Þjóðviljinn - 24.06.1964, Síða 4

4 SÍÐA
ÞJÖÐVILJINN
Miðvikudagur 24. júní 1964
Ctgetandi: Samelningarflokkur alþýöu — Sósialistaflokk-
urinn. —
Ritst.iórar: Ivai H. Jónsson. Magnús Kjartansson (áb.),
Siguröur Guðmundsson.
Rltstjóri Sunnuðags: Jón Bjarnason.
Fréttaritstjóri: Sigurður V Friðþjófsson.
Ritstjóm. afgreiðsla. auglýsingar. orentsmiðja. Skólavörðust 19.
Simi 17-500 (5 linur) Áskriftarverð kr. 90 á mánuði.
Lögreglustjórínn
Qaman er að sjá hvemig hernámssinnar kveinka
sér undan Keflavíkurgöngunni og grípa til þess
í vanda sínum að falsa tölur, þótt engum beri
að vísu saman í óðagotinu. Svo mikils hefur þótt
við þurfa að sjálfur lögreglustjórinn í Reykjavík,
Sigurjón Sigurðsson, tilkynnti fréttastofu útvarps-
ins í embættisnafni að innan við 120 hefðu hafið
gönguna, og Gylfi Þ. Gíslason menntamálaráð-
herra beitti húsbóndavaldi sínu til þess að koma
frásögn lögreglustjórans í fréttirnar. Hafa forustu-
menn Samtaka hernámsandstæðinga tilkynnt að
lögreglustjórinn verði látinn standa fyrir máli
sínu frammi fyrir réttum dómstólum, og verður
það fróðlegur atburður þegar um 200 göngumenn
staðfesta með eiði að æðsti gæzlumaður laga og
réttar í Reykjavík telji sannleikann meðal þeirra
ódyggða sem þurfi að uppræta í þjóðfélaginu.
^nnars hefur lögreglustjórinn í Reykjavík hlotið
ágæta þjálfun í baráttu við sannleikann. Hann
var á sínum tíma ritstjóri eins af nazistablöðum
þeim sem hér voru gefin út, og síðan hefur hann
auðsjáanlega ekkert lært og engu gleymt, þótt
húsbændurnir séu orðnir aðrir.
Óttinn viS QoUwater
^lþýðublaðið, málgagn utanríkisráðherra, birtir í
gær forustugrein um hættuna á því að Barry
Goldwater komist til valda í Bandaríkjunum.
Bendir blaðið á að hann hafi greitt atkvæði gegn
löggjöfinni um aukið jafnrétti kynþáttanna, hann
slái um sig með afturhaldsyfirlýsingum og styðji
hverskonar íhaldssemi við hvert tækifæri, og enn
segir blaðið: „Slíkur maður á ekkert erindi í
Hvíta húsið og mundi gera friðarhorfur í heim-
inum mun minni ef hann sýndi nokkra viðleitni
til að standa við orð sín.“
J£n hættan á valdatöku Barrys Goldwaters og
þeirra ofstækisfullu auðmanna og herforingja
sem á bak við hann standa er ekki aðeins banda-
rískt viðfangsefni og alþjóðlegt vandamál, heldur
og íslenzkt innanríkismál. ísland er bandarísk her-
stöð, tæki 1 höndum þeirra sem fara með völdin
vestanhafs á hverjum tíma. Ef Barry Goldwater
verður forseti Bandaríkjanna, myndi hann m.a.
nota herstöðvarnar á íslandi til framdráttar
stefnu sem leiða myndi styrjaldarhættu yfir
mannkynið allt að mati Alþýðublaðsins. Og dáta-
sjónvarpið á Keflavíkurflugvelli myndi hann hag-
nýta til þess að reyna að innræta íslendingum
sjónarmið sín.
0*ti Alþýðublaðsins við Goldwater er jafnframt
ótti um það hver örlög hernámsstefnan geti
leitt yfir íslendinga. Sókn afturhaldsaflanna í
Bandaríkjunum er augljós röksemd fyrir því að
íslendingum er það lífsnauðsyn að víkja her-
námsliðinu af landi brott og taka upp frjálsa og
óháða utanríkisstefnu. — m.
Ályktun þings framhaldsskólakennara:
ALLT SAGNFRÆBASTim
SÉ í SÉRSTÖKUM SKÓLUM
10. þing Landssambands
framhaldsskólakennara ' var
haldið dagana 5.—7. þ.m. í
Reykjavík.
