Dagur - 20.11.1992, Page 15

Föstudagur 20. nóvember 1992 - DAGUR - 15
Halldór Arinbjarnarson
Iþróttir
1. deildar lið/Þórs verður fyrir mikilli blóðtöku:
Bjarni Sveinbjörnsson hyggst yfirgefa herbúðir félagsins
Þórsarar þurfa nú líklega að
horfa á eftir sínum allra mesta
markaskorara en eins og fram
kemur á forsíðu Dags í dag,
bendir flest til þess að Bjarni
Sveinbjörnsson leiki með ÍBV
næsta keppnistímabil. Auk
þess er Bjarni að skoða aðra
möguleika sem í boði eru.
Bjarni er samningsbundinn
Þór til áramóta en er laus allra
mála á nýja árinu.
„Ég hef áhuga á því að breyta
til og reyna fyrir mér á öðrum
vígstöðvum. Ég hef spilað um 100
leiki með Þór í 1. deildinni og þar
sem maður á ekki mörg ár eftir í
boltanum, tel ég þetta ágætis
tímapunkt til að skipta um
félag,“ sagði Bjarni.
Bjarni Sveinbjörnsson var
fyrirliði Þórsliðsins í sumar og
auk þess helsti markaskorari
liðsins. Hann var næst marka-
hæsti leikmaður deildarinnar
með 11 mörk og hlaut að launum
silfurskó Adidas nú í haust. Sem
fyrr segir hefur Bjarni leikið um
100 leiki með Þór í 1. deild og
skorað 32 mörk. Hann á að baki
1 A-landsleik og 3 leiki með U-18
ára landsliðinu.
Bjarni þekkir vel til í Vest-
mannaeyjum en þar bjó hann í 10
ár á sínum yngri árum. Þjálfara
ÍBV næsta keppnistímatil, Jó-
hannes Atlason, þekkir hann
einnig vel en Jóhannes þjálfaði
lið Þórs árin 1985, ’87 og ’88. Þá
leikur fyrrum félagi hans í Þór,
Friðrik Friðriksson markvörður
með liði ÍBV.
Eyjamenn hafa misst framherj-
ana sína tvo, þá Tómas Inga
Tómasson, sem gekk til liðs við
KR og Leif Geir Hafsteinsson,
sem mun leika með Stjörnunni
næsta keppnistímabil. Það er því
ljóst að Éyjamenn þurfa á sterk-
um sóknarmanni eins og Bjarna
Sveinbjörnssyni að halda. Hins
vegar verður skarð hans í Þór
vandfyllt. -KK
Körfubolti yngri flokkar:
Tindastóll á sigurbraut
Yngri flokkum Tindasóls í
körfubolta hefur gengið mjög
vel það sem af er á íslandsmót-
inu. Mikill körfuboltaáhugi er
á Króknum sem kunnugt er og
þar hefur verið unnið mikið
uppbyggingarstarf.
Um síðustu helgi áttust við í
unglingaflokki karlalið UBK og
Tindastóls. Leikurinn fór fram á
Króknum og var sigur heima-
manna aldrei í hættu. Lokatölur
urðu 88:68. Besti maður leiksins
var Ingi Þ. Rúnarsson sem skor-
aði 27 stig og Björgvin Reynisson
skoraði 17. Báðir þessir strákar
spila jafnframt með meistara-
flokksliði Tindastóls. Reyndar
léku aðeins 3 unglingaflokksleik-
menn með liðinu en fyllt var upp
með drengjaflokksleikmönnum.
Á Sauðárkróki fór á sama tíma
fram keppni A-liða í 9. flokki.
Stólarnir féllu í B-riðil þar sem 3
leikir töpuðust en 1 vannst. Um
helgina var einnig fjölliðamót í
minnibolta karla og fór það fram
í Njarðvík. Lið Tindastóls lék í
A-riðli, náði 2 stigum og hélt því
sæti sínu í riðlinum. Þjálfari liðs-
ins er Guðmundur Jensson.
Nú er 1. umferð fjölliðamóta í
íslandsmóti KKÍ lokið. Tinda-
stóll hefur komið mjög vel út úr
þeim leikjum sem búnir eru. Eins
og greint var frá í þriðjudagsblaði
Dags eru unglingaflokkur kvenna
og 7. flokkur karla, með fullt hús
stiga. Strákarnir í 10. flokki hafa
aðeins tapað 1 leik. Drengja-
flokkur félagsins hefur náð 50%
árangri út úr sínum leikjum og í
minnibolta 11 ára er lið Tinda-
stóls áfram í A-riðli. í minnibolta
kvenna hafa stelpurnar tapað 2
leikjum og unnið 2 meðan stöllur
þeirra í 8. flokki hafa tapað 1 leik
af 3. Reynt verður að greina frá
úrslitum leikja eins og kostur er
um leið og þau berast.
Lokahóf knatt-
spymuráðs
Næstkomandi sunnudag kl.
16.00 mun Knattspyrnuráð
Akureyrar halda sitt árlega
lokahóf. Að þessu sinni fer
það fram í Dynheimum.
Samkvæmt venju verða veitt
verðlaun fyrir árangur á Akur-
eyrarmótunum í sumar. Einnig
verður tilkynnt um val á knatt-
spyrnumanni Akureyrar 1992 og
markakóngur KRÁ krýndur.
Hefst hófið sem fyrr segir kl.
16.00 á sunnudaginn.
Bjarni Sveinbjörnsson var oft ágengur við mark andstæðinganna í sumar og er mikið áfall fyrir Þórsliðið að missa
hann.
