Dagur - 23.03.1990, Blaðsíða 8

8 - DAGUR - Föstudagur 23. mars 1990
CH Blazer, 1985 ek. 47 þús.
Sjálfskiptur, rafmagn. Mjög góður
bíll. Sk. ód. V. kr. 1.100.000.-
Mazda 323 LX, 1988.
Ekin 21 þús. km.
Verð 630.000.- Ath. skipti.
Sýnishorn úr söluskrá:
Polaris Indy Trail, 1983, veri kr. 220.000.-.
Volvo 440 Turbo, 1989, ekinn 10 þús. km.,
veri kr. 1.380.000.-, skipti á ódýrari.
Toyota Tercel 4W0,1987, ekin 62 þús. km.,
veri kr. 750.000.-. Subaru Sedan 1800 4WD,
1988, ekinn 37 þús. km., veri kr.
1.000.000.-. Pajero stuttur Bensín, 1986,
ekinn 82 þús. km„ veri 1.100.000.-, skipti
i ódýrari. Subaru Sedan 1800 4WD, 1986,
ekinn 47 þús. km„ veri kr. 750.000.-, skipti
á ódýrari.
Nissan Sunny SLX 4WD Vagon, 1989, ekinn
35 þús. km„ veri kr. 970.000.-, skipti á
ódýrari. Toyota Corolla 4WD St STO, 1990,
ekinn 16. þús. km. Skipti ódýrari. Pajero
Turbo Diesel STW, 1988, ekinn 45 þús. km„
sjálfskiptur, veri kr. 1.850.000.-, skipti
ódýrari. Gói kjör.
Rótgróin bílasala.
Traustir sölumenn með ára-
langa reynslu.
Bílasalan
StórhoU
Toyota söluumboð
Suzuki Fox 413 HR, 1985.
Ekinn 44 þús. km. Glæsilegur bíll.
Verð kr. 590.000.-
Subaru 4WD, 1986.
Ekinn 60 þús. km. Verð kr.
Toyota Hi Lux SR5 EFi XTRA Cab,
1986. Ekinn 100 þús. km.
Plasthús, álfelgur.
V. 1.200.000.-. Sk. á ód.
Subaru Turbo, 1987.
Ek. 61 þús. V. 1.080.000.-.
Góð kjör. Skipti á ódýrari.
Bílasalan
StórhoU
Hjalteyrargötu 2 - Símar 23300 og 25484
MMC Pajero Turbo Diesel, 1987.
Ekinn 117 þús. km. Gangverð
kr. 1.350.000.-.
Fæst á kr. 1.020.000.- stgr.
Bíllinn er í mjög góðu standi.
Toyota Tercel 4WD, 1986.
Ek. 90 þús. V. kr. 630.000.-.
Skipti á ódýrari snjósleða.
Barnaskóli Húsavíkur:
Fjölbreytt og skemmtfleg samkoma
Ársskemintun Barnaskóla
Húsavíkur var haldin í síðustu
viku. Nokkrar sýningar voru
þar sem nemendur skólans og
Tónlistarskólans fluttu fjöl-
breytta dagskrá; öðrum
nemendum skólans, nemend-
um Framhaldsskólans, systkin-
Koskir sviosmenn.
Mynuir: im
um, foreldrum og fullorðnum.
Þaö eru sjöttu bekkjar
nemendur sem hljóta hverju
sinni ágóða af skemmtuninni í
ferðasjóð, og í vor munu
nemendur sjötta bekkjar ætla
til vikudvalar að Reykjaskóla í
Hrútaflrði.
Dagskrá skemmtunarinnar var
mjög metnaðarfull og atriði fjpl-
breytt. Áður en samkoman var
sett lék Lúðrasveit Tónlistarskól-
ans undir stjórn Benedikts
Helgasonar. Húsvíkingar hafa
eignast sína Rokklinga, en það
eru Frostrósirnar sem fluttu
næsta dagskrárlið við mikla hrifn-
ingu áhorfenda. Þarna voru
yngstu nemendur skólans á ferð-
inni en Sigrún Snædal mun hafa
annast æfingar og leikstjórn fyrir
skemmtunina. Gítartríó
nemenda Leifs Vilhelms Baldurs-
sonar lék síðan nokkur lög.
Kór Barnaskólans flutti atriði
úr söngleiknum Líf og friður.
Kórinn var með tvær sýningar á
verkinu í kirkjunni á æskulýðs-
daginn og á þær komu hátt í 300
manns. Það var María Sigurðar-
dóttir, leikstjóri, og Hólfríður S.
Benediktsdóttir, söngkona, sem
æfðu söngleikinn með kórnum,
en David Thompson tónlistar-
ikennari annaðist undirleik á
píanó. Mjög vel tókst til með
flutning verksins í kirkjunni og
einnig með flutning hluta þess á
skemmtuninni.
