Dagur - 01.04.1993, Blaðsíða 16

Andrésar Andar leikarnir á skíðum:
Alls eru 742 þátttak-
endur skráðir til leiks
Alls eru 742 þátttakendur
skráðir til leiks á Andrésar
Andar leikana á skíðum sem
fram fara á Akureyri dagana
21.-24. apríl nk. og er þetta
mesti fjöldi þátttakenda til
þessa. Með þessum fríða hópi
verða um 200 liðsstjórar.
Þátttakendurnir koma frá 15
sveítarfélögum víðs vegar um
landið og eru flestir frá Reykja-
vík, eða 152. Þátttakendur frá
Akureyri eru 117, frá Dalvík 79,
frá Siglufirði 57, frá Ólafsfirði og
ísafirði 52 og frá Húsavík 46.
Einnig koma þátttakendur frá
Seyðisfirði, Neskaupstað, Eski-
firði, Egilsstöðum, Reyðarfirði,
Hafnarfirði, Kópavogi og Grund-
arfirði.
Það má því reikna með að á
annað þúsund manns verði í
kringum leikana á einn eða ann-
an hátt, þ.e. keppendur, liðs-
stjórar, aðstoðarfólk, starfsfólk
leikanna, foreldrar og fleiri. -KK
Raufarhöfn:
Iitill aíli hjá trillunum
Mjög tregur afli hefur verið
hjá trillusjómönnum á Raufar-
höfn að undanförnu en flestir
trillukarlanna, um 15 talsins,
hafa lagt grásleppunet og þeir
fyrstu vitja þeirra í dag. Tveir
bátar hafa verið með þorska-
net að undanförnu og hefur
afli þeirra verið sáralítill.
Þessi aflatregða nú er meiri en
var á sama tíma í fyrra en þó hafa
bátarnir verið að fá stærri og fal-
Kolbeinsey ÞH
í Norðursjó:
Þyrla sótti
slasaða
konu um borð
Slys varð um borð í Kolbeinsey
ÞH-10 sem er á leið til Þýska-
lands. Farþegi, kona skipstjór-
ans, datt og öklabrotnaði á
þriðjudaginn í miklum sjó-
gangi í kjölfar óveðurs sem
skipið hreppti í Norðursjón-
um. Björgunarþyrla náði í
konuna og var hún komin á
sjúkrahús í Aberdeen í Skot-
landi kl. 22 á þriðjudagskvöld.
Konan gekkst undir aðgerð í
gær.
„Þetta gekk mjög vel. Þyrlu-
áhöfnin sendi okkur kveðjur og
hafði á orði hve fagmannalega
skipverjar stóðu að því að koma
konunni frá borði er þyrlan sótti
hana,“ sagði Helgi Kristjánsson,
hjá íshafi hf. í samtali við Dag.
Kolbeinsey mun selja á morg-
un í Bremerhaven, eins og ráð var
fyrir gert. Skipið er með 170 tonn
af blönduðum afla, karfa að
megninu til. IM
VEÐRIÐ
Um 990 mb. lægð er við
Nýfundnaland og þokast norð-
austur. Gert er ráð fyrir að
veður hlýni heldur í dag. Á
Norðvesturlandi er gert ráð
fyrir suðsustan golu eða kalda
í dag og næstu nótt. Um norð-
austanvert landið er einnig
gert ráð fyrir að vindur snúist
til suðaustanáttar og hlýni í
veðri.
legri fisk nú undir það síðasta og
það telja sumir að geti bent til
þess að einhver hreyfing væri
komin á fiskinn í sjónum, þ.e.
von væri á einhverri fiskigengd
upp á landgrunnið við norðaust-
urhorn landsins. Tvær smæstu
trillurnar hafa verið á handfærum
og fiskað sáralítið þegar gefið
hefur á sjó fyrir þær.
Togarinn Rauðinúpur hefur
legið við bryggju að undanförnu
vegna vélarbilunar, en lokið
verður við fyrir helgi að skil-
greina og lækna þá meinsemd
sem hrjáði vélartetur skipsins og
heldur togarinn þá strax á veiðar.
Til að mæta þeim hráefnisskorti
sem við blasti vegna stöðvunar
togarans hefur Fiskiðja Raufar-
hafnar hf. keypt um 30 tonn af
fiski vestan frá Snæfellsnesi,
aðallega frá Stykkishólmi og
Ólafsvík. GG
Sigurður Markússon, verslunarstjóri Hagkaups og Rósberg Óttarsson, starfsmaður KEA Nettó með væna kjúklinga
á lágu verði. Myndir: Robyn.
Sprengitilboð á kjúklingum í KEA Nettó og Hagkaupi á Akureyri:
Kjúklingur á aðeins 99 krónur
Að undanförnu hefur geysað
eins konar kjúklingastríð í
verslunum á Akureyri. Til að
mynda hafa bæði KEA Nettó
og Hagkaup boðið viðskipta-
vinum sínum kjúklinga á mjög
góðu verði og hafa þeir runnið
út eins og heitar lummur.
Nú hefur báðum verslununum
tekist að ná samkomulagi við
Fjöregg á Svalbarðsströnd um
ótrúlegt heildsöluverð á kjúkling-
um. í framhaldi af því geta versl-
anirnar nú boðið heila kjúklinga
á aðeins 99 krónur stykkið. Hér
er um að ræða lækkun upp á ein-
hver hundruð prósenta og gefst
fólki því einstakt tækifæri á að
kaupa í páskamatinn fyrir lítinn
pening.
