Dagur - 14.03.1988, Síða 4

4 - DAGUR - 14. mars 1988
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 660 Á MÁNUÐI
LAUSASÖLUVERÐ 60 KR.
GRUNNVERÐ DÁLKSENTIMETRA 465 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉS PÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÚTTIR, EGGERTTRYGGVASON, EGILL BRAGASON,
FRlMANN HILMARSSON (Blönduósl vs. 95-4070),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN JÓSTEINSSON,
KRISTJÁN KRISTJÁNSSON (íþróttir), STEFÁN SÆMUNDSSON,
VILBORG GUNNARSDÓTTIR,
ÞÓRHALLUR ÁSMUNDSSON (Sauðárkróki vs. 95-5960),
LJÓSMYNDARAR: GUÐMUNDUR HRAFN BRYNJARSSON,
TÓMAS LÁRUS VILBERGSSON,
AUGLÝSINGASTJÓRI: FRIMANN FRlMANNSSON
ÚTBREIÐSLUSTJÓRI:
HAFDI'S FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Varanlegur vegur
á hálendinu?
Allt frá fyrstu tíð hafa samgöngumál verið hugleikin
íslendingum. Fram eftir öldum voru þau erfið og
ferðalög milli staða voru oft flokkuð undir þrekraunir.
Enn eiga samgöngumál á landi a.m.k. langt í land þar
til þau geta talist viðunandi en segja má að ferðalag í
bíl um Austurland, svo dæmi sé tekið, sé ekki síður
þrekraun en ferðir forfeðra okkar í misjöfnum veðrum.
Fram til þessa hafa endurbætur og nýbyggingar vega
verið miðaðar við akstursleiðir í sveitum landsins eða
á milli þeirra. Við höfum ætíð forðast að nefna hálend-
ið í þessu sambandi þrátt fyrir að fólk hafi á öldum
áður farið um það á leið sinni milli landshluta. Nú er
komin fram þingsályktunartillaga á Alþingi þar sem
stjórnvöld eru hvött til að skoða þennan kost, en það
er Jóhannes Geir Sigurgeirsson, varaþingmaður
Framsóknarflokksins hér í kjördæminu, sem flytur
þessa tillögu ásamt sex öðrum þingmönnum. Ef
grannt er skoðað þá er hér á ferð mál sem snertir eink-
um Norðlendinga og Austfirðinga og er e.t.v. mun
mikilvægara en enn frekari endurbætur á núverandi
vegakerfi - þó að ekki sé dregið úr mikilvægi þess að
það komist í gott horf.
Þingsályktunartillagan er að stofni til ættuð frá
Trausta Valssyni skipulagsfræðingi, en hann hefur
um langt skeið hvatt ráðamenn þjóðarinnar til að
athuga þann kost að leggja veg yfir hálendið og koma
þar með fyrrnefndum landshlutum í mun betra sam-
band við Suðurland. Slík stytting á vegalengdum milli
landshlutanna yrði án efa til þess að styrkja til muna
byggð á Norður- og Austurlandi og auka til muna
ferðalög erlendra gesta til landsins - og íslendinga
um sitt eigið land.
í greinargerð með þingsályktunartillögunni segir
m.a. að færa megi sterk rök fyrir því að slík vegagerð
sé alls ekki fjarlægur möguleiki. Þá á þann hátt að
fyrst um sinn yrði um að ræða varanlegan veg með sjö
til átta mánaða opnunartíma á ári. Vegur af þessu tagi
þýddi að vegalengdin milli Akureyrar og Kirkjubæjar-
klausturs styttist um 380 kílómetra og vegalengdin
milh Egilsstaða og Reykjavíkur styttist um 250 kíló-
metra. Flutningsmenn benda á að nú þegar er búið að
leggja veg upp á miðjan Sprengisand og aðeins 80
kílómetra vantar svo sá vegur nái niður í Eyjafjörð.
„Tenging við Austurland af Sprengisandsvegi yrði
seinni tíma verkefni," segja flutningsmenn. „Tíma-
setning þess verks myndi væntanlega ráðast af því
hvenær yrði ráðist í Austurlandsvirkjanir."
Flutningsmenn segja að slíkir hálendisvegir eins og
þeir sem hér um ræðir myndu tengja saman þau
landsvæði, sem hafa frá náttúrunnar hendi mesta
þróunarmöguleika til þess að mynda mótvægi gegn
höfuðborgarsvæðinu. Vafasamt sé að nokkur einstök
framkvæmd í samgöngumálum geti haft eins víðtækar-
afleiðingar til þess að draga úr áhrifamætti höfuðborg-
arsvæðisins á byggðaþróun.
