Þjóðviljinn - 05.07.1974, Blaðsíða 8
8 StÐA — ÞJÓÐVILJINN Föstudagur 5. júli 1974
GISTIHEIMILI FARFUGLA HEIMSÓTT
Helga Þórarinsdóttir á skrifstofu Farfuglaheimilisins
Hannelies Ettrich og Heins Zufall frá Kassel
,3YRJUÐUM
í LÍKHÚSI”
Farfugiaheimiliö viö Laufásveg. Yst til hægri sést húsiö sem bættist viö
I sumar.
Á mótum Laufásvegar og Baldursgötu stendur
reisulegt sólgult hús og telst númer 41 við Laufás-
veg. 1 þessu húsi er Bandalag islenskra farfugla til
húsa og i bakgarði þess má iðulega sjá þá manngerð
sem íslendingar nefndu til skamms tima „bakpoka-
lýð” með nokkurri fyrirlitningu. Flestir hafa þó tek-
ið þetta fólk i sátt, enda hefur það ekki annað til
sakar unnið en að vilja ferðast sem ódýrast og við-
ast.
Þjóðviljamenn litu þar inn á dögunum og vildu
kynnast starfsemi þessa húss.
Á neðstu hæð hússins er skrif-
stofa BÍF og jafnframt móttaka
fyrir gesti. Þar var I fyrirsvari
Helga Þóarinsdóttir önnum kafin
við að afgreiða gesti og leiðbeina
þeim á ýmsan hátt. Við inntum
hana eftir þvi hve lengi BfF hefði
rekið gistiheimilið.
Verður fullt
fram í ágúst
— Það byrjaði upp úr 1950. Þá
vorum við eitt sumar I litlu húsi
sem stóð bak við það hús sem nú
er Lindargötuskólinn. Áður
nefndist það eins og kunnugt er
Franski spitalinn og gegndi þá
litla húsið okkar þvi hlutverki að
vera likhús. Þaðan fluttum viö
upp i Austurbæjarskóla og vorum
þar i sjö sumur. Næst vorum viö
eitt sumar á Viðivöllum sem var
stórt grátt hús og stóð þar sem nú
stendur Laugardalssundlaugin.
Fyrir tiu árum festum við svo
kaup á þessu húsi og höfum verið
hér siðan.
— Hvað getið þið hýst marga
hér i einu?
— Hér er rúm fyrir 60 manns i
7—10 manna herbergjum.
— Rekið þið fleiri slik heimili
úti á landi?
— Nei, ekki Farfuglar sem
slikir. Hins vegar eru gistiheimili
rekin á Akureyri og að Fljótsdal i
Fljótshlið i samráði við okkur.
Auk þess á bandalagið litið hús i
Lækjarbotnum og ræktað land I
Valabóli sunnan við Hafnarfjörð.
Þar er hellir sem oft var gist I áð-
ur fyrr.
— Er mikil umferð hjá ykkur?
— Já, þetta er komið i fullan
gang og i siðustu viku var fullt
hverja einustu nótt og þannig
verður það liklega fram i ágúst. 1
júli og fram i ágúst fyllist hér allt
af Þjóðverjum þvi þá eru sumar-
leyfi Iskólum i Þýskalandi. Núna
er hjá okkur 27 manna hópur af
Þjóðverjum og ég á von á tveimur
hópum i næstu viku. Núna i sum-
ar bættist við litið hús hér við hlið
þessa og þar höfum við svefn-
pokapláss. Þar er sömu sögu að
segja: allt fullt.
Fáir íslendingar
— Er mikið um að Islending-
ar gisti hér?
— Nei, þeir eru sárafáir. Hins
vegar eru fleiri sem gista á heim-
iiinu á Akureyri. A veturna er
nokkuð um aö við hýsum hópa
iþróttafólks utan af landi.
— Rekið þið einhverja starf-
semi hér að vetrarlagi?
— Við höfum ekki haft heimilið
opið fyrir ferðarhenn að vetrar-
lagi fyrr en I vetur leið en það
voru ekki margir sem notfærðu
sér það. Hér er hins vegar rekin
öll félagsstarfsemi Farfugla á
veturna. Erum við með vikuleg
tómstunda- og skemmtikvöld.
— Hvaða reglur gilda um gist-
ingu I heimilinu?
— Heimilið er opið öllum en
þegar mikil aðsókn er ganga fé-
lagar i Farfuglahreyfingunni
fyrir öðrum. Samkvæmt alþjóða-
reglum um svona heimili mega
menn ekki gista hér ler.gur en
þrjár nætur hverju sinni en út af
þessu er þó brugðið þegar ekki er
mikið að gera. Heimilið er lokað
rnilli kl. 11 og 17 á daginn og svo
verða menn að vera komnir inn
kl. 23 á kvöldin þvi þá er húsið
lokað. Þetta er i samræmi við al-
þjóðareglur. 011 áfengisneysla er
bönnuð I húsinu og reykingar á
herbergjum. Þess er krafist af
gestum að þeir taki eitthvað til
hendinni við að sópa gólfin og
taka til á herbergjum áður en þeir
fara á morgnana. Við höfum ekki
farið út i að framreiöa neinn mat
en hér er litiö eldhús þar sem
Georg Classen frá Heidelberg.
gestir gpta mallað sér sjálfir.
