Dagur - 31.03.1990, Blaðsíða 5

Laugardagur 31. mars 1990 - DAGUR - 5
HESTAR
Umsjón: Kristín Linda Jónsdóttir
Sýning unglingadeildar Léttis á Vetrarhátíð á Akureyri. Yngsti knapinn, Arnar Þór Sa'þórsson, 6 ára, er íýrir miðri
mynd.
Unglingastarf í hestamannafélagi
Starfsemi
Er hestur efet á
óskalista krakkanna
á þínu heimili?
Únglingastarf hestamannafélaga
hefur aukist inikið á undanförn-
um árum. Enda hlýtur það sama
að gilda í hestaíþróttum eins og
öðrum íþróttum að unglinga-
starfið er vaxtarbroddur hvers
félags. Eða þurfa ekki einhverjir
að taka við af „meistaraflokks-
knöpunum“? Fyrir fjórum árum
var í fyrsta sinn ráðinn sérstakur
unglingafulltrúi til starfa hjá
Landssambandi hestamannafé-
Jaga. Kolbrún Kristjánsdóttir í
Rauðuvík við Eyjafjörð hefur
gegnt þessu starfi frá upphafi.
Kolbrún ferðast um landið og
aðstoðar félögin við uppbyggingu
unglingastarfs. Kolbrún segir
mjög mikilvægt að unglingastarf-
ið byggist þannig upp að allir geti
verið með, byrjendur jafnt sem
vanir. Jafnt þeir sem eiga gæð-
inga og hinir sem ekki hafa yfir
jafn hæfileikamiklum hesti að
ráða. Kolbrún segir að krakkar
vítt og breitt um landið séu farin
að hlakka til sumarsins. Þá verð-
ur mikið um að vera, unglinga-
mót, æskulýðsmót og landsmót.
Unglingadeild
Léttis á Akureyri
í mars 1989 tók til starfa ný deild
hjá Hestamannafélaginu Létti á
Akureyri, unglingadeild. Fimm
manna unglingaráð stýrir starf-
semi deildarinnar. Guðrún Hall-
grímsdóttir sem hefur starfað í
unglingaráði frá upphafi varð við
þeirri ósk að veita okkur upplýs-
ingar um starfsemi deildarinnar,
tilgang og framtíðarverkefni.
Til hvers unglingadeild?
í unglingadeild Léttis geta gengið
öll börn og unglingar sem áhuga
hafa á hestum. í dag eru skráðir
félagar 45 og sífellt fleiri bætast í
hópinn. Markmiðið með starf-
semi deildarinnar er að styðja
þau ungmenni sem áhuga hafa á
hestamennsku. Gefa þeim tæki-
færi til að kynnast, vinna saman
og fá aðstoð frá leiðbeinendum.
Að sögn Guðrúnar hafa helstu
þættir í starfsemi unglingadeild-
arinnar. á þessu fyrsta starfsári,
verið útreiðartúrar, námskeið,
sýningar og unglingamót. Skipu-
lagðir voru útreiðartúrar þar sem
krökkum gafst tækifæri til að ríða
út saman með umsjón leiðbein-
enda. Það er skemmtileg tilbreyt-
ing fyrir þau í stað þess að vera
ýmist ein á ferö eða í fylgd for-
eldra. Það hvetur þau til að
hjálpast að og læra að taka tillit
hvert til annars.
Guðrún sagði að strax í upp-
hafi hafi verið ákveðið að lcggja
mikla áherslu á þann þátt sem
snýr að sýningum, keppni og
leikni í hestaíþróttum. „Það er
krökkum hvatning til að leggja
sig fram og aga sjálfa sig að hafa
ákveðið markmið til að stefna að.
Á námskeiði þar sem þau cru
þjálfuö fer þeim oft geysilega
fram á stuttum tíma. Þá fá þau
aukið sjálfsöryggi og í íramhaldi
af því taka þau svo þátt í sýning-
um og keppnum."
