Dagur - 12.04.1988, Page 5

12. apríl 1988 - DAGUR - 5
Greinargerð um samþykkt
stjómar Landsviriqunar
- varðandi rafhitunarafslátt og gjaldskrárbreytingu
Á undanförnum árum hefur
niðurgreidd rafhitun íbúðarhús-
næðis verið mun ódýrari en
ólíukynding eða þangað til á sl.
ári, er hinar miklu olíuverðs-
lækkanir leíddu til þess að það
varð ódýrara að kynda hús með
olíú en hita þau upp með niður-
greiddu rafmagni. Pessar miklu
breytingar á samkeppnisstöðu
rafhitunar gagnvart olíukyndingu
hafa leitt til þess að stjórn Lands-
virkjunar hefur talið rétt að
kanna hvaða möguleika fyrirtæk-
ið hafi á að stuðla að því að raf-
hitun haldist samkeppnisfær. Er
niðurstaða stjórnarinnar sú að
Landsvirkjun sé kleift að gera
ráðstafanir í þessa átt, einkum
með hliðsjón af því hve markaðs-
aðstæður virðast að öðru leyti
ætla að vera fyrirtækinu hagstæð-
ar í ár vegna hækkandi álverðs í
heiminum, sem leiðir til hækk-
andi verðs á rafmagni til ISAL.
Auk þess bendir margt til þess að
sala á rafmagni til almenningsraf-
veitna verði meiri á þessu ári en
gert hefur verið ráð fyrir og vext-
ir af erlendum lánum með breyti-
legum voxtum verði lægri en ætla
mátti til skamms tíma. Allt þetta
veitir svigrúm til að bæta sam-
keppnisstöðu rafhitunar án þess
að veikja fjárhagsstöðu Lands-
virkjunar.
Þær ráðstafanir, sem stjórnin
hefur ákveðið að grípa til í fram-
angreindu skyni felast í því að
veita afslátt frá 1. þ.m. og út
þetta ár að fjárhæð allt að kr.
0,25 á kWst. í beinni rafhitun
íbúðarhúsnæðis, sem nýtur
niðurgreiðslna í dag. Á þessi af-
sláttur að tryggja samkeppnis-
stöðu þeirrar rafhitunar, sem
hann tekur til miðað við
olíukyndingu. Verður hér um að
ræða afslátt, sem Landsvirkjun
veitir hlutaðeigandi dreifiveitum,
sem munu sjá til þess að hann
falli óskiptur í hlut hins endan-
lega notanda. Verður afsláttur-
inn gerður upp eftir á samkvæmt
sérstökum reglum, sem settar
verða þar að lútandi. Áætlað er
að afslátturinn feli í sér allt að
14,0% lækkun á niðurgreiddu
rafhitunarverði íbúðarhúsnæðis.
Sá afsláttur, sem hér um ræðir
miðast við aðstæður í dag og
verður því endurskoðaður um
n.k. áramót með hliðsjón af þró-
un olíuverðs, skattlagningar og
annarra atriða, sem áhrif kunna
að hafa á samanburð rafhitunar
og olíukyndingar.
Afslátturinn er í samræmi við
fyrri ráðstafanir á vegum fyrir-
tækisins til að tryggja samkeppn-
isstöðu raforku.
Á sviði iðnaðarins var þannig á
sínum tíma ákveðið að tryggja
Áburðarverksmiðju ríkisins lágt
rafmagnsverð til að amoníaks-
framleiðsla með rafmagni stæðist
samkeppni við innflutt amoníak.
Þegar innflutt amoníak var vegna
olíuverðsiækkana orðið mun
ódýrara en innlenda framleiðslan
var síðan á sl. ári samið um að
lækka rafmagnsverðið til Áburð-
arverksmiðjunnar og tengja það
verðbreytingum á innfluttu
amoníaki, sem háð er heims-
markaðsverði á olíu á hverjum
tíma. Með þessu móti verður
raforkan áfram samkeppnisfær
og Áburðarverksmiðjan býr nú
við lægra raforkuverð en annar
orkufrekur iðnaður.
Á árinu 1986 gerði Landsvirkj-
un ennfremur samning um af-
sláttarverð á rafmagni til Stein-
ullarverksmiðjunnar á Sauðár-
króki og veitti á sama ári afslátt
vegna rafhitunar 1985.
