Dagur - 07.06.1991, Blaðsíða 4

4 - DAGUR - Föstudagur 7. júní 1991
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 1100 Á MÁNUÐI
LAUSASÖLUVERÐ 100 KR.
GRUNNVERÐ DÁLKSENTIMETRA 725 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (Iþróttir),
KÁRI GUNNARSSON (Sauðárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR ÞÓR HALLDÓRSSON, STEFÁN SÆMUNDSSON,
ÞÓRÐUR INGIMARSSON, LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRlMANN FRÍMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Að uppgötva
raunveruleikann
Ríkisstjórn Davíðs Oddssonar hefur ekki setið
lengi á valdastóli, og því takmörkuð reynsla af
henni enn sem komið er. Þó hefur ýmislegt litið
dagsins ljós sem ekki boðar gott, og kemur
spánskt fyrir sjónir.
Vandi atvinnulífsins kom til umræðu á ríkis-
stjórnarfundi fyrir nokkrum dögum. Eftir þann
fund kom forsætisráðherra fram í fjölmiðlum og
taldi upp margvíslegan vanda sem við væri að
etja. Þrennt er efst á baugi, en það er vandi Ála-
foss hf., fiskeldisfyrirtækja og Síldarverksmiðja
ríkisins. Hér er í öllum tilvikum um mál að ræða
sem krefjast skjótrar úrlausnar og þola ekki bið.
Það virtist koma forsætisráðherra mjög á óvart
að vandamál þessara tveggja stórfyrirtækja og
fiskeldisins skyldu koma svo skyndilega upp á
borðið. Davíð lýsti því yfir að rekja mætti vand-
ann til slæmrar stjórnarstefnu á undanförnum
árum.
Þeir sem fylgst hafa með þjóðmálaumræðunni
vita að hér er ekki um ný heldur gömul vanda-
mál að ræða. Vandi Álafoss hf. var á borði fyrri
ríkisstjórna um árabil, og almennt var vitað um
gífurlega erfiða stöðu þess fyrirtækis. Það sama
má segja um Síldarverksmiðjur ríkisins, vandi
þeirra var alþjóð kunnur, svo ekki sé minnst á
fiskeldið. Menn hljóta því að spyrja þeirrar
spurningar hvort ríkisstjórnin sé einangruð frá
veruleika atvinnulífsins í landinu.
Að kenna ríkisstjórn Steingríms Hermanns-
sonar um vandann er auðvitað rangt. Það er ein-
um of ódýr lausn að finna einhvern blóraböggul
til að kenna um hvernig komið er í þremur mikil-
vægum atvinnugreinum landsmanna. Fyrri
ríkisstjórn sannaði einmitt að mögulegt var að
ná stöðugleika í efnahagslífinu og samstöðu
allrar þjóðarinnar um að keyra niður verðbólgu.
Sú stefna ríkisstjórnarinnar að vilja losna með
einföldum hætti við vandamálin og skjóta sér
undan ábyrgð er ekki traustvekjandi. Vandi
atvinnulífsins verður ekki leystur með því að
leggja atvinnufyrirtækin niður. Ríkisstjórnin
verður að taka ábyrgari afstöðu og leggja sitt af
mörkum til að skapa atvinnulífinu heilbrigðan
rekstrargrundvöll. Síldarverksmiðjur ríkisins
hafa oft malað gull, og Álafoss hf. er af kunnug-
um talinn eiga framtíð fyrir sér ef reksturinn fær
að byrja með hreint borð. Ríkið getur ekki held-
ur hlaupist undan ábyrgð hvað snertir fiskeldið,
því þá væri örugglega verið að kasta þeim fjár-
munum á glæ sem varið hefur verið til upp-
byggingar greinarinnar, m.a. af almannafé.