Menntamálaráðherra, Gylfi
Þ. Gíslason, og fjármálaráð-
herra, Gunnar Thoroddsen,
heiðruðu þingið með naerveru
sinni við þingsetningu.
Meðal annarra gesta við
setningu þingsins voru Geir
Hallgrímsson boirgarstj., Helgi
Elíasson, fræðslumálastjóri og
dr. Richard Beck prófessor á-
samt frú sinni. Prófessorinn
flutti þinginu snjallt ávarp.
f ávarpi, sem menntamála-
ráðherra flutti þinginu, til-
kynnti hann kærkomna leið-
réttingu ríkisstjórnar á mis-
rétti, er fjölmargir framhalds-
skólakennarar höfðu orðið fyr-
ir við gildistöku Kjaradóms 1.
júlí 1963 Höfðu þeir fjármála-
ráðherra og menntamálaráð-
herra unnið að þeirri leiðrétt-
ingu um nokkurt skeið í sam-
ráði við kennara. Ávarpi
menntamálaráðh. fylgdi svo-
hljóðandi bréf:
„Það tilkynnist hér með, að
ríkisstjórnin hefur ákveðið að
fallast fyrir sitt leyti á,. að
þeir framhaldsskólakennarar,
sem voru skipaðir eða settir í
kennarastöðu 1. júni 1952, þeg-
ar lög um breytingu á lögum
nr. 36 11. júlí 1911 um for-
gangsrétt kandidata frá Há-
skóla fslands til embætta tóku
gildi og kváðu á um óskert
kennsluréttindi þeirra, sem áð-
ur höfðu hlotið kennararétt-
indi, skulu frá 1. júlí 1963
taka laun samkvæmt 18. launa-
flokki. Ennfremur mun ráðu-
neytið í samráði við Kennara-
skóla íslands og kennarasam-
tökin efna til námskeiða fyrir
þá kennara, sem framangreind
regla tekur ekki til, er geri
þeim kleift að flytjast í hærri
launaflokk“.
Létu þingfulltrúar ánægju
sína, á afgreiðslu ríkisstjórnar-
innar á máli þessu, í ljós með
lófataki.
Fyrsti forseti þingsins var
kjörinn Kristinn Gíslason
gagnfræðaskólakennari.
Þessi voru helztu mál, sem
þingið tók til meðferðar: Skóla-
mál, launamál, félagsmál og
menntun og réttindi kennara.
Nefndir höfðu fjallað um öll®
þessi mál fyrir þing og lágu á-
lit þeirra fyrir binginu.
Helztu samþykktir þingsins
voru þessar:
UM SKÓLAMÁL: Að leitazt
verði við að Ijafa allt gagn-
fræðastigið, 1.—4. bekk, í sér-
stökum skólum, nema nákvsem
rannsókn sanni, að annað fyr-
irkomulag sé heppilegra fyrir
nemendurna. Að vinna þurfi
að því, að nám á gagnfræða-
stigi komi meira að notum í
daglegu lífiien nú er m.a. með
því að hefja markvissan undir-
búning að tækninámi í gagn-
fræðaskólum.
í LAUNAMÁLUM: Stjóm L.
S.F.K. var falið að vinna að
ýmsum lagfæringum, í sam-
bandi við niðurröðun kennara
í launaflokka, fyrir næstu
kjarasamninga opinb. starfs-
manna.
UM FÉLAGSMÁL. Samiþykkt
var að stofna launanefnd L. S.
F. K., þar sem hinir ýmsu
sérhópar kennara ættu full-
trúa, svo að stjórn sambands-
ins gæti leitað til þeirra, þeg-
ar hún vinnur að hagsmuna-
málum hópsins við kjarasamn-
inga eða sérsamninga. Einnig
var samþykkt að efla samband
stjórnar L. S F. K. við félaga
úti á landi t.d. með útgáfu
fréttabréfa. Þá var og sam-
þykkt að hafa skrifstofu sam-
bandsins opna ákveðinn tíma í
viku og hefur sá tími verið á-
120 luku próf-
um frá Eiðaskóla
Alþýðuskólanum á Eiðum
var slitið laugardaginn 30.
maí s.I. við athöfn i Eiða-
kirkju.
