Dagur - 09.12.1995, Blaðsíða 21
Laugardagur 9. desember 1995 - DAGUR - 21
POPP
MACNUS ÚEIR ÚUÐMUNDSSON
Önnur plata Orra Harðarssonar:
Stór og djúpur draumur
Það er ekki ofsögum sagt að Orri
Harðarsson, þá rétt tvítugur, hafi
vakið mikla athygli árið 1993 þeg-
ar hann kom fram á sjónarsviðið
með fyrstu plötuna sína, Drög að
heimkomu. Var þar á ferðinni ein-
staklega þroskað byrjendaverk,
uppfullt af fallegum melódíum,
sem jafnvel sumum þóttu hrein-
lega vera of góðar hjá nýgræðingi.
Þrátt fyrir sinn unga aldur og þá
staðreynd að hafa ekki gefið út
plötu áður, var Orri þó alls ekki
reynslulaus. Hafði hann um nokk-
urt skeið áður en að plötunni kom
reynt fyrir sér sem trúbador, bæði
hér heima og í Danmörku og bara
gengið nokkuð vel. Raunar svo vel
að í hinum ýmsu keppnum, sem
hann hafði tekið þátt í, m.a. í
skóla, stóð hann jafnan uppi sem
sigurvegari. Drög að heimkomu
seldist reyndar ekki í neinu stór-
upplagi þrátt fyrir jákvæða um-
fjöllun, en þó nógu vel til að Orri
öðlaðist sjálfstraust, sem öllum
ungum tónlistarmönnum er bráð-
nauðsynlegt í byrjun ferils, til að
halda áfram á sömu braut. Kom
Stóri draumurinn út nú fyrir um
mánuði, nokkru síðar en til stóð
vegna hrakfalla með að koma
plötunni til landsins eins og sagt
hefur verið frá áður hér á síðunni,
sem þó vonandi hefur ekki leitt til
annars en að gera spennuna meiri
eftir henni.
Stenst prófraunina
Þegar byrjunin verður eins góð og
raun bar vitni með Drög að heim-
komu, er það oft viss prófraun fyr-
ir tónlistarmenn að halda þeim
meðbyr áfram, að sanna að þessi
góða byrjun hafi ekki verið fögur
fyrirheit ein. Þá prófraun er víst
óhætt að fullyrða að Orri hafi stað-
ist með nýju plötunni, Stóra
draumnum, því þar hefur hann
náð að móta sinn eigin persónu-
lega stíl enn frekar, sem þó eins og
fyrr sagði var strax ótrúlega mikið
þroskaður á byrjendaverkinu. Orri
lætur fylgja með plötunni aðfarar-
orð, þar sem hann skýrir frá til-
drögum margra textanna á henni,
sem rætur eiga að rekja til dvalar
hans í Danmörku um skeið. Bjó
hann þar með vini sínum, sem átti
þann stóra draum að „slá í gegn".
Það gekk ekki eftir hjá þeim að
koma sér á framfæri, en um þenn-
Orri Harðarson. Stenst prófraun-
ina fyllilega með nýju plötunni
Stóri Draumurinn.
an draum félaga síns um frægðina,
spinnur Orri sem sé stóran hluta
plötunnar í víðu samhengi auk
þess að kalla plötuna, Stóra
drauminn. En lögin og textarnir á
plötunni, sem samtals eru 11, end-
urspegla líka að því er manni virð-
ist draumaheim Orra sjálfs og
innri tilfinningar hans, sem hann
e.t.v. getur vart túlkað né komið
frá sér öðruvísi en á þennan máta.
Slík tjáningarþörf, borin fram í
dýpstu einlægni, hlýtur að hrífa
hvern þann sem á hlýðir og ber
minnsta skynbragð á slíkt. Því er
einfaldast að lýsa Stóra draumn-
um sem hrífandi plötu, með þó
ansi mismunandi tónlistarblæ-
brigðum á köflum.
