Dagur - 25.05.1988, Qupperneq 9

8 — DAGUR - 25. maí 1988
25. maí 1988-DAGUR-9
Upplýsingamiðstöð ferðamála:
Af hverju ekki að ferðast innanlands í sumar?
Áslaug Alfreðsdóttir forstöðumaður Upplýsingamiðstöðvarinnar,
Nú fer að styttast í að sumarfrí landsmanna
hefjist og eru sjálfsagt margir þegar búnir að
skipuleggja fríið. Þó nokkur hluti landsmanna
ætlar að bregða sér yfir Atlantshafsála og eyða
fríinu erlendis. En þónokkur hluti fólks hefur
hreinlega ekki gert upp við sig hvað það ætlar
að gera í fríinu. Hvernig væri það nú fyrir
okkur að ferðast innanlands í sumar.
Fjölbreytnin í ferðalögum innanlands er alltaf
að aukast og nú er hægt að fara upp á hálendið,
renna sér á skíðum í Kerlingarfjöllum, keyra
hringveginn, ganga á Ströndum, fara í
bátsferðir út í eyjar t.d. Drangey, Flatey,
borða Galloway-kjöt í Hrísey, notfæra sér
gistingu hjá Ferðaþjónustu bænda, svo
eitthvað sé nefnt.
Síðastliðið sumar tók til starfa
svokölluð Upplýsingamiðstöð
ferðamála á íslandi. Fyrirtækið
er kostað og rekið af Ferðamála-
ráði, Reykjavíkurborg og ferða-
málasamstökum landshlutanna.
Aðalskrifstofan er til húsa að
Ingólfsstræti 5 í Reykjavík en þar
að auki er opin upplýsingamið-
stöð á Akureyri allt árið um
kring. Við ræddum við Áslaugu
Alfreðsdóttur forstöðumann
Upplýsingamiðstöðvarinnar um
starfsemina.
Hún sagði að starfsemin hefði
lofað góðu í fyrrasumar.
Aðsóknin hefði verið nokkuð
góð og aukist eftir því sem leið á
sumarið. Mikið hefði verið um að
útlendingar leituðu til þeirra um
upplýsingar um ferðalög hér á
landi enda væri þeim yfirleitt vís-
að til Miðstöðvarinnar.
Áslaug lagði áherslu á að skrif-
stofan væri ekki einungis fyrir
útlendinga því íslendingar gætu
einnig fengið góðar upplýsingar
um ferðalög innanlands. Sagði
hún að íslendingar virtust ekki
alveg gera sér grein fyrir þessari
staðreynd en sökin væri þó líka
þeirra hjá Upplýsingarmiðstöð-
inni að kynna sig ekki betur. Pað
kæmi að vísu fjármagnsskortur
inn í dæmið og því væri ekki of
miklu fé eytt í auglýsingar innan-
lands.
í sumar munu að sjálfsögðu
þessar upplýsingamiðstöðvar á
Akureyri og í Reykjavík vera
opnar en þar að auki myndu
verða opnar minni svæðisskrif-
stofur víðar um land, t.d. á ísa-
firði, Blönduósi, Varmahlíð,
Sauöárkróki, Húsavík, Egils-
stöðum, Seyðisfirði, Höfn,
Klaustri, Hveragerði og Borgar-
nesi. Þessar skrifstofur eru fyrir
alla sem hafa hug á því að ferðast
um ísland. Bæði einstaklingar og
hópar geta fengið upplýsingar um
ferðalög innanlands. AP
Ferðaþjónusta bænda:
Sveitagisting nýtur
áfellt meiri vinsælda
- Rætt við Pál Richardsson framkvæmdastjóra
Ferðaþjónusta bænda hefur nú
haslað sér völ! sem raunhæfur
möguleiki í ferðamálum hér á
landi. Aðdragandann að stofn-
un ferðaþjónustunnar má
rekja aftur til ársins 1969 þegar
Flugfélag Islands samdi beint
við bændur um svefnpláss fyrir
ferðamenn á bæjunum. Málin
voru síðan rædd á Búnaðar-
þingi árið 1970 og upp úr því
fóru hjólin að snúast. í fyrstu
var ekki sérstakur starfsmaður
hjá Ferðaþjónustunni en
starfsmenn Búnaðarfélagsins
og vinnumiðlunar bænda unnu
ötult uppbyggingarstarf. Nú
eru starfsmennirnir þrír og
gistirýmið er sífellt að aukast.
Við ræddum við Pál Richards-
son framkvæmdastjóra Ferða-
þjónustu bænda og spurðum
hann fyrst hvernig honum litist á
sumarið.
