
Dagsprents. Hér á síðunni er ætlunin kynna
lesendum nýbygginguna í máli og myndum. Nýbyg8in8 Dags; gö‘umynd'
„Sé fyrir mér sex
útgáfudaga í vikuu
- segir Jóhann Karl Sigurðsson framkvæmdastjóri
Framkvæmdastjóri fyrirtækjanna
er Jóhann Karl Sigurðsson. Hann
hóf störf hjá Degi árið 1970 og
hefur því stýrt fyrirtækinu frá því
útgáfudagur var aðeins einn á
viku og þar til nú, þegar starf-
semi er blómlegri en nokkru
sinni fyrr.
„Fyrsta tölublað Dags kom út
12. febrúar 1918 og verður blaðið
því 70 ára á næsta ári. Upphaf-
lega kom það út tvisvar í mánuði
og var aðeins einblöðungur. Pað
var Ingimar Eydal eldri, faðir
þess Ingimars sem nú er lands-
kunnur fyrir tónlist sína, sem var
fyrsti ritstjóri blaðsins. Fyrstu tvö
árin var Dagur prentaður í prent-
smiðju Björns Jónssonar og var í
húsnæði að Hafnarstræti 75. Síð-
an var blaðið í húsnæði sem nú er
hluti af Súlnabergi á Hótel KEA
áður en flutt var í Hafnarstræti 90
þar sem starfsemin fór fram í yfir
30 ár,“ sagði Jóhann Karl í sam-
tali við Dag.
„Ég býst við að flestir muni eft-
ir Degi í þessu húsnæði. Fljótlega
eftir að Dagur flutti þangað fór
blaðið að koma út vikulega og
skömmu seinna orðið 8 síðna
blað.
Fyrsta hús Dags í eigin eigu var
Tryggvabraut 12 en þangað flutti
hann á 60 ára afmæli sínu, 12.
febrúar 1978. Árið 1981 voru
gerð makaskipti á því húsnæði og
Strandgötu 31 þar sem Smjörlík-
isgerð Akureyrar var til húsa. Á
sama ári byggðum við við húsið
og fluttum inn í ársbyrjun 1982.
Þá var Dagsprent sett á stofn og
útgáfa haíin á 3 blöðum í viku."
- Hvers vegna er farið út í
nýbyggingu nú?
„Stærð þeirrar prentsmiðju
sem upphaflega var sett hér inn í
ársbyrjun ’82 var miðuð við
útgáfu á þrem blöðum af Degi í
viku. Var þá talað um tvö 8 síðna
blöð og eitt 12 síðna. Viðbygg-
ingin var miðuð við að þetta
myndi stækka eitthvað í framtíð-
inni. Gert var ráð fyrir 5 starfs-
mönnum á ritstjórn en nú eru
þeir orðnir 15 eftir að blaðið varð
dagblað 25. september 1985.
Það er Iangt síðan fyrst var
viðruð sú hugmynd að Dagur
yrði dagblað. Þegar það gerðist
varð hér óhjákvæmilega aukning
á starfsfólki. Árið 1982 störfuðu
hjá fyrirtækinu 12 manns en nú
eru hér á launaskrá 47
starfsmenn. Þetta orsakaði það
að starfsemin sprengdi utan af sér
núverandi húsnæði.
Á síðasta ári keypti Dagsprent
eignir þrotabús Fonts á Akureyri
og var það fyrst og fremst gert til
að þjóna betur okkar viðskipta-
vinum sem t.d. standa í tíma-
• ritaútgáfu. Áður þurftum
við að láta vinna hluta þeirrar
vinnu annars staðar. Tækjakostur
Dagsprents nú gefur möguleika á
alhliða prentþjónustu og ef við
fáum slík verkefni munum við
vissulega annast vinnslu á þeim.
Við höfum að vísu ekki gert mik-
ið í því ennþá að fá slík verkefni.
En hjá Dagsprent eru nú 16
manns á launaskrá í fullu starfi.“
- Hefur Dagur gengið vel?
„Já, Dagur hefur alltaf gengið
vel í gegnum tíðina. Afkoma
blaðsins á árunum ’72 til ’77 sem
var mjög góð, myndaði eigið fé
sem sfðan var notað til uppbygg-
ingar. Af þessari afkomu hefur
orðið mögulegt að fjárfesta eins
mikið og gert hefur verið. Síðast-
liðin 15 - 16 ár hafa skilað hagn-
aði utan tvö, en þá var tap óveru-
legt.
Það sem ég sé fyrir mér nú er
útgáfa Dags sex sinnum í viku
hvenær sem af því getur orðið.
Til þess að það verði mögulegt er
grundvallaratriði að koma nýja
húsnæðinu upp og koma þeirri
starfsemi sem þegar er til staðar,
þangað.