Síðastliðið sumar var haldið
unglingamót á vegum deildarinn-
ar hér á Akurcyri. Á mótinu var
lögð áhersla á að hafa fjölbreytt-
ar keppnisgreinar við allra hæfi.
Unglingadeildin tók þátt í sýn-
ingu í Reiðhöllinni 5.-7. maí síð-
astliðið vor. Fyrir sýningarhóp-
inn sem fór suður verður þessi
ferð ævintýri sem aldrei gleymist.
Hvað er framundan?
Guðrún segir að hjá Unglinga-
ráði Léttis sé mikill áhugi fyrir
hendi að leigja eða kaupa hest-
hús fyrir unglinga. Hugsanlegt er
að strax næsta vetur verði unnt
að leiga hesthús undir þessa starf-
semi. Þá gætu unglingar leigt þar
bás fyrir sinn hest. Einnig er
stefnt að því að unglingadeildih
hafi á sínum snærum land fyrir
liesta unglinganna.
Að sögn Guðrúnar hefur ungl-
ingadeildin áhuga á að halda
æskulýðsmót á Melgerðismelum
næsta sumar. Jafnvel með þátt-
töku allra hestamannafélaga á
Norðurlandi eystra. Hugmyndin
er að dagskrá mótsins yrði fjöl-
breytt og auk keppni yrði til
dæmis námskeið, útreiðartúrar,
sýningar og skemmtanir.
Á aðalfundi Léttis var sam-
þykkt tillaga til skólanefndar
Akureyrarbæjar um að taka
hestamennsku upp sem valgrein í
9. bekk í grunnskólum bæjarins.
Hestamennska er nú þegar val-
grein í mörgunt skólum og hefur
reynsla af því verið jákvæð.
..Ad eigu sér draum"
- um iið eigrmst hest. -
Alla tíð hafa verið til börn og
unglingar sem dreymir um að
eignast hest. Mörg sjá þau draum
sinn rætast þegar þau fá liest í
fermingargjöf.
Unglingum er það ómetanleg
reynsla að öðlast vináttu hestsins.
Byggja upp samband viö hann
sem einkennist af trausti og virð-
ingu fyrir getu, þörfum og tilfinn-
ingum hvors annars. Saman fá
hesturinn og unglingurinn tæki-
færi til að njóta náttúru landsins.
hollrar hreyfingar og útivistar.
Þeir takast á við ný og ný verk-
efni, skynja framfarir, takt. mýkt
og „frelsi í faxins hvin".
Hestamennska er gefandi og
jákvætt áhugamál sem gerir kröf-
ur til unglingsins um reglusemi,
ástundun og árangur. Með því að
gefa barninu þínu tækifæri til að
stunda hestamennsku kemur þú
ef til vill í veg fyrir að svo kallað
unglingavandamál skjóti upp
kollinum á þínu heimili.
í hverju er
hestamennska fólgin?
Að eiga hest er fjölþætt og viða-
mikið verkefni. Því cr mikilvægt
að unglingur sem vill eignast
hest, og foreldrar hans, gcri sér í
upphafi grein fyrir í hverju hesta-
mennska er fólgin.
Á haustin þarf að útvega pláss
fyrir hestinn í húsi, hey og annað
fóður. Að sjáifsögðu þarf að
„fara í húsin“, moka út, kemba
og gefa hestinum, á hverjum ein-
asta degi meðan liann er á húsi.
Hér norðanlands getur þurft að
hafa hcsta á húsi allt að 7 mánuði
á ári. Þegar vorar þarf að útvega
beitiland handa hestinum og oft
þarf að útvega honurn nýtt hólf
fyrir haustbeitina. Auk þess þarf
að járna hestinn reglulega. Það
er því augljóst að fyrir krakka
sem ekki eiga foreldra eða aö-
standendur í hestamennsku eru
ótal ljón í veginum.
