Dagur - 09.12.1995, Side 7

Laugardagur 9. desember 1995 - DAGUR - 7
Ákveðin hugsun
bak við hvert verk
- segir Fanney Hauksdóttir, arkitekt
Hún er ung kona á uppleiö.
Ein af þeim sem hefur valið
menntaveginn og átt því láni aö
fagna að geta starfaö viö sitt
fag. Fanney Hauksdóttir er arki-
tekt á Akureyri og hefur hlotiö
nokkra athygli fyrir húsin sem
hún hefur teiknaö. Hún er ekki
sú eina í sinni fjölskyldu sem
hefur vit á húsum því faÖir
hennar, Haukur Haraldsson, er
tæknifræðingur og Anna Mar-
grét systir hennar er líka
arkitekt. Saman eiga þau og
reka Arkitekta- og
verkfræðistofu Hauks.
Teiknistofa þeirra feðgina hefur
teiknað hús víða á Norðurlandi og
meðal þeirra bygginga sem Fann-
ey hefur hannað eru Safnaðar-
heimili Akureyrarkirkju, Lindar-
síðu 2 og 4, sem eru íbúðir fyrir
aldraða og eru staðsettar á Akur-
eyri, Pedróhúsið, Sundlaugin á
Dalvík og eins hefur hún teiknað
viðbyggingu við Ólafsfjarðar-
kirkju. Verkin eru auðvitað miklu
fleiri og of langt mál að telja öll
upp hér. Það vekur hins vegar at-
hygli blaðamanns að þau hús sem
hér hafa verið nefnd gegna ólíkum
hlutverkum og því þótti forvitni-
legt að vita hvemig hús Fanneyju
þyki skemmtilegast að vinna að.
„Allt er þetta jafn spennandi. Mér
finnst erfitt að gera upp á milli
verkefna og þykir eiginlega jafn-
vænt um þau öll.“
Fanney segir mikilvægt að
kynna sér aðstæður áður en hafist
er handa við að hanna nýja bygg-
ingu. „Eg reyni alltaf að vinna út
frá staðháttum og hlutverki húss-
ins. Reyni að láta húsið fá ein-
kenni sem segja eitthvað til um
hvað í því er.“ Fyrsta húsið sem
hún teiknaði er Safnaðarheimilið
en þá var hún enn í námi. Þar segir
hún staðhætti hafa ráðið mestu um
hvemig byggingin varð en húsið
þurfti að grafa inn í hæð. íbúðir
aldraða við Lindarsíðu nefnir hún
sem dæmi um verkefni þar sem
hlutverk húsanna var henni ofar-
lega í huga þegar hún teiknaði
þau. „Mér finnst ákveðinn virðu-
leiki fylgja því að vera gamall og
líka þörf fyrir að hafa samskipti
við annað fólk og ég gekk út frá
þessu tvennu. Ég reyndi að gera
húsin virðuleg og glæsileg og inn í
húsunum er miðja sem gengur í
gegnum allar hæðimar. Fólk er
þarna að spjalla og kemur saman í
þessu miðrými og ég held að þetta
virki ágætlega.“
Turninn hennar einkenni
„Ég reyni alltaf að setja mig inn í
verkefni þannig að bak við hvert
verk sé ákveðin hugsun," segir
Fanney og nefndir til fleiri dæmi
um hvemig hlutverk húss hafi haft
áhrif á hönnunina. „Teiknistofan
hannaði verkstæði og skrifstofu-
byggingu á Siglufirði fyrir RARIK
og þar reyndum við að láta kar-
aketer hússins segja til um starf-
semina. Þetta var í iðnaðarhverfi
og við gerðum einfalda byggingu
sem var verkstæðið og lagerinn.
Síðan tengist þessu bogalagaður
veggur, klæddur áli, þar sem er
skrifstofurými. Veggurinn er eins
og bylgja sem á að tákna rafmagn-
ið. RARIK er eigandi hitaveitunn-
ar á Siglufirði og bogaveggurinn
minnir líka á hitaveitugeyma.
Fomiið gefur þannig til kynna
hvaða starfsemi fer fram í húsinu."
- Mörg þeirra húsa sem þú hef-
ur teiknað em með turni?
„Já, hann er orðinn ákveðið
einkenni hjá mér,“ viðurkennir
Fanney. „Á Akureyri er þó hefð
fyrir tumum. Ef skoðaðar eru
gamlar ntyndir t.d. af Hótel Akur-
eyri og Hótel Oddeyri, sjást að þar
eru turnar og mörg gömul hús í
bænum eru með tuma.“
Húsið hennar Fanneyjar er
byggt á klöpp í götu sem heitir
Hrafnabjörg og útsýnið er með því
besta sem gerist á Akureyri; Poll-
urinn og fjöllinn blasa við þegar
litið er út. Á húsinu, sem hún
teiknaði sjálf, eru tveir tumar og
segir hún að ekki hafi komið ann-
að til greina en að hafa tuma til að
ná öllu útsýninu. „Ég vildi alls
ekki byggja stórt því það er dýrt
en með því að hafa þessa tuma
þarf í rauninni ekki svo mikið
rými því það virkar svo vítt til
veggja.“
Vinnum vel saman
Eins og áður segir er Fanney ekki
eini arkitektinn í fjölskyldunni því
systir hennar, Anna Margrét, er
líka arkitekt og pabbi hennar er
tæknifræðingur. Á teiknistofunni
eru auk þeirra þriggja einn verk-
fræðingur og tækniteiknari og seg-
ir Fanney að mjög gott sé að arki-
tektar og verkfræðingar vinni á
sama stað því þá verði samvinnan
nánari. „Á þennan hátt er hægt að
bjóða upp á skjótari og betri þjón-
ustu, sem ætti að vera hagkvæm-
ara fyrir viðskiptavininn."