„Við erum nokkuð bjartsýn á
sumarið. Það er að vísu hörð
samkeppni við ódýrar ferðir til
sólarlanda og viðskiptavinir okk-
ar frá Evrópu hafa fengið gylli-
boð um ódýrar ferðir til Banda-
ríkjanna. Samkeppnisaðstaða
okicar hefur auk þess verið frekar
slæm því að erlendur gjaldeyrir
hefur verið á útsöluverði fyrir þá
sem vilja bregða sér til útlanda.
Það er hins vegar enginn upp-
gjafartónn í okkur og bæjunum
sem taka þátt í þessu samstarfi
fjölgar sífellt. Árið 1986 voru 77
bæir í Ferðaþjónustunni, en í
sumar verða þeir yfir 100. Við
getum boðið gistirými fyrir tæp-
lega 1400 manns í einu.
Meirihluti gestanna eru íslend-
ingar, en einnig er töluvert af
Þjóðverjum sem notfæra sér
þessa þjónustu. Skandinavar eru
að sækja í sig veðrið og eru Svíar
fjölmennastir þeirra."
Páll Richardsson.
- Hvers konar þjónusta er
þetta sem bæirnir bjóða upp á og
hvað kostar að gista á sveitabæ?
„Það fer nú dáh'tið eftir
bæjum. Flestir þeirra bjóða upp á
gistingu eða svefnpokapláss.
Sumir bæirnir bjóða upp á orlofs-
hús og/eða tjaldstæði. Á flestum
stöðunum er hægt að kaupa
morgunverð eða vera í fullu eða
hálfu fæði. Síðan eru sumir sem
bjóða upp á alla þessa mögu-
leika.
Ferðaþjónusta bænda hefur
gefið út viðmiðunarverð til bænd-
anna og þar er gert ráð fyrir því
að gisting í uppbúnu rúmi kosti
1000 krónur, gisting og morgun-
verður 1400 krónur og gisting og
fullt fæði 2600 krónur. Svefn-
pokagisting í rúmi kostar 600
krónur og leiga á tjaldstæði kost-
ar á milli 100 og 200 krónur á
mann. Öll verðin miðast við einn
sólarhring."
Hvernig hefur þessi þjónusta
líkað?
„Yfirleitt mjög vel. Þetta er
sama fólkið sem kemur aftur og
aftur. Oft er þetta orðið svo pers-
ónulegt að fólkið hringir beint á
bæina og pantar sjálft. Síðan er
skipst á bréfum og gjöfum þannig
að oft myndast mikil vinátta á
milli heimilisfólksins og gest-
anna.
Það er ríkjandi hjá mörgum
íslendingum að þessi þjónusta sé
einungis fyrir útlendinga. Þessu
viljum við breyta og þess má geta
að við erum með nokkra bæi í
nágrenni Reykjavíkur og við höf-
um fengið mikið af fólki utan af
landi sem vill miklu frekar gista á
þessum bæjum og renna síðan til
borgarinnar á 10-15 mínútum í
stað þess að gista á hótelum í
miðbænum." AP
„Ógleymanleg náttúrufegurð í Fjörðum“
- segir Stefán Kristjánsson á Grýtubakka II
Einn af þeim bæjum sem tekur
þátt í Ferdaþjónustu bænda er
Grýtubakki II við Eyjafjörð.
Þar ráða ríkjum hjónin Stefán
Kristjánsson og Jónína
Dúadóttir og reka þau hesta-
leiguna Pólarhesta. Þau eru
með 15 hesta á járnum og
bjóða upp á ferðir inn í Fjörð-
ur og á Látrastrandir. Við
ræddum við Stefán og spurð-
um hann hvernig gengi.
„Þetta fer vaxandi hjá okkur.
Ferðaþjónusta mun ekki bjarga
landbúnaðinum, en þetta er þó
ágæt aukabúgrein. Annars er
dýrt að setja svona fyrirtæki á
stofn og tekur tíma að vinna upp
í kostnaðinn.
Við höfum boðið fólki upp á
öðruvísi ferðir en það fer vana-
lega í. Þar má t.d. nefna ferðir
inn í Fjörður og á Látrastrandir.
Mjög fáir hafa komið á þessa
staði vegna þess hve afskekktir
þeir eru og hve erfitt er að kom-
ast þangað en náttúrufegurðin er
einstök. Látrastrandir eru eins og
smækkuð mynd af Hornströnd-
um og það er ógleymanlegt að
koma þangað á fallegum sumar-
degi.
Við höfum boðið 3ja daga
ferðir með fullu fæði á 12 þúsund
krónur og held ég að það sé mjög
sanngjarnt verð. Annars er fyrsta
ferð okkar í ár áætluð 18-20 júní
og þá inn á Látrastrandir. í þeirri
ferð verður fólk að nesta sig sjálft
þvf það er ófært fyrir bíla þangað
á þeim tíma.“
- Hvaðan koma flestir við-
skiptavinir ykkar?
