Þjóðviljinn - 03.05.1985, Blaðsíða 2

FRÉTTIR
TOR^J
Ratsjármálið
Herstöðvaandstæðingar
einangraðir í Framsókn
Steingrímur J. Sigfússon: Málinu engan veginn lokiðþvíheimamenn
eiga eftir að segja sitt síðasta orð. Framsóknarflokkurinn hefur ekki
áhuga á að hindra uppbyggingu vígbúnaðarins.
Nei, og ég vil leggja áherslu á að
málinu er alls ekki lokið af
minni hálfu og þaðan af síður af
hálfu þeirra heimamanna ann-
arra sem andvígir eru uppsetn-
ingu ratsjárstöðvanna. Það er óf-
rávíkjanleg krafa að tekið verði
tillit til heimamanna áður en
endanleg ákvörðun verður tekin,
sagði Steingrímur J. Sigfússon al-
þingismaður er Þjóðviljinn ræddi
við hann í gær að aflokinni at-
kvæðagreiðslu um ratsjárstöðvar
á Alþingi.
„Ríkisstjórnin á að beita sér
fyrir því að kanna vilja heima-
manna og menn geta áreiðanlega
náð samkomulagi um fram-
kvæmd slíkrar athugunar. Fyrir
liggur andstaða í ákveðnum
sveitarfélögum, bæði hreppsyfir-
valda og almennings.
Hverjar sem lyktir þessa máls
verða, hefur það þó orðið til þess
að fjöldi fólks víða um land hefur
farið að hugleiða hvert stefnir í
vígbúnaðarkapphlaupinu.“
„En er ekki ríkisstjórnin ráðin i
að reisa stöðvarnar hvað sem
hver segir?”
jJ’að er að minnsta kosti ljóst
að Famsóknarflokkurinn hefur
ekki áhuga á að koma í veg fyrir
það. Ég hef raunar þá trú að ríkis-
stjórnin hefði sprungið ef Geir
Hallgrímsson hefði ekki fengið
að fara sínu fram. Atkvæða-
greiðslan er líka vitnisburður um
það hve einangraðir herstöðva-
andstæðingar eru í forystuliði
Framsóknarflokksins. Ég held að
forsætisráðherra og sjávarútvegs-
ráðherra hafi fyrir hönd Fram-
sóknarflokksins þegar í fyrra vet-
ur verið búnir að taka ákvörðun
um að standa að byggingu rat-
sjárstöðvanna".
„Má reikna með að skipuieg
andstaða heimamanna verði nú
tekin upp í ríkari mæli en verið
hefur?”
„Ég tel það bæði rétt og skyldu
þeirra sem hafa aðrar meiningar
um það hvernig þeirra landi skuli
ráðstafað að láta ekki traðka á
sér, að reyna að ná fram rétti sín-
um. Það er rétt að leggja áherslu
á, að mannvirkjagerð þarf að fara
í gegn um stofnanir og nefndir
sveitarfélagsins, eins og byg-
ginganefnd. Hinsvegar er auðvit-
að allsendis óvíst að utanríkisráð-
herra telji sig þurfa að viður-
kenna sveitarstjórn. Hernámið
setur sér sín eigin lög“.
hágé
Ritstjórnarfundur á NT í gær, frá vinstri eru Egill Helgason, Heiður Helgadóttir, Guðmundur Hermannsson,
Sverrir Albertsson fróttastjóri, Árni Bjarnason, Árni Þórður Jónsson og Guðlaugur Bergmundsson.Ljósm. E.ÓI.
Fleiri hætta á NT
Mikil ólga er ennþá á NT og í
gær munu þrír starfsmenn í við-
bót hafa sagt upp störfum, einn
fréttastjóri og tveir starfsmenn
erlendu fréttadeildarinnar. Enn
er alls óvíst um framtíð blaðs-
ins. Samkvæmt heimildum
Þjóðviljans hefur blaðstjórn
ákveðið að freista þess að skera
niður útgjöld blaðsins um 300
þúsund á mánuði. Ein af ástæð-
unum fyrir því að í odda skarst
með Magnúsi Ólafssyni, fráfar-
andi ritstjóra, og blaðstjórn var
einmitt að Magnús neitaði að
leggja fram tillögur að niður-
skurði.
Innan Framsóknarflokksins
er víða nokkur óánægja með
aðförina á hendur Magnúsi,
einkum meðal yngri manna,
þar sem Magnús nýtur trausts
fyrir störf sín. Ungir Framsókn-
armenn munu áforma að senda
sendinefnd á fund Steingríms
Hermannssonar til að mótmæla
ástandinu. í morgun hélt
Steingrímur fund með blað-
stjórninni um málið.
-ÖS
Borgarnes-dagar ’85
Borgfirðingar kynna sig
Glæsileg sýning áframleiðslu, þjónustu og menningu Borgarness og
Borgarfjarðar opnuð í Laugardalshöll ígœr
Ígær var opnuð í Laugardals-
höll glæsileg sýning á fram-
leiðslu, þjónustu og menningu
Borgarness og Borgarfjarðar.