Þær systur vinna mikið saman
og Fanney segir að milli þeirra sé
Fanney Hauksdóttir, arkitekt:
„Mér finnst erfitt að gera
upp á milli verkanna og
þykir eiginlega jafnvænt
um þau öll."
Myndir: BG
Hús viö Lindarsíöu á Akur-
eyri, þar sem eru íbúÖir fyrir
aldraða. Fanney segir aö
sér þyki ákveðinn viröuleiki
fylgja því aÖ vera gamall
og því hafi hún reynt aö
gera húsin viröuleg
og glæsileg.
góð samvinna fremur en að þær
séu í samkeppni hvor við aðra.
Nýlega unnu þær einmitt sam-
keppni á vegum húsnæðisnefndar
Akureyrarbæjar og eru núna að
skipuleggja hverfi við Snægil, sem
er í Giljahverfi á Akureyri. „Þar
stendur til að byggja 72 íbúðir og
þarna fórum við nýjar leiðir í fjöl-
býlishúsabyggingum,“ segir hún.
Fjölbýlishúsin í nýja hverfinu
verða í litlum einingum, húsin
verða á tveimur hæðum og fjórar
íbúðir í hverju. Þau koma til með
að standa við litlar götur og mynda
þannig þyrpingar. Fanney vill
meina að lítil fjölbýlishús eins og
þessi séu þróun í átt að því hvemig
fólk vilji búa. „Þessar stóru blokk-
ir henta síður fjölskyldufólki,"
segir hún og telur að nýja hverfið
ætti að geta orðið mjög skemmti-
legt.
Kostnaður alltaf
í lágmarki
Leiðin frá því að hús sé einungis
hugmynd í höfði arkitektsins og
þar til húsið stendur fullbúið og
tilbúið til notkunar er lengri en
margan grunar. Fanney segir þó að
þetta ferli geti tekið mjög mislang-
an tíma. „Ég byrja alltaf á að
skoða aðstæður, athuga hvemig
lóðin er og umhverfið í kring. Ef
um stærri byggingar er að ræða er
gott að fara og skoða sambærileg-
ar byggingar annars staðar. Þegar
við teiknuðum sundlaugina á Dal-
vík kynntum við okkur t.d. sund-
laugar víða um land. Síðan er
verkið unnið í samvinnu við kaup-
andann. Yfirleitt sest ég ekki strax
niður og teikna heldur reyni ég að
setja mig inn í verkið og sjá það
fyrir mér. Síðan fæðist hugmynd
sem maður teiknar. Tíntinn sem
við fáum er auðvitað misjafn og
stundum fæðist líka hugntynd
strax. En að miklu leyti byggist
þetta upp á góðu hugmyndaflugi
og þekkingu.“
Fanney segist ekki gera upp á
milli hins listræna þáttar og þess
tæknilega því báðir séu mjög mik-
ilvægir. „Hlutimir verða að ganga
upp bæði tæknilega, hugmynda-
fræðilega og kostnaðarlega,“ segir
hún og leggur áherslu á að kostn-
aður megi ekki verða of mikill,
heldur verði hann að vera í sam-
ræmi við það sem óskað er eftir.
„Við höfum haft það að markmiði
að gera glæsileg og hagkvæm hús,
sem em skemmtileg fyrir augað,
en að kostnaðurinn sé alltaf í lág-
marki. Hver feimetri í húsi er ótrú-
lega dýr og því skiptir mestu að
nýta plássið og ég held að okkur
hafi gengið ágætlega að gera það.“
Fylgja verkefnum eftir
Hiutverki arkitektsins er ekki lokið
þó búið sé að teikna húsið. Bygg-
ingunum þarf að fylgja eftir og
hafa eftirlit með því sem gert er.
„Ef við vinnum fyrir opinbera að-
ila fylgjum við líka oft eftir með
hönnum innréttinga, lóða, vali á
húsgögnum og fleira. Þegar um
einkaaðila er að ræða er misjafn
hvað þeir láta okkur gera rnikið en
við höfum alltaf eftirlit, fylgjumst
með og leysum málin ef eitthvað
kemur upp á.“
- Hvað með byggingarstíl á ís-
landi, hefur hann breyst?
„Það er alltaf einhver þróun.
Stíllinn er orðinn frjálslegri og
hægt að leyfa sér fleira. Nú er
meira unt menntað fólk, efni er
vandaðra og meiri kröfur eru gerð-
ar og því hefur orðið framför,"
segir Fanney. Munurinn á íslandi
og öðrum löndum finnst henni
vera að Islendingar séu ekki
hræddir við að prófa eitthvað nýtt.
„Almennt finnst mér að bygging-
arlistin sé hefðbundnari erlendis."
AI