Dagblaðið Vísir - DV - 11.08.1995, Qupperneq 15
FÖSTUDAGUR 11. ÁGÚST 1995
15
Undirhyggja í úthafs-
veiðistef nu íslands
Ráðstefnu SÞ í New York lauk
sl. fostudag, með endanlegum
samningi um stjórnun úthafsveiða,
þar sem ákveðið var að aðliggjandi
lönd skuli stjórna veiðum á hverju
úthafsveiðisvæði fyrir sig og að 200
sjómílna lögsaga frá hverju landi
sé endanleg. Strandríki geta þannig
ekki stækkað fiskilögsögu sína
umfram þessi takmörk.
Þessi ákvæði leiða strax til þess
að ísland ætti að verða aðili að
tveim slíkum veiðisvæðum, þ.e.: a)
Veiöum í Norðurhaflnu, en sú
veiðislóð er umlukin fiskveiðilög-
sögu íslands, Færeyja, Noregs og
Rússlands, sem ein ættu sameigin-
lega að hafa alla stjórn á þessum
veiðislóðum, og b) Norður-Atlants-
hafssvæöið sem liggur suður og
suðvestur af íslenskri og græn-
lenskri fiskilögsögu þar sem island
og Grænland ættu ein sér að hafa
mesta aðild að stjórnun veiðanna.
Þessi veiðisvæði eru algjörlega að-
skilin af fiskilögsögum íslands,
Grænlands og að nokkru Færeyja,
auk þess sem veiöar á þessum
svæðum eru í flestum atriðum ólík-
ar.
Krafa íslands ætti því að vera að
þessi svæði lúti aöskildum og sjálf-
stæðum úthafsveiöistjórnum og að
réttur íslands til veiða og setu í
báðum stjórnum sé viðurkenndur.
Að setja báðar þessar veiðislóðir
undir einn hatt undir nafninu
Norðaustur-Atlantshaf byggist að-
eins á venjulegri fákunnáttu is-
lenskra blaðamanna sem hefir ver-
ið allt of áberandi að undanförnu.
Þáttur fjölmiðla
En blaðamönnum er nokkur vor-
kunn. Gagnvart almenningi er
KjaUaiinn
Önundur Ásgeirsson
fyrrv. forstjóri Olis
enga stjórnun eða leiðbeiningu að
finna hjá íslenskum stjórnvöldum,
hvorki fiskiráðuneytinu né ráðu-
neyti utanríkismála, um hver sé
stefna þeirra í úthafsveiðum.
Síðan kvótalögin voru sett árið
1984 hafa stjómvöld í framkvæmd
framselt stjórnun úthafsveiðanna
til LÍÚ sem síðan framseldi hana
aftur til formanns úthafsveiði-
nefndar LÍÚ austur á Þórshöfn og
þaðan koma síðan allar nýjustu
Bakkabræðrasögurnar. Getur ein-
hver tekið mark á svona stjórn-
sýslu ríkisins?
ísienskir fjölmiðlar telja þetta
eðlilegt og lýsir þeim vei. Menn
mættu gjarnan vanda sig meira.
En hvað skal gera þegar forsjáin
eða stjórnunin er engin? íslenskir
fjölmiölamenn hafa stutt yfirgang
Norðmanna í Norðurhafinu þar
sem þeir hafa óátalið helgað sér 200
„Ef Island vill halda 1 heiðri stefnu um
fjögurra þjóða stjórnun á veiðum 1
Norðurhafinu verður að gera kröfu til
þess að Færeyjar eigi þar einnig full-
trúa.“
„Krafa islands ætti þvi að vera að þessi svæði lúti aðskildum og sjálf-
stæðum úthafsveiðistjórnum ...“ segir Önundur m.a. í greininni.
mílna fiskilögsögu kringum Jan
Mayen, Svalbarða og Bjarnarey
með reglugerð útgefinni í Ósló.
Engin opinber mótmæli hafa kom-
ið fram frá íslenskum stjórnvöld-
um en fjölmiðlar hér hafa athugun-
arlaust hermt þetta eftir Norð-
mönnum.
Og Færeyingar gleymdust
A ráðstefnunni í New York bauð
Kórelskí, fiskiráðherra Rússa,
norska og íslenska starfsbróður
sínum til viðræðna í St. Péturs-
borg, sem sá íslenski hefir þegið.
