Dagur - 14.09.1991, Blaðsíða 3

Laugardagur 14. september 1991 - DAGUR - 3
Fréttir
Embætti þjóðgarðsvarðar á Þingvöllum:
Ragnheiður Erla og Ágúst
Sigurðsson meðal umsækjenda
Tveir prestar af Norðurlandi
sækja um stöðu þjóðgarðs-
varðar á Þingvöllum. Þetta eru
sr. Ragnheiður Erla Bjarna-
dóttir, sóknarj)restur á Raufar-
höfn, og sr. Agúst Sigurðsson,
sóknarprestur á Prestbakka í
Húnaþingi.
Staða þjóðgarðsvarðar var
auglýst laus til umsóknar eftir að
sr. Heimir Steinsson, núverandi
þjóðgarðsvörður, var ráðinn
eftirmaður Markúsar Arnar
Antonssonar, borgarstjóra í
Reykjavík, í stöðu útvarpsstjóra.
Auk sr. Ragnheiðar og sr.
Agústs sækja sjö um embætti
þjóðgarðsvarðar. Þrír óska nafn-
leyndar, en hinir eru sr. Guð-
mundur Örn Ragnarsson, Reykja-
vík, Guðrún Edda Gunnarsdótt-
ir, guðfræðingur, Reykjavík, sr.
Hanna María Pétursdóttir, Skál-
holti, og sr. Rögnvaldur Finn-
bogason, sóknarprestur á Stað-
arstað. óþh
Fjórðungssjúkrahúsið á Akureyri:
Júlíus Gestsson skipaður
yfírlæknir bæklunardeildar
Stjórn Fjórðungssjúkrahússins
á Akureyri gekk frá ráðningu
yfírlæknis við bæklunardeild
sjúkrahússins sl. fímmtudag.
Júlíus Gestsson, sérfræðingur í
bæklunarskurðlækningum, tek-
ur við stöðunni, en hann hefur
starfað sem sérfræðingur við
Fjórðungssjúkrahúsið á Akur-
eyri frá árinu 1982.
• Júlíus er fæddur í Garðinum
árið 1945. Hann varð stúdent frá
Menntaskólanum á Akureyri
1966 og nam síðar læknisfræði
við Háskóla íslands. Framhalds-
nám í bæklunarskurðlækningum
stundaði Júlíus í Svíþjóð. Arið
1982 réðst Júlíus til starfa við
Fjórðungssjúkrahúsið á Akureyri
og hefur starfað þar síðan sem
sérfræðingur í grein sinni. Skip-
unarbréf sem yfirlæknir bæklun-
ardeildar fékk Júlíus sl. fimmtu-
Júlíus Gestsson.
dag en áður hafði hann gegnt
stöðunni í fráveru Halldórs Bald-
urssonar, yfirlæknis. ój
Viljum að ríkið
lækkí tolla á bflum
- segir Stefán Pétursson hjá
Félagi íslenskra bifreiðaeigenda
„Það er ekki fundin lausn á
þessu. Við reynum að ýta á eft-
ir málinu eins og við getum,“
segir Stefán Pétursson, hjá
Félagi íslenskra bifreiðaeig-
enda. Fyrir dyrum stendur að
herða reglur um mengunar-
varnabúnað bíla og vinna
umhverfís- og dómsmálaráðu-
neyti nú að undirbúningi
þeirra. Ljóst er að í kjölfar
þessara hertu reglna munu bíl-
ar hækka í verði. Félag
íslenskra bifreiðaeigenda hefur
farið þess á leit við stjórnvöld
að þau lækki tolla á bflum sem
þessari hækkun nemur. Engin
niðurstaða er komin í málið,
en Stefán Pétursson segir að
fjármálaráðherra hafí ekki tek-
ið málaleitan félagsins illa.
í gildi eru tvær reglugerðir um
mengunarvarnabúnað bíla, ann-
ars vegar ákvæði um viðmiðunar-
mörk efna í útblæstri bíla frá
árinu 1990 og hins vegar ákvæði
um gerð og búnað ökutækja frá
1989. Þessar reglur stangast á og
væntanleg breyting felur í sér
samræmingu.
Samkvæmt upplýsingum úr
stjórnkerfinu munu nýju reglurn-
ar fela í sér að allar léttar fólks-
bifreiðar, allt að 3500 kg, með
bensínvél, nýjar og notaðar, sem
fluttar verða inn eftir 1. júlí 1992,
verði útbúnar mengunarvarna-
búnaði til að fullnægja alþjóðleg-
urn viðmiðunum um útblástur
bíla. Ákveðið er að miða við þrjá
prófunarstaðla, einn bandarískan
og tvo evrópska.
Innflutningur á bílum með
þessum búnaði mun vera hafinn
og þegar hafa nokkur þúsund
slíkir bílar verið fluttir til
landsins.
Við það er miðað að þessar
nýju mengunarvarnareglur
verði gefnar út fyrir 1. nóvember
nk. og komi til framkvæmda 1.
júlí 1992 fyrir alla umrædda bíla.