Laufey Ingadóttir, aðstoðar-
verslunarstjóri í KEA Nettó
sagði í samtali við Dag að sala á
ódýru kjúklingunum hæfist í dag
og þar sem aðeins er um tak-
markað magn að ræða, reiknar
hún með að það verði handa-
gangur í öskjunni fram eftir degi.
Sigurður Markússon, verslun-
arstjóri Hagkaups tók í sama
streng og sagði að ódýru kjúkl-
ingarnir yrðu seldir frá og með
deginum í dag í verslun sinni og
taldi hann líklegt að þeir kláruð-
ust mjög fljótt. „Ég veit hrein-
lega ekki hvort þetta magn sem
við fengum, endist nema daginn í
dag,“ bætti Sigurður við.
Það er ekki á hverjum degi
sem íbúum Akureyrar og ná-
grennis gefst kostur á öðru eins
kostaboði og nú býðst í áður-
nefndum verslunum. Það má því
búast við að það verði líf og fjör
í KEA Nettó og Hagkaup í dag
og kannski á morgun ef birgðir
endast. -KK
11,9 milljóna króna tap á rekstri Fiskiðjusamlags Húsavíkur:
Maður er aldrei ánægður með taprekstur
- segir Tryggvi Finnsson framkvæmdastjóri
Framleiösluverömæti Fiskiðju-
samlags Húsavíkur fór í fyrsta
sinn yfir milljarð á ári í fyrra.
Það varð 1.038 milljónir en
heildartekjur fyrirtækisins
numu 1.087 milljónum, árið
áður voru þær 954 milljónir.
Rekstrarhagnaður fyrir af-
skriftir og fjármagnskostnað
var 86,3 milljónir en var 65,7
árið áður. „Þegar búið er að
taka tillit til fjármagnskostnað-
ar, uppfærslu lána vegna gengis-
breytinga, sem er töluverður,
erum við með halia upp á 11,9
milljónir, en hann nam 28
milljónum árið áður,“ sagði
Tryggvi Finnsson, fram-
kvæmdastjóri.
„Auðvitað er maður aldrei
ánægður með taprekstur, en okk-
ur tókst að auka veltuna, fyrst og
fremst í rækjuvinnslunni. Að
okkur skyldi takast að auka velt-
una á þessu samdráttarári og vera
með aðeins skárri niðurstöðu en
árið á undan er spor í rétta átt,
þó þessi rekstur sé auðvitað mjög
þungur," sagði Tryggvi, aðspurð-
ur hvort hann væri ánægður með
útkomuna.
Meðaltal starfsmanna Fisk-
iðjusamlagsins er 140 manns.
Þeir eru fleiri á sumrin en færri á
veturna. Heildarlaunagreiðslur
nema 190 milljónum.
Metár var í rækjuvinnslunni.
Innlagður rækjuafli var 3.720
tonn, en var 2.481 tonn árið
áður. Innveginn bolfiskafli var
4.611 tonn á árinu en nam 5.158
tonnum árið áður.
Aðalfundur Fiskiðjusamlags-
ins var haldinn sl. þriðjudag.
Breytingar urðu á stjórninni.
Þorgeir Hlöðversson og Ragnar
J. Jónsson hætta, en í stað þeirra
voru kjörnir Gunnar Magnússon
og Pétur Jónsson. Aðrir í aðal-
stjórn eru Einar Njálsson, Katrín
Eymundsdóttir og Örlygur Hnef-
ill Jónsson. Kristján Kárason var
kjörinn í varastjórn í stað Gunn-
ars Magnússonar, en aðrir í vara-
stjórn eru Stefán Haraldsson og
Þórður Haraldsson. IM
Tilboð í innréttingu Listasafns Akureyrar í Grófargili:
Blikk- og tækniþjónustan lægst
I gær voru opnuð tilboð í inn-
réttingu Listasafns Akureyrar
á 2. hæð gamla Mjólkursam-
lagshússins í Grófargili á
Akureyri. Þrjú aðaltilboð bár-
ust og reyndist það lægsta vera
frá Blikk- og tækniþjónustunni
á Akureyri.
Um er að ræða frágang innan-
húss, þ.m.t. múrverk/gipsverk,
tréverk, málning, frárennslis-,
neysluvatns- og hitalagnir, loft-
ræstilagnir, raflagnir og öryggis-
kerfi,
Kostnaðaráætlun verkkaupa er
rúmar 27 milljónir króna, en til-
boð Blikk- og tækniþjónustunnar
hljóðaði upp á 23,960 milljónir
króna, 88,4% af kostnaðaráætl-
un.
Önnur tilboð kornu frá Tré-
smiðjunni Ösp á Akureyri,
26,214 milljónir, 96,7% af kostn-
aðaráætlun, og Raflagnaverk-
stæði Tómasar á Akureyri,
24,982 milljónir króna, 92,2% af
kostnaðaráætlun. Þá bárust tvö
frávikstilboð, annars vegar frá Vör
hf. og hins vegar A.Finnssyni hf.,
en Magnús Garðarsson, bygging-
areftirlitsmaður, sagði að þau
kæmu ekki til álita. Magnús sagði
að ef engar skekkjur kæmu fram
í tilboðunum yrði samið við
lægstbjóðanda.
Starfshópur um listamiðstöð í
Grófargili mun væntanlega fjalla
um tilboðin á fundi í dag og síðan
er gert ráð fyrir að málið verði
lagt fyrir fund bæjarráðs Akur-
eyrar seinnipartinn í dag. óþh