Þjóðviljinn - 17.10.1983, Blaðsíða 13

NY SOKN
Ferðaþjónusta
Fyrst í mark
Kjartan Lárussonformaður Ferðamálaráðs:
Ferðaþjónusta verður að fá aðgang að
stofnlánasjóði
..m BBM..1
Síöast liðin tíu til tólf ár
hefur orðið veruieg upp-
bygging og þróun á þjón-
ustu fyrir ferðamenn og
undanfarin 3-4 ár hefur
fjöldi erlendra ferðamanna
sem hingað kemur aukist
iaisvert. En við eigum enn
langt í land með að geta tal-
ist sambærilegir þjónustu-
aðilar gagnvart hinum al-
menna heimsferðamanni
miðað við hin Evrópu-
löndin, sagði Kjartan Lár-
usson formaður Ferðamál-
aráðs íslands í samtali við
Þjóðviljann nýverið.
„Getan til að þjóna þessu
fólki og viljinn til þess er aftur
Kjartan Lárusson:
Fjárfestingar í
ferðaþjónustu
skilaarðiá
skömmumtíma.
Ljósm. E.ÓI.
Erlendir
ferðamenn
skiluðu okkur
rúmumtveimur
milljörðumí
gjaldeyristekjurá
síðasta ári.
á móti síst minni en annars
staðar, vonandi betri, enda
verður slíkt að vera ef við ætl-
um að ná fótfestu í hinni
hörðu samkeppni um hylli
ferðamannsins. Við þurfum
að taka okkur á á öllum svið-
um, en til þess að byggja upp
atvinnuveg og hraða þróun
hans þarf peninga, og þá vant-
ar í ferðaþjónustuna. Öfugt
við flesta aðra atvinnuvegi, á
ferðaþjónustan mjög tak-
markaöan aðgang að
stofnlánasjóðum. Eini slíki
sjóðurinn sem hægt er að leita
til er Ferðamálasjóður, og
hefur takmarkaða lánagetu og
endurlán erlend frá Byggða-
stofnun.Þaðsem okkur vantar
er hagstæður stofnlánasjóður.
Það þarf nefnilega peninga til
að skapa peninga. Ef allar for-
sendur verða hagstæðar er ég
sannfærður um að ferðaþjón-
usta getur skapað mörg at-
vinnutækifæri á tiltölulega
skömmum tíma með litlum til-
kostnaði, miðað við aðra at-
vinnuvegi. Og þetta er einmitt
það sem þörf er á í íslensku
þjóðfélagi þar sem sýnt er að
hinar hefðbundnu atvinnu-
greinar munu ekki geta annað
þeirri eftirspurn eftir störfum
sem verður á næstu árum.“
2 milljarðar
Hvað starfa margir við ferða-
þjónustu í dag?
„Það er því miður ékki vitað
nákvæmlega, en við teljum að nú
vinni um 5 þúsund manns beint
og óbeint við ferðaþjónustu á ís-
landi. En það er mjög misjafnt
hvernig þetta er reiknað. Þessi 5
þúsund ársstörf gáfu af sér á síð-
asta ári rúma 2 milljarða í tekjur í
erlendum gjaldeyri, sem er um
2,5% af vergri þjóðarfram-
leiðslu.
Það virðist hafa orðið aukning
á fjölda erlendra ferðamanna hér
á landi á milli áranna 1984 og
1985, þannig að þessi tala ætti að
verða talsvert hærri í ár. Erlendir
ferðamenn á íslandi voru rúm-
lega 85 þúsund á síðasta ári.
Fyrstu níu mánuði ársins 1984
voru þeir orðnir 77.093, en á
sama tíma í ár voru þeir 83.773.
Auk þess komu 20.823 með
skemmtiferðaskipum í sumar."
Hvaða þjóðir eru það helst sem
sækja okkur heim?
„Bandaríkjamenn eru þar í
miklum meiri hluta. En það er
svolítið misjafnt hversu lengi fólk
hefur viðkomu hér á landi Stór
hluti Bandaríkjamanna hefur
stutta viðkomu, einn eða tvo sól-
arhringa. Það er þá fólk sem
kemur hér á leið til Evrópu eða
frá Evrópu og heim. Þar á eftir
koma Norðurlöndin ef við tölum
um þau sem eitt land, en einnig
þar erum við með frekar fáa sem
talist geta almennir ferðamenn.
Þar á meðal eru fjölmargir ráð-
stefnugestir og fólk sem er í öðr-
um erindagjörðum en bara að
ferðast og njóta lífsins. Þjóðverj-
ar eru mest áberandi meðal hinna
almennu ferðamanna, en fast á
eftir koma þjóðir eins og Bretar,
Frakkar og Svisslendingar. Hol-
lendingar, Austurríkismenn og
ftalir hafa verið að koma hingað í
auknum mæli á síðari árum“.
Hvað rekur þetta fólk til að
koma til íslands?
„Það er svo margt sem gerir
ísland sérstakt í augum ferða-
manna. Náttúra er falleg og öðru-
vísi en annars staðar í Evrópu.
Kyrrðin, staða landsins hér
norður í Ballarhafi, lítil mengun,
allt spilar þetta saman og gerir
það að verkum að ísland er há-
gæðavara í ferðamannaheimin-
um. fsland er að sumum leyti dýrt
miðað við það sem gengur og ger-
ist í Evrópu. Það liggur að hluta
til í því hve flutningskostnaður til
og frá landinu er hár. En ísland er
sérstakt og fólk er tilbúið að
borga aðeins meira fyrir þessa
sérstöðu, heldur en að fara á sól-
arströnd eða eitthvað því um
líkt.“
Eru það þá bara efnamenn sem
koma til íslands?
„Við erum ekki svo vel settir að
hafa nákvæmlega stéttaskipting-
una á ferðamönnum. En það fólk
sem hefur mikið verið að koma
hingað er það sem mætti kalla
nrillistétt, ■ eða hærri millistétt.
Algengt er að kennarar og annað
menntafólk komi til Islands til
náttúruskoðunar og afslöppun-
ar."
A ferðaþjónusta framtíð fyrir
sér á Islandi?
inni og það er strax betra. Ferða-
þjónusta er líkleg til að skila arði
af fjárfestingum á skömmum
„Tvímælalaust. Stjórnmála-
menn eru aðeins byrjaðir að ,
skilja hugsanlegt gildi ferðaþjón-
ustu sem atvinnuvegar í framtíð-
tíma. Það nrá kannski orða það
þannig ef við notum líkingamál,
að ferðaþjónusta nruni verða
fyrst í mark", sagði Kjartan að
lokum. -gg
Höfum á
bodstól u m
Hraðfrystitæki - með láréttum og lóðréttum
plötum - af ýmsum stærðum, með og án
kælivéla.
Allar stærðir af frysti-kælivélum, stimpil og
skrúfuþjöppur, fyrir R 22 - R 502 og
ammoniak.
Ennfremur öll stýritæki f. kæli-frystikerfi.
Allt frá leiðandi fyrirtækjum.
Framleiðum:
Allar stærðir af lausfrystitækjum.
Allt á einni hendi
Framleiðsla • sala • þjónusta
R
FT
Kæling hf
Langholtsvegi 109 - Reykjavík
Símar 32150-33838
R
wi
Fimmtudagur 17. október 1985 ÞJÓÐVILJINN - SÍÐA 13