Dagur - 21.03.1990, Page 5

leiklist
Enn ein Qöðrin
- „Land míns föður“ á Húsavík
Miðvikudagur 21. mars 1990 - DAGUR - 5
Sigurður Ilallniurssoii, lcikstjóri og hluti leikara aft lokinni l'ruinsyningu á
„Land iníns föður“.
Laugardaginn 17. þessa mánaðar
frumsýndi Leikfélag Húsavíkur
söngleikinn „Land míns föður“
eftir Kjartan Ragnarsson í Sam-
komuhúsinu á Húsavík, leikhúsi
bæjarins.
Undirritaður hefur ýmist séð
eða veit af ýmsum góðum upp-
setningum á Húsavík og hefuroft
undrast, hvað unnt er að gera í
þeint þrengslunt, sem í Sant-
komuhúsinu eru. í þessu sant-
bandi má minnast á verk svo sem
„Gísl", sem flutt var fyrir fáunt
árurn, „Síldin kom og síldin fór“,
sem gekk á sviði þeirra Húsvík-
inga mánuðum saman og dró að
sér aðsókn víðs vegar að, „Fiðl-
arann á þakinu", sem vakti
athygli að hcita má um land allt,
og svo mætti áfram halda.
Það var því með talsverðum
væntingum, sem þess var beðið
að frumsýnt yrði á þessu leikári -
og ekki síður efablandinni furðu.
Þetta stafaði ekki síst af því, að
vitað var, að þátttakendur í upp-
setningu leikfélagsins að þessu
sinni eru tæplega fimmtíu, og að
alls kona í kringum sjötíu rnanns
við sögu í sambandi við hana.
Það kvisaðist líka, hve gífurleg
undirbúningsvinna lægi að baki
sýningunni. Það þurfti að sjá fyrir
hartnær tvö hundruð búningum.
Það var sett saman sérstök
hljómsveit til þess að leika á sýn-
ingunum og í sumum söngatrið-
unum er allur leikarahópurinn
með - þessi hartnær fimmtíu
leikarar.
En það var ekki langt liðið á
frumsýninguna, þegar efinn guf-
aði upp. Otrúlega góður og þétt-
ur hljómur kórsins fyllti salinn í
Santkomuhúsinu. Nálega hnökra-
laus söngur undir öruggri stjórn
Davids Thompsons, tónlistar-
stjóra uppsetningarinnar.
Sigurður Hallmarsson er leik-
stjóri sýningarinnar. Hann hefur
leyst sitt verk mjög vel af hendi.
Honum hefur tekist að koma öll-
um þeim mikla fjölda, sem tekur
þátt í uppfærslunni fyrir þannig,
að allt gengur upp feyrulítið og
eðlilega. Frantrás verksins er
hæfilega htöð og vökult auga
leikstjórans hefur verið með
hverjum manni. Enginn sker sig
átakanlega úr fyrir klaufalega
sviðsframkomu eða deyfðarlega
bið. Sviðshreyfingar, innkomur
og útgöngur ganga líka snyrtilega
upp, svo augað staldraði sem
næst aldrei við misfellu í þessu
efni.
Einar Þorbergsson æfði og
sarndi dansa og hópatriði. Hon-
um hefur tekist að þræða hinn
eftirsóknarverða milliveg, sem
gefur dansatriðum hinna klunna-
legu mörlanda og „neftóbaks-
karla“ kímilcgan og raunsannan
blæ. Einungis hefði danssýning-
aratriði á „Borginni" mátt vera
nokkru betur af hendi leyst.
Sviðsmynd húsvískra uppsetn-
inga hefur á stundum verið einn
helsti hnökrinn í sýningum leik-
félagsins. Svo er alls ekki í
„Landi míns föður“. Salurinn í
Samkomuhúsinu er allur svartur,
sem gefur kost á nákvæmri notk-
un lýsingar til þess að draga fram
það, sem athygli á að vekja
hverju sinni. Þetta tekst vel.
Einnig verður litadýrð og ljósir
fletir á sviðinu meira áberandi en
ella mundi verða og því áhrifa-
meiri. Hér eiga ljósa- og hljóð-
meistarar sýningarinnar, Jón
Arnkelsson og Ragnar Emilsson
stóran hlut að máli og hafa unnið
gott verk.
Ekki er unnt að telja upp alla
þá, sent ættu urnsögn skylda í
leikarahópi. Því verður látið
nægja að nefna nokkra, sem sér-
staka athygli vöktu hjá undirrit-
uðum.
Bára, ung stúlka, sem verður
ástfangin af breskum foringja,
Tony að nafni, er leikin af Elínu
Sigurðardóttur. Elín skilar hlut-
verki sínu vel og af talsverðri inn-
lifun. Hún hefur skemmtilega
söngrödd, sem hún beitir af
smekkvísi.
