Þjóðviljinn - 15.11.1984, Qupperneq 5

Kirkjuþing
Atak í öldrunarþjónustu kiikjunnar
Átak í öldrunarmálum kirkjunn-
ar, undirbúningur kristnitökuaf-
mælis árið 2000, aðgerðir kirkju
og safnaða til lausnar dagvist-
unarvanda barna, ráðning
sjúkrahússpresta, skýrsla Al-
kirkjuráðsins um einingarmál,
lækkað orkuverð til kirkna og ekki
síst frumvarp um starfsmenn
þjóðkirkjunnar voru meðal þeirra
mála, sem afgreid voru á 15.
Kirkjuþingi þjóðkirkjunnar, sem
nú er nýlokið.
Alls voru 41 mál á dagskrá
þingsins, sem stóð í 10 daga.
Kirkjuþingsmenn voru 23 úr
öllum kjördæmum landsins.
Verður hér greint frá helstu nið-
urstöðum þeirra málaflokka, sem
fjallað var um á þinginu.
Starfsmenn kirkjunnar
Eitt helsta mál Kirkjuþings var
svonefnt Starfsmannafrumvarp
kirkjunnar. Frumvarpið fjallar
um störf, skyldur og réttindi
hinna ýmsu starfsmanna kirkj-
unnar. Eru þar sett á einn stað
ýmis lög og mörg felld úr gildi,
allt frá 1621, en nýir liðir teknir
upp.
M.a. er gert ráð fyrir ráðningu
ellimálafulltrúa, forstöðumanns
starfsins að Löngumýri og sjúkra-
hússprests, en um þann síðar-
nefnda eru 14 ára gömul lög, en
fjármagn hefur ekki fengist enn.
Auk þess er kveðið á um ráðn-
ingu ýmissa presta í sérþjónustu,
sem nú eru þegar í starfi. Nokkr-
ar aðrar tillögur um starfsmenn
kirkjunnar voru samþykktar,
m.a. að ábyrgðarstörf og verk-
efni kirkjunnar dreifist á sem
flestar hendur. Ennfremur að
sérstakur starfsmaður verði ráð-
inn á Biskupsstofu til að annast
fjármál kirkjunnar. Kirkjuþing
lýsir áhyggjum yfir versnandi
kjörum presta, sem veldur því,
að margir geta ekki gefið sig
óskipta að preststarfinu, heldur
verða að gegna aukastörfum.
Einnig var samþykkt að kanna
stöðu óvígðra launaðra starfs-
manna og rétt þeirra til eftirlauna
og annarra þátta. Hefja skal
undirbúning að sérstakri leik-
mannastefnu kirkjunnar, þar
sem leikmenn fjalli um þau
kirkjumál, sem þá skiptir mestu.
Félagsleg þjónusta
kirkjunnar
Meðal þeirra mála, sem
Kirkjuþing samþykkti, var 5 ára
átak í öldrunarþjónustu kirkj-
unnar, bæði í fræðslu þeirra, sem
þjónustuna veita og þeim til
handa, sem aðhlynningar skulu
njóta. Er gert ráð fyrir að starfs-
maður verði ráðinn í hlutastarf til
skipulagningar þessa átaks.
Lausn dagvistunarvandans er
brýnt mál og kallar á alla aðstoð
kirkju og safnaðanna, sagði
flutningsmaður tillögu um það
efni. Benti hann á að önnur trúfé-
lög, svo sem kaþóiski söfnuðinn
og Ananda Marga rækju dagvist-
ir. Einnig hefur kirkjan um ára-
raðir gefið börnum kost á dvöl í
sumarbúðum. Kanna þarf hversu
kirkjan getur aðstoðað í þessum
vanda foreldra og barna og tekist
á við hann. Nokkur málþing hafa
verið haldin í Skálholti, þar sem
fólk úr ólíkum hópum þjóðfé-
Iagsins hefur fjallað um málefni
dagsins, s.s. þjóðmál, bók-
menntir, friðarmál, myndlist og
hefur sú samræða aukið gagn-
kvæman skilning og haft jákvæð
áhrif.
Kirkjuþing samþykkti að efla
skyldi slfkt starf á vegum kirkj-
unnar, enda er hún meðal fárra
aðila, sem getur boðið til mál-
efnalegrar, hlutlausrar umræðu
um það efni, sem efst er á baugi.
Fjölmiðlun
Árbók kirkjunnar verður
framvegis gefin út. Skal hún fela í
sér gerðir Kirkjuþings, greina frá
helstu málum héraðsfunda,
Prestastefnu og annars funda-
starfs kirkjunnar og miðla öðrum
kirkjulegum upplýsingum. Einn-
ig skal undirbúa Handbók kirkj-
unnar, sem lýsir réttindum og
skyldum starfsmanna hennar.