Þetta þingmál er eitt af þeim jákvæðari sem séð
hafa dagsins ljós á Alþingi í vetur. Ef vegur yfir há-
lendið verður að veruleika mun hann í senn styrkja
byggðir landsins og tengja þær betur saman. Slíkt er
af hinu góða. ÁÞ.
Formannafundur hestamannafélaganna:
Sættir í sjónmáli?
Síðastliðinn laugardag mættu
fulltrúar flestra aðildarfélaga
Landssambands hestamanna-
félaga á fund í Reykjavík.
Einnig mættu á fundinn full-
trúar frá fjórum hestamanna-
félögum í Eyjafirði sem hafa
sagt sig úr landssambandinu
þ.e. Þráni, Létti, Funa og
Hring á Dalvík. Mikil spenna
ríkti á fundinum og var rætt
um atburði síðustu mánaða og
stöðu LH um þessar mundir.
Fundinum lauk með því að
borin var upp ályktun þar sem
stjórn LH viðurkennir að
mistök hafi átt sér stað við val
á landsmótsstað fyrir næsta
landsmót sem fram fer árið
1990.
Ályktun stjórnar LH frá því á
laugardaginn er svohljóðandi:
„Stjórn LH hefur á fundi sín-
um 12. mars orðið sammála um
eftirfarandi ályktun:
Ýmis mistök hafa átt sér stað
varðandi framkvæmd á staðarvali
fyrir landsmót 1990. Einkum eru
það þættir er varða samskipti
stjórnar og Eyfirðinga og að ekki
skyldi tekið tillit til Varmahlíðar-
samþykktarinnar.
Stjórnin fór ekki til fundar við
Eyfirðinga sem var þeirra ósk og
biðst afsökunar á því. Með því
hefðu mál getað skýrst betur og
aðilar ef til vill getað sæst á niður-
stöðurnar þó þeir væru ekki sam-
mála.
Þrátt fyrir þau leiðu mistök
sem hér hafa orðið og stjórnin
viðurkennir væntir stjórnin þess
að fullar sættir geti tekist milli
aðila og þeir unnið af heilindum
að landsmóti svo og öðrum mál-
um landssambandsins.“
Varmahlíðarsamþykktin
Rétt er að skoða hver aðdragandi
að þessu máli er. Stjórn LH ákv-
að árið 1979 að næsta landsmót
skyldi haldið á Vindheimamelum
árið 1982 en árið 1974 var lands-
mót haldið á Norðurlandi og þá
einnig á Vindheimamelum. í
framhaldi af þessari ákvörðun
stjórnar LH árið 1979 skapaðist
óánægja meðal þeirra hesta-
manna sem vildu að mótið yrði
haldið á Melgerðismelum. Þá
kom stjórn LH til fundar við
stjórnir hestamannafélaga í Eyja-
firði þar sem rætt var um hvað
hægt væri að gera, en óskir um
slíka fundi barst einnig nú í haust
frá hestamannafélögunum í
Eyjafirði eftir ákvörðun stjórnar-
innar í sumar þess efnis að mótið
skyldi haldið á Vinheimamelum.
Sama staða var því komin upp í
haust og vetur eins og 1979 og
1980.
Árið 1980 var haldinn fundur í
Varmahlíð þar sem átti að fjalla
um landsmótið á Vindheima-
melum árið 1982 í víðu sam-
hengi. Mættir voru á fundinn full-
trúar frá hestamannafélögum á
Norðurlandi svo og fulltrúar frá
LH. Þar kom fram að Eyfirðing-
ar treystu sér ekki til að taka þátt
í undirbúningi mótsins nema gert
yrði samkomulag um framtíðar-
skipan stórmóta næsta áratuginn.
Fundurinn samþykkti viljayfirlýs-
ingu sem rætt er um í ályktuninni
frá því á laugardaginn. í Varma-
hlíðarsamþykktinni frá 8. júní
segir:
„Að gefnu tilefni vegna afstöðu
fulltrúa eyfirsku félaganna Funa
og Léttis til þátttöku í landsmóti
hestamannafélaganna árið 1982
samþykkir fundurinn sem vilja-
yfirlýsingu en ekki ákvarðana-
töku, þar sem til þess skortir
fundinn umboð, að eðlilegt sé að
næsta fjórðungsmót á Norður-
landi verði haldið á Melgerðis-
melum í Eyjafirði og að næsta
landsmót hestamanna sem kemur
í hlut Norðlendinga eftir árið
1982 verði einnig á Melgerðis-
melum, verði sömu aðstæður um
mótsstaði í Norðlendingafjórð-
ungi og nú eru.