Tvö börn lásu ljóð, af mikilli
innlifun og við gítarundirleik.
Hljómsveit Sandy Miles, tónlist-
arkennara lék, og ungar dömur
sýndu fimleika undir stjórn
kennara síns Guðrúnar Kristins-
dóttur.
Síðasti dagskrárliðurinn var
flutningur leikritsins Mjallhvít
og dvergarnir sjö, í leikstjórn
Maríu Sigurðardóttur. Það voru
elstu nemendur skólans sem tók-
ust á við þetta viðamikla verkefni
og stóðu sig með prýði, enda
studdir af fagfólki. Leikmynd,
búningar, hljóðfæraleikur, auk
túlkunar leikendanna, gerðu sýn-
ingu verksins bráðskemmtilega á
að horfa og má skólinn vera stolt-
ur af frammistöðu nemenda
sinna, og mega allir aðstandend-
ur sýningarinnar hafa þökk fyrir
ánægjulega stund.
Leikstjórinn, María Sigurðar-
dóttir, lagði mikið til árskemmt-
unarinnar að þessu sinni þar sem
hún leikstýrði bæði söngleiknum
og leikritinu. En þar með eru
verkin hennar Maríu þessa dag-
ana ekki upptalinn, því hún er að
setja upp Sveitasinfóníu með
UMF Eflingu í Reykjadal. IM
Stefnumótun Æskulýðsráðs Akureyrar:
Ungmemmm standi til boða æskulýðsstarf í
heimahverfi sínu auk sameighilegs starfs
- þjónusta við 16-18 ára aldurshópinn byggð upp 1991
Stefnumótun Æskulýösráðs
Akureyrar var lögð fram sem
fylgiskjal í fundargerð ráðsins í
lok janúar og samþykkt með
smávægilegum orðalagsbreyt-
ingum í einum lið á fundi
bæjarstjórnar 6. mars síðast-
liðinn. Sigríður Stefánsdóttir,
bæjarfulltrúi, sagði við það
tækifæri að stefnumótun ráðs-
ins sýndi ákveðna viðhorfs-
breytingu og að það væri sér-
staklega ánægjulegt að Æsku-
lýðsráð skuli leggja áherslu á
að ungmenni geti stundað
æskulýðs- og tómstundastarf í
heimahverfi sínu.
I 1. lið stefnumótunarinnar er
gert grein fyrir verkefnum Æsku-
lýðsráðs. Hlutverk ráðsins er sem
fyrr að vinna að eflingu heil-
brigðs félagslífs og hollrar tóm-
stundaiðju meðal æskulýðs á
Akureyri og hafa um það sam-
vinnu við þá aðila sem um slík
mál fjalla.
Verkefni ráðsins eru m.a. þau
að vera bæjaryfirvöldum til ráðu-
neytis um æskulýðsmál, t.d. um
ráðstöfun fjárveitinga úr bæjar-
sjóði til æskulýðsmála, eða
æskulýðsfélaga, um stofnun tóm-
stundaheimila og nýtingu hús-
næðis.
Að hafa umsjón með rekstri
tómstunda- og félagsheimila, sem
nýtt eru til æskulýðsstarfsemi og
njóta styrks úr bæjarsjóði, að
skólum og íþróttamannvirkjum
undanteknum.
Þá á Æskulýðsráð að hafa jafn-
an sem gleggstar upplýsingar um
æskulýðsmál á Akureyri og nauð-
syn nýrra framkvæmda á sviði
þeirra mála. Einnig að leitast við
að ná til þeirrar æsku, sem sökum
áhugaleysis, eða af öðrum orsök-
um, gefur sig ekki að heilbrigð-
um viðfangsefnunr í tómstundum
sínum.
Æskulýðsstarf ráðsins
víkjandi gagnvart
starfí félaga
Ýmis fleiri verkefni eru talin upp
í stefnumótunarskýrslu Æsku-
lýðsráðs en síðan segir orðrétt:
„Æskulýðsráð vinnur að þess-
um verkefnum með því móti, að
styðja æskulýðsstarf á vegum fé-
lagasamtaka og félagsstarf á veg-
um skóla, en ráðið stendur sjálft
fyrir því æskulýðsstarfi sem það
álítur þörf fyrir, en þessir aðilar
sinna ekki.
Æskulýðsráð álítur skyldu sína
að öllum ungmennum Akureyr-
arbæjar standi til boða æskulýðs-
starf í heimahverfi sínu, auk jjess
æskulýðsstarfs sem er sameigin-
legt fyrir bæinn í heild.“
í 2. lið kemur fram að ráðið
leggur megináherslu á að tryggja
ungmennum á aldrinum 12-18
ára fjölbreytt tómstunda- og fé-
lagsstarf. Starf ráðsins getur í
sumum tilvikum náð til yngri eða
eldri aldurshópa, en þar telur
ráðið aðra aðila sér skyldugri. Til
þessa hefur Æskulýðsráð aðeins
sinnt 16-18 ára aldurshópnum að
litlu leyti, en mun frá og með
árinu 1991 gera átak til að ná bet-
ur til þessa hóps.
