Dagur - 11.06.1992, Blaðsíða 2

2 - DAGUR - Fimmtudagur 11. júní 1992
Fréttir
Landbúnaðarráðherra á bændafundi í Eyjafirði:
Of mikil yflrstjórn greiðir ekki
götu bænda út úr erflðleikunum
- engum betur ljóst en bændum hveiju breytingarnar valda og ábyrgðin er í höndum þeirra
„Of mikil yfirstjórn í landbún-
aði getur ekki orðið til þess að
greiða götu hans út úr þeim
erfíðleikum sem hann á nú í.
Dæmi um það er lambakjötið
sem nú er eina kjötafurðin er
lýtur opinberri markaðsteng-
ingu og forsjá og spyrja má
hver sé árangurinn af því -
stöðugur samdráttur í sölu og
neyslu lambakjöts.“ Þetta var
kjarninn í lokaorðum Halldórs
Blöndal, landbúnaðarráðherra
á fundi með eyfírskum bænd-
um í Laugarborg í Eyjafjarðar-
sveit á þriðjudagskvöld.
Halldór kom víða við í yfir-
gripsmiklu erindi sínu um stöðu
landbúnaðarmála um þessar
mundir. Hann hóf mál sitt á því
að ræða um hinar hefðbundnu
greinar landbúnaðar og þá miklu
breytingu sem nú væri að eiga sér
stað þegar þær hyrfu úr vernduðu
umhverfi þar sem framleiðendum
hafi verið tryggt verð fyrir fyrir-
fram ákveðið magn af búvöru.
Halldór sagði að engum væri bet-
ur ljóst en bændum sjálfum
hverju þessar breytingar myndu
valda og ábyrgðin um hvernig til
muni takast sé fyrst og fremst í
höndum þeirra sjálfra. Halldór
rakti síðan þróunina í sauðfjár-
ræktinni og skýrði þann mikla
niðurskurð sauðfjár sem ákveð-
inn er á komandi hausti. Hann
sagði niðurskurðartölur hærri en
í upphafi hefði verið gert ráð fyr-
ir vegna þess að minna hefði orð-
ið um uppkaup fullvirðisréttar á
síðastliðnu sumri og einnig vegna
þess að fullvirðisréttur er verið
hafi óvirkur vegna riðuveiki eða
verið í tímabundinni leigu yrði
nú virkur á ný í meira mæli en
gert hefði verið ráð fyrir. Vegna
þess hefði tilboð ríkisins um upp-
kaup frá því á síðasta ári verið
framlengt.
Halldór sagði óhjákvæmilegt
að bændum fækki og byggðir
dragist saman. Enginn pólitískur
vilji sé til greiðslu óraunhæfs
afurðaverðs og bændur verði
einnig að losna úr þeim fjötrun
stjórnunar sem þeir hafi verið
reyrðir í. Hann minntist því næst
á hugtakið að vera sjálfbær og
sagði að íslenskur landbúnaður
væri sjálfbær að því marki að
hann sé rekinn í sátt við umhverfi
sitt og bændur þyrftu einnig að
standa traustum fótum hvað
rekstur snerti. Hann sagði að
nútíma landbúnaður væri mark-
aðssækinn - enginn vildi fram-
leiða vöru sem ekki væri neinn
markaður fyrir. Halldór ræddi
síðan nokkuð um aðferðir við
sölu á lambakjöti og sagði að
skyndisölur væru til þess fallnar
að draga úr heildarneyslu því
þótt söluaukning yrði í bráð þá
héldu neytendur að sér höndum á
eftir í von um aðra útsölu. Á síð-
ast liðnu hausti hefði verið gripið
til þess ráðs að selja eldra kjöt úr
landi til þess að bjóða aðeins nýtt
kjöt í sláturtíðinni en gefa fólki
ekki kost á að byrgja sig upp af
eldra kjöti skömmu fyrir slátur-
tíð.
