Dagur - 05.04.1989, Blaðsíða 7
6 - DAGUR - Miðvikudagur 5. apríl 1989
Miðvikudagur 5. apríl 1989 - DAGUR - 7
;• a \> o, ■> <;< ;
l >'l<
bíív'SVJÍiiSOSííJiiV
Michael J. Clarke.
Margrét Bóasdóttir.
Þuríður Baldursdóttir.
Föstudaginn 17. mars var hald-
in námstefna á vegum Geð-
deildar Fjórðungssjúkrahúss-
ins á Akureyri í kennslustofu
sjúkrahússins. Námstefnan bar
yflrskriftina Unglingar í vanda
- Hver eru úrræðin? Frum-
mælendur komu frá ýmsum
rtofnunum á landinu og
kynntu þau úrræði sem standa
unglingum til boða er eiga við
alvarleg geðræn vandamál að
glíma svo og áfengis- og fíkni-
efnavanda.
Jóhann Thoroddsen, sál-
fræðingur á Fræðsluskrifstofu
Norðurlands eystra, ræddi um
úrræði fyrir unglinga í skólum á
Norðurlandi. Sólveig Ásgríms-
dóttir, sálfræðingur hjá Unglinga-
geðdeild Landspítalans, fjallaði
um fundi með foreldrum sem
fyrirbyggjítndi úrræði.
Að loknum umræðum tók Ein-
ar Gylfi Jónsson, forstöðumaður
! Jnglingaheimilis ríkisins til máls
>g ræddi um vímuefnavanda
unglinga.
- myndlist, leiklist og flölbreytt tónlist
Frá tónleikum Kammerhljómsveitar Akureyrar í íþróttaskemmunni.
Námstefna Geðdeildar FSA:
listarskólans á Akureyri auk 6
gestahljóðfæraleikara frá
Reykjavík.
Flytjendur auk hljómsveitar-
innar verða Björn Steinar Sól-
bergsson, sem leikur orgelkon-
sert eftir Poulenc, en sá konsert
er stærsta og viðamesta verk tón-
leikanna. Michael J. Clarke syng-
ur 2 lög úr lagaflokknum Mið-
sumarnætur eftir Berlioz og
Helgi Svavarsson leikur einleik á
horn. Konsertmeistari verður
Lilja Hjaltadóttir.
Á dagskrá tónleikanna verða
tónverk sem flest eru unnendum
hljómsveitartónlistar vel kunn,
s.s. Les Toreadors, Nautabana-
marsinn, úr óperunni Carmen
eftir Bizet, Judex úr óratoríunni
Dauði og líf eftir Gounod,
Pavane eftir Ravel, prelúdían
Síðdegi skógarpúkans eftir
Debussy og vals úr ballettinum
Kópelíu eftir De Libes.
Lokaverk tónleikanna verður
hinn stórbrotni orgelkonsert eftir
Poulenc, sem saminn var árið
1938 eftir pöntun prinsessunnar
frá Potignac. Poulenc (1899-
1963) er í tölu mikilvirkustu og
áhrifamestu tónskálda Frakka
fyrr og síðar. í orgelkonsertinum
tekst honum meistaralega að
tengja saman veraldlega og
kirkjulega þætti og þykir þetta
vera meðal bestu verka sem skrif-
uð hafa verið fyrir þessa hljóð-
færaskipan á síðari tímum og
jafnframt eitt stærsta framlag
Poulenc til kirkjutónlistar.
Kirkjukórinn og
Sinnhoffer kvartettinn
Næsti viðburður kirkjulistavik-
unnar verður þriðjudagskvöldið
18. apríl kl. 20.30. Pá heldur
kirkjukór Akureyrarkirkju tón-
leika í kirkjunni ásamt einsöngv-
urum og undirleikurum. Þetta
eru þau Margrét Bóasdóttir sópr-
ansöngkona, Þuríður Baldurs-
dóttir altsöngkona, Dorota
sýning Kristínar Guðrúnar
Gunnlaugsdóttur opnuð. Kristín
er fædd á Akureyri 15. apríl 1963
og lauk hún stúdentsprófi úr
Menntaskólanum á Ákureyri
1983. Hún stundaði nám í Mynd-
listaskólanum á Akureyri 1983-
84 og í Myndlista- og handíða-
skóla íslands 1984-87. Paðan
lauk hún prófi úr málunardeild.
Kristín fór til Rómar veturinn
1987-88 og lagði stund á íkona-
málun. Hún stundar nú nám við
ríkisakademíuna í Flórens hjá
prófessor Giulietti. Hún hefur
tekið þátt í samsýningum, m.a.
Ungir norðlenskir listamenn vor-
ið 1985 og nú síðast í Glerár-
kirkju sumarið 1987.
