Dagur - 16.09.1995, Blaðsíða 7
Laugardagur 16. september 1995 - DAGUR - 7
geri á gistiheimilinu sé ósköp svipað og að
reka heimili. „Þetta eru bara eins og hver
önnur heimilsstöri', ég þvæ þvott, geri
hreint, bý til mat og annað í þeim dúrnum."
Engar mannafælur
Ummæli ameríska biskupsins í Morgun-
blaðsviðtali eru Akureyringum enn í fersku
minni og því er vel við hæfi að spyrja að-
komufólkið hvernig bæjarbúar hafi lekið á
móti þeim.
„Það er einhver titringur á staðnum
vegna ummæla einhvers biskups," segir Óli.
„Ég hef aldrei fallið á kné frammi fyrir bisk-
upum og geri ekki ráð fyrir að ég geri það
heldur fyrir þessum. Auðvitað er hægt að
ganga um með einhverjum harðlífissvip og
manni er bara leyft það. Ef maður vill endi-
lega vera leiðinlegur fær maður það í friði,
ekki bara á Akureyri, heldur alls staðar. En
okkur hefur verið afskaplega vel tekið, bæði
af nágrönnum og eins ýmsu fólki sem mað-
ur hefur verið að kynnast og öðrum sem ég
þekkti áður og hef verið að endurnýja kynn-
in við. Ég held maður ráði þessu alveg sjálf-
ur. Manni er sýnt það viðmót sem maður
sýnir öðrum. Þó við séum búin að vera í ein-
angrun erum við engar mannafælur og erum
Kreppur og atvinnu-
leysi eru innbyggðar
í kapítalismann
á sama hátt og
styrjaldir, fíkniefna-
neysla og ofbeldi eiga
rætur sínar að rekja
til kapítalismans.
Því er aldrei hægt
að leysa neitt nema
útrýma kapítalism-
anum.
alveg til í að blanda geði við fólk þannig að
ég hef engar áhyggjur af að það verði eitt-
hvað vandamál.“
Bið hcnnar kannski einhvern tíma?
Samband þeirra Óla og Svandísar er enn að
velkjast fyrir blaðamanni og því þýðir ekki
annað en herða upp hugann og beina talinu
aftur inn á þá braut.
- Er algengur misskilningur að fólk haldi
að þið séuð gift?
„Það held ég að flestir haldi, það er talið
svo sjálfsagt," segir Svandís. Óli er ekki
eins viss í sinni sök. „Ég hef bara aldrei ver-
ið spurður að því. Ég hef ekki hugmynd um
hverjir eru giftir og hverjir ógiftir í kring
um mig og ég skipti mér bara ekkert af því.
Þetta verður bara að koma í ljós hjá okkur.
Kannski hef ég mig í að stynja upp bónorði
einhvern daginn en það er ekkert á dagskrá
næstu daga,“ segir hann og meira vilja þau
ekki um þetta tala. „Þetta gengur alveg
ljómandi vel hjá okkur hvernig sem það er.“
Kcnningin stendur fyrir sínu
Það er vart hægt að skilja við mann sem
kallaður er Óli kommi án þess að ræða við
hann um pólitík og forvitnilegt að vita hvort
Ólafur og Svandís fyrir utan Gulu villuna,
gistiheimilið sem þau reka á Akurcyri.
„Astæðan fyrir að ég fór í vitann var sú að
mig vantaði eitthvað að gera. Eg kannaðist við
Óla og smellti mér þangað sem aðstoðaryita-
vörður,“ segir Svandís en hún var með Óla í
vitanum síðustu tvö árin.
Mynd: BG
hann sé enn trúr sínum fyrri skoðunum þó
skipan heimsmála hafí breyst mikið undan-
farinn áratug.