í máli landbúnaðarráðherra
um EES- samningana kom fram
að hann teldi íslendinga hafa fullt
leyfi til þess að setja verðjöfnun-
argjald á vörur sem ekki hafi ver-
ið leyft að flytja inn og því ekki
þurft á verðjöfnunargjaldi að
halda á þessum árum en um túlk-
un þessa atriðis hafa staðið deilur
að undanförnu. Varðandi
GATT- samningana sagði Hall-
dór Blöndal meðal annars að
sársaukafullt væri að þurfa að
hverfa frá útflutningsbótum og
veruleg vonbrigði fælust í að ekki
væri gengið lengra í átt til niður-
fellingar þeirra í tillögum
Arthurs Dunkels að GATT-sam-
komulagi og íslendingar áskildu
sér rétt til þess að taka útflutn-
ingsbætur upp að nýju í samræmi
við stöðu mála í nágranna-
löndunum ef GATT-samkomu-
lag um landbúnað, sem að öllum
líkindum muni nást á næstu tveim-
ur árum, taki mið af hugmyndum
um greiðslu útflutningsbóta á
landbúnaðarafurðir. Halldór
ræddi síðan um innflutning á
landbúnaðarafurðum sem afleið-
ingu af væntanlegu GATT-sam-
komulagi og sagði að gera mætti
ráð fyrir að íslendingar hefðu um
90% af innanlandsmarkaðnum í
lok aðlögunartímabils samning-
anna. Hann sagði einnig að gera
mætti ráð fyrir að störfum við
hefðbundinn landbúnað myndi
fækka um 2% á ári næstu árin
vegna milliríkjasamninganna ef
ekki tækist að koma á fót útflutn-
ingi á landbúnaðarvörum.
Miklar umræður urðu á fund-
inum þar sem bændur lýstu
áhyggjum sínum um stöðu og
þróun mála í íslenskum landbún-
aði. í máli margra fundarmanna
kom einnig fram að losa þurfi um
þá miðstýringu er verið hafi við
Iýði að undanförnu þótt menn
vilji ganga mishratt til. þess verks
og skoðanir séu skiptar um á
hvern hátt breyta eigi um starfs-
aðferðir. ÞI
—
AKUREYRARB/ER
FELAGSMALASTOFNUN AKUREYRAR
Atvinnuleit fyrir fatlaða
í athugun er að halda á Akureyri, tölvunám-
skeið fyrir fatlaða ef næg þátttaka fæst.
Kenndar yrðu 20 stundir á 4-6 dögum.
Þeir sem áhuga hafa á að taka þátt í námskeiðinu
hafi samband við Maríu í síma 25880 milli kl.
10.00 og 12.00 f.h. sem gefur nánari upplýsingar.
Akureyri:
Fyrsta skemmtiferða-
skipið kom í gær
Fyrsta skemmtiferdaskip
sumarsins, Kazakhstan,
kom til Akureyrar í gær.
Eins og nafnið gefur til
kynna er skipið frá Samveldi
fyrrum Sovétlýðvelda en
farþegarnir voru flestir frá
Þýskalandi.
Skipið kom til Akureyrar í
gærmorgun frá Reykjavík og
hélt aftur úr höfn um kl. 21 í
gærkvöld. Um 260 farþegar
fóru í skoðunarferð til
Mývatnssveitar en aðrir spók-
uðu sig í miðbæ Akureyrar.
Skemmtiferðaskip munu
koma alls 18 sinnum til Akur-
eyrar í sumar og er það svipað
og í fyrra. Það næsta kemur
23. júní. JHB
Blönduós:
Skauthundáfæri
Hundur var skotinn á færi á
Blönduósi fyrir skömmu.
Hann hafði verið að elta
gæsir og sauðfé á túni og var
á leið til eiganda síns þegar
maður skaut hann tveimur
skotum úr bifreið. Eigandi
hundsins kærði skotmann-
inn og er rannsókn málsins
lokið að öðru leyti en því að
beðið er kröfugerðar frá eig-
anda hundsins.
Atburðurinn átti sér stað
skammt frá sjúkrahúsinu á
Blönduósi. Hundurinn, írskur
setter sem var í eigu aðkomu-
fólks, hafði verið að eltast við
sauðfé og villtar gæsir á túni
nokkru og var á leið til eig-
anda síns þegar maður í bif-
reið skaut hann tveimúr skot-
um og dró hann helsærðan inn
í bílinn. Eigandi hundsins ók í
veg fyrir byssumanninn og í
framhaldi af því var farið með
hundinn til dýralæknis þar sem
hann drapst.
