Þjóðviljinn - 28.07.1984, Side 4

LEIÐARI
Stigahlíðar hneykslið:
Davíð hjálpar skattsvikurum
Þaö hefur löngum verið talið eðlilegt að lóð-
um sé úthlutað til íbúa sveitarfélaga í samræmi
við félagslegan jöfnuð og lýðræðislegar regl-
ur. Þessi stefna var þverbrotin þegar Davíð
Oddson og Sjálfstæðisflokkurinn ákváðu að
beita uppboðslögmálum markaðskreddunnar
við úthlutun á Stigahlíðarlóðunum. Nú fengi
fjármagnið að ráða ferðinni. Lóðirnar yrðu
látnar til hæstbjóðenda. Hinar köldu aðferðir
markaðskreddunnar voru teknar fram yfir lýð-
ræðisleg vinnubrögð.
Forgangur hinna ríku var þó bara einn þáttur
Stigahlíðarhneykslisins. Annar var fólginn í
þagnarskyldunni. Davíð Oddson borgarstjóri
gaf hæstbjóðendum loforð um að algerlega
yrði þagað um nöfn þeirra svo að almenningur
í höfuðborginni fengi ekki að vita hvað hver
þeirra bauð í hverja lóð. Þótt borgarfulltrúar
Alþýðubandalagsins gerðu ítrekaða kröfu um
að leyndinni yrði svipt burt neitaði Davíð Odd-
son á fundi borgarráðs að verða við þeirri sjálf-
sögðu lýðræðislegu skyldu að gefa Reykvík-
ingum og landsmönnum öllum upplýsingar um
málið.
Þjóðviljanum tókst hins vegar að rjúfa þetta
þagnarsamsæri borgarstjórans og hinna nýju
lóðareigenda við Stigahlíð. Blaðið birti nöfn
þeirra sem lóðirnar fengu og kaupverð hverrar
lóðar. Vakti birting þess lista mikla athygli.
Borgarstjóri komst ekki upp með leyndina.
Þegar skattskráin var svo lögð fram í þessari
viku koma hins vegar í Ijós hvers vegna Davíð
Oddsson og sigurvegar uppboðsins höfðu
gert samsærissamning um að þegja um sölu-
verðið. Stór hluti hinna nýju lóðareigenda við
Stigahlíð eru umfangsmiklir skattsvikarar. Á
sama tíma og þeir borga nærri tvær miljónir
fyrir eina lóð gefa þeir upp árstekjur sem eru
svipaðar árstekjum verkamanns eða jafnvel
minni.
Fleiri en helmingur þeirra sem markaðs-
kredduuppboð Davíðs úrskurðaði sigurvegara
í baráttunni um Stigahlíðarlóðirnar eru með
um eða langt innan við 300 þúsund í árstekjur.
Um þriðjungur með innan við 200 þúsund.
Fjórir Stigahlíðarkónganna greiða ekki eina
einustu krónu í tekjuskatt og margir eru með
það sem manna á meðal hefur verið kallað
„vinnukonuútsvar" - þeir greiða minna en 20
þúsund samtals í útsvar til Reykjavíkurborgar.
Davíð Oddsson borgarstjóri hefur því bætt
þriðja þættinum við Stigahlíðarhneykslið og er
sá öllu stærri en hinir fyrri. Það eru ekki bara
markaðskreddur uppboðsins og þagnar-
skyldan sem setja svip sinn á þessa nýju að-
ferð Sjálfstæðisflokksins við lóðaúthlutanir. Til
viðbótar er kerfið sérhannað fyrir skattsvikara.
Gegnum uppboðin og leyndarloforð borg-
arstjórans áttu þeir að geta komið fjármunum
sínum fyrir án þess að almenningur kæmist að
hinu sanna.
Borgarstjórinn í Reykjavík, helsti leiðtogi í
Sjálfstæðisflokknum, beitir sér fyrir nýrri að-
ferð. Hún hefur í för með sér að þeir sem
svikist hafa undan því að leggja fram fé til
almennra framfara í borginni geti fjárfest hinar
skattsviknu miljónir í skjóli leyndarloforðs Dav-
íðs Oddssonar. Hvorki borgarstjórinn né
skattsvikararnir við Stigahlíð áttu von á því að
þetta svindl kæmist upp. Þjóðviljinn fletti ofan
af fyrsta áfanganum og nú leiðir skattskráin
hinn raunverulega tilgang í Ijós.
Stigahlíðarhneykslið sýnir vel hið rétta eðli
markaðskreddunnar og gróðaþjónustunnar
sem hin nýja forysta Sjálfstæðisflokksins hef-
ur að leiðarljósi.
Ó-ÁUT
MomnuiNN
Málgagn sósíalisma, þjóðfrelsis
og verkalýðshreyfingar .
Útgefandi: Útgáfufólag Þjóðviljans.
Ritstjórar: Ámi Bergmann, Einar Karl Haraldsson.
Fréttastjórar: Óskar Guömundsson, Valþór Hlöðversson.
Blaðamann: Áifheiður Ingadóttir, Guðjón Friðriksson, Halldóra Sigurdórs-
óóttir, Jóna Pólsdóttjr, Lúövík Geirsson, Magnús H. Gfslpson, Mörður
Ámason, Súsanna Svavarsdóttir.Víöir Sigurðsson (íþróttir).OssurSkarp-
hóðinsson-
Ljóamyndir: Atli Arason, Einar Karlsson.
Útllt: Bjöm Brynjúlfur Bjömsson, Svava Sigursveinsdóttir, Þröstur
Haraidsson.
Handrita- og prófarkalestur: Andrea Jónsdóttir, Elías Mar.
Framkvæmdastjóri: Guðrún Guðmundsdóttir.
Skrifstofustjóri: Jóhannes Harðarson.
Skrifstofa: Guðrún Guðvarðardóttir.
Auglýsingastjóri: Ólafur Þ. Jónsson.
Auglýsingar: Margrót Guðmundsdóttir, Ragnheiður Óladóttir, Anna
Guðjónsdóttir.
Afgreiðslustjóri: Baldur Jónasson.
Afgreiðsia: Bára Sigurðardóttir, Kristín Pótursdóttir.
Sámavarsia: Ásdis Kristinsdóttir. Sigríöur Kristjánsdóttir.
Húsmóðir: Bergljót Guðjónsdóttir.
Bílstjóri: ólöf Sigurðardóttir.
Innheimtumaður: Brynjólfur Vilhjálmsson, ólafur Björnsson.
Útkeyrsla, afgreiðsla, auglýsingar, rltstjórn:
Síðumúla 6, Reykjavík, sími 81333.
Umbrot og setning: Prentsmiðja Þjóðviljans hf.
Prentun: Blaðaprent hf.
Verð í lausasölu: 22 kr.
Sunnudagsverð: 25 kr.
Áskrlftarverö á mánuði: 275 kr.
4 SÍÐA - ÞJÓÐVILJINN Uugardagur 28. júlí 1984