Það var Gísli V. Halldórsson for-
maður sýningarstjórnar sem opn-
aði sýninguna með tölu.
Hann sagði að 21 aðili tæki þátt
í þessari sýningu sem nefnist
„Borgarnes-dagar ’85”. Hin fjöl-
mörgu iðnaðarfyrirtæki sem
starfa í Borgarnesi sýna fram-
A Imannatryggingar
leiðslu sína, þá er ferðamanna-
þjónusta þeirra Borgfirðinga
kynnt, sem og menningarmál
héraðsins, myndlist, söngur,
hljóðfæraleikur og síðast en ekki
síst leiklist.
Aldraðir fá 1255 kr. hækkun
Elli- og örorkulífeyrisþegar
hafa nú fengið nokkra
leiðréttingu sinna mála, því frá og
með 1. maí hækka bætur
almannatrygginga um 7%, en
tekjutrygging og heimiiisuppbót
um 12%. Þetta jafngildir 1255
króna hækkun fyrir einstaklinga
mcð fulla tekjutryggingu og
heimilisuppbót. Greiðslan til
þeirra verður nú 13.523 krónur í
stað 12.268 króna,
Á þriðjudag tilkynnti
heilbrigðis- og
tryggingaráðuneytið þessa
hækkun, sem kemur til
framkvæmda við næstu greiðslu
bótanna, 10. maí. Eflaust má
rekja hækkunina nú til þeirra
upplýsinga kjararannsókna-
nefndar frá fyrri viku, að
kaupmáttur ellilífeyrisþega hafi
aldrei verið lægri en hann er nú.
Á alþingi liggja margar
fyrirspurnir fyrir ráðherra vegna
þessa ásamt tillögu um 20%
hækkun bótanna strax. -ÁI.
Gísli sagði að undanfarin miss-
eri hefði orðið fólksfækkun í
Borgarnesi eftir verulega fólks-
fjölgun árin þar á undan. Þessari
þróun sagði hann Borgnesinga
ákveðna í að snúa við og væri
þessi sýning liður í að efla og
treysta atvinnulífið í Borgarnesi,
sem væri undirstaða þessa að
hægt væri að snúa þróuninni við.
Sýningin verður opin í dag,
föstudag frá kl. 18.45 til 22.00 og
laugardag og sunnudag frá kl.
14.00 til 22.00.
Þess má geta að Leikdeild
UMF Skallagríms í Borgarnesi
mun sýna leikritið „Ingiríður
Óskarsdóttir” eða „Geiri djók
snýr heim eftir alllanga fjarveru”
eftir Trausta Jónsson veðurfræð-
ing í Austurbæjarbíói í dag 3. maí
kl. 20.30 og aftur kl. 23.30.
Haraldur Ólafsson greiðir ekki
atkvæði. Hann er að vísu á móti
ratsjárstöðvunum en hann er
líka í sama flokki og Söiunefnd-
in.
Húsnœðislán
Misskilningur
um gjalddaga
F-lánfalla ígjalddaga
1. maí en eftirleiðis
gefstfólki kostur á að
fjórskipta greiðslum
Fyrr í vetur var
skuldunautum Húsnæðisstofnun-
ar ríkisins send bréf þar sem þeim
var boðið upp á að fjórskipta
greiðslum, sem hingað til hefur
verið aðeins einn gjalddagi á. Nú
1. maí, en þá falla F lán í
gjalddaga hafa margir orðið hissa
á að fá gíróseðla upp á alla
afborgun lánsins en átt von á að
skiptingin tæki gildi strax.
Jens Sörensen hjá veðdeild
Landsbankans sagði að talsvert
hefði verið um misskilning af
þessu tæi. Hins vegar hefði verið
skýrt kveðið á um það í bréfi
stofnunarinnar að frá og með
næsta gjalddaga gæfist kostur á
að skipta afborgunum. Nú væru
menn hins vegar að greiða fýrir
tímabilið 1. maí 1984 til 1. maí
1985. Hann kvað fyrstu afborgun
fyrir næsta tímabil vera 1. ágúst
nk. og svo koll af kolli á 3ja
mánaða fresti.
Jens sagði að nokkuð væri um
vanskil á húsnæðislánum en ljóst
væri að vanskil hjá bönkunum
væru mun meiri. Hann taldi
sennilegt að skil bötnuðu eftir að
fólki gæfist kostur á að dreifa
greiðslum yfir allt árið.
-v.
Mannshvarf
Lýst eftir Reyni
S. FriögeirssyrÁ
Lögreglan í Hafnarfirði lýsir
eftir Reyni Smára Friðgeirssyni
en ekkert hefur til hans spurst síð-
an 13. aprfl sl. Þá fór hann út frá
bróður sínum, en daginn eftir
fannst bifreið hans uppí Hval-
fjarðarbotni þar sem henni hafði
verið ekið útaf.
Reynir Smári er 27 ára gamall,
175 sm að hæð. Þeir sem kynnu
að hafa orðið Reynis varir eru
beðnir að gera lögreglunni í
Hafnarfirði viðvart.
-S.dór.
2 SÍÐA - ÞJÓÐVILJINN