Kristján Þorbjörnsson, yfir-
lögregluþjónn á Blönduósi,
sagði að málsatvik lægju nokk-
uð Ijós fyrir en beðið væri
kröfugerðár eiganda hundsins.
Þegar hún berst verður málið
sent ríkissaksóknara. JHB
Sumarskólinn
á Akureyri
Sérnámskeið - síðdegis
Leikræn túlkun og leikir
fyrir 6-7 ára (kl. 16.15-17.25) kr. 7.200,-
fyrir 8-9 ára (kl. 17.35-19.00) kr. 8.300,-
Tvö tímabil: 19/6.-4/7. og 10/7.-25/7.
Leiðbeinendur: Rósa Rut Þórisdóttir, Ásta Arnardótt-
ir og Örn Ingi.
Upplýsingar og skráning í síma 22644.
Til leigu
Til leigu er húsnæði það sem Sjúkra-
samlag Akureyrar hefur haft á leigu í
Gránuféiagsgötu 4 (J.M.J. húsinu).
Húsnæðið er tilvalið fyrir verslun eða skrif-
stofur. Þægilegt að leggja bílum á staðnum.
Uppl. gefur Jón M. Jónsson, símar 24453 og
27630.
Aðalfundur Sambands íslenskra hitaveitna:
Franz Ámason endurkjörinn formaður
- vandamál
Aöalfundur Sambands íslenskra
hitavcitna var haldinn á Sauð-
árkróki fímmtudag og föstudag
í síðustu viku. Fimm manna
stjórn var endurkjörin á fund-
inum og voru haldin nokkur
fagleg erindi auk þess sem farið
var í skoðunarferðir. Hita-
veitur á landinu skipta tugum
en 33 hitaveitur eru í sam-
tökunum. Auk þeirra eru 10
vatnsveitur auka-aðiiar að sam-
bandinu.
Franz Árnason, hita- og vatns-
veitustjóri á Akureyri, var endur-
kjörinn formaður sambandsins.
Auk hans eru aðalmenn áfram
Ásbjörn Ó. Blöndal, veitustjóri á
Selfossi, Gestur Þórarinsson,
hita- og vatnsveitustjóri á Blöndu-
ósi, Gunnar Kristinsson, hita-
veitustjóri í Reykjavík og Jón H.
Ásbjörnsson, hita- og vatnsveitu-
stjóri í Mosfellsbæ. Stjórnarmenn
hafa enn ekki skipt með sér
verkum. Á fundinn mættu, auk
veitustjóra, nokkrir veitustjórn-
armenn og starfsmenn veitustofn-
anna og voru fundarmenn um 100
talsins.
rekstri veitustofnana
Að sögn Franz hefur Samband
íslenskra hitaveitna á stefnuskrá
sinni að halda fundi á þéttbýlis-
stöðum á landsbyggðinni þar sem
hitaveita er starfrækt. Einkum
voru á dagskrá fagleg málefni sem
voru rækt með erindum og skoð-
unarferðum. M.a. var sagt frá
útfellingu hitaveituvatns í Reykja-
vík og vandamálum sem tengjast
bráðatæringu. Bráðatæring verð-
ur þegar súrefnisríkt kalt vatn
sleppur yfir í heita vatnið en
þrýstingur á kalda vatninu er
hærri en í því heita og því hleypa
sum blöndunartæki í milli. Að
Franz Árnason.
ekki teljandi
sögn Franz eru vandamál í rekstri
veitustofnana ekki teljandi og var
því ekkert ályktað á fundinum.
GT
Aðaldalur:
Eitt tilboð í
stjómsýsluhúsið
Eitt tilboð barst í byggingu 289
fm. stjórnsýsluhúss, björgun-
arstöðvar og slökkvistöðvar í
Aðaldal. Um var að ræða lok-
að útboð innan hreppsins og
kom tilboðið frá Hermanni
Sigurðssyni, Hraunkoti II.
Um er að ræða uppsteypu á
húsinu, að koma því á fokheldis-
stig og annast frágang að utan.
Tilboð Hermanns hljóðar upp á
11 milljónir en kostnaðaráætlun
nemur um 9,9 milljónum. Eftir er
að yfirfara tilboðið sem opnað
var hjá Tækniþjónustunni á
Húsavík í gær. IM