EHB
Biskupsvísitasía í Skagaflarðarprófastsdæmi:
„Skagfirðingar syngja
líka í kirkjunum sínum“
segir herra Ólafur Skúlason
Myndir: SBG
Biskup íslands, Ólafur Skúla-
son, hefur nú lokið vísitasíu
sinni um Skagafjarðarprófasts-
dæmi sem staðið hefur frá 26.
maí síðastliðnum. Á þeim tíma
hefur biskup heimsótt söfnuði í
prófastsdæminu og tekið þátt í
21 messu. Einnig hefur hann
farið á vinnustaði fólks og leit
m.a. við í Fiskiðju Sauðár-
króks. í för með herra Ólafi
við vísitasíuna eru kona hans,
frú Ebba Sigurðardóttir og
prófastshjónin, séra Hjálmar
Jónsson og frú Signý Bjarna-
dóttir. Dagur hitti herra Ólaf
að máli eftir messu sl. þriðju-
dag í Miklabæjarkirkju.
„Petta er tíundi sunnudagur-
inn í röð eins og sr. Hjálmar
segir, en við erum búnir að messa
tvisvar og þrisvar á degi hverjum
og sitja svo veisluboð jafn oft,“
sagði herra Ólafur Skúlason.
Að sögn biskups felst í vísitasíu
tvíþættur tilgangur. Annars
vegar, að biskup komi til safnað-
arins og kynni sér ástand kirkju,
aðbúnað og hvort þörf sé á við-
gerðum eða öðru. Hinsvegar að
söfnuðurinn átti sig á að hann er
hluti stærri heildar heldur en
nemur bara prestakallinu og
prófastsdæminu, að hann er hluti
af þjóðkirkju Islands.
„...að tala við fólkið“
„Ég hef sett mér það markmið
meðan ég megna, að vísitera tvö
prófastsdæmi á ári og með því
móti ætti mér að takast að vísitera
þau öll á mínum tíma, en á land-
inu eru sextán prófastsdæmi,“
sagði biskup.
Síðasta biskupsvísitasía til
Skagafjarðarprófastsdæmis var
þegar herra Sigurbjörn Einarsson
vísiteraði það árið 1967 og sagði
herra Ólafur að það hefði því
verið kominn tími til að vísitera
prófastsdæmið að nýju. Að sögn
hans munar mikið um, að sr.
Hjálmar hefur fyrir skömmu
skrifað ítarlega lýsingu á hverri
kirkju í prófastsdæminu og mun-
um þeim sem kirkjan á, svo að
hann sem biskup hefur ekki þurft
að sinna því.
„Ég hef getað einbeitt mér að
því sem mér finnst að biskups-
vísitasía eigi frekar að vera, að
tala við fólkið, söfnuðinn, en ég
álít að prófastarnir eigi að annast
eftirlit með að öllu sé haldið til
haga hvað eigur kirkjunnar varð-
ar og samanburð við fyrri vísi-
tasíur,“ sagði biskup.
Syngja líka í kirkjunum
Þegar biskup var spurður að því,
hvort honum þætti eitthvað
sérstakt við Skagafjarðarprófasts-
dæmi, svaraði hann:
„Skagfirðingar hafa alltaf verið
taldir miklir gleðimenn og eru
annálaðir fyrir söng á hestamót-
um og öðru þess háttar, en ég
held að við getum bætt kirkjun-
um við. Pað er alveg einstaklega
fallegur söngur hér og kirkjukór-
arnir mjög góðir, þannig að þeg-
ar ég heyri næst sagt að Skagfirð-
ingar syngi á hestamótum ætla ég
svo sannarlega að bæta við, og í
kirkjunum sínum.
Annars hefur þetta verið svo-
lítið sitt með hverjum svip, hvort
það eru örlitlar sveitakirkjur eða
stærri kirkjur, en inntakið er það
sama, að kynnast fólkinu,
aðstæðum og rétta því hjálpar-
hönd ef maður mögulega getur.“
Vísitasíu herra Ólafs Skúla-
sonar lauk með messu í Ketu-
kirkju á Skaga seinnipart föstu-
dags, en önnur vísitasía biskups
íslands á þessu ári, hefst í sept-
ember og mun hann þá vísitera
Eyjafjarðarprófastsdæmi. SBG