Þjóðviljinn - 08.05.1963, Blaðsíða 1

Þjóðviljinn - 08.05.1963, Blaðsíða 1
MANNLÍF Á SPJALDSKRÁ Miðvikudagur 8. maí 1963 — 28. árgangur — 102. tölublað. Gögn þau sem Þjóðviljinn hefur birt varðandi njósnir bandaríska sendiráðsins um fslendinga hafa að vonum vakið mikla athygli alls al- mennings. Viðbrögð hernáms- blaðanna hafa hins vegar verið þau, að hvorki Alþýðublaðið eða Tíminn hafa minnzt á málíð en Vísir og Morgun- blaðið tekið upp hanzkann fyrir bandaríska sendiráðið og hafa bæði blöðin reynt að af- saka njósnarstarfsemi þess eftir beztu getu. Um þessa afstöðu hernáms- blaðanna tíl persónunjósna bandaríska sendiráðsins er rætt á 12. síðu blaðsins i dag og þar er einnig birt ein af njósnaskýrslunum. Eiga undanhaldsmenn að semja um LANDHELGINA í London í haust? Ji.lm Wood (t.v.) og Logi Einarsson (fremst t.h.) — (Ljósm. Þjóðv. A. K.). Heimótfarskapurinn fyrir kosníngar sýn- ir hvers megi vœnfa effir kosningar Eins og skýrt hefur verið 'frá í fréttum hafa Bretar ákveðið að kalla saman ráðstefnu um landhelgismál í London í september í ár, og á m.a. að ræða þar um fiskveiðiréttindi í Norður-Atlanzhafi, markaðsréttindi og eftirlit með fiskveiðum, og er ísland í hóp þeirra þjóða sem boðið hef- ur verið til ráðstefnunnar. Auðvitað er það engin tilviljun að ráðstefnu þessa á að halda nokkrum mánuðum áður en undanþágusamningurinn um veiðar Breta í íslenzkri landhelgi rennur úí, og skömmu áður en nauðung- arsamningur Dana um landhelgina við Færeyjar fellur úr gildi. Á þessari ráðstefnu ætla Bretar að sjálfsögðu að tryggja sér ný sérréttindi við ís- land og Færeyjar. Undirlægjuháítur ríkisstjórnarinnar í átökunum við brezka veiðiþjófa nú — nokkrum vikum fyrir kosningar — er til marks um það hvers vænta megi ef stjornarflokkarnir hafa einir vald til að fara með landhelgismálin að kosningum loknum. Wood útgerðarmaður biður sér vægðar af réttinum Þau tíðindi gerðust í Milwood-málinu í gær, að John Wood, eigandi togarans, kom fyrir réttinn og bauðst til að gefa skýrslu um viðskipti sín við Smith skipstjóra sinn. Hann fékk að gefa skýrsluna, en ekki var tekinn af honum eiður og um mörg atriði hennar er hann einn til frásagnar. Hann byrjaði að lýsa fyrir réttinum hve mikið áfall missir skipsins væri fyrir hann og að það kostaði hann 260 sterlingspund á dag að geta ekki haldið skipinu úti. Það mun vera einsdæmi að brezkur útgerðarmaður komi fyrir rétt á íslandi. Þegar John Wood hafði þann- ig reynt að skapa andrúmsloft samúðar í réttinum. tók hann það fram að ef hann fengi ekki ekipið laust hið allra bráðasta væri úti um sig efnahagslega, hann yrði sem sagt gjaldþrota. Síðan hóf hann að lýsa gangi málsins. Þetta var mikil raunasaga út- gerðarmanns sem ekkert vald hefur yfir skipstjóra sínum. Hann kvaðst hafa talað við Smith með- an hann var enn um borð í Milwood. Hann hafði lagt mjög fast að Smith að gefa sig á vald íslenzku landhelgisgæzlunni, en skipstjórinn hefði verið ó- sveigjanlegur, síðan hefði gengið maður undir manns hönd til að koma vitinu fyrir Smith, en árangurslaust. Næst hafði hann fregnir af því að Smith væri kominn um borð í Juníper, en sá togari er einnig eign Woods. Nú sagð- ist hann hafa haldið að bæði skipin væru komin í skömm og óttaðist mjög að missa þau í hendurnar á Óðinsmönnum. Mil- wood var lagður af stað til Reykjavíkur undir íslenzkri stjórn og Óðinn hafði tekið til við að elta Júníper. Til þess nú að bjarga málinu hafði hann orðið við beiðni skozka innan- ríkisráðuneytisins og látið Juni- per snúa við áleiðis til Islands aftur í u.