Þjóðviljinn - 10.01.1984, Page 9

Þriðjudagur 10. janúar 1984 ÞJÓÐVILJINN - SÍÐA 13
Hjólbörðum er komið fyrir undir enda plankans í vegasaltinu og dregur þannig úr hættunni.
Skemmtileg
útileiktæki
í nýjasta hefti tímaritsins
Sveitarstjórnarmál (nr. 6 1983) er
m.a. að finna skrif um hugmynd-
ir að tveimur nýstárlegum úti-
leiktækjum barna. Onnur hug-
myndin byggist reyndar á göml-
um merg, þe. vegasaltinu, þessu
vinsælasta leiktæki barna fyrr og
síðar, en hér er það gert að mun
öruggara leiktæki en við höfum
hingað til vanist. Hin hugmyndin
er ný af nálinni og gæti jafnvel
flokkast undir nýlistaverk.
Öryggisbúnaður
á vegasölt
í Sveitarstjórnarmálum segir
svo um hiná nýju uppfinningu
varðandi vegasöltin:
„í Hollandi og víðar á megin-
landinu er vegasöltum þannig
fyrir komið, að mun minni hætta
er á hryggskemmdum af völdum
þeirra heldur en ella.
Undir sinn hornenda slárinnar
eða plankans í vegasaltinu er sett-
ur hjólbarði. Hann er þannig
settur í malbikið eða í
steinsteypta undirstöðu, að
meirihluti hjólbarðans er undir
yfirborðinu. í efri hlutanum er
komið fyrir lítilli slöngu, svo
endinn á vegasaltinu dúar mjúkt
og þægilega, þegar komið er nið-
ur og loftið fer úr slöngunni.
Börnunum þykir ennþá
skemmtilegra að sitja vegasaltið,
ef þannig er um það búið, og -
það sem meira er - skemmdir á
hrygg, sem því miður munu oft
fylgja þessu skemmtilega leik-
tæki, eru hverfandi, þegarekki er
hætta á þungum höggum, t.d.
þegar andsetinn sleppir skyndi-
lega eða hrekkur óvænt af sínum
enda.
Hvaða hjólbarðastöð sem er
getur útbúið hjólbarða eins og
hér er lýst, og í hverju sveitarfé-
lagi er unnt að verða sér úti um
fáeinar fötur af steinsteypu, en
það er allt og sumt, sem þarf til að
útbúa vegasaltið eins og að fram-
an greinir."
Nýstárlegt leiktœki
- eða listaverk?
Hitt leiktækið sem greinir frá í
Sveitarstjórnarmálum er upp-
runnið frá Hamborg í V-
Þýskalandi. í Sveitarstjórnarmál-
um segir svo:
„Settir eru upp fjórir eða fleiri
stólpar af einfaldri gerð, og milli
þeirra og út í jarðfestingar eru
strengd stög og á þau fest stór-
riðin net. Staurarnir eru misháir,
svo að lögun netsins minnir á fjöll
og dali, sem fela í sér ómótstæði-
Leiktæki eða nýlistaverk?
lega freistingu til klifurs. Þar sem
hærra er, eru net með stórriðnum
möskvum, en á lágu súlunum eru
höfð net með smáurn möskvum
og ætluð minnstu börnunum.
Venjuleg þorskanet mundu vafa-
laust henta vel í þessu skyni, enda
hafa þau sést á leikvöllum hér á
landi, og víða eru góðhjartaðir
forstöðumenn og starfsmenn á
netaverkstæðum, sem mundu
verða hjálplegir við að útbúa net,
sem hentað gætu í þessu skyni.“
Indverskir grænmetisréttir
Indverj ar eiga ótrúlegt magn af
grænmetisréttum, enda mörgum
Indverjum bannað að neyta kjöts
af trúarástæðum. Hér koma tveir
góðir og nokkuð fljótlegir réttir
frá Indlandi.
Channa Dhal
(kjúklingabaunir í karríi)
350 g þurrkaðar kjúklingabaunir
1 tsk salt
40 g smjör
1 tsk kúminfrœ
1 saxaður, meðalstór laukur
2'/2 sm biti af engifer, saxaður (ef
þið náið ekki í engiferrót má
auðvitað nota engiferduft, þótt
það sé ekki nærri eins bragðmikið
og rótin).
1 tsk túrmerik
V2 tsk kúminduft
1 tsk kórianderduft (best að mala
það úr heilum frækornum)
1 tsk garam masala
V2 tsk chiliduft
1 msk söxuð kóríanderlauf
Kjúklingabaunirnar þurfa að
liggja í bleyti í köldu vatni í 12
tíma fyrir notkun, en að því búnu
eru þær þerraðar vel. Látið
baunirnar í pott með V/2 lítra af
vatni og saltinu. Sjóðið í eina
klukkustund.
Bræðið smjörið í potti og sjóð-
ið kúminfræin í smjörinu í eina
mínútu. Bætið lauknum og engif-
errótinni við og steikið við vægan
hita þar til laukurinn brúnast
ögn.
Blandið saman túrmeriki,
kúmindufti, kóríander, garam
masala og chilidufti ásamt 2 mat-
skeiðum af vatni og hrærið vel
saman. Bætið þessu útí laukpott-
inn og steikið í 3 mínútur- hrærið
vel allan tímann. Þá bætið þið
kjúklingabaununum og vatninu
útí og hitið að suðu meðan hrært
er í. Þegar suðan kemur upp er
hitinn lækkaður og soðið áfram í
hálftíma, eða þar til baunirnar
eru mjúkar. Þá er kryddið athug-
að og bætt meiru útí ef vill.
Hellið öllu í skál og stráið kórí-
anderlaufunum yfir. Dugar
handa 6.
Með þessum baunarétti er gott
að borða kalt salat til að kæla
munninn á milli, en baunaréttur-
inn er nokkuð bragðsterkur. Hér
kernur uppskrift að indversku
jógúrtsalati, mjög fljótlegu.
6 dl hrein jógúrt
V2 agúrka, þvegin og sneidd í
þunnar sneiðar
4 litlir vorlaukar
salt og pipar eftir smekk
V4 tsk paprikuduft
Öllu blandað vel saman og
hellt í skál en síðan er þetta kælt í
ísskáp í minnst klukkutíma.
Paprikuduftinu er stráð yfir rétt
áður en snætt er.
Ekuri
(hrærð egg)
Trúflokkur einn í vesturhluta
Indlands, er Parsee nefnist, hefur
rniklar mætur á þessum eggja-
rétti. Uppskriftiri dugar handa
fjórum.
40 g smjör
1 meðalstór, saxaður laukur
1 sm af engiferrót, saxaðri
grœnn chiliávöxtur (fínsaxaður)
V2 tsk túrmerik
2 msk kóríanderlauf
V2 tsk salt
8 létthrærð egg
4 ristaðar brauðsneiðar
4 tómatar sneiddir í báta.
Bræðið smjörið á pönnu og
mýkið iaukinn og engiferrótina.
Bætið þá chiliávextinum útí
ásamt túrmeriki, IV2 msk af kórí-
anderlaufum og salti og steikið í 1
mínútu.
Hellið eggjunum útí, lækkið
hitann og steikið eggin. Hrærið
vel í þeim á meðan.
Hellið eggjablöndunni yfir
brauðsneiðarnar og stráið kórí-
anderlaufum yfir: Skreytið með
tóinatbátum.