Angurværðin er áfram sterk í
lagasmíðunum hjá Orra (t.d. í
Uppgjörið, þar sem Bubbi Mort-
hens syngur með og Goðsögn
gærdagsins) en fönki (Fullkominn
dagur) nýbylgju (Mök) og jafnvel
djasstón (Andvökunótt) bregður
fyrir. Með hjálp Sigurðar Bjólu
(Spilverksmanns í eina tíð) við
upptökuna og manna á borð við
Eðvarð Lárusson, Ingólf Sigurðs-
son og Pétur Hjaltested við hljóð-
færaleikinn, skapar svo Orri þann
umbúnað um verkið, að vel viðun-
andi er. Stóri draumurinn er tví-
mælalust ein af ánægjulegustu
plötum ársins.
Sendið vinum og
vandamönnum
erlendis
gómsæta KEA
hangikjötid
um jólin
Sendingaþjónusta
Byggðavcgi
sími 463 0377
??7??7??7???77?7?7??7
Aftur-
hvarf
hjá
„Brúsa“
Bruce Springsteen hefur þegar á
heildina er litið átt gríðarlegri vel-
gengni að fagna á sínum rúmlega
tveggja áratuga ferli, bæði sem
lagahöfundur fyrir aðra og tónlist-
armaður á eigin vegum. Eftir út-
gáfu platna á borð við The River,
Nebraska og Born In The USA,
sem allar seldust gríðarlega vel,
hefur mönnum að vísu þótt hafa
hallað nokkuð undan fæti hjá
„The Boss" og verk sem hafi kom-
ið í seinni tíð, Tunnel Of Love og
tvíburaplöturnar Human Touch
og Lucky Town auk „Unplugged"
og safnplötu, ekki staðist saman-
burð við forverana, en þær hafa þó
selst nógu vel til að halda nafni
hans áfram vel á lofti. Rokkið hef-
ur á seinustu plötunum verið í að-
alhlutverkinu, en nú á nýjustu
plötu sinni, The Ghost Of Tom Jo-
ad, sem út kom fyrir skömmu,
snýr Springsteen á vissan hátt aft-
ur til uppruna síns, þjóðlagahefð-
arinnar, þar sem t.a.m. Bob Dylan,
Woddy Guthrie o.fl. eru áhrifa-
valdar hans. Er einfaldleikinn,
rödd, gítar og munnharpa, að
mestu í aðalhlutverki og svipar
plötunni um margt til Nebraska,
sem kom út 1982. Að góðum sið er
svo fjallað um sögupersónu frá
horfinni tíð, en Tom Joad sækir
Springsteen úr einni af frægustu
skáldsögum John Steinbachs,
Grapes Of Wrath frá árinu 1939,
sem við þekkjum á íslensku sem
Þrúgur reiðinnar. Er skemmst frá
því að segja að platan hefur fengið
góða dóma og er mál sumra gagn-
rýnenda að sé það langbesta sem
komið hafi frá „Brúsa" í mörg ár.
Bruce Springsteen með sína bestu
plötu í mörg ár.
5 ÁRA ÁBYRGÐ
Þú ert
áhyggjulaus með
Þvottavél
19 kerfi
Sparnaðarkerfi
Ullarkerfi
500-1000 snúninga
Barnalæsing
Þurrkari
Snýr í báðar áttir
Tvö hitastig
Kælir í lokin
Verð frá 23.600,-
Allir sem kaupa Hotpoint fyrir
jól fá geisladisk í kaupbæti.
Heitustu diskarnir á aðeins 1.590,-
T.d. Bubbi, KK, Geirmundur,
Páli Óskar, Emeliana Torrini og fleiri.
- TVEIR ÞÆTTIR AT LANDI OG SJÓ -
Eftir Vilhjálm Hjálmarsson
fyrrverandi menntamálaráðherra
Metsöluhöfundinum Vilhjálmi Hjálmarssyni
er einkar vel lagið að segja frá eins og al-
kunna er. Hann hefur nú tekið saman tvo afar
athyglisverða þætti um efni sem of lengi hafa
l.^gio í þagnargildi:
Orlagaatburði um miðja öldina. Þegar bjargarleysi vofc
yfir og botnlaus ófærð lokaði leiðum gripu vaskir men
tjl nýrra ráða ...
Arabátaútgerð vinaþjóðar okkar, Færeyinga, héðai
Færeysku sjómennirnir komu áratugum saman sunna
yfir sæinn og höfðu sumardvöl við einhvern fjörðin
eða víkina...
Fróðleg og skemmtileg bók
- eins og Vilhjálms er vandi.
ÆSKAN