Hlutverk Sæla, unnusta Báru
fyrir samband hennar við Tony,
er í höndum Kristjáns Halldórs-
sonar. Kristján sýnir umtalsverð
tilþrif í túlkun sinni á þessum
fremur óheflaða alþýðumanni og
skilar persónunni trúverðuglega.
Einar Njálsson lcikur Leif,
föður Báru, og Guöný Þorgeirs-
dóttir er í hlutvcrki Þuríðar.
móður hennar. Bæöi skila per-
sónum sínum af örvggi og festu.
Ein kostulegasta persóna
verksins er Stjáni, bróðir Sæla.
Stjáni er „bisnissma'ður", sem
ætlar sér umfrant allt að græða.
Jón Guðlaugsson fer með þetta
hlutvcrk og skapar spaugilegan
persónugerving liins fleðulega
potara.
Eiginkona Stjána, Sigga, er
leikin af Sigríöi Harðardóttur.
Þetta hlutverk krest ekki tilþrifa-
ríks leiks, en hins vcgar góörar
söngraddar og þar hefur Sigríður
sannarlega það til brunns að bera
sem til þatf.
Katrín Ólafsdóttir fer nteð
hlutverk Önnu, yngri systur
Báru. Þetta hlutverk krefst tals-
vert mikils af leikaranum því að
það veröur vetuleg breyting á
persónunni í fcrli verksins. Katr-
ín stendur sig vel í túlkun sinni.
Ingimundur Jónsson er í hlut-
verki Péturs postula, liins brokk-
genga kassaprcdikara. Ingimundi
tekst að vonum frábærlega að
klæða persónuna holdi og gera
haija sannferðuga á öllum þeint
stigum, sem hún gengur í gegn-
um.
Enn má ncfna Bjarna Sigur-
jónsson i hlutverki Ólafs. föður
Sæla og Stjána, Svein Freysson,
sem leikur Vestur-Islendinginn
Björn Valdemarsson, Kristinn
Einarsson, sem fer nteð hlutverk
Agnars lögreglustjóra, Jóhannes
G. Einarsson, sem leikur Þórólf
nasista og ýmsa fleiri, sem fara
allir meira og minna ágætlcga
með hlutverk sín.
Tónlistin viö verkið er eftir
Atla Heimi Sveinsson, tónskáld.
Htin er afar áheyrileg. útsetning-
ar margar stórgóðar og flutning-
ur Davids Thompsons og hans
manna sntekklegur. Ef til vill
hefði þó að skaðlausu mátt nota
bursta meira á trommunum en
gert er. Kjuðarnir á sneriltromm-
unni eru á stundum nokkuö of
harðir. Annað, sem að tónlistar-
flutningi mætti finna er það. að
söngraddir sumra einsöngvar-
anna eru ekki svo góðar sem
æskilegast hefði veriö, en hver
getur ætlast til þess að góöir
áhugaleikarar - eöa jafnvel
atvinnuleikarar - séu jafnframt
afburða söngvarar?
í heildina tekið hlýtur uppsetn-
ing Leikfélags Húsavíkur á
„Landi míns föður" að teljast
meiri háttar afrek. Hún sýnir
hvers áhugamenn í listum eru
megnugir, þegar unnið er af
stórhug. þegar menn eru sam-
hentir, þegar byggt er á liefö,
sem hefur náð að þróast og fest-
ast og oröin er hluti af lífi og
væntingum samfélagsins.
Það er vafalaust, að með þess-
ari uppfærslu hefur Leikfélag
I lúsavíkur bætt enn einni fjöður í
þcgar fagurskrýddan hatt sinn -
og um leið i hatt hæjarfélagsins
afls.
Haukur Agústsson.
Samband ungra framsóknarmanna:
Vill að nýja álverið
verði reist við Eyjaijörð
Samband ungra framsóknar-
manna hélt stjórnarfund laugar-
daginn 17. mars sl. Á fundinum
var eftirfarandi stjórnmálaálykt-
un samþykkt:
„Samband ungra framsóknar-
manna vill hvetja þjóðina alla til
að halda þá sátt sem tóksl með
kjarasamningunum sem undirrit-
aðir voru nú á dögunum. Haldi
þessir samningar er fyrirsjáanleg-
ur nteiri bati í efnahagslífi þjóð-
arinnar en náðst hefur í áraraðir.
Slíku ntá alls ekki kasta fyrir
róða. Þegar efnahagslífið tekur
uppsveiflu á ný verður þjóðin að
hafa vit á að „standa á bremsun-
um“ svo að ekki fari aftur í sama
farið og 1986 og 1987 með til-
heyrandi verðbólgubáli. Slíkt má
m.a. gera með því að styrkja
verðjöfnunarsjóð sjávarútvegsins
og gera nauðsynlegar skipulags-
breytingar á honunt til þess að
hann geti gegnt sínu hlutverki
sem sveiflujöfnunarsjóður.