Einnig má nefna sem lið í
markaðssókn af hálfu Lands-
virkjunar að á sl. ári samþykkti
stjórn fyrirtækisins að kannaðar
yrðu leiðir til nýtingar tímabund-
innar umframorku. Verður það
gert með sérstökum afslætti til að
efla nýjar íslenskar útflutnings-
greinar, sem þurfa á meiri raf-
orkunotkun að halda en hlið-
stæðar framleiðslugreinar er-
lendra keppinauta. Með stoð í
samþykkt þessari hefur þegar
verið gerður samningur við Hita-
veitu Suðurnesja um rafmagn til
sjódælingar í fiskeldisstöðvum á
orkuveitusvæði hitaveitunnar og
í undirbúningi er hliðstæður
samningur við Rafmagnsveitur
ríkisins.
Þá hefur Landsvirkjun nýlega
gert samning um afslátt af raf-
magnsverði vegna Rafveitu Vest-
mannaeyja til að tryggja að
raforka verði fyrir valinu, sem sá
orkugjafi, er leysi hraunhitaveit-
una í Vestmannaeyjum af hólmi.
Þótt fjárhagsstaða Landsvirkj-
unar leyfi fyrrnefndan rafhitunar-
afslátt vegna bættra markaðsað-
stæðna þegar á heildina er litið
verður ekki horft framhjá hinum
óhagstæðu áhrifum gengisbreyt-
ingarinnar í sl. mánuði á fjárhag
Landsvirkjunar: Er gengisbreyt-
ingin mjög íþyngjandi fyrir
Landsvirkjun, enda miðuðust
fjárhagsáætlanir fyrirtækisins fyr-
ir árið í ár við fast gengi, auk þess
sem megin hluti rekstrargjalda
fyrirtækisins er erlendur kostnað-
ur í formi vaxta af erlendum lán-
um og afborganir lána mest-
megnis í erlendri mynt. Fjárhags-
áætlun Landsvirkjunar fyrir arið í
ár hefur því verið endurskoðuð
með tilliti til gengisbreytingarinn-
ar. Er niðurstaða þeirrar endur-
skoðunar sú að gjaldskrá Lands-
virkjunar þarf að hækka um
3,7% til mótvægis við gengis-
breytinguna. Stjórn Landsvirkj-
unar hefur því samþykkt í sam-
ráði við Þjóðhagsstofnun að slík
hækkun taki gildi frá og með 1.
maí nk. Er þá búið að taka tillit
til tekjurýrnunar vegna umrædds
afsláttar í þágu rafhitunar. Jafn-
framt verður afslátturinn aukinn
þannig að gjaldskrárbreytingin
leiði ekki til hækkunar á hlutað-
eigandi rafhitunarkostnaði.
Halldór Jónatansson,
forstjóri.
lesendahornið
Ljóslaus lögreglubíll blikkaður
Vegfarandi hafði samband, og
sagðist hafa verið á ferð á bíl sín-
um um síðustu helgi. Ekki væri
það svosem í frásögur færandi
nema fyrir það að á gatnamótum
Þingvallastrætis og Mýrarvegar
mætti hann ljóslausum bíl, nánar
tiltekið ljóslausum lögreglubíl. Á
sama hátt og gagnvart öðrum
ljóslausum bílum, „blikkaði"
vegfarandinn ljósum sínum og
ljósin voru kveikt. Vegfarandinn
vildi leita svars við því hvort lög-
reglan væri undanþegin nýjum
Það getur hent lögregluþjóna eins og aðra að gleyma að tendra ökuljósin
Þankar eftir
sjúkrahúsvist
Vegna greinar með þessu nafni,
sem birtist í Degi þ. 22. mars síð-
astliðinn, get ég ekki orða
bundist.
Ég dvaldi á Gjörgæsludeild
Fjórðungssjúkrahússins á Akur-
eyri í sjö vikur á þessum vetri.
Um dvöl mína þar hef ég það að
segja, að hjúkrun öll og um-
hyggja var svo frábær að ég hygg
að lengra verði ekki komist í
þeim efnum. Sú samstilling, sem
ríkir þar meðal starfsfólksins um
að gera bæði andlega og líkam-
lega líðan sjúklinga sem besta er
slík, að þar finnst ekki brostinn
hlekkur. Ég er sannfærður urn,
að slíkur andi, hugulsemi og kær-
leikur á stóran þátt í að bjarga úr
greipum dauðans.
Þess vegna vil ég flytja þessu
góða fólki svo og því, sem varð til
hjálpar áður og síðar á sjúkra-
húsinu innilegar þakkir og biðja
því blessunar Guðs.
Sigurður B. Jónasson.
lögum, og hvort eitthvað væri til
sem héti „borgaraleg sektun",
samanber „borgaraleg handtaka"
og henni væri hægt að beita í
svona tilfellum.