Málun íkona er ein hefðbundn-
asta myndgerð listasögunnar og
hefur hún haldist nær óbreytt í
1500 ár. íkonar eru grísk-
kaþólskar helginiyndir af Jesú,
Maríu mey og dýrlingum og eru
þessar myndir notaðar til bæna-
halds. Málað er á tréplötu og er
vinnslan nákvæm og seinleg.
Fyrst eru dökku litirnir settir á og
síðan þeir ljósu ofan á. Hvert atr-
iði hefur sína merkingu, línur,
litir, líkamsbygging og andlits-
fall. Ákjósanlegt þykir að íhuga
og biðja meðan á málun stendur
og að lokum er íkoninn blessaður
fyrir notkun.
Á sunnudaginn verða einnig
tónleikar Kammerhljómsveitar
Akureyrar og hefjast þeir kl. 17 í
Akureyrarkirkju.
Tónteikar Kammer-
hljómsveitar Akureyrar
Björn Steinar sagði að tónleikar
Kammerhljómsveitarinnar yrðu
mjög viðamiklir og raunar væru
þeir helmingurinn af fjárhags-
dæmi kirkjulistavikunnar.
Á tónleikunum verður flutt
frönsk tónlist undir stjórn Roars
Kvam. Hljómsveitin verður skip-
uð um 40 hljóðfæraleikurum úr
hópi kennara og nemenda Tón-
hefur einnig komið oft fram á
tónleikum Kammermúsíkklúbbs-
ins í Reykjavík.
Leiklist og
Litla orgelmessan
Föstudagskvöldið 21. apríl kl.
20.30 verður dagskrá í Akureyr-
arkirkju á vegum Leikfélags
Akureyrar. Þar er um að ræða
leiklesna dagskrá úr verkum Kaj
Munk undir stjórn Ragnheiðar
Tryggvadóttur.
Kirkjuvikunni lýkur sunnudag-
inn 23. apríl með hátíðarguðs-
þjónustu í Akureyrarkirkju kl.
14. Þar verður flutt Missa brevis
St. Joannis de Deo, eða Litla
orgelmessan, eftir Joseph
Haydn. Flytjendur verða auk
kirkjukórsins þau Margrét Bóas-
dóttir sópran, Lilja Hjaltadóttir
fiðla, Rut Ingólfsdóttir fiðla,
Richard Korn bassafiðla og
Dorota Manzcyk orgel. Stjórn-
andi er Björn Steinar Sólbergs-
son.
Litla orgelmessan er sniðin eft-
ir því formi sem tíðkaðist í Aust-
urríki og Suður-Þýskalandi um
miðbik 18. aldar. Hinn hefð-
bundni messutexti er þá mjög
styttur á þann hátt að ýmsir hlut-
ar textans voru sungnir samtímis.
Þetta var algengast með kaflana
Gloria (Dýrðarsöngur) og Credo
(Trúarjátning) og svo er einnjg
hér. Hins vegar kemur nýbreytni
tónskáldsins fram í kaflanum
Benedictus (Blessaður) þar sem
er einsöngur og einnig einleikur á
orgel.
Þess má að lokum geta að
áskriftarkort verða seld í tengsl-
um við kirkjuvikuna og þeir sem
þau kaupa fá einn viðburð
ókeypis. Kortin verða seld í for-
sölu í Bókabúð Jónasar og hjá
Leikfélagi Akureyrar. SS
Dagana 16.-23. apríl verður
haldin kirkjulistavika í Akur-
eyrarkirkju. Þetta er fyrsta
kirkjulistavikan sem haldin er
á Akureyri en vonir standa til
að slík vika verði haldin annað
hvert ár í framtíðinni, eða það
ár sem ekki er kirkjuvika í
Akureyrarkirkju. Að kirkju-
listavikunni standa sóknar-
nefnd Akureyrarkirkju,
kirkjukórinn, Kammerhljóm-
sveit Akureyrar, Tónlistarfé-
lag Akureyrar og Leikfélag
Akureyrar.
Björn Steinar Sólbergsson org-
elleikari hefur yfirumsjón með
kirkjulistavikunni. Markmiðið
með henni er að vekja athygli á
list sem á ýmsan hátt tengist
kirkju og kristnihaldi og einnig
að virkja með þessu móti sem
flesta á Akureyri sem láta sér
annt um listir.
„Þetta er í fyrsta sinn sem slík
kirkjulistavika er haldin. Það
hefur verið kirkjuvika í hefð-
bundnu formi annað hvert ár en
þessi viká er dálítið annars eðlis.