þ.b. klukkustundar- siglingu. Wood náði nú sambandi við Hunt skipherra á PalUser og tjáði honum að Juníper yrði að halda áfram ferð sinni til Aber- deen til að ná markaðinum þar, en þá sagði Hunt honum að Smith væri kominn yfir í skipið til sín. Wood fannst málið nú vera komið í mikla sjálfheldu og til að höggva á hnútinn hefði hann skipað Hunt að fara með Smith aftur um borð í Juníper og láta hann síðan sigla á fullri ferð til Skotlands. Sér hefði þó verið ljóst að hann hafði ekkert vald til að skipa Hunt eitt eða neitt! Honum skildist þó að þessi fram- Framhald á 2. síðu. Sósíalistar, Reykjavík Erindi og kvikmyndasýning í kvöld klukkan 20.30 ¦ Sosíalistafélag Reykjavíkur heldur fund í kvöld kl. 20.30 í Tjarnargötu 20 og verða þar flnitt erindi og kvikmynd sýnd. ¦ Þeir sem flytja erindi á fundinum eru Einar Olgeirsson er mun ræða um kjaramálin og atvinnumálin og Haukur Helgason sem talar um Efnahagsbanda- lagið og afstöðu íslenzku stjórnmálaflokkanna til þess. S Á fundinum verða einnig rædd félagsmál og að lokum sýnd 21 árs gömul lit- kvikmynd af 1. maÍJhátíðahöldum í Reykjavík. Yfirlýsing stjórnarflokkanna um að Bretar muni ekki fá nýj- ar undanþágur í íslenzkri land- helgi eru auðvitað marklausar. Fyrir síðustu kosningar stóðu all- ir stjórnarflokkanna einróma að yfirlýsingu Alþingis þar sem m.a. var komizt svo að orði. „Lýsir Alþingi yfir, að það telur fsland eiga ótvíræðan rétt til 12 mílna fiskveiði- landhelgi, að afla beri viður- kenningar á rétti þess til landgrunnsíns alls svo sem stefnt var að með lögunum um visindalega verndun fiski- miða Iandgrunnsins frá 1948, og að ekki komi til mála minni fiskveiðilandhelgi en 12 mílur frá grunnlínum um- hverfis landið". Loforðið um að ekki kæmi til mála minni fiskveiðilandhelgi en 12 mílur framkvæmdu stjórnar- flokkarnir með þvl að hleypa Bretum inn að 6 mílum. Sam- þykktin um landgrunnið var framkvæmd með því að afsala umráðaréttinum yfir því til Breta og alþjóðadómstólsins. Nú er komið í ljós að auk hinna opinberu nauðungarsamn- inga um landhelgina hefur verið gerður leynisamningur um land- helgisgæzluna. Efni hans er það að Iandhelgisgæzlan má ekki taka brezkan togara án sam- vinnu við brezka flotann, sem á að senda herskip á vettvang og samþykja tökuna, og í samræmi við Jiað hafa skipherrar brezkn herskipanna haft bækistöðvar f skrifstofu landhelgisgæzlunnar. Framkvæmd þessarar samvinnu birtist glöggt þegar Oðni var bannað að beita löglegu valdi til að taka skipstjórann á Milwood, en brezkt herskip bjargaði hon- um síðan undan með svikum og ofbeldi. Neyðaróp í Morgunblaðinu Með framkomunni í þvi máli hafa Bretar sjálfir brotið land- helgissamninginn við Island. Ríkisstjórninni bar auðvitað skylda til að lýsa yfir því að þar með væru allar undanþágur Breta í íslenzkri landhelgi falln- ar úr gildi fyrirvaralaust, auk þess að leggja hald á togarann og gera aðrar óhjákvæmilegar ráðstafanir í sambandi við sam- búð ríkjanna. En ríkisstjórnin hefur látið sér nægja að senda venjulega og marklausa mót- mælaorðsendingu. Hins vegar er Ijóst að ríkis- stjórnin er orðin Iogandi hrædd við afleiðingarnar af Framhald á 2. sfðu. Veriiar verkfall hjá Samsölunni? Frá og með morgundegin- um 9. maí hefst verkfall hjá verkamönnum og útkeyrslu- mönnum hjá Mjólkursamsöl- unni, ef samningar hafa ekki tekizt fyrir þann tíma. Eins og kunnugt er hafa flest verkalýðsfélögin haft lausa samn- inga sína frá því á sl. hausti og hafa samningaviðræður stað- ið yfir milli Dagsbrúnar og at- vinnurekenda öðru hvoru í vet- ur. Dagsbrún hefur nú boðað verk- fall frá og með 9. mai næst komandi, þ.e. á morgun, hjá Mjólkursamsölunni, ef samning- ar hafa ekki tekizt fyrir þann tíma. VerkfaUið nær bæði til verkamanna og útkeyrslumanna hjá Mjólkursamsölunni. Sáttafundur var boðaður í gær kl. 5 fyrir milligöngu sáttasemj- ara ríkisins. ITundurinn stóð enn er blaðið fór í prentun.

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.