Ýmsir möguleikar
Það er mikilvægt fyrir foreldra
þeirra krakka sem vilja eignast
hest að kynna sér vel þá mögu-
leika sem fyrir Itendi eru. Það
getur verið skynsamlegt að byrja
á því aö gefa krakkanum tækifæri
til að fara á reiðnámskeið þar
sem þátttakendum eru útvegaðir
hestar. Fara í „hestasveit" eða
reiðskóla. Aö því loknu má svo
ræða framhaldið. Ef niðurstaðan
veröur sú aö kaupa skuli hest er
nauðsynlegt að byrja á því að
kynna sér hvar hægt sé aö fá
aðstöðu fyrir hestinn. Unglinga-
deildir. nefndir eöa fulltrúar
hestamannafélaganna geta veitt
upplýsingar um þá möguleika
sem eru fyrir hendi. á hverjum
stað.
„Dýr draumur“
Því veröur ekki neitað að hesta-
mennska er „dýrt sport" hvort
sem hún er stunduð sem áhuga-
mál eða íþrótt. í fytsta lagi kostar
aðstaöa og fóður handa hestinum
sitt. í öðru lagi þarf að kaupa
skeifur og reiðtygi. Fyrsta flokks
hnakkur með öllum búnaði kost-
ar nýr í dag um 50.000,- kr. Ýms-
ar ódýrari gerðir eru fáanlegar
auk þess sem oft er hægt að
kaupa ágæta notaða hnakka.
Gott beisli og ntúll kosta í kring-
um 5.000,- kr. Skeifnagangurinn
kostar svo rétt um l .000,- kr.
í þriðja lagi þarf knapinn á
ýnisuni búnaði að halda. Þegar
börn og unglingar eiga í hlut ber
skilyrðislaust að kaupa handa
þeim öryggishjálm og endur-
skinsnterki til að nota við útreið-
ar. Þar á eftir kemur svo heppi-
legur fatnaður svo sem reiðbuxur
og rciðstígvél.
Síðast en ekki síst er það reið-
skjótinn sjálíur, eitthvað kostar
hann? Hægt er að kaupa hesta
allt frá því verði sem fæst fyrir
hross á sláturhúsi og upp í nokkr-
ar milljónir. Taminn reiöhestur
sem er gallalaus en þó ekki gæð-
ingur cr hugsanlegur sem barna-
eða unglingahross. Hann gæti
kostað á bilinu 50-150 þúsund.
Aö kaupa hest
Hestar eru lifandi dýr sent búa
yfir fjölbreyttum eiginleikum og
mismunandi persónuleika og
gctu. Það er ákaflega vandasamt
vcrk að kaupa hest. Góðir barna-
og unglingahestar eru mjög eftir-
sóttir en um leið vandfundnir.
Hesturinn þarf að vera traustur,
vel taminn og þokkalega viljug-
ur. Mikilvægast af öllu er að ungi
hestamaðurinn heillist af hestin-
um. Að rnilli þeirta liggi þessi
leyniþráður sem cr undirstaða
vináttu og ástar.

Ninna Þórarinsdóttir 7 ára, með besta vini sínurn, hestinum Fölva. Þarna hafa þau fengið sinn fyrsta verðlaunapening á hestamanna- móti á Melgerðismelum. Ninna byrjaði að ríða út þegar hún var þriggja ára. í sumar urðu hún og Fölvi í fyrsta sæti, í yngsta flokki, í tölti á unglingamóti á Akureyri þá var Ninna 9 ára. Ninnu finnst gaman að taka þátt í keppni en allra skemmtilegast finnst henni samt að fara í ferðalög á hestum. Einu sinni fór Ninna ríðandi frá Akureyri í Einarsstaði í Reykjadal. „Það var æði“ sagði þessi áhugasama hestastelpa.
Forráðamenn hestamannafélaga, íþrótta-
deilda, hrossaræktarsambanda, og aðrir
áhugamenn um hesta á lesendasvæði Dags,
athugið!
Hestar er okkar þáttur, ykkar tækifæri til að
koma fréttum á framfæri. Látið í ykkur heyra.
Utanáskriftin er: Dagur - Hestar
Strandgötu 31
600 Akureyri