Ólafur Ásgeirsson aðstoðaryf-
irlögregiuþjónn sagði vegfar-
anda hafa brugðist rétt við. Rétt
væri að „blikka“ lögregluna eins
og aðra ökumenn, enda gæti það
hent þá eins og aðra að gleyma
að fara eftir þessum nýju reglum.
Ef hins vegar lögreglan hefði
ekki kveikt ljósin við ábending-
una þá hefði verið sjálfsagt að til-
kynna um þetta niðri á lögreglu-
stöð. Ólafur sagði ekkert vera til
sem héti borgaraleg sektun.
Olympía
ritvélar og reiknivélar
■Bókabúðin EddaB
^^■^1afnarstrætMOO^Akureyr^^ím^433j4IIBII^
/------------------------------\
Húsbyggjendur!
Húskaupendur!
í dag þriðjudaginn 12. apríl mun Katrín Atladóttir,
forstöðumaður Byggingasjóðs ríkisins, kynna
húsnæðislánakerfið.
★ Lánsréttur.
★ Afgreiðsla umsókna.
★ Útborgun lána.
Þessi og fleiri atriði verða rædd á fundinum með
Katrínu í Alþýðuhúsinu 4. hæð. Fundurinn hefst
klukkan 20.30.
★
Daginn eftir eða 13. apríl verða tveir af starfs-
mönnum Húsnæðisstofnunar ríkisins til viðtals á
skrifstofu Kaupþings Norðurlands hf. að Ráð-
hústorgi 5 II. hæð.
Þar gefst þeim, sem hugsa sér að kaupa eða byggja
húsnæði, tækifæri til að fá persónulegar upplýsingar
og ráðgjöf um rétt sinn til lána Húsnæðisstofnunar
ríkisins.
★ Kynntu þér rétt þinn.
éél KAUPÞING___________________
NORÐURLANDS HF
Ráðhústorg 5 ■ Akureyri ■ Sími 96-24700
V__________________________________/
Ráðstefna um nýjar
og betri leiðir
í málefnum aldraðra á (slandi, með auknum sjálfs-
ákvörðunarrétti og nýjum, hagkvæmum ráðstöfunum í
byggingar málum eldri borgara, verður haldin að tilhlutan
heilbrigðis- og tryggingamálaráðuneytisins í Borgartúni 6
miðvikudaginn 20. apríl n.k. og hefst með innritun kl. 8.30
þar á staðnum. Sveitarstjórnarmönnum og öðrum er starfa
að þróun öldrunarmála er sérstaklega bent á ráðstefnu
þessa.
Fundarskrá:
Kl. 08.30 Innritun.
Kl. 09.00 Setning. Hr. Guðmundur Bjarnason heilbrigðis-
ráðherra.
Kl. 09.15 Framsöguerindi. Nýjar hugmyndir í bygginga-
málum og sjálfsákvörðunarréttur eldri borgara.
Ásgeir Jóhannesson, forst. Innkaupastofnunar
ríkisins og formaður stjórnar Sunnuhlíðar í
Kópavogi.
Kl. 10.00 Bankar geta veitt ráðgjöf og brúað bilið á meðan
eldri borgarar skipta um bústað. Erindi, Jón
Adolf Guðjónsson, bankastjóri.
Kl. 10.25 Þannig viljum við búa. Erindi, Egill Bjarnason,
íbúi í Sunnuhlíð í Kópavogi.
Kl. 10.50 Uppbygging og rekstur verndaðra þjónustu-
íbúða og félagsstarf aldraðra. Erindi, Halldór
Guðmundsson, forstöðumaður, Hlíf, (safirði.
Kl. 11.15 Frá Sjónarhóli sveitarfélaga. Erindi, Páll Gísla-
son, yfirlæknir og borgarstjórnarmaður úr
Reykjavík.
Kl. 11.40 Samstarfsnefndin um málefni aldraðra. For-
maður nefndarinnar, Steinunn Sigurðardóttir,
hjúkrunarfræðingur.
Kl. 12.00 Matarhlé. (í matarhléi geta menn skráð sig á
mælendaskrá eftir hádegið. 30 ræðumenn fá 5
mín. hver.)
Kl. 13.00 Allt að 30 menn taka til máls.
Kl. 15.30 Kaffihlé.
Kl. 15.45 Pallborðsumræður. Fundarstjóri, Hrafn Pálsson,
deildarstjóri.
K.l. 17.00 Ráðstefnulok.
Fundarstjóri verður Finnur Ingólfsson, aðstoðarmað-
ur ráðherra.
Tilkynna ber þátttöku með bréfi til ráðuneytisins fyrir
14. apríl 1988.
Heilbrigðis- og tryggingamálaráðuneytið.