Framtfðin verður svo að leiða í
ljós hvort um fjölgun starfs-
manna á Degi verður að ræða.
Þörfin er þegar fyrir hendi en
afkoman kemur til með að sýna
hvort við getum leyft okkur
það.“
- Að lokum, hefur áskrifend-
um Dags fjölgað?
„Þeim hefur fjölgað jafnt og
þétt. Greidd áskrift hefur vaxið á
hverju ári. Okkar sala er fyrst og
fremst á Norðurlandi og til þess
svæðis reynum við að höfða sem
mest.
Sérstaða Dags er sú að vera
sérstakt staðarblað. Við trúum
því að salan byggist á því og ef
við færum að breyta blaðinu og
keppa við önnur á sama grunni
og þau eru yrði það mun dýrara
héðan en frá Reykjavík þar sem
aðalmarkaðurinn er. Þetta væri
hægt en gæti líka orsakað að sal-
an hér dytti niður og við misstum
okkar sérstöðu,“ sagði Jóhann
Karl Sigurðsson, framkvæmda-
stjóri Dags og Dagsprents. VG
„Dagur hefur alltaf gengið vel í gegnum tíðina."
Jarðhæð þar sem m.a. verður móttaka auglýsinga og dreifíng.
Á þrem vikum var húsið komið upp úr jörðinni.
Myndir: TLV.
Ingólfur Hermannsson stýrir verkinu af mikilli röggsemi.
- segir Bjami Reykjalín arkitekt
Nýja Dagshúsið verður sam-
tals tæplega 1000 fermetrar að
stærð. Er þar talinn með
prentsalurinn sem verður 260
fermetrar að flatarmáli.
Núverandi húsnæði Dags er
um 600 fermetrar svo í heild
verður húsnæði Dags þegar
framkvæmdum er lokið 15-16
hundruð fermetrar að stærð.
Skrifstofubyggingin, sú sem
hraðað verður hvað mest, verður
í útliti sem líkust umhverfinu.
Húsið verður álíka hátt og
Snorrahús var og á suðurhlið þess
verður stafn. Inn í húsið, sem
mun tengjast því gamla verður
gengið frá suðri. Að austan verð-
ur aðgangur með skábraut og
bílastæði fyrir fatlaða.
Á jarðhæð verður móttaka
auglýsinga og dreifing. Fram-
kvæmdastjóri, auglýsingastjóri
og dreifingarstjóri verða þar með
skrifstofur sínar og sömuleiðis
verða á þessari hæð bókhald og
prentsalir.
Á annarri hæð gamla hússins,
þar sem ritstjórnarskrifstofur eru
nú, verður setning, umbrot, próf-
arkalestur og filmugerð.
í nýja húsinu á annarri hæð
verður ritstjórn Dags. Þar er gert
ráð fyrir átta blaðamönnum, rit-
stjórum, útlitsteiknara, ljós-
myndara og ljósmyndasafni.
Þak prentsalarins verður flatt
og verður hægt að ganga út á það
frá svölum á annarri hæð. Þakið
verður hellulagt svo á góðviðris-
dögum geta starfsmenn setið þar
í matar- og kaffitímum.
í risi verður fundarsalur og
aðstaða fyrir nokkra blaðamenn.
Það var Bjarni Reykjalín arki-
tekt sem teiknaði nýju bygging-
una. Við forvitnuðumst um ýmis-
legt hjá Bjarna, m.a. hvenær
hann byrjaði og hvað hann þurfti
að hafa efst í huga þegar hann
hóf teikningu hússins.
„Ætli ég hafi ekki byrjað
seinnipart sumars að teikna.
Vandamálið var í sambandi við
Snorrahús. Ég þóttist vita að upp
kæmu óánægjuraddir þegar
Bjarni Reykjalín arkitekt að starfí.
ákveðið var að rífa það, en við
vorum búnir að kanna hvað
myndi kosta að byggja það upp
og það borgaði sig ekki.
Éf Snorrahús hefði staðið,
hefði Dagur ekki fengið leyfi til
að byggja meira á þessari lóð því
til eru reglugerðir um hámarks-
nýtingu lóða með tilliti til fjölda
bílastæða.
Ég reyndi eftir fremsta megni
að halda götumyndinni því það
er sérstakur „karakter" yfir götu-
mynd Strandgötu. Vissulega
hefði verið hægt að byggja hús
sem hentaði betur starfsemi fyrir-
tækisins en útlitið var sett ofar.
Húsið er svipað að stærð um sig
og Snorrahús. Að öðru leyti
verður þetta ósköp hefðbundið
hús, málað og með bárujárnsþaki
eins og flest hús í nágrenninu.