En það hefir gleymst að bjóða þeim
færeyska. Ef ísland vill halda í
heiðri stefnu um fjögurra þjóða
stjórnun á veiðum í Norðurhafinu
verður að gera kröfu til þess að
Færeyjar eigi þar einnig fulltrúa.
Þetta ætti mönnum að vera ljóst
nú, eftir að meginhluti þeirrar síld-
ar af norsk-íslenska stofninum,
sem veiddur var af íslenskum skip-
um í vor, var einmitt veiddur innam
færeysku fiskilögsögunnar. Þeim
síldveiðum lauk með því að fjöl-
miðlar skýrðu frá því að síldin
hefði horfið af Rauða torginu „inn
í norsku fiskilögsöguna við Jan
Mayen“.
Engin mótmæli komu fram frá
íslenskum stjórnvöldum, þótt eng-
in slík fiskfiögsaga sé til við Jan
Mayen, nema í norskum ruglukoll-
um. Jan Mayen er eyðisker og þar
er engin byggð og því er þar engin
fiskilögsaga.
Önundur Ásgeirsson
Enqinn frá R-listanum
Sl. þriðjudag bað blaðamaður DV
undirritaðan að láta í ljós álit sitt
á eftirfarandi í dálknum „Með og á
móti“. Spurningin var þessi: „Var
rétt að taka niöur málverk af
Bjama Benediktssyni sem hangið
hefur uppi í Höfða?“
Ég tjáði mig strax reiðubúinn til
að láta í ljós skoðun mina og gerði
þaö en síðar sama dag kom í ljós í
símtali við blaðamanninn að eng-
inn talsmaður R-listans var tilbú-
inn að vera meðmæltur ofan-
greindri fullyröingu, þar á meöal
borgarstjóri. Þar með var komið í
veg fyrir að hægt væri að fjalla um
málið í þessum þætti DV.
Gerræðisleg vinnubrögð
Svar mitt við fullyrðingunni, sem
birtast átti í dálknum, var afdrátt-
arlaust og orðaðist þannig:
Málverk af Bjarria Benedikts-
syni, fyrrverandi borgarstjóra og
forsætisráðherra, var sett upp í
Höföa fyrir u.þ.b. 25 árum til minn-
ingar um einn mesta stjórnmála-
mann þjóöarinnar á þessari öld.
Frá þeim tíma hefur aldrei komið
til umræðu að fjarlægja myndina
eða koma henni fyrir á öðrum stað.
Sú ákvörðun borgarstjóra að taka
myndina niður og koma henni fyr-
Kjallariim
Vilhjálmur Þ.
Vilhjálmsson
borgarfulltrúi
ir í geymslu er forkastanieg og jafn-
framt óskiljanleg enda hefur borg-
arstjóra gengið afar illa að
rökstyðja þá ákvörðun sína.
Auðvitað getur komið til álita að
breyta staðsetningu listaverka sem
sett eru upp til minningar um látna
forystumenn en þegar um er að
ræða mynd sem hangiö hefur uppi
í tæpan aidarfjórðung í þessu sögu-
fræga húsi er bæði sjálfsagt og eðli-
legt að allar slíkar breytingar séu
kynntar og ræddar á réttum vett-
vangi og um þær sé víðtæk sam-
staöa. Vinnubrögð borgarstjóra í
þessu máli eru hins vegar ótrúlega
gerræðisleg og lýsa algjöru virðing-
arleysi.
Minjar um merkan fund
Borgarstjóri lét ekki þar við sitja
að taka niður málverkið af Bjarna
Benediktssyni því einnig hafa verið
afmáð öll ummerki fundar Reagans
og Gorbatsjovs sem haldinn var í
Höfða 1986. Sú ákvörðun borgar-
stjóra er að mínu viti einnig al-
röng. Minjar um þann merka fund,
sem markaði upphafið að falli
kommúnismans í Evrópu, eiga tví-
mælalaust að vera til staðar í Höfða
og hefðu ennfrekar aukið sögulegt
gildi þess fornfræga húss.
Mín tillaga er sú aö málverkinu
af Bjarna Benediktssyni veröi
komið fyrir aftur á sama stað, þar
sem það hefur verið i tæpan aldar-
fjórðung, og fundarherberginu í
Höfða komið í sama horf og það var
áður en breytingarnar voru gerðar
á því sl. vor.