Kirkjulistahátíðir tíðkast talsvert
erlendis en þær hafa lítið verið
haldnar hér á landi. Þær hafa
aðallega tekið mið af tónlist en
með þessari kirkjulistaviku vilj-
um við tengja saman allar teg-
undir lista og er hér um viða-
mikla listaviku að ræða,“ sagði
Björn Steinar.
Guðsþjónusta og
myndlistarsýning
Dagskrá kirkjulistavikunnar er
efnismikil og fjölbreytt og væri
ekki úr vegi að líta nánar á hana.
Sunnudaginn 16. apríl kl. 14
verður guðsþjónusta í Akureyr-
arkirkju. Þar leikur Hornaflokk-
ur norðursins og í guðsþjónust-
unni verður kirkjulistavikan
formlega sett með ávarpi Ragn-
heiðar Árnadóttur, formanns
sóknarnefndar.
Klukkan 15 verður myndlistar-
Kirkjukór Akureyrarkirkju.
Manzcyk orgelleikari og Björn
Steinar Sólbergsson orgelleikari.
Björn Steinar verður jafnframt
stjórnandi á tónleikunum.
Á efnisskránni eru verk eftir
Mendelsohn, Elgar, Brahms,
Fauré og þrjú sálmalög eftir
Áskel Jónsson, Jakob Tryggva-
son og Jón Hlöðver Áskelsson.
Fimmtudagskvöldið 20. apríl
kl. 20.30 leikur Sinnhoffer
strengjakvartettinn í Akureyrar-
kirkju. Þessir tónleikar eru á veg-
um Tónlistarféiags Akureyrar en
þeir falla inn í kirkjulistavikuna
vegna dagssetningarinnar.
Sinnhoffer strengjakvartettinn
er frá Munchen í Þýskalandi og
hefur hann verið nefndur einn af
bestu kvartettum Þýskalands
(sbr. Munchen Merkur ’75).
Kvartettinn hefur ferðast um ger-
valla Evrópu, Austurlönd nær,
Bandaríkin, Kanada, Japan og
Kóreu og haldið tónleika. Hann
Björn Steinar Sólbergsson.
Dorota Manzcyk.
Kristín G. Gunnlaugsdóttir.
Listviðburður 16.-23. apríl:
Kirkjulistavika í Akureyrarkirkju
Unglingar í vanda
Eftir hádegi var rætt um úrræði
á stofnunum. Vigfús Magnússon,
deildarlæknir á Unglingageðdeild
Landspítalans, kynnti hlutverk
unglingageðdeildar í Reykjavík.
Einar Gylfi Jónsson forstöðu-
maður kynnti Unglingaheimili
ríkisins og Drífa Kristjánsdóttir
forstöðumaður kynnti Meðferð-
arheimilið að Torfastöðum í
Biskupstungum.
Þá voru tekin fyrir úrræði í
bæjum. Jón Björnsson, félags-
málastjóri á Akureyri, ræddi
úrlausn unglingavandamála á
Akureyri. Sólveig Ásgrímsdóttir
sálfræðingur tók fyrir samstarf
stofnana í bæjarfélagi og kynnti
„Kópavogsmódelið". Maggý
Magnúsdóttir, félagsráðgjafi á
Unglingaheimili ríkisins, og Ein-
ar Gylfi Jónsson fórstöðumaður
fjölluðu síðan um hópastarf með
unglingum í vanda.
Einnig voru umræður og fyrir-
spurnir og fyrir utan áðurnefnda
fyrirlesara tóku yfirlæknarnir Páll
Ásgeirsson og Þórarinn Tyrfings-
son þátt í umræðunum.
„Það vantar skipulag“
Ég ræddi stuttlega við Sigmund
Sigfússon, yfirlækni á Geðdeild
FSA, um þessa námstefnu.
„Það var ýmislegt athyglisvert
sem kom að sunnan sem hægt
væri að nýta hér. Bæði samstarf
milli stofnana í Kópavogi sem
hefur verið reynt og talið er hafa
borið árangur og einnig hópstarf
með unglingum í vanda sem ráð-
gjafadeild Unglingaheimilis ríkis-
ins hefur staðið fyrir.
Þetta voru afskaplega áheyri-
leg erindi frá fólki sem er á kafi í
þessu starfi og þátttakendur á
námstefnunni fengu það á tilfinn-
inguna að það væri margt hægt að
gera fyrir þau ungmenni sem illa
eru stödd. En það vantar skipu-
lag. Það sem er sérstakt við Ungl-
ingaheimili ríkisins er að sveitar-
félög þurfa að kosta vistun á
þessum heimilum, en þetta eru
fleiri en eitt heimili og á ýmsum
stigum. Forstöðumaðurinn sagði
að það væri í rauninni aðeins
Reykjavík sem hefði efni á því.