Gjaldið fyrir hverja nótt er 200
krónur fyrir félagsmenn en 300
fyrir aðra.
— Reka Farfuglar einhverja
aðra þjónustu við ferðamenn?
— Já, við erum með margar
hópferðir á hverju sumri. Helgar-
ferðir eru um hverja helgi frá
júnibyrjun fram i september og
auk þess eru þrjár lengri sumar-
leyfisferðir. Svo gefum við gest-
um okkar hér upplýsingar um
ýmsa feröamöguleika og aðstoð-
um þá á ýmsan hátt. Þaö má
eiginlega segja að þessi skrifstofa
sé hálfgildings ferðaskrifstofa.
Svo mörg voru orð Helgu.
Þessu næst lögðum við leið okkar
upp á efri hæðir hússins til að ná
tali af og festa á filmu einhverja
af gestum hússins. Svo einkenni-
lega vildi til að allir þeir sem við
ræddum við voru af þýsku bergi
brotnir.
Haraldur
frá Frankfurt
Sá fyrsti heitir Harald Mohrog
stóð hann fyrir utan húsið og var
aö ganga frá bakpoka sinum. Til
landsins kom hann á kosninga-
daginn og kvaðst ætla að dveljast
hér i fjórar vikur. Harald er 19
ára námsmaður og býr I smábæ
um 30 km fyrir sunnan Frankfurt.
Hann ætlar aö freista þess að
komast i háskóla næsta vetur og
stunda nám i læknisfræði en ekki
var hann viss um að hann fengi
inngöngu i skólann.
Við spurðum hvernig hann
hyggðist verja tima sinum hér á
landi. — Fyrt ætla ég til Borgar-
ness en þar á vinkona min sem er
i för með mér pennavinkonu.
Þaðan liggur leiðin norður til
Akureyrar og siðan e.t.v. austur
fyrir til Suðurlands.
Leist ekki á
blikuna
Inni á einu herbergjanna var
Georg Classen að ganga frá rúmi
sinu. Georg er 18 ára piltur frá
Heidelberg og lauk stúdentsprófi i
vor. Hann kveðst hafa fullan hug
á frekara námi en herskyldan
kallar. Ekki ætlar hann þó að
taka hana út innan vébanda hers-
ins heldur sagði hann að þeir sem
mótfallnir væru herþjónustu gætu
unnið timann af sér hjá Rauða
krossinum eða öðrum slikum
stofnunum og ætlaði hann að gera
eitthvað i þá veruna.
Hingað kom Georg fyrir tiu
dögum og verður hér til 19. júli er
hann heldur áleiðis heim með við-
komu á Englandi. Hann var búinn
að vera nokkra daga á Skógum
þar sem hann á vinkonu en þaðan
drógu þýskir vinir hans hann til
Reykjavlkur. Afimmtudag ætlaði
hann til Akureyrar.
Blaðamaður innti hann eftir þvi
hvernig honum likaði við landið
og lét hann vel af þvi. Hins vegar
sagði hann að fyrstu áhrifin hefðu
ekki verið allt of góð. Þegar hann
kom til Keflavikur óaði honum
við þvi hversu landið virtist
gróðursnautt og ömurlegt og ekki
bætti herstöðin úr skák.
Fuglaskoðun
og afslöppun
Oti á gangi hittum við þau
Ileinz Zufallog Ilannelies Ettrich
frá borginni Kassel. Þau komu til
landsins á þriðjudag og voru að
tygja sig til ferðar út á land.
Heinz er liffræðistúdent og
Hannelies nemur sögu. Hann
sagði að tilgangur ferðarinnar
væri fyrir honum að skoða fugla
sem væri honum mikið hjartans-
mál. Hún kvaðst hins vegar bara
ætla að taka það rólega og njóta
lifsins og sumarleyfisins.
— Við ætlum að ferðast norður
i land og reyna að fylgja strönd-
inni. Þegar til Akureyrar kemur
ætlum við að athuga hvort ein-
hverjar rútur fara með ströndinni
um Austfirði. Ef svo er ekki
verður við að leigja bil en það er
svo hræðilega dýrt.
— Af hverju veljið þið fsland?
— Hér er mikið um sjaldgæfa
fugla, segir Heinz, og landslag
fagurt. Og svo höfðum við heyrt
að hér væri færra um túrista en
viða annars staðar.
Og hér lýkur frásögninni af
morgunheimsókn Þjóðviljans I
Farfuglaheimiliö viö Laufásveg.
—ÞH