Þjóðviljinn - 11.02.1983, Blaðsíða 6

6 SÍÐA — ÞJÓÐVILJINN Föstudagur 11. febrúar 1983
„Gullströndin andar”
í húsinu viö Hringbraut við hlið JL-
verslunarinnar hafa margir af yngstu
myndlistarmönnum á
höfuðborgarsvæðinu hengt upp verk
sín, fengið til liðs við sig Ijóðskáld,
tónlistarmenn og fleiri og efnt til
listahátíðar sem gengur undir nafninu
„Gullströndin andar“. Húsið mikla sem
geymir listahátíðina var áður nýtt sem
vörugeymslafyrirSambandið. Þarvar
gríðarlega miklu dóti komið fyrir og
geymt, að því er sumir segja, í nærfellt
þrjátíu ár. Þegartími vannsttil að
sortéra lagerinn var lítið annað að gera
en að aka honum beinustu leið á
haugana eða sú er að minnsta kosti
sagan sem tengist „Gullströndinni",
sönn eða login. í um einn og hálfan
mánuð var Gullströndin í undirbúningi.
Fjölmargir aðilar hafa unnið við
uppsetningu hennar, og meðfram
samfelldri dagskrá sem staðið hefur frá
29. janúar hafa verið gefin út tvö rit sem
innihalda sum ágætustu Ijóð yngstu
skáldaokkar.
Við, Atli ljósmyndari Þjóðviljans og
undirritaður, lögðum einn daginn leið
okkaráGullströndina. Þá voru hlutirnir
farnir að ganga fyrir sig á taktfastan hátt,
sýningin búin að standa í 10 daga og
aðstandendur hennar gátu tekið lífinu með
ró, ólíkt því sem verið hafði fyrstu dagana
þegar menn lögðu á sig ómælda vinnu.
Dagskráin hefur saman staðið af ýmsum
uppákomum á sviði tónlistar, gjörningar
hafa verið framdir, ljóðskáld hafa lesiö úr
verkum sínum, en sýning listmálaranna
hefur verið hinn fasti punktur og viðamesta
efnið á dagskránni. Inn á milli fastra
dagskrárliða hafa tónlistarmenn fengið
tækifæri til að troða upp, og slíkt hafa ófáir
notfært sér. Þannig hefur góð stemmning
náðst kvöld eftir kvöld,.enda oft á ferðinni
hinirágætustu listamenn.
„Nýja málverkið“
Listgagnrýnendur hafa mætt og segja að
„nýja málverkið“, sem svo er kallað, sé
greinilega á uppleið, eigi huga unga
fólksins. Vissulega eru þessi málverk ný,
olíulitirnir vart þornaðir af léreftinu, „nýja
málverkið“ mun samkvæmt kokkabókum
listfræðinnar vera hömlulaus
tjáningarstefna sem sumpart gerir grín að
samtíðinni, varpar jafnvel fyrir róða ýmsu
því sem áður þótti gott og gilt; hún horfi
fram á veginn, láti hið liðna sigla sinn sjó.
Einn þeirra sem h vað ötulast hefur gengið
fram í að koma þessari sýningu á legg, Daði
Guðbjörnsson, var tekinn tali. Hann á
nokkur verk á sýningunni jafnhliða því sem
hann sýnir að Kjarvalsstöðum.
Einhver talaði um að svartsýni gætti í
verkunum?
„Ekki get ég nú fallist á það. Hitt verða
menn að horfa á, að verk myndlistarmanna
endurspegla oft samtímann. Er svo mikil
ástæða til að vera bj artsýnn? Mér finnst
þvert á móti vera furðu mikil lífsgieði í
verkunum. Þeir sem sýna hér gera sumpart
grín að samtíðinni; það vottar jafnvel fyrir
ábyrgðarlausum gáska í þessum verkum."
„Hér sýna menn
á eigin ábyrgð“
Daði er spurður út í það sem fullyrt hefur
verið, að nokkur verk séu vart sýningarhæf.
„Reglan sem við förum eftir hér á þessari
sýningu er einfaldlega sú, að við meinum
engum aðgang. Hér sýna menn á eigin
ábyrgð. Margir þeirra sem eru með verk sín
hérna eru orðnir langþreyttir á viðhorfum
til listsköpunar hér á landi, ekki síst af hálfu
þeirra sem ráða ferðinni varðandi sýningar
í opinberum sýnigarsölum. Styrkir til handa
einstökum sýningum virðast oft vera veitt á
hæpnum forsendum, svo ekki sé fastar að
orði kveðið. Á meðan kirkja fær fleiri
hundruð þúsund til að standa undir sýningu
á verkum með trúarlegri myndlist, fáum við
ekki krónu í okkar vasa sem stöndum hér
að Guttströndinni.
Daði Guðbjðrnsson við nokkur verka sinna á Gullströndinni.
Þrír listamenn eiga hlutdeild í þessum þrem myndum, Sigurður Örlygsson, Ómar Skúlason og Margrét Zóphaníasdóttir. Samvinna af
þessu tagi var algeng meðal súrrealista á árum áður.
Hátíð
unga
lista-
fólksins
Hve margir myndlistarmenn sýna hér?
„Tölur í því sambandi er ekki svo einfalt
að reiðafram.Segjumábilinu 60-70. í
þeim hópi er fólk sem er með verk sem eru á
ystu mörkum skilgreiningarinnar um
myndlist, framleiðendur gjörninga. Allt í
allt munu það vera í kringum 120 manns
sem standa að Gullströndinni, en sú tala er
þó einnig mjög á reiki, því mikið er um
óvæntar uppákomur, þó einkum á sviði
tónlistar. Á einni af neðri hæðunum hér í
þessu ágæta húsi erum við með 200
fermetra sal þar sem tónlistarmenn geta
sprottið fram án margþvældra útskýringa
og látið gamminn geisa. Svo eru einnig
tónlistarmenn sem spilað hafa hér sem
þáttur af fyrirfram ráðgerðri dagskrá, eins
ogt.d. Mikki Pollock og Bubbi Morthens
sem stofnuðu grúppu í því skyni. “
Hvernig hafa svo undirtektir verið?
„Undirtektir hafa verið góðar. Hingað
hafa komið þetta 1500 tíl 2 þúsund manns,
margt af þ ví fólk komið af léttasta skeiði.
Svo eru allmargir sem koma aftur og aftur,
myndast hefur kjarni í kringum þessa
listahátíð eins og aðrar listahátíðar", sagði
Daði.
Þvínæst röltum við í gegnum sýninguna.
Þetta er stórt hús og er sýningin því í
mörgum sölum og á mörgum hæðum. Efst
uppi safnast fyrir eldri listamennirnir, en á
hæðinni þar fyrir neðan eru svo yngri
listamenn, þeir sem nú stunda nám í
myndlistarskólum. Daði bendir á ýmis verk
sem að mati dómnefndar áttu ekki leið inn á
Kjarvalsstaði; kynhvötin virðist hafa
stjórnað penslinum á sumum þeirra, en það
er önnur saga. Þetta er mikil sýning og
vinnan við hana hlýtur að hafa verið mikil.
En um það geta einungis dæmt þeir sem
hafa lagt leið sína á sýninguna.
„Gullströndin andar“ lýkur um helgina,
nánar tiltekið á laugaradagskvöldið.
- hól.