„Það er mikið af Þjóðverjum
og einnig töluvert af öðrum
útlendingum. Við höfum orðið
fyrir dálitlum vonbrigðum með
hve fáir íslendingar hafa farið í
ferðir hjá okkur. Við erum nú
bara 45 km frá Akureyri þannig
að það er nú ekki lengi verið að
skjótast hingað. Það er hins veg-
ar galli að engar fastar áætlunar-
ferðir eru á milli Grenivíkur og
Akureyrar. Þetta þýðir t.d. að
við verðum að ná í alla útlending-
ana til Akureyrar.
Við ætlum að brydda upp á
þeirri nýjung í sumar að bjóða
upp á reiðnámskeið fyrir börn
héðan úr nágrenninu. Svo verð-
um við að sjálfsögðu með okkar
venjulegu 3ja daga ferðir og þar
að auki lengri ferðir ef næg þátt-
taka fæst.“ AP
Afsláttarmiðar á gistingu og veiði:
„Mæliim hiklaiLst með þessu kerfí"
- segir Margrét Jóhannsdóttir ráðgjafi hjá Ferðaþjónustu bænda
Margrét Jóhannsdóttir ráðgjafi.
Ferðaþjónusta bænda bryddar
upp á athyglisverðum nýjung-
um í sumar. Það fyrsta er að
fólk getur keypt svokallaða
afsláttarmiða á gistingu á
sveitabæjum. Einnig býður
Ferðaþjónustan upp á afslátt-
arkort í veiði á sumar. Við
ræddum við Margréti Jóhanns-
dóttur ráðunaut um þessar
nýjungar.
„Afsláttarmiðarnir eru þannig
uppbyggðir að ferðamaðurinn
kaupir bók með minnst sjö
miðum. Hægt er að kaupa tvær
mismunandi tegundir af miðum;
fyrir gistingu og morgunverð og
kostar það 8720 krónur, en
einnig er hægt að kaupa afsláttar-
miða fyrir svefnpokapláss og
kostar það 3700 krónur.
Miðarnir gilda á flesta þá
sveitabæi sem taka þátt í sam-
starfi Ferðaþjónustunnar. Afslátt-
arbókinni fylgir listi yfir þá bæi
sem hægt er að framvísa miðun-
um á.
Þær reglur sem gilda fyrir þessa
miða eru að bókanir er einungis
hægt að gera einn sólarhring fram
í tímann. Ef ferðamaðurinn nær
ekki að nýta sér alla miðana er
hægt að fá 80% af verðinu endur-
greitt."
- Nú bjóðið þið h'ka upp á
svipað kerfi með veiðileyfi.
Gætirðu útskýrt það fyrirkomu-
lag?
„Vegna aukinnar eftirspurnar
eftir veiði síðastliðin ár er Ferða-
þjónusta bænda að setja í gang
sölukerfi fyrir silungs(lax)veiði.
Valin hafa verið 13 veiðisvæði á
landinu og reynt hefur verið að
hafa þau í alfaraleið. Veiðisvæð-
in eru nokkuð misjöfn með tilliti
til veiðimöguleika. Silungsveiðin
er í meirihluta, en einnig finnast
svæði þar sem mögulegt er að fá
lax. Verð er nokkuð misjafnt,
eða frá 2-10 greiðslumiðum fyrir
eina stöng á dag.
Viðskiptavinurinn þarf að
kaupa minnst 10 greiðslumiða,
en einnig er mögulegt að kaupa
fleiri miða samkvæmt óskum
hvers og eins. Með miðunum fær
viðskiptavinurinn upplýsinga-
bækling þar sem hann finnur allar
nauðsynlegar upplýsingar; hvar
veiðisvæðið er, hvern á að hafa
samband við, tegund veiði,
mögulega veiðivon, meðalstærð
veiði og upplýsingar um ferða-
þjónustubæi í nágrenninu.“
Bæði afsláttarmiðana og veiði-
leyfin er hægt að kaupa hjá ferða-
skrifstofum víðs vegar um landið
eða þá að hringja og panta þá hjá
Ferðaþjónustu bænda í Reykja-
vík.
Margrét sagðist vona að þetta
myndi glæða áhuga ferðamanna á
að renna fyrir fisk á hóflegu verði
á ferðum sínum um landið. „Við
hér hjá Ferðaþjónustu bænda
mælum hiklaust með þessu veiði-
kerfi fyrir fólk á ferð um ísland,
sem óskar eftir að komast í veiði,
án mikillar fyrirhafnar,“ sagði
Margrét Jóhannsdóttir að lokum.
AP
Snæbjörn Kristjánsson og Harpa Birgisdóttir í einu ferðalagi Pólarhesta.