„Það eru alltaf breytingar en sjálfur hef
ég ekki breyst mikið. Ég er enn með nokk-
uð svipaðar skoðanir og ég myndaði mér
sem ungur maður. Þær myndaði ég mér ein-
faldlega með því að kynna mér málin og ég
hef enga ástæðu til að breyta þeirri niður-
stöðu sem ég komst að þá. Hluti af stjóm-
málaskoðun er auðvitað að manni líkar ekki
skoðanir annarra. Og það verð ég að segja
að ekki get ég séð að pólitískir andstæðing-
ar mínir, íhaldið, framsókn og kratarnir, séu
neitt geðslegri en þeir voru.“
Það er fyrst og fremst skipulag þjóðfé-
lagsins sem Óli vill sjá breytast. „Ég held að
það sé ekki nokkur leið að vinna að þeim
málum sem ég aðhyllist án þess að breyta
þessu þjóðfélagi. Það þýðir ekki að vera allt-
af að kukla í því að setja bætur á götin. Þetta
er orðið svo slitið að þegar búið er að bæta á
einum stað er komið gat á öðrum. Fólk verð-
ur að skilja þetta en er ekki búið að þvú Það
voru gerðar tilraunir úti í heimi, en þær voru
ekki gerðar í alvöru. Þeir menn sem þar
stóðu að verki fylgdu ekki þeim kenningum
sem í boði voru og því fór sem fór. En kenn-
ingin stendur fullkomlega fyrir sínu. Þetta er
nákvæmlega eins og með kristindóminn.
Fullt af fólki hefur komið óorði á hann en
trúlega er í lagi með sjálfa kenninguna."
Fátækt er mesti glæpur í heimi
Stjómmálin eru Óla greinilega hugleikin
því nú er hann kominn á flug. „Við erum að
fara inn í leiðindatímabil þar sem framsókn
og íhaldið stjóma landinu. Það verður
stöðnun því öllu fjármagni sem á annað
borð verður veitt í eitthvað verður veitt í
eitthvað sem var fyrir en ekkert nýtt. Nú er
Búnaðarbankinn líka kominn í bráða hættu.
Það á að breyta honum í hlutafélag segja
framsóknarmenn. Þetta er kannski ósköp lít-
il breyting en fyrsta skrefið í að aflienda
auðjöfrunum í landinu Búnaðarbankann.
Það verður engin atvinna eða neitt nýtt til
þó áfram verði haldið að færa fé frá þeim
sem eru peningalitlir til þeirra sem eiga nóg
af því fyrir.“
- Hvar myndir þú helst vilja sjá breyt-
ingar?
„Ég verð ekki ánægður fyrr en ég sé
jafnaðarstefnu í framkvæmd, sem heitir
sósíalismi. Ég er alveg óhræddur við að
nefna þessa hluti. En það er ýmislegt hægt
að gera áður sem myndi gleðja mig. Eg
vildi t.d. sjá allt aðrar áherslur. Það má
segja að inest liggi á að útrýma atvinnu-
leysi. En þetta verður þó aldrei nema
skottulækning því jafnvel þó tækist að ráða
bót á atvinnuleysinu væri það bara komið
aftur eftir ákveðinn tíma. Kreppur og at-
vinnuleysi eru innbyggðar í kapítalismann á
sama hátt og styrjaldir, fíkniefnaneysla og
ofbeldi eiga rætur sínar að rekja til kapítal-
ismans. Því er aldrei hægt að leysa neitt
nema útrýma kapítalismanum. Það er alltaf
verið að kukla í afleiðingunum en orsakirn-
ar látnar í friði.“
- Þær tilraunir sem gerðar hafa verið
með sósíalisma hafa gengið misvel?
„Það breytir engu. Það á bara að halda
áfram og læra af mistökunum. Það ömur-
legasta sem getur komið fyrir fólk er að gef-
ast upp.“
- Þú vilt kenna kapítalismanum um hið
slæma, hvað með mannlegt eðli?
„Mannlegu eðli verður bara breytt. Það
breytist ineð ytri skilyrðum. Þegar eymd og
vesöld eru ekki til staðar batnar fólk. Fátækt
er mesti glæpur í heimi því hún gerir fólk
vont. í því skipulagi sem við búum við sjá-
um við fólk sent líður illa og hefur það
mjög skítt og það getur ekki verið gott fyrir
einn eða neinn.“
Óla er heilmikið niðri fyrir en eftir þessi
orð kemur smá þögn. Síðan lítur hann
snöggt upp og brosir kankvíslega. „Var
þetta ekki góð ræða?“ AI