Ennþá er nokkur munur á gamla
og nýja húsinu en það var erfitt
að vera með tvö algerlega ólík
hús sem virkuðu eins og sitt úr
hvorri áttinni. Ég þurfti því að
reyna að halda bæði í gamla og
nýja tímann. Það var stundum
dálítið erfitt.“
- Hefur þú ekki áhyggjur af
því að marflatt prentsalarþakið
komi til með að leka?
„Nei, ég hef reynslu af flötu
þaki þar sem lagður er sérstakur
dúkur yfir það og þar ofaná, möl.
Á dúknum er tíu ára ábyrgð frá
framleiðendum og verður sams
konar fyrirkomulag á þaki prent-
salarins nema að í stað malar
verður það hellulagt."
- Að lokum Bjarni, var
skemmtilegt að teikna þetta hús?
„Það má segja að þetta hafi
verið stanslaus höfuðverkur.
Svona verkefni er eitthvert það
erfiðasta sem maður fær. Ástæð-
an er sú að þegar þarf að fella
nýtt hús inn í gamalt umhverfi
togaðist á í mér að gera þetta
svolítið nýtískulegt en samt að
halda í það gamla. Stundum leið-
ist maður út í framandi hluti sem
ekki er gott og því þarf að hugsa
á íhaldssaman hátt.
Húsið var því teiknað með það
í huga að það félli sem best inn í
götumyndina og síðan reynt að
fella það að þörfum hússins.
Skemmtilegast við svona verk-
efni er að ég þurfti að setja rnig
vel inn í vinnslugang í húsinu svo
innanhússskipulag væri rétt. Þá
þurfti ég að kynna mér t.d.
hvernig blað verður til og það var
mjög gaman.
Það sem mér þótti sömuleiðis
gaman við að fá þetta verkefni
var, að eitt af mínum fyrstu verk-
efnum eftir að ég kom úr skóla
var að teikna innréttingar í gamla
húsið. Ég man að þá var talað um
hve rnikið bruðl það væri af blað-
inu að vera að fara í svona stórt
hús þótt ekki séu nema um sjö ár
síðan." VG
Önnur hæð; m.a. aðsetur ritstjórnar. í risi verður m.a. fundarsalur.
H4ti
„Hefur verið stanslaus
höfuðverkur44
„Þeír fyrstn flytja vonandí
ínn með vorinu“
- Ingólfur Hermannsson lýsir sínum þætti
Ingólfur Hermannsson heitir mað-
urinn sem hefur yfirumsjón með
byggingaframkvæmdunum fyrir
Dag. Hann skýrir hér frá því sem að
honum lýtur. ;
„Við byrjuðum á að fá leyfi til að
rífa Snorrahús og fengum það hjá
bæjaryfirvöldum 5. ágúst s.l. Þann 2.
september var hafist handa við það
verk og tók sú vinna og hreinsun lóðar-
innar um vikutíma. Upphaflega átti að
rífa húsið fyrir 125 ára afmæli Akur-
eyrarbæjar en það tókst ekki.
Snorrahús var rifið fyrst og fremst til
að rýma lóðina og verður svæðið þar
sem það stóð notað sem bílastæði til að
byrja með, því ekki verður byggt þar
að svo stöddu. Bílastæðin sem þar fást
verða 36 að tölu.
Teikningar lögðum við inn í byrjun
október og fengum leyfi til að byrja á
undirstöðum og að steypa grunnplötu.
Endanlegt byggingarleyfi fengum við í
síðustu viku og var þá þegar hafist
handa við að slá upp fyrir veggjum.“
- Hverjir eru verktakar hússins?
„Fyrstan skal nefna Bjarna Reykja-
lín arkitekt sem teiknaði húsið. Teikni-
stofa Hauks Haraldssonar teiknaði
burðarþols- og lagnateikningar en Raf-
tákn sér um raflagnateikningar.
Það er svo SS Byggir sem byggir
húsið. Múrarameistari hefur verið ráð-
inn Hannes Óskarsson, um pípulagnir
sér Miðstöð s.f og Óm hf.um raflagnir.
Fyrsta skóflustungan var tekin 28.
október s.l. og hafa framkvæmdir
gengið mjög vel. Að jafnaði vinna nú
við bygginguna 7-8 manns. Gólfplatan
í prentsal var steypt í síðustu viku og
þýðir það að við erum komnir upp úr
jörðinni."
- Hvenær á að gera húsið fokhelt?
„Það er alveg háð veðri en við von-
umst til að það geti orðið í janúar eða
febrúar. Lögð verður áhersla á skrif-
stofuhúsnæðið fyrst og fremst því þar
eru þrengslin mest nú. Prentsalurinn
verður látinn sitja eitthvað á hakanum.
Ef allt gengur vel ættu þeir fyrstu að
geta flutt inn með vorinu,“ sagði Ing-
ólfur að lokum. VG