Uppbygging stóriðju er nauð-
synleg til að tryggja þau lífskjör
og það velferðarkerfi sem Islend-
ingar hafa byggt upp undanfarna
áratugi undir forystu Framsókn-
arflokksins. Líklegt er að samn-
ingar takist nú unt byggingu nýs
álvers. Samband ungra fram-
sóknarinanna leggur höfuð-
áherslu á að þetta álver verði
reist við Eyjafjörð. Nýtt álver við
Hafnarfjörð myndi auka enn á
tílflutning fólks af landsbyggðinni
til höfuðborgarsvæðisins. Sá til-
flutningur er þegar orðinn alltof
mikill og hefur kostað )tjóðfclag-
ið ómældar fjárfúlgur. Gæta
verður þess að öllum Urhhverfis-
verndarkröfum veröi fullnægt til
hins ítrasta við uppbyggingu hins
nýja álvers, því í umhverfismál-
um höfum við ekki efni á að
spara.
Hreint og ómengað ísland er
því miður liðin tíð, því ntengun
og óvirðing við landið hefur víða
náð yfirhöndinni. Þessari þróun
verður að snúa við. Stofnun um-
hverfisnáðuneytis er fyrsta skref-
iö í þá átt. Samband ungra fram-
sóknarmanna fagnar stofnun um-
hverfisráðuneytisins, enda hefur
það verið stefna SUF að um-
hverfismálum verði fundinn einn
staður í stjórnkerfinu svo að
stjórn þeirra vcrði markvissari og
árangursríkari. Sá pólitíski
hrossakaupaþefur sem af stofnun
umhverfisráðuneytisins leggur
gerir það mál þó ckki jafn
ánægjulegt og ella hefði orðið.
SUF hvetur hér eftir sem hingað
til alla stjórnmálamenn að láta
ekki eftirsókn eftir völdum og
valdastólum hlaupa nteð sig í
gönur.
Umhverfismál eru málefni
framtíðarinnar og Samband
ungra framsóknarmanna er bar-
áttuvettvangur umhverfisvernd-
arsinna. SUF vill að umhvcrfis-
málum séu ávallt sýnd tilhlýðileg
virðing. Aðdragandinn að stofn-
un umhverfisráðuneytisins bar
þess ekki vitni.
Hafa bcr í huga að stofnun urn-
hverfisráðúneytis ein og sér leysir
ekki þá kreppu er ríkir í um-
hverfismálum. Allir þegnar þessa
lands verða að líta í eigin barm,
huga áð náttúrunni og umhverfis-
málum og leggja sitt af mörkum
til að gera ísland að þeirri hreinu
og ómenguðu paradís sem lesa
má unt í erlendum ferðabækling-
um.
Um þessar rnundir fer frant
mikil umræða um samciginlegt
evrópskt efnahagssvæði, hver
verði afstaða íslendinga til þess
og með hvaða hætti Islendingar
tengist því.
Nauðsynlegt er að vel takist til
í samningum EFTA við EB því
hagsmunir þjóðarinnar í þessu
máli eru gífurlegir. SUF lýsir því
stuðningi við stefnu ríkisstjórnar-
innar í þeirn samningum og hvet-
ur jafnframt sjávarútvegs- og
forsætisráðherra til að halda
áfram viðræðum við samráðherra
sína í löndunt EB um hagsmuni
okkar.
Sveitarstjórnarkosningárnar
sem framundan eru gcta ráðið
miklu um hið pólitíska andrúms-
loft næstu ára. Tilvistarkreppa
Alþýðubandalags og Alþýðu-
flokks, sent kristallast hefur í
undirbúningi sveitarstjórnar-
kosninganna í Reykjavík að
undanförnu, undirstrika að
Frantsóknarflokkurinn er for-
ystuflokkur andstæöinga íhalds-
ins í Reykjavík, auk þess að vera
drifkraftur framfara í sveitarfé-
lögum víðs vegar um landið. í
Framsóknarflokknum eru engir
armar, sérhópar eða klíkur. Þar
vinna ntenn saman sem cin heild.
Ungir framsóknarmenn hafa
víða verið kallaðir til við uppstill-
ingu framboðslista þannig að út-
litið cr bjart hvað Framsóknar-
flokkinn varðar i kosningunum í
vor. Það gefur til kynna að hið
pólitíska andrúmsloft næstu ára
verði hreinna og frísklegra en nú
er.
BETRI KJOR FYRIR
SELJENDUR SKULDABRÉFA
Vegna vaxtalækkunar á verðbréfamarkaði undan-
farna mánuði seijast góð veðskuldabréf nú á
10-13% ávöxtunarkröfu. Þetta þýðir hærra verð
fyrir seljendur skuldabréfa. Nú tekur aðeins
1-2 daga að selja góð veðskuldabréf.
Sölugengi verðbréfa þann 21. mars.
Einingabréf 1 4.778,.
Einingabréf 2 ............ 2.615,-
Einingabréf 3 ............ 3.152,-
Skammtímabréf ............ 1,623
l<AUPÞING
NORÐURLANDS HF
Ráðhústorgi 1 • Akureyri • Sími 96-24700