Kirkjuþing þakkar Útvarps-
ráði að kristilegt efni var sett inn í
bamatíma sjónvarps s.l. vetur,
ennfremur frumkvæði biskups
um samkomulag við starfsmenn
útvarps um birtingu dánartil-
kynninga í nýafstöðnu verkfalli.
Fundurinn fagnar og þakkar
aukinni útbreiðslu og kynningu á
Biblíunni á Biblíuári, en um 20
þús. eintök hennar og önnur 20
þús. eintaka af Nýja testament-
inu hafa farið í hendur almenn-
ings síðan nýja útgáfan kom
1981, sérstaklega þó í ár. Hefur
Almenna bókafélagið m.a. gert
Biblíuna að bók mánaðarins í
bókaklúbbi sínum í ár.
Einn mikilvægasti áfangi í ein-
ingarstarfi Alkirkjuráðsins er
skýrsla, sem byggir á áratuga-
starfi fremstu guðfræðinga um
allan heim og kom út í fyrra. Hef-
ur hún verið þýdd á ísiensku, sem
á flest önnur tungumál hins
kristna heims. Heitir skýrslan, í
þýðingu dr. Einars Sigurbjörns-
sonar, „Skírn - Máltíð Drottins -
Þjónusta". Var skýrslan lögð
fram á Kirkjuþingi og samþykkt
að dreifa henni til sem flestra
kirkjulegra aðila til umfjöllunar,
en til þess er ætlast af Alkirkju-
ráðinu áður en endanleg gerð
skýrslunnar verður prentuð.
Fjármál
Margir fámennir söfnuðir hafa
ekki bolmagn til þess að greiða
rafveitum upphitunarkostnað
kirkna og því liggja sumar þeirra
undir skemmdum. Var biskupi
falið að hefja umræður við ork-
umálaráðherra og leita eftir hag-
stæðari taxta. Einnig var Kirkju-
ráði falið að vinna að ódýrari inn-
heimtu kirkjugarðsgjalda, en rík-
issjóður fær nú 6% inheimtulaun
í dreifbýli en í Reykjavík tekur
Gjaldheimtan 1%.
Tvær tillögur voru samþykktar
um skattamál. Fjallaði önnur um
að láglaunafólk mætti nýta ónýtt-
an persónuafslátt til greiðslu
kirkjugjalda en hin að þau heim-
ili, þar sem aðeins annað hjóna
vinnur utan heimilis, oft vegna
umönnunar barna og sjúkra, beri
ekki skarðan hlut frá borði í
skattamálum, eins og nú er.
Samþykkt var á Kirkjuþingi að
réttur til útgáfu á eftirmyndum
eða öðru myndefni af kirkjuhús-
um skuli vera í höndum forráða-
manna hverrar sóknarkirkju,
þannig að einstaklingar eða
samtök geti ekki hagnýtt sé slíkt í
ágóðaskyni.
-mhg
I
Tímarit
Hesturiim okkar
Gestakomur
Feröamannaþjónusta
Samtök á Norðurlandi
Þriðja tbl. Hestsins okkar,
tímarits Landssambands hesta-
mannafélaga, er nýkomið út. Þar
skrifar Jón Steingrímsson ritstjór-
aspjall og ræðir um skráningu
hrossa í mótskrár hestamann-
amótanna, sem hann telur aö
þurfi endurbóta við.
Þá er sagt frá fjórðungsmótinu
á Kaldármelum, kynbótahrossa-
og góðhestasýningum á Fornu-
stekkum, gæðinga- og unglinga-
keppni á Kaldármelum. Berglind
Hilmarsdóttir hjá Rannsókna-
stofnun landbúnaðarins skrifar
um beitarrannsóknir með hross.
Halldór Pétursson skrifar
greinina Samfélag manns og
hests og segir þar frá föður sín-
um, Pétri Sigurðssyni á Geira-
stöðum í Hróarstungu og hesta-
mennsku hans, en Pétur var ann-
álaður hestamaður austurþar. Þá
er og grein um rafgirðingar og
orðsending frá ritstjórn.
Fjölmargar myndir eru í ritinu,
bæði í lit og svarthvítu.
-mhg
Fjórðungsþing Norðlend-
Inga beinir því til sveitarfélaga
í landshiutanum að gefa betri
gaum þeim möguleikum, sem
felast í þjónustu við ferða-
menn. Ættu sveitarfélögin að
veita upplýsingar um byggðar-
lögin og ferðamöguieika innan
þeirra.
Nú eru í undirbúningi á Norð-
urlandi samtök þeirra, sem vinna
þar að ferðamálum. Eru væntan-
leg samtök hvött til þess að halda
áfram útgáfu bæklingsins „Nor-
thern Iceland". - Fjórðungsþing-
ið vísar til fyrri samþykkta um að
veittir séu styrkir úr Ferðamála-
sjóði til að skipuleggja ferðamál í
landshlutunum. - mhg.
ÞJÓÐVILJINN - SÍÐA S