Dagur - 17.11.1995, Qupperneq 3
FRETTIR
Föstudagur 17. nóvember 1995 - DAGUR - 3
Húsavík:
Grænlenski togarinn
á veiöar um áramót
- Júlíus Havsteen verður seldur
„Vonandi fer að styttast í að
grænlenski togarinn komi hing-
að,“ sagði Einar Njálsson,
stjórnarformaður útgerðar- og
fiskvinnslufyrirtækjanna og
bæjarstjóri á Húsavík, aðspurð-
ur tíðinda af fyrirtækjunum.
Ekki er búið að dagsetja hve-
nær togarinn kemur til heimahafn-
ar en hann mun fyrst fara í slipp á
Akureyri. Þar verður hann tekinn
út og breytingar gerðar í samræmi
við íslenskar reglugerðir um bún-
að fiskiskipa. Togarinn verður af-
hentur að slipptökunni lokinni og
Einar sagði að gælt væri við þá
hugmynd að hann héldi til veiða
um áramótin. Togarinn er 42 m
langur og 1720 rúmmetrar að
stærð, hann er smíðaður í Dan-
mörku 1987 og er fullbúinn til
rækjuveiða. Akveðið hefur verið
að selja rækjutogarann Júlíus
Havsteen, annað hvort til úreld-
ingar eða notkunar fyrir innlenda
aðila.
Síðasti vinnudagur í gömlu
rækjuvinnslu Fiskiðjusamlags
Húsavíkur var í gær og verksmiðj-
an verður flutt í húsnæði Fiskiðju-
samlagsins á Suðurgarði. Áætlað
er að vinnslan taki til starfa í nýja
húsnæðinu 1. desember. IM
Húsavík:
Vestdalsmjölsverksmiðjan
verður ekki flutt í bæinn
Verksmiðja Vestdalsmjöls á
Seyðisfirði verður ekki flutt til
Húsavíkur. Ákveðið svar þar um
barst Einari Njálssyni, bæjar-
stjóra á Húsavík, í gær.
Viðræður um flutning verk-
smiðjunnar höfðu farið fram milli
eigenda hennar og forsvarsmanna
nokkurra sveitarfélaga og fyrir-
tækja í landinu, en verksmiðjan
varð illa úti í snjóflóði í fyrravetur
og ekki þykir rétt að byggja hana
upp á sama stað. Það var í gær
sem viðræðum við Húsvrkinga var
formlega slitið.
Atvinnumálanefnd Húsavfkur
hefur velt fyrir sér uppbyggingu
loðnu- eða síldarverksmiðju á
Húsavík. Gerð hefur verið for-
könnun varðandi verkefnið og
kynnti Stefán Jónsson, frá At-
vinnuþróunarfélaginu, niðurstöður
hennar á fundi nefndarinnar í byrj-
un október. IM
Ólafsfjörður:
Skiptar skoðanir um
sölu á Sigurhæðum
Bæði skólanefnd og menningar-
málanefnd ÓlafsQarðar hafa lýst
sig andsnúnar sölu á Sigurhæð-
um, gamla prestssetrinu í Ólafs-
firði, sem nú hýsir bókasafnið og
hluta Tónskóla Ólafsfjarðar.
Húsið er í eigu bæjarins en sem
kunnugt er hefur legið í loftinu
að Prestssetrasjóður hafi áhuga
á að kaupa húsið og gera það að
prestssetri á nýjan leik. Hug-
mynd bæjaryfirvalda var sú að
leikfimisal barnaskólans yrði
breytt til bráðabirgða fyrir bóka-
safnið og Tónskólinn yrði í hús-
næði Hótels Ólafsfjarðar, þar til
báðar þessar stofnanir komist í
framtíðarhúsnæði í væntanlegri
viðbyggingu við Gagnfræðaskól-
ann.
Menningarmaálnefnd hefur
beint því til bæjarstjórnar að selja
ekki Sigurhæðir. Afstaða nefndar-
innar er sú að bókasafni verði
fundinn staður í væntanlegri við-
byggingu við Gagnfræðaskólann
en Tónskólinn fái þá Sigurhæðir
fyrir sína starfsemi. Jafnframt er
óskað eftir upplýsingum um
kostnað við að gera Sigurhæðir
upp og byggingu á álmu við
Gagnfræðaskólann. Nákvæmlega
sama afstaða kemur fram í bókun
skólanefndar.