Stefán Pétursson hjá FÍB segir
að félagið vilji ekki standa gegn
hertum reglum um mengunar-
varnabúnað. Þessar reglur hafi
þegar tekið gildi í mörgum öðr-
um löndum og íslendingar verði
að fylgja alþjóðlegunt viðmiðun-
um. Hins vegar hafi FÍB ýmislegt
við það að athuga ef bílar eigi að
hækka í verði sem nemur kostn-
aði vegna hertra mengunarvarna.
í nágrannalöndunum hafi tollar
verið lækkaðir á bílum sem nem-
ur þessum kostnaði og krafá væri
um að slíkt hið sama yrði gert hér
á landi. Stefán sagði að ríkið teldi
að mengunarvarnabúnaðurinn
hækkaði verð á bílum um ca. 60
þúsund krónur, en samkvæmt
útreikningum FÍB næmi hækkun-
in um 100 þúsund krónum. óþh
Klukkan tíu í gærmorgun hófst slátursala hjá Kaupfélagi Eyfirðinga á Akureyri. Ef marka má biðröð, sem niynd-
aðist fyrir utan slátursöluna í gær skömmu fyrir opnun, verður slátursalan lífleg í ár, enda slátur ódýr og góður
matur. Mynd: Golii
Sauðárkrókur:
Nýr gangstígur upp í Hverfi
Vegna byggingar bóknámshúss
við Fjölbrautaskóla Norður-
lands vestra á Sauðárkróki lok-
aðist í sumar fjölfarin leið fyr-
ir gangandi og hjólandi vegfar-
endur sem fara þurfa niður í
bæ úr Hlíðahverfi og öfugt.
Bæjaryfírvöld hafa nú ákveðið
legu nýs gangstígs og verður
ráðist í gerð hans á næstunni.
Hinn nýi gangstígur mun liggja
vestan götunnar, sem tengir
bæjarhlutana, og gerð verður ný
göngubrú yfir Sauðána vestan
akbrúar. Að sögn Snorra Björns
Sigurðssonar, bæjarstjóra, mun
framkvæmdum verða hraðað eins
og mögulegt er, en hann segir að
þvt' miður verði þessi stígur ekki
ýkja góður fyrir fólk með barna-
vagna eða reiðhjólamenn þar
sem hann verði malarborinn.
Auk þess að leggja þennan
nýja gangstíg verður sett gang-
braut á Sauðárhlíð ofan gatna-
móta við Sæmundarhlíð og
einnig verður stígurinn, sem ligg-
ur neðan úr bæ og upp að sjúkra-
húsi, lagaður. SBG
Síldarútvegsnefnd:
Sfldarsölusairmingar enn óklárir
Enn sem komið er er allt
óvissu með samninga um sölu
á saltaðri og frystri síld. Óviss-
an er þó kannski hvað mest
varðandi sölu á saltsíld til
Sovétríkjanna og erfítt er að
spá fyrir um hvernig því máli
lyktar.
Samkvæmt upplýsingunt Síld-
arútvegsnefndar er þess vænst að
niðurstöður fyrirfrantsamninga
við Svía, Finna o.fl. kaupendur
liggi fyrir um næstu mánaðamót,
eða í síðasta lagi í byrjun októ-
ber.
Meiri óvissu gætir um saltsíld-
arsölu austur til Sovétríkjanna.
íslensk stjórnvöld ræddu við full-
trúa rússneska lýðveldisins í
Moskvu í lok júlí og byrjun ágúst
og var gert ráð fyrir að viðskipta-
samningur yrði formlega undir-
ritaður í Reykjavík í lok ágúst
eða byrjun september. Vegna
heintssögulegra atburða þar eystra
hefur þó orðið dráttur á frágangi
viðskiptasamningsins. Þetta hef-
ur m.a. sett töluvert strik í reikn-
inginn með sölu saltsíldar til
Rússlands.
Þá er þess að geta að nú er
unnið að gerð samnings um sölu
saltsíldar til Póllands. Samkvæmt
upplýsingum Síldarútvegsnefnd-
ar eru líkur á áframhaldandi salt-
síldarsölu þangað ef næst sam-
komulag um greiðsluskilmála.
Síldveiðar máttu hefjast í byrj-
un þessa mánaðar, en varla er
gert ráð fyrir að menn hugsi sér
til hreyfings með veiðar fyrr en
um næstu mánaðamót. Það er því
mikilvægt að línur fari að skýrast
með sölu á bæði saltsíld og frystri
síld. óþh
Fjölbreytt dagskrá fyrir
almenning
í KA húsinu í vetur
Tímatafla
Kl. Mán. Þrið. Mið. Fimmt. Föst.
17-18 Leikf. A Sjálfsv. Sjálfsv. Leikf. A Sjálfsv.
18-19 Leikf. B Leikf. A Leikf. B Leikf. B Þríþraut
19-20 Trimm Ganga Trimm Trimm
20-21 Ganga Þríþraut Þríþraut Gagna
21-22
Leiðbeinandi: Cees van de Ven - Byrjar: 1. október
Upplýsingar og skráning í síma 27541 á milli kl. 20.00 og 22.00.
Skráið ykkur sem fyrst. Takmarkaður fjöldi í hverjum hóp.
(Unglingar athugið að sjálfsvörn er líka fyrir ykkur!)