Dagur - 23.03.1990, Qupperneq 16

Akureyri, föstudagur 23. mars 1990
Haldið veisluna eða fundinn
■ elsta húsi bæjarins
Afmælisveislu ★ Giftingarveislu ★
★ Erfidrykkju ★ Kaffisamsæti ★
Fundi og hvers konar móttökur.
Allar nánari upplýsingar gefa Hallgrímur eða Stefán í síma 21818.
Sauðárkrókur:
Innbrotafaralduriim heldur áfram
Eitt innbrotið enn var framið á
Sauðárkróki aðfaranótt mið-
vikudags. í þetta skiptið var
brotist inn í húsnæði Fjöl-
brautaskólans á Sauðárkróki.
Afbrot hafa verið með mesta
móti á Sauðárkróki í vetur.
Svo virðist sem nokkur hópur
manna sé þarna að verki. Lög-
reglan hefur ekki enn haft
hendur í hári misindismann-
anna.
Akureyri:
Bókamarkaður hefst í dag
Bókamarkaður hefst á Akur-
eyri í dag að Glerárgötu 32.
Þetta mun vera stærsti bóka-
markaður sem settur hefur
verið upp í bænum. Titlarnir
eru um þrjú þúsund og alls
verða um 22 tonn af bókum á
boðstólum í Raforkuhúsinu
svokallaða.
Að sögn Björns Eiríkssonar,
framkvæmdastjóra Skjaldborgar.
er þetta mjög stór og glæsilegur
markaður og hefur verðlag aldrei
verið liagstæðara. Hinir að-
skiljanlegu flokkar bóka verða á
bókamarkaðinum, jafnt fyrir
unga sem aldna.
Bókamarkaðurinn er opinn
daglega frá kl. 12-19, einnig um
helgar, en honum lýkur 8. apríl.
SS
Innbrotsþjófarnir fóru inn um
glugga á húsnæði skólans. Brotist
var inn á tvær skrifstofur og tug-
um þúsunda stolið í peningum.
Skemmdir voru unnar á hurðum
að skrifstofunum. „Ástandið er
orðið alveg skelfilegt, tíð innbrot
og rúðubrot hafa verið í allan
vetur. Þetta er bænum til há-
borinnar skammar," sagði Björn
Mikaelsson yfirlögregluþjónn á
Sauðárkróki.
Svo virðist að ekki megi ganga
frá opnum gluggum án þess að
eiga á hættu að brotist verði inn.
í flestum þeim innbrotum sem
framin hafa verið, hefur leið
þjófanna legið í gegnum illa lok-
aða glugga.
Full þörf er á að bæjarbúar taki
höndum saman og skeri upp her-
ör gegn afbrotamönnum þessum
áður en fleiri spellvirki verða
framin. kg
Erling Aðalsteinsson kannar stofnun buxnaverksmiðju á Akureyri:
Leitadi eftir samstarfi
við þýskan buxnaframleiðanda
„Aö þessu máli er unnið og
það er ekki komið á ákvörðun-
arstig,“ sagði Erling Aðal-
steinsson, kaupmaður á Akur-
eyri, sem fékk fyrstu verðlaun í
hugmyndasamkeppni Atvinnu-
málanefndar Akureyrarbæjar
fyrr í vetur fyrir hugmynd að
buxnaverksmiðj u.
Erling hefur að undanförnu
skoðað stofnun buxnaverksmiðju
á Akureyri frá öllum hliðum.
Hann segist stefna að því að
ljúka undirbúningsvinnu í sumar
og þá komi til kasta Atvinnu-
málanefndar að taka ákvörðun
um framhaldið.
„Þetta ætti að geta gengið svo
framarlega sem verksmiðjunni
verði komið vel af stað. Með
hana gildir það sama og annað að
ekki þýðir að hefja starfsemina á
einhverjum brauðfótum,“ sagði
Erling.
Erling segist hafa leitað eftir
samstarfi við Bernhard, þýskan
buxnaframleiðanda, og hafi hann
tekið vel í hugmyndina. „t>að á
eftir að koma í Ijós hvort og þá
hvernig þessi aðili kemur að mál-
inu, en hann er nú að vinna fyrir
okkur áætlun um vélategundir og
nýtingu þeirra fyrir buxnaverk-
smiðju af þessari stærðargráðu,"
sagði Erling.
Þessi þýska buxnaverksmiðja
framleiðir 6-700 buxur á dag, sem
þykir þó ekkert sérstaklega mikið
í heimi buxnaframleiðslunnar.
óþh
Heimsmeistarar unglinga í listdansi á skautum, Marina Anisina og Ilija Aver-
bukh, æfðu sig á skautasvellinu á Akureyri í gær. Þau munu sýna listir sínar
í kvöld. Mynd: KL
Húsavík:
Fjögur fyrirtæki í Fosshúsmu
- verið að ganga frá sölu eignanna
Fjögur fyrirtæki hafa verið
með starfsemi í verkstæðishús-
um Foss við Garðarsbraut 48
undanfarinn mánuð, og þrjú
þeirra lengur. Útibú Lands-
bankans á Húsavík keypti
eignirnar á uppboði, eftir að
Foss hf. varð gjaldþrota, og nú
er verið að semja um sölu eign-
anna, til fjögurra aðila.