Leiðrétting:
Sævar skoraði sigurmarkið
Bikarkeppni SSÍ, 2. deild:
Rnn met hjá Ómari
Um síðustu helgi var keppt í
bikarkeppni Sundsambandsins
í 2. deild og fór mótið fram í
SundhöU Reykjavíkur. Sund-
fólk úr Óðni stóð sig ágætlega
og hafnaði í 3. sæti. Úrslit eru
þó ekki endanlega ráðin þar
sem úrslitin hafa verið kærð.
Óðinn féll í 2. deild fyrir ári
síðan og náði að þessu sinni í
16.640 stig, sem eru fleiri stig en í
fyrra, en ekki jafn góður árangur
og fyrir 2 árum þegar félagið var
síðast í 2. deild. Ómar Þorsteinn
Árnason setti enn eitt Akureyr-
armetið, að þessu sinni í 200
metra flugsundi. Sundfólk Óðins
sýndi framfarir á árinu og frammi-
staða þeirra sem eru um miðjan
aldursskalann bendir til þess að
félagið muni koma vel út úr
næstu bikarkeppni. Að þessu
sinni var ekki keppt í 3. deild og
var því öllum félögum heimiluð
þátttaka í 2. deild. Samkvæmt
lögum SSÍ þurfa félög að vinna
sér sæti í 1. eða 2. deild með því
að hafna í öðru af tveimur efstu
sætum næstu deildar fyrir neðan.
Lið Ægis-B sem vann keppnina
hafði ekki unnið sig upp úr 3.
deild heldur kom beint inn í 2.
deild og því lagði Óðinn fram
kæru þar sem úrslitum mótsins er
mótmælt. Eins og staðan er í dag
hefur B-lið Ægis unnið sér sæti í
1. deild en lið Vestra þarf að bíða
í 2 vikur eftir úrslitum 1. deildar,
til að sjá hvort næstneðsta félagið
þar verður með fleiri stig. Annars
varð röð félaganna þessi:
Ægir-B 20.212 stig
Vestri 19.890 stig
Óðinn 16.640 stig
Ægir-2 14.608 stig
Ármann 14.176 stig
ÍBV 13.910 stig
HSK 12.292 stig
ÍA 10.596 stig
USVH 9.741 stig
Sævar Árnason.
Landsleikur á
Blönduósi
Blaðamanni varð heldur betur
á í messunni þegar fjallað var
um leik Þórs og ÍR í 1. deild-
inni í handbolta. Þar var fullyrt
að Sigurpáll Árni hefði skorað
sigurmark Þórs á lokasekúnd-
um leiksins. Það var hins vegar
Sævar Árnason sem það gerði.
Blaðamaður var reyndar ekki
einn um þessa skoðun sína, en
þegar leikurinn var skoðaður á
myndbandi sást að það var Sævar
sem gerði markið. Blaðið var
hins vegar farið í prentun þegar
mistökin komu í ljós og of seint
Milli jóla og nýjárs verða
leiknir hér á landi þrír lands-
leikir í handknattleik við
Frakka. Leikirnir verða 27.,
28. og 29. desember og að ÖU-
um líkindum fer einn þeirra
fram í nýja íþróttahúsinu á
Blönduósi.
í vikunni kom landsliðsþjálfar-
inn, Þorbergur Aðalsteinsson, til
Blönduóss og leit á aðstæður, en
jafnframt fengu nemendur í gunn-
skólanum að njóta krafta hans í
einn dag. Hjá HSÍ fengust þær
upplýsingar að einn af leikjun-
um, sá í miðið, ætti að fara fram
utan höfuðborgarsvæðisins og
allt benti til að Blönduós yrði fyr-
ir valinu. Er þetta mikill fengur
fyrir Húnvetninga og viðurkenn-
ing á því uppbyggingarstarfi sem
þar hefur verið unnið í íþrótta-
málum. Nú hafa þar verið opnuð
tvö íþróttahús með skömmu
millibili, á Blönduósi og Lauga-
bakka.
að gera neitt í málinu. Þetta
breytir hins vegar ekki þeirri
staðreynd að Þórsarar unnu leik-
inn glæsilega og áttu þeir félagar
Sigurpáll Árni og Sævar góðan
leik. Þeir eru hins vegar beðnir
velvirðingar á mistökunum og
vonandi heldur lið þeirra áfram á
sigurbraut. HA
Sundfólk Óðins stóð sig með ágætum í bikarkeppninni.
Viking, lið Jakobs Jónssonar í
Noregi, tryggði sér á miðviku-
dagskvöldið rétt til að keppa
úrslitaleikinn í norsku bikar-
keppninni. Liðið vann Sande-
fjord 24:22.
Jakob sagðist vera mjög
ánægður með sigurinn enda er lið
Sandefjord eitt það sterkasta í
deildinni. í úrslitaleiknum sjálf-
um sem fer fram 6. desember,
keppir Viking við lið Runar.
Jakob og félögum hefur ekki
gengið sem best það sem af er í
deildarkeppninni og er liðið í 4.
neðsta sæti þegar 7 umferðum er
lokið.
Jakob Jónsson og lið hans Viking er
komið í úrslit norsku bikar-
keppninnar.
íþróttir
helgariimar
BLAK:
Föstudagur: 1. dcild kurla:
KA-Þróttur N kl. 20.00
1. dcild kvcnna:
KA-Þróttur N kl. 21.15
Laugardagur:
1. deild kvcnna:
KA-Þróttur N kl. 16.00
1. dcild karla:
KA-Þróttur N kl. 17.15
HANDKNATTLEIKUR:
Sunnudagur:
Bikarkeppni HSÍ:
ÍH-KA kl. 16.30
KÖRFUKNATTLEIKUR:
Föstudagur:
Bikarkcppni KKÍ:
UMFS-Þór kl. 20.00
Laugardagur:
1. dcild kvenna:
Tindastóll-ÍR kl. 14.00
Kobbi Jóns í úrslit