Vilhjálmur Þ. Vilhjálmsson
„Mín tillaga er sú að málverkinu af
Bjarna Benediktssyni verði komið fyrir
aftur á sama stað, þar sem það hefur
verið í tæpan aldarfjórðung, og fundar-
herberginu 1 Höfða komið 1 sama horf
og það var áður en breytingarnar voru
gerðar á því sl. vor.“
Meðog
ámóti
Umframeyðsla og skulda-
bréfalán borgarinnar
Aukumekki
yfirdráttinn
„Umfram-
eyðsla borg-
arsjóðs var í
rauninni fyr-
irséð í fjár-
hagsáætlun
borgarsjóðs
fyrir þetta ár
endavartaiað
um þaö Strax Guðrun Ögmundsdóttlr,
í upphafi að l»rgartumrúi Reykiavík-
þaðyrðitekið urli5la
á þessu síðar þar sem ekki var
vitað hver fjárhæðin yröL Þetta
skuldabréfaútboö nú er í raun-
inni bara leið tO aö koma til raóts
við umframeyðsluna og halda yf-
irdrætti borgarsjóös 1 lágmarki.
Samhliöa útboöinu verður fjár-
hagsáætlun borgarinnar endur-
skoöuð og fariö yfir hana með
yfirmönnum allra borgarstofh-
ana í lok ágúst til að kanna hvort
um einhveija umframeyðslu er
þai' að ræða. Ef um slíkt er að
ræöa, sem ég hef ekki trú á, verð-
ur auðvitað tekið á því.
Gamli meirihlutinn i borgar-
stjóm notaði yfirdráttinn óspart
og þess vegna fóru mál af þessu
tagi aldrei fyrir borgarráð. Yfir-
drátturinn hækkaði bara stöðugt
þannig að það er farið í þetta út-
boð til að halda yfirdrættinum
niðri. Það hefði verið hægt að fara
þessa laumuaðferö en það á ekki
að gera það heldur viijum við
setja hlutina á boröið. Umfram-
eyðsla borgarinnar byggist á al-
varlegu atvinnuástandi. Meðan
það lagast ekki og ríkisvaldið
kemur ekki inn af meiri krafti
bitnar þaö á sveitarfélögunum."
Vllhjálmur Þ. Vilhjálms-
son, borgarfulltrúl S|áH-
stæðistlokks
Engarróttæk-
ar aðgerðir
„í kosn-
ingabæklingi
R-listans
sagði eftirfar-
andi: „Sér-
stök endur-
skoðun verð-
ur gerð á fjár-
rnálum borg-
arsjóðs þegar
í sumar. Fjár-
liagsáætlun
fyrir borgina vegna þessa árs
verður endurskoðuð á grundvelli
hennar. Gerö verður langtímaá-
ætlun um að greiða niður gömlu
skuldirnar." Það sem gerðist var
þetta: Endurskoöunin var fram-
kvæmd, fjárhagsáætlunin vegna
1994 var ekki endurskoðuð og
borgarstjóri lýsti því yfir að
„gömlu skuldirnar" yrðu ekki
greiddar niður. Nú blasir við að
fyrsta fjárhagsáætlun R-listans
stenst alls ekki og umframeyðsla
verði 700-1.000 milljónir. Það er
ástæðan fyrir því að borgarsjóður
verður að taka lán nú þegar sem
nemur 700 milljónum. Borgar-
stjóri segir að þessa umfram-
eyðslu hefði mátt sjá fyrir en
samt sem áður var ekkert tillit
tekiö tíl þess við gerð flárhagsá-
ætlunar. Á sama tíma eiga sér
stað skattahækkanir á borgarbúa
sem nema um það bil 1,3 milljörö-
um, meðal annars 26 prósenta
hækkun fasteignagjalda. Þrátt
fyrir þessa þróun í flármálum
borgarinnar, sem fulltrúar R-list-
ans hafa mörg hundruö sinnum
lýst yfir að myndi aldrei eiga sér
stað hjá þeim, eru engar róttækar
aðgerðir í gangi til að stemma
stigu við henni. Afleiðingin er
meðal annars sú að rekstrargjöld
borgarsjóðs aukast um hundruð
milljóna á næstu misserum og
árum.“ -GHS