Eignin verður afhent um mán-
aðamót, og í næsta mánuði, í
fjórum hlutum. Vélsmiðjan
Grímur hf., nýtt fyrirtæki, hóf
nýlega starfsemi í vélaverkstæð-
Leikfélag Akureyrar:
Þorskurinn fékk dræmar viðtökur
Sýningum á leikverki Guðrún-
ar Ásmundsdóttur, Heill sé
þér þorskur, er lokið hjá Leik-
félagi Akureyrar. Þessi dag-
skrá fékk fremur dræmar við-
tökur en þokkalega dóma hjá
gágnrýnendum. Yngra fólk
virtist skemmta sér ágætlega
yflr Þorskinum en eldra fólk
sótti sýninguna lítið.
„Aðsóknin varð miklu lakari
en við höfðum vonað og getur
verið ýmsu um að kenna. Við vit-
um að ótíð og ófærð settu strik í
reikninginn," sagði Sigurður
Hróarsson, leikhússtjóri.
Hann sagði það hafa verið
áberandi hvað yngra fólkið tók
verkinu betur en það eldra.
Stemmning á sýningu fyrir
menntaskólanemendur var
t.a.m. mjög góð og sýningin
spurðist vel út meðal þeirra. Á
hinn bóginn sagði Sigurður að
svo virtist sem eldra fólk hefði
hrokkið við þegar í ljós kom að
hér var ekki verið að segja sögu á
sviðinu heldur eitthvað allt
annað.
„Þetta var að vissu leyti tilraun
til að búa til íslenska kabarett-
sýningu og megintilgangurinn var
að gæða bókmenntir þjóðarinnar
lífi, ekki bara leikbókmenntir.
Þessi tilraun kennir okkur ýmis-
legt og vonandi áhorfendum
líka,“ sagði Sigurður.
Síðasta verk Leikfélags Akur-
eyrar á leikárinu er Fátækt fólk,
leikgerð Böðvars Guðmundsson-
ar eftir sögum Tryggva Emilsson-
ar. Frumsýning verður 11. apríl
og eru miklar vonir bundnar við
þessa fjölmennu sýningu. Þátt-
takendur eru yfir 40 og ganga
æfingar vel að sögn Sigurðar. SS.
inu í nýjasta hluta byggingarinn-
ar. Eigendur Gríms hf. eru Ásgeir
og Helgi Kristjánssynir o.fl.
Málmur hf., Kristinn V. Magnús-
son o.fl. reka blikksmiðju í álm-
unni sem liggur meðfram Garð-
arsbraut. BK bílaverkstæði, sem
Birgir Þórðarson rekur er í hús-
næði bílaverkstæðisins. Svavar
Cesar og Pétur Skarphéðinsson,
sem reka vöruflutningaþjónustu,
eru að kaupa tengibygginguna,
sem Trésmiðja Jónasar og Egg-
erts hefur á leigu.
Nýlega keypti Landsbankinn
húseignina Naustir á uppboði,
eftir að Naustir hf. sem annaðist
þjónustu við bátaflotann, varð
gjaldþrota. Eignin er til sölu og
rennur tilboðsfrestur út 2. apríl.
Árni Sveinsson, útibússtjóri
Landsbankans á Húsavík, sagðist
vona að í húsinu gæti haldið
áfram svipuð starfsemi og verið
hefur, en eignin stendur við drátt-
arbraut Húsavíkurbæjar. 1M
Síðari undanúrslit í spurningakeppni framhaldsskólanna í kvöld:
Reynuin að viima og fá úrslitaJeikinn norður
segir Jón Pálmi Óskarsson einn keppenda M.A.
„Jú, okkur líst ágætlega á
þetta. Við reynum auðvitað
að vinna þetta og fá úrslita-
leikinn hingað norður,“ sagði
Jón Pálmi Oskarsson, einn úr
keppnisliði Menntaskólans á
Akureyri, sem í kvöld mætir
liði M.S. í undanúrslitum í
spurningakeppni framhalds-
skólanna. Keppnin fer fram
síðla dags í dag en verður
send út hjá Sjónvarpinu í
kvöld.
Lið M.A. skipa þeir Jón
Pálmi, Magnús Teitsson og
Finnur Friðriksson. Fyrir hálf-
um niánuði kcpptu þeir félagar
við lið Ármúlaskóla í Reykja-
vík og unnu rneð nokkrum yfir-
burðunt.
Jón Pálmi segir að undirbún-
ingur þcirra fyrir keppnina hafi
ekki verið sérstaklega mikill cn
liðið hafi þrívegis kornið saman
með Sverri Páli Erlendssyni,
íslenskukennara, og Braga
Guðmundssyni, sögukennara.
„Nei, viö höfum ekkert vcrið aö
leggja okkur á kaf í lestur.
Maður verður að notast við það
sem ntaður vcit. Við höfum
ekki hver okkar sérsvið heldur
reynum við að bæta hvern ann-
an upp," sagði Jón Pálmi.
Lið M.S. þykir mjög sterkt og
óárennilegt en Jón Pálmi segir
aö það vcrði að koma í ljós
hvernig leikurinn þróist.
„Manni skilst að þetta séu ein-
hver „súpermcnni“ þessir tví-
burar en við erum ekkert
smeykir þó þeir hafi sýnt
nokkra yfirburöi," segir Jón
Pálmi.
Klapplið M.A. heldur suður í
dag en Jón Pálmi segir að miklu
máli skipti að hafa góðan stuön-
ing úr salnum. Og ekki er loku
fyrir þaö skotið aö þeim félög-
um berist styrkur frá gömlum
M.A.-ingum í Reykjavík sem
ætlunin er að smala saman og
hvetja liðið. JÓH