Þriðji liður stefnumótunarinn-
ar fjallar um samstarf við félög,
en ráðið lítur á slíkt samstarf sem
mikilvæga leið til að ná fram
markmiðum sínum. Þar segir
m.a. að ráðið líti svo á að „æsku-
lýðsstarf sem það sjálft stendur
fyrir, skuli í sem minnstum mæli
vera í samkeppni við starf á veg-
um félaga, það skuli þvert á móti
vera víkjandi gagnvart starfi
æskulýðsfélaga eða æskulýðssam-
taka.“
Nýting skólahúsnæðis
Æskulýðsráð styður félög al-
mennt til æskulýðsstarfsemi fyrst
og fremst í gegnum starfsað-
stöðu, ráðgjöf og þjálfun, en um
beina fjárstyrki er aðeins um að
ræða til einstakra afmarkaðra
verkefna á vegum félagsins. Ráð-
ið styður félög og samtök
æskulýðs til sjálfstæðrar fjár-
öflunar, svo fremi að féð renni til
félagsstarfseminnar, en ráðið
styður ekki gróðastarfsemi ein-
staklinga og ráðið styður ekki
ungliðahreyfingar stjórnmála-
samtaka.
í 4. lið koma skólarnir til sög-
unnar. Æskulýðsráð telur eðli-
legt að æskulýðsstarf í hverfum
bæjarins fari fram í húsakynnum
skóla. Ráðið telur því rétt að inn-
an hvers skóla sé undantekning-
arlaust ætlaður sérstakur staður
þar sem önnur starfsemi fer ekki
fram, en auk þess standi húsa-
kynni skóia og aðstaða þar
æskulýðsstarfi á vegum ráðsins
ævinlega opið utan kennslutíma.
„Æskulýðsráð lítur svo á, að
ráðið eigi að fá heimild til endur-
gjaldslausrar nýtingar á skóla-
húsnæði til æskulýðsstarfs innan
þessa ramma, frá bæjaryfirvöld-
um. Um þetta verði gerður sér-
stakur samningur við skóla-
nefnd.“
Þá er ráðið hlynnt því að sam-
starf sé um æskulýðsstarf milli
ráðsins annars vegar og skólayfir-
valda hins vegar. Ráðið ætlást til
þess að við hönnun skólamann-
virkja verði æskulýðsstarfsemi
ætlaður sérstakur staður og ráðið
verði umsagnaraðili um gerð
þessa hluta hússins.
Áfengisneysla
stranglega bönnuð
í 5. lið er gerð grein fyrir áætlun-
um Æskulýðsráðs. Ráðið álítur
að a.m.k. eitt stöðugildi á vegum
ráðsins þurfi að koma til við
hverja hverfisfélagsmiðstöð.
Hverfisfélagsmiðstöðvar verða
reknar í Lundarskóla, Glerár-
skóla og Síðuskóla á árinu 1990.
Megináhersla verður lögð á að
byggja upp og efla starfsemi þess-
ara félagsmiðstöðva.
Á árinu 1991 verður hins vegar
sérstök áhersla lögð á tvennt: Að
byggja upp þjónustu við 16-18
ára aldurshópinn og að byggja
upp þjónustu við þá unglinga sem
eiga erfiðast með að nýta sér
núverandi æskulýðsstarfsemi,
unglinga sem eiga í vandkvæðum
af einhverju tagi, og skal sú þjón-
usta vera í nánum tengslum við
ráðgjafardeild Akureyrarbæjar
og aðra hlutaðeigandi aðila.
Sjötti og sfðast liður stefnu-
mótunarinnar fjallar um áfeng-
ismál. Það er ófrávíkjanieg regla
í starfsemi Æskulýðsráðs að
unglingar undir áhrifum áfengis
eigi engan aðgang að félagsmið-
stöðvum í hverfum. Þá segir
orðrétt:
„í Dynheimum, sem er sama-
staður allra unglinga í bænum og
þar sem haldnir eru dansleikir að
kvöldlagi, er öll áfengisneysla
stranglega bönnuð. Áfengi sem
finnst á gestum, er umsvifalaust
gert upptækt, enda eru gestir
undir lögaldri. Unglingar sem eru
merkjanlega undir áhrifum
áfengis, fá ekki aðgang að sam-
komum í Dynheimum og starfs-
lið þar gerir lögreglu eða foreldr-
um viðvart um unglinga sem út-
hýst er úr húsinu, eða meinaður
aðgangur að því vegna áberandi
ölvunar."
Lýkur hér með þessum út-
drætti úr stefnumótun Æskulýðs-
ráðs Akureyrar. SS