Afstaða til málsins fer ekki eft-
ir pólitískum línum því þannig
harmaði minnihlutamaðurinn
Guðbjörn Arngrímsson afstöðu
skólanefndar og menningarmála-
nefndar á fundi bæjarráðs fyrr í
mánuðinum. Þetta geti orsakað að
dráttur verði á að þessar stofnanir
komist í varanlegt húsnæði. Undir
þau orð hans tóku Þorsteinn Ás-
geirsson, forseti bæjarstjórnar, og
Jónína Óskarsdóttir, formaður
bæjarráðs.
Þorsteinn sagði í samtali við
blaðið að ljóst sé að Sigurhæðir
þarfnist mikilla viðgerða. Málið sé
nú í biðstöðu en ákveðið hefur
verið að skipa nefnd til að fara of-
an í saumana á öllum skólamálum
til þess að fá þetta á hreint. End-
anleg ákvörðun um sölu á Sigur-
hæðum liggur því ekki fyrir en
Þorsteinn segir ljóst að meirihluti
sé fyrir því í bæjarstjórn að selja
húsið. Menn vilji hins vegar flýta
sér hægt í málinu. HA
Óheimilt að taka við laufa-
brauðsdeigi úr heimahúsum
Valdimar Brynjólfsson, fram-
kvæmdastjóri Heilbrigðiseftirlits
Eyjafjarðar, hefur sent brauð-
gerðum á starfssvæði heilbrigð-
isnefndarinnar á Akureyri bréf
þar sem tekið er fram að brauð-
gerðum sé óheimilt að taka við
laufabrauðsdeigi úr heimahús-
um til útflatningar.
Þessi ábending var send í fram-
haldi af samþykkt meirihluta heil-
brigðisnefndarinnar á Akureyri.
í bréfinu tekur framkvæmda-
stjóri Heilbrigðiseftirlits Eyja-
fjarðar það fram að samþykkt
heilbrigðisnefndar sé gerð með til-
vísun í lög um matvæli og reglu-
gerð um matvælaeftirlit og holl-
ustuhætti „og á grundvelli þess að
ekki er hægt að tryggja að vara sú
sem kemur inn í brauðgerðina
valdí ekki mengun á búnaði
brauðgerðarinnar og krosssmiti
yfir í aðrar vörur.“ Þá segir í bréf-
inu að í framhaldi af þessari bók-
un skuli bent á að eftir sem áður
geti brauðgerðirnar selt útflatt
ósteikt laufabrauð enda hafi það
verið útbúið í brauðgerðinni og
verði merkt samkvæmt reglugerð-
arákvæðum. óþh
Einingarfélagar
Almennir
félagsfundir
verða haldnir í deildum félagsins 19. og 20. nóv-
ember nk. sem hér segir:
í Ólafsfirði sunnudaginn 19. nóvember kl. 13.00 í Sand-
hóli.
Á Dalvík sunnudaginn 19. nóvember kl. 16.00 í Berg-
þórshvoli.
í Hrísey sunnudaginn 19. nóvember kl. 20.30 í Brekku.
Á Grenivík mánudaginn 20. nóvember kl. 17.00 í kaffi-
stofu frystihússins.
Á Akureyri mánudaginn 20. nóvember kl. 20.30 í Alþýðu-
húsinu, Skipagötu 14, 4. hæð.
Fundarefni:
1. Kjaramálin.
2. Atkvæðagreiðsla um uppsögn samninga félagsins.
3. Önnur mál.
Nú er nauðsyn að mæta á félagsfund og
sýna hug sinn til þess sem gerst hefur í
þjóðfélaginu að undanförnu.
Mætum öll.
Stjórn Einingar.
Taktu forskot ái
jólairirilcaupiri
Kynnum í dag föstudag hinn glæsilega
Lady Pirola fatnað á kynningarverði
15% aukaafsláttur
Munið gardínudaga ■ 25% afsláttur
Opiö mánud.-föstud. 10-18 - Laugard. 10-13