Sóknarpresturinn, sr. Einar
Þ. Þorsteinsson flutti hug-
vekju og nemendur sungu und-
ir stjóm söngkennara skólans.
Magnúsar Kristinssonar.
, Þórarinn Þórarinsson, skóla-
stjóri flutti skólaslitaræðu,
skýrði frá starfsemi skólans
og úrslitum prófa, afhenti
verðlaun og viðurkenningu og
ávarpaði nemendur.
Skólinn starfaði með svipuð-
um hætti og áður. nema hvað
nú var í fyrsta sinn starfrækt-
--------------------------------$
Islendingi boð-
in námsvist
Samkvæmt upplýsingum frá
menntamálaráðuneytinu hefur
Listaháskólinn í ' Kaupmanna-
höfn fallizt á að taka við ein-
um íslendingi árlega til náms
í húsagerðarlist, enda full-
nægi hann kröfum um undir-
búningsnám og standist með
fullnægjandi árangri inntöku-
próf í skólann, en þau hefj-
ast venjulega í byrjun ágúst-
mánaðar.
Slátfur hafinn
Sláttur er hafinn á nokkrum
bæjum í Mýrdal, en ekki er
þó búizt við að bændur verði
almennt famir að slá fyrr en
um næstu mánaðamót. Tíð var
mjög góð framan af vori, en
langvarandi þurrkur dró mjög
úr grassprettu fyrri hluta júní-
mánaðar. Víða er þó komið all-
gott gras á nýrækt, sem ekki
Var beitt í vor.
ur 4. bekkur i skólanum til
undirbúnings fullgildu gagn-
fræðaprófi, og nám í verk-
námsdeild miðskóla var miðað
við framhaldsnám í iðnskóla.
Sýning á handavinnu, teikn-
ingum og vinnubókum nem-
enda var haldin nokkru fyrir
skólaslit í sambandi við brott-
för nemenda úr neðri bekkjum
skólans.
Prófum luku 120 nemendur
ar af 11 í gagnfræðadeild og
18 í landsprófsdeild miðskóla
og af þeim hlutu 15 framhalds-
einkunn, þ. e. meðaleinkunn
6 eða þar yfir í bóklegum
greinum. Hæsta einkunn á
gagnfræðaprófi hlaut Guðný
Kristjánsdóttir frá Stöðvar-
firði 8,29. Er hún fyrsti gagn-
fræðingurinn sem útskrifast
eftir fjögurra ára nám í Eiða-
skóla.
Á landsprófi hlaut hæsta
einkunn Stefán Vilhjálmsson
frá Brekku í Mjóafirði 9,10 í
landsprófsgreinum, sem jafn-
framt er hæsta einkunn á
landsprófi við Eiðaskóla.
Á almennu miðskólaprófi
urðu hæst: Herborg Jónasdótt-
ir frá Neskaupstað úr bók-
námsdeild 7,24 en Daníel Sig-
urðsson frá Hallormsstað 7,36
úr verknámsdeild.
Við burtfararpróf eldrideild-
ar varð hæstur Jón Atli Gunn-
laugsson frá Setbergi í Fella-
hreppi. með einkunnina 9,02
að meðaltali úr öllum greinum,
en í yngri deild Sigbergur
Friðriksson frá Vattamesi, 8,67.
(9,04 f bóklegum greinum).
Margt gesta var við skóla-
slitahátíðina. Skólinn er full-
skipaður næsta skólaár og vísa
varð frá fjölda umsókna.
Framkvæmdir eru hafnar við
framhaldsbyggingu skólahúss-
ins og senn er lokið frarn-
kvæmdum við sameiginlega
vatnsveitu fyrir staðinn.
kveðinn á þriðjudögum kl. 4 til
7, frá 1. ágúst n.k.
ítarlegt álit um menntun og
kjör sérgreinakennara lá fyrir
þinginu. Tillögurnar voru rædd-
ar og þeim vísað til fræðslu-
málastjóra, iðnfræðsluráðs: og
iðnfræðslunefndar 1961.
Þinginu bárust heillaskeyti
frá þingi S. í . B. og frá rík-
isútgáfu námsbóka.
Friðbjörn Benónísson, ,sem
verið hefur formaður L. S. F.