Litlir hreppar stæðu ekki undir
slíkum kostnaði og vildu frekar
bæta þann skaða sem hegðunar-
vandamál unglinga hefðu í för
með sér. Unglingageðdeild
Landspítalans er hins vegar eins
og hver annar spítali en þar eru
ekki nema 10 pláss fyrir landið
allt og þau þjóna kannski ekki
nema nánasta umhverfi. Við
þyrftum að vera sjálfum okkur
næg hérna fyrir norðan og sam-
stilla kraftana,“ sagði Sigmundur.
Hann sagði að markmiðið með
námstefnunni hefði einnig verið
það að koma á persónulegum
tengslum við fólk sem starfar
með unglingum í vanda, minna
ríkisstofnanir fyrir sunnan á að
það er fólk víðar en á Suðvestur-
landi og jafnframt fræða fólk úr
heilbrigðis- og félagsmálageiran-
um á Norðurlandi um mál sem
það vissi lítið um áður.
Unglingaheimili ríkisins
norður
- Hvað telur þú brýnast að gera í
þessum málum á Akureyri?
„Við myndum strax hrósa
happi ef við fengjum barna- og
unglingageðlækni hingað í fullt
starf þótt ekki væri um að ræða
sérstaka unglingageðdeild. Hann
gæti nýst á fjöldamörgum
stöðum, hér á sjúkrahúsinu, á
Heilsugæslustöðinni og hjá
Svæðisstjórn um málefni fatl-
aðra, sem á að stunda greiningu á
börnum hvort sem um andleg eða
líkamleg vanheilindi er að ræða.
Hins vegar vildum við gjarnan
að Unglingaheimili ríkisins hefði
eitt eða tvö heimili norðanlands
og austan. Það finnst manni
sanngirnismál því það eru alltaf
hér eins og syðra börn og ungl-
ingar sem búa við þannig aðstæð-
ur og líður þannig að þau þurfa
tryggar aðstæður og endurupp-
eldi yfir lengri tíma en fáeinar
vikur.“
Sigmundur sagði að námstefn-
an hefði fengið góðan hljóm-
grunn hjá þátttakendum og hún
hefði opnað umræðu um vanda-
mál unglinga og úrræði, umræðu
sem vonandi yrði fylgt eftir. SS
Tilboð óskast
Tilboð óskast í að rífa og fjarlægja húsið að
Hafnarstræti 97, Akureyri. (Bókabúðin
Huld).
Upplýsingar gefnar í síma 25778 og 21525.
Byggingafélagið Lind h.f.
9. bekkiir G.A.
1985-1986 (árg. ’70)
ætla að koma saman föstudaginn 7. aprfl
1989 í Húsi aldraðra.
Hófið hefst kl. 20.30.
Mætið með eigin veitingar.
Miöaverð kr. 100.-
Gleymið ekki
að gefa smáfuglunum.
X" Útboð
vegagerðin Landgræðsla 1989-1990
Vegagerð ríkisins óskar eftir tilboðum í ofan-
greint verk.
Áburðar-
Heistu magntölur Nýsáning dreifing
Suðurlandskjördæmi 90 ha 90 ha
Reykjaneskjördæmi 95 ha 100 ha
Vesturlandskjördæmi .... 170 ha 170 ha
Vestfjarðakjördæmi 125 ha 125 ha
Norðurlandskjörd. vestra 90 ha 90 ha
Norðurlandskjörd. eystra 215 ha 215 ha
Austurlandskjördæmi .... 150 ha 110 ha
Útboðsgögn verða afhent frá og með 4. apríl hjá Vegagerð
ríkisins í Reykjavík (aðalgjaldkera) og fyrir viðkomandi
kjördæmi á eftirtöldum umdæmisskrifstofum: Selfossi,
Borgamesi, ísafirði, Sauðárkróki, Akureyri og Reyðarfirði.
Skila skal tilboðum á sömu stöðum fyrir kl. 14.00 þann 17.
apríl 1989.
Vegamálastjóri.
Vantar blaðbera
frá 12. apríl í ytri hluta Byggðavegar, Klettaborg,
Kringlumýri og ytri hluta Löngumýrar.
Gæðaeftirlit
Óskum eftir að ráða starfsmann til að annast
gæðaeftirlit í Fatadeild fyrirtækisins.
Við leitum að samviskusömum starfsmanni sem er
reiðubúinn til að takast á við krefjandi verkefni og
getur unnið sjálfstætt.
Skriflegar umsóknir sendist starfsmannastjóra fyrir
15. apríl nk. og gefur hann nánari upplýsingar.
Sími 21900 (220).
*
Alafoss hf., Akureyri.