Ályktun þessi var örlítið rædd
og síðan samþykkt með sam-
hljóða atkvæðum."
í sumar ákvað stjórn LH hins
vegar að næsta landmót skuli
haldið á Vindheimamelum í
Skagafirði og var sú ákvörðun
byggð á skoðanakönnun sem
gerð var í fyrra meðal hesta-
mannafélaga á Norðurlandi þar
sem 6 félög voru meðmælt lands-
móti árið 1990 á Melgerðismelum
en 9 félög voru hlynnt móti á
Vindheimamelum árið 1990.
Þessi ákvörðun stjórnar LH hef-
ur verið ástæða þeirra deilna sem
uppi hafa verið síðustu mánuði
og urðu til þess að eyfirsku hesta-
mannafélögin fjögur sögðu sig úr
Landssambandi hestamanna-
félaga.
Fjölgun landsmóta?
Á fundinum á laugardaginn kom
fram stuðningur við ákvörðun
stjórnarinnar um landmótsstað
enda hefur ekki leikið vafi á valdi
stjórnarinnar til ákvörðunar um
mótsstað. Rætt var sérstaklega
um tillögu frá stjórn LH um að
landsmótum verði fjölgað og þau
verði haldin á tveggja ára fresti.
Auk þess verði ákvörðun tekin um
fjögur mót fram í tímann enda
eru fjórir staðir á landinu helst
inn í myndinni sem framtíðar-
staðir fyrir landsmót þ.e. Vind-
heiniamelar í Skagafirði, Mel-
gerðismelar í Eyjafirði, Gadd-
staðaflatir við Hellu og Víðivellir
við Reykjavík. Þessi tillaga hlaut
ekki hljómgrunn meðal fundar-
manna.
Umræður fóru fram um um til-
lögu sem Jónas Vigfússon for-
maður hestamannafélagsins Funa
í Eyjafirði lagði fram í milli-
þinganefnd þess efnis að lands-
mót verði í framtíðinni klofið í
tvennt þ.e. gæðingamót og kyn-
bótamót. Töldu nokkrir fund-
armanna þessa tillögu athygli-
verða.
Engin umræða varð um nefnd-
arskipun þá sem stjórn LH hefur
talað um til að fjalla um framtíð
fjórðungs- og landsmóta.
Nú var komið að vendipunkti í
fundinum þegar Bragi Björgúlfs-
son frá Bolungarvík bar þá
spurningu upp hvað mætti verða
til þess að Eyfirðingar gætu séð
sér fært að ganga á ný í LH. Þess-
ari spurningu svaraði Jón Ólafur
Sigfússon formaður hestamanna-
félagsins Léttis í Eyjafirði á þá
leið að Eyfirðingar vildu fá viður-
kenningu á því að ekki hefði ver-
ið rétt staðið að málum við
ákvörðun um lai dsmótsstað árið
1990. Deilan snerist um siðferði.
Þessi yfirlýsing virðist hafa komið
nokkuð flatt upp á hluta fund-
armanna, enda töldu þeir fundar-
menn sem blaðamaður Dags
ræddi við á fundinum að margir
hefðu búist við að Eyfirðingar
settu sem skilyrði fyrir inngöngu í
LH á ný að mótið verði fært á
Melgerðismela.
Þessi yfirlýsing Eyfirðinga og
einnig sú meðferð sem stuðnings-
yfirlýsing við stjórn LH fékk, en
henni var vísað frá, varð til þess
að stjórn LH bað um fundarhlé
þar sem samin var fyrrgreind
Mjög góð mæting var á fundinum og mættu fulltrúar frá nánast öllum aðildarfélögum LH auk fulltrúa frá eyfirsku
hestamannafélögunum. Myndir: jóh

tiiiiiiiutiiiiiliitikiiiMtmiiiia
illlll.lltllMCII IIM Mlt *.* *♦. 1
t.Rt VX*. *.I>.X r.íCVt.*. «L*.**:Oi»»**. ’i ÍJ
>«iáitjp