K. i fjögur ár lét nú af því
starfi að eigin ósk og voru
honum þökkuð frábær störf í
þágu sambandsins á mestu um-
brotatímum þess, þegar 'það
var að gerast óbeinn aðili að
samningum um kaup og kjör
meðlima sinna. Samþykkti
þingið að færa honum kr.
20.000,00, sem þakklætisvott
fyrir fórnfúst og vel heppnað
starf.
í stjórn voru kosnir til
næstu tveggja ára: Ólafur H.
Einarsson, formaður; Þorsteinn
Eiríksson, varafoirmaður; Jón-
as Eysteinsson, ritari; Guð-
mundur Árnason, féhirðir;
Baldur Jónsson; Bryndís Stéin-
þórsdóttir; Magnús Jónsson;
Snorri Jónsson og Þráinn Löve.
(Frá Landssambandinu).
Fprar,, Utsýnar -
ferðir innanlanJs
1 sumar mun Ferðaskrifstof-
an útsýn gefa fólki kost á
fjórum langferðum innanlands.
Eru þær skipulagðar með nokk-
uð nýstárlegum hætti. því að
hér er um hringferðir að ræða,
og verður ferðazt ýmist á landi
eða í lofti.
Allar ferðirnar ver'ða farnar
frá Reykjavík, og tekur hver
þeirra 10 daga. Lagt verður
af stað í fyrstu ferðina 8. júií.
Verður þá farið landveg norð-
ur og austur um land allt til
Hornafjarðar, en flogið þaðan
til Reykjavíkur þann 17. sama
mángðar. t/erður ferðum hagað
þanrtig, að þátttakendum gcf-
ist kostur á að leiða augum
ýmsa hina fegurstu og merk-
ustu staði í mörgum landshlut-
um, svo sem umhverfi Húsa-
feils, Reykhoit og fieiri staði
í Borgarfirði, Vatnsdal í Húna-
vatnssýslu, Skagafjörð af
Vatnsskarði, byggðasafn í
Glaumbæ. Hóla í Hjaltadal,
sveitir og merkisstaði í Eyja-
firði, Vaglaskóg, Goðafoss, Ás-
byrgi, Dettifoss, Mývatnssveit,
Fljótsdalshérað og Hornafjörð.
Verður dvalizt daglangt í Eyja-
firði, Mývatnssveit, á Fljóts-
dalshéraði og í Hornafirði.
Næsta ferð verður farin dag-
ana 17. — 26. júlí. Verður þá
fyrst flogið til Hornafjarðar,
en síðan ferðazt með bíl um
Austur- og Norðurland til R-
víkur og komið á sömu staði
og í fyrstu ferðinni.
. , ■ ■ > ■ -■ ■ ■ s* .
Þriðja ferðm verður farm
dagana 5.—14. ágúst. og er
hún skipulögð eins og hin
fyrsta, en fjórðu ‘sWöstu
ferðinni verður hagað eiris og
ferð nr. 2, og verður hún far-
in dagana 14. — 23. ágúst.
I öllum ferðunum verður
þátttakendum séð fyrir góðri
hótelgistingu og fæði, en þeim,
sem kynnu að vilja ódýrari
gistingu gefst kostur á svefn-
pokaplássi á öllum gististöð-
unum.
KVEÐJA
í minningu Jónasar Kristjánssonar
Borgarnesi.
Þú baráttumaður, Borgar arfí,
fallinn ert í val og farinn heím.
Man eg þig Jónas á morgni lífsins
glaðan og reifan til góðra verka.
Fórstu svo lengi í fararbroddi, og
veikum bróður við veginn réttir hönd.
Því er nú mikill sjónarsviptir
við brottför þína úr Borgarnesi.
Heilsteyptur varstu og hugumstór.
Eigin hagur vék, fyrir annarra heill,
þegar karpað var um kjör.
Axlaðir þú oft ýmsa bagga,
sem miðlungsmenn máttu ei lyfta
og tókst forustu á torfærum vegi,
þegar snauðir sneru sér til þín.
Þannig varst þú, Jónas.
Skaltu því meira metinn
sem menning vex stærri
í Borgarumdæmi björtu,
því fólkið sækir fram.
Þó maður falli merkið stendur.
Aðrir hefja á loft, áfram halda
brautryðjandans för og byggja vegi.
Þeir munu þakka þér.
17. júní 1